#الجزء_156
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
نزل من السيارة ووقف مع هادية لي حمدات ليه السلامة وطلع مخليهم بجوج ... تقابلو مع بعضياتهم وكلها مركز شوفاتو فعينين الطرف لاخر ، ما محتاجينش كلام عينيهم كاتقول كلشي .
منين شافها ساكتة عارف ما غاديش تهضر ايلا ما فتحش ليها الطريق ...
بهاء : هاديك امولات الشي ... خارجة بلا تلفون .. ياك لاباس !
هادية : (تبسمات بذبول) كنت محتاجة نجلس بوحدي و نقاد مخي ..
بهاء : (شد وجهها بيديه بجوج) وتخلي ليا مخي مقلوب ؟ ياك لاباس ؟
هادية : (حطات يديها على يديه) غير تخربقت بهادشي لي وقع و كانحس بالضعط .. راك عارفني كانتوتر فالمناسبات .. سمحلي حيت شوشتك ..
بهاء : ما كاين لاش ... ديري للما منين يدوز وان شاء الله كلشي غادي يكون كيما تمنينتي وكثر ... و (باس راسها) مسامحين .. انا ما كانهزش فقلبي من جيهتك .
هادية : لهلا يخطيك ..
بهاء : (تبسم مكمل هضرتو) وحتى هادشي لي وقع غا باش يزيد الحب بيناتهم، الحمدلله فاتت ...
هادية : الحمدلله ... (بتردد) كنتي عارف ؟
بهاء : اش ؟
هادية : لي وقع ! علاش منين سولتك قلتي الله اعلم ؟
بهاء : و طبيعي نخبع عليك قدام ختك... واش عارفة الاحراج لي كنت غادي نسبب ليها كون قلت ليك شنو وقع قدامها... ؟
هادية : ولكن علاش بقيت انا بوحدي كي الشيخة الصمكة ؟
بهاء : يمكن حيت كاتهز ليك الهم كيما كاديري نتي !
هادية : واش انا شكيت ؟
بهاء : الاهتمام كايتعطا بلا ما يتطلب ... (تنهد) هادية ! واش هوما شكاو عليك باش تخممي ليهم ؟
هادية : الا ..
بهاء : ايوا صافي ما شبهوش فشي حد غريب ... (مسح دميعاتها) بلا ماتزيدي تعقدي الامور ... لي فيها كافيها .. و باش تتخطاها خاصها وقت ، ما تزيديهاش بهمك حتى نتي .
هادية : (تنهدات) واخا نبغي ما نقدرش ، اصلا انا ما خرجت غا باش ما تزيدش على ما بيها.
بهاء : هكاك الله يرضي عليك .. (تبسم) وماشي عاد غادي نجي نوريك فهادشي ... راك نتي لي ربيتيها ...
هادية : واخا هكاك ما بقيت كانعرف فيها والو.
بهاء : لواه، ما كنتش عارفاك مغيارة لهاد الدرجة ، هادشي كامل غير حيت قالت لعثمان و ما قالتش ليك .. دابا هي عارفة انا كانقولك بزاف ديال الهضرة و قلة الحيا تا هي قالت ما نزيدش نكثر عليها حتى تسوطا ..
هادية : (حبسات الضحكة) لواه !
بهاء : خليها تطلق معاه ... حيت نهار نديك غا نسد عليك و ما تلقاش معامن غيرو
هادية : (بلعات ريقها) ان شاء الله
بهاء : (دوز يديه على راسو) ضحكي ومولاها ربي ..
هادية : (تبسمات) هانتا !
بهاء : مزيان ...
هادية : (تنهدات) ياله تطلع ...
بهاء : قوليلي سير قبل ما نعس فالطريق .. باغي غير نحط راسي على الوسادة
هادية : وسير ترتاح
بهاء : (غوت على غفلة قفزها) ياك ! كاتجري عليا !
هادية : وليني وحلة معاك
باس راسها ...
بهاء : الله يسامح ... ياله نزلي سيري ترتاحي حتى نتي ...
هادية : خليني نتسنا معاك عثمان .
بهاء : خليه يشد طاكسي انا غادي
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
