#الجزء_139
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
خرجو الطباسل للجامع وبقاو فالدار كايتسناو غير عثمان و بهاء يجيو باش يتغداو جميع ...
الجو عادي، كايحاول يتفاداو السيركوي لي دايز ... كايتعاملو مع هاينة بحال ايلا ماشي مهم لي سمحات فيهم و زادت مع الطريق، مرتاحين فشوفتها مرا لابراهيم ... وعاطيينها الحق تعامل معاهم بحال ولادها ، واخا كاتجي ثقيلة ففمهم يقولو ليها خالتي ، واخا شهوتهم يضحكو معاها و يعبرو كابتين شهوتهم حتى يحن مولانا .
جالسين فالصالة مجموعين كايهضرو من هنا للهنا ، ابراهيم مع ارون وحبيب ... وميسان خايدة كاتدي و تجيب مع جيلان، كايزيدو يتعرفو على بعضياتهم اكثر باش يوليو صحابات مهما انهم ولاو عائلة ...
والبنات بثلاتة فالكوزينة ... حلفات لا هي جلسات ولا عطات لراسها الراحة ... عزات عليها ساندية النهار كامل وهي واقفة ...
غير سمعو صوت السرسار فالباب بداو كايحطو اللحم و الخضرة فوق كسكس ... و ريا خرجات الطباسل و المعالق حطاتهم فوق الطبلة .
وقفات كاتشوف فعثمان وهي حشمانة .. لوحات ليه بيديها ودخلات كاتجري للكوزينة ...
ساندية : مالك تزنݣتي ؟
ريا : همم ؟ لا والو !
ساندية : (صغرات فيها عينيها المجبدين) عليا انا !
ريا : غ غير شفت عثمان وصافي !
ساندية : سبحان الله .
هادية : اجي نسيت ما نسولك
ريا : (قاطعات هضرتها) والله ما درنا شي حاجة !
علاو حجبانين ما فاهمين مالها ..
هادية : ها !
ريا : (تمتمات) ك كنتي غادي تسولي على فين بقيت لبارح ! داتني عيني فالجردة ! وهو كان حدايا .. داكشي علاش خفت عقلكم يمشي بعيد
هادية : (ضحكات) وسيري حطيها لخوك فوذنيه حتى يقلب عليا وعليك
ساندية : على مالك نتي !
هادية : (بتعلتم) د داتني عيني و بهاء فالبيت ..
ساندية : (بصدمة) يا ختي لا نتوما فيكم شي دودة باقي ما اكتاشفوها ...
ياله بغاو يدخلو للصالة وقفو مسمرين قدام بعضياتهم ... ملامح الصدمة ترسمات على وجوهمم منين سمعو صوت الحاج .
بهاء : (بعدم تصديق) سبحان الله غير صوت الحاج !
حبيب : (تبسم وهزهز راسو كايأكد ليه) جاو يطللو على هادية ..
بهاء : (شاف فعثمان) شاخدة اولد عمي .
عثمان : (شداتو الضحكة) عمي عمرو غايبدل هاد القاعدة .
بهاء : ما حدها خدامة لاش يبدلها ؟
شد فيديه وجرو معاه باش ما يجيش بوحدو فوجه المدفع، وقفو كايشوفو فيه وشادين الضحكة ... قبل ما يهضر هو ناضت هاينة طايرة لعندهم ...
هاينة : الله اسيدي ربي اش هادشي (خرجات عينيها) شواقع ؟
شدات فيد عثمان و حطات يديها الثانية على الضربة لي عندو فحاجبو ... دوزات صبعها وهي كاتبكي... ونطقات بعتاب ..
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
