فل تثلج❄️مكتملة❄️

❄️الجزء 178❄️

#الجزء_178
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

واقفة فالكوزينة كاتقضي شغالها و مرة مرة كادوز يديها على كرشها حاسة بالوجع قاهرها واخا هكاك عاصة على لسانها و مكملة ... واخا ما مبزز عليها حد نفسها ما مخلياهاش ... وقفات وراها باست ظهرها و عنقاتها حاطة راسها عليها ...

تبسمات ردات راسها للور، وحطات يديها فوق يديها لي مدورين عليها ...

ساندية : الحنينة و خرجات من البيت واخيرا !
جيلان : توحشتيني ..
ساندية : بزاف ! كملتي مراجعة ؟ صافي رتاحيتي .. كلشي لاصق ؟
جيلان : ان شاء الله خير
ساندية : ان شاء الله، درتي لي عليك ولي جات من عند ربي مرحبا بيها ..
جيلان :ان شاء الله (زيرات عليها) ولكن كملت وعييت وبغيت ننعس ...
ساندية : (تبسمات) و نعسي ! حتى نفيقوك منين يرجع ارون ..
جيلان : ما غاديش نقدر نعس وراها و هاني بتت فايقة ..
ساندية : منين هاكا صافي كابري ..

ضربها الضو خلاها تحط يديها تحت كرشها وهي مزيرة على عينيها .... وفلتات ليها اه من فمها زيرات وراها شفايفها ..

جيلان : م مالك ؟
ساندية : ماليش ا ماما ، انا بيخير ..

دوراتها لعندها ...

جيلان : كيفاش ما مالكش ؟
ساندية : غير وجع عادي ، المهم انا درت ازير يبرد شوية و نشربو ...

عقدات حجبانها مخلوعة، طفات على البوطة وجراتها للصالة الصغيرة جلساتها وهي شادة فيديها ...

ساندية : جيلو !
جيلان : لا ما كاين لا جيلو لا والو .. جلسي ورتاحي ...
ساندية : والله حتى عادي .. (زيرات على عينيها) غالبا تعطلات ها هي جايا محيحة ...
جيلان : واش ليغيكل ؟
ساندية : (تبسمات) هي ..
جيلان : (علات حجبانها) متأكدة !
ساندية : ع علاش ؟ اش غا يكون من غير ؟
جيلان : ما عرفتش .. حسيت بحال ايلا ممكن تكون حلمتي ناوية تحقق حيت تعطلات عليك وحنا موالفة تجينا قد قد (تنهدات) قلبي مشا وجا ...

تبسمات واخا ما عاجبهاش الحال تسمع كلامها، ماشي على قبلها، على قبل خوفها لي قاهرها ... ونطقات مطمناها ..

ساندية : لا راه كانشرب البيلول، ما تخافيش واخدين احتياطاتنا ...
جيلان : واش تقدري ديري تيست ؟ زعما نتأكدو ...
ساندية : ابنتي !
جيلان : (قاطعاتها) عفاك، ولا ياله نمشيو للطبيب ..
ساندية : اويلي الطبيب على قبل وجع عادي ... ما تخافيش غادي تفوت ..
جيلان : على قبل وجع عمرو جاك ..
ساندية : (تبسمات) خايفة عليا ؟
جيلان : (هزهزات راسها) بزاف، هادشي خلعني ... وجهك صفر، الوجع خايب من قبايلة ونتي تهزهزي فرجليك ... راه خاصك الطبيب ، يقدر ما يكونش داكشي لي فبالي ولكن راه ماشي حاجة طبيعية تسكتي عليها ...

ردات راسها اللور كاتوجع وراسها كايدي ويجيب ...

ساندية : ان شاء الله ما يكون غير الخير .. ايلا ما فاتتش هاد النهار غذا نمشيو انا وياك للطبيب ..
جيلان : وعد ؟
ساندية : وعد .. ما تخافيش ، ما عندو ما يكون ...
جيلان : (عضات على شفتها وهي كاتشوف فيها عازة عليها) واش الحمل كايدير هادشي ؟
ساندية : جيلان، راه الوجع ديال ليغيكل ... ما تحصريش راسك غير فخوفك ...
جيلان : ولكن ليغكل عمرها دارت ليك هاكا
ساندية : ما كايعنيش ما يمكنش ديرها ! .. كانشرب البيلول فوقتها ... ما عمري قطعتها ما عمري نسيتها .. صافي عارفة بلي ما كاينش حمل ..
جيلان : و ما نعرف انا رونوني البوسطات لي كانقيل نشوف