فل تثلج❄️مكتملة❄️

❄️الجزء 161❄️

#الجزء_161
#الفـــصــل_التالث : #دعيها_تثلج
#Let_It_Snow ❄️ 
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

القاعة عمرات و الضياف وصلو .. الحباب الصحاب و حتى المعارف .. كلشي جا باش يشاركهم فرحتهم ..

الجوق خدام مع كل واحد دخل ... كايرحب بيه بالطبل و المزمار ... وفالباب كان واقف جوج ديال الرجال .. واحد هاز طبق ديال التمر معمر بالݣركاع و الوز .. و الثاني صينية فيها كويسات صغار ديال البلاستيك و قرعة ديال الحليب منسم بالزهر ... لي كايوقف عليهم كايعطيوه صوابو .. عاد كايدخلو ... باش يلقاو فالاستقبال حبيب وميسان ...

ميسان : وتبارك الله شحال ديال الناس!
حبيب : و مزال الخير !
ميسان : الله الله ! ما نقدر نشطح فراحتي دابا !
حبيب : وداكشي لاش دارو لبارح ليلة ديال العيالات .. باش ما تشطحيش على راحتك دابا .. عيب ..
ميسان : (ردات شعرها ورا وذنيها ونطقات بسخرية) كاتغير عليا ! هاي هاي هذا ما هو هذا  ...
حبيب : (ببرود) اه !

خرجات عينيها على وسعهم و حنحنات ...

ميسان : نعم ! ه لا ويلي ! م ك كيفاش ؟ لا انا ما كنتش موجدة لهاد الجواب !
حبيب : (تبسم) ومنين ما قاداش على الحاجة اش رماك ليها ؟
ميسان : غير كانضحك معاك !
حبيب : حتى انا !
ميسان : ي ياك ديال بالصح !
حبيب : (شاف فيها) عمري كذبت عليك ؟
ميسان : الا !
حبيب : ايوا صافي انا غير بغيت نشوف حدود الزعامة عندك !
ميسان : هوما بعاد غير خاصني نكون موجدة وصافي... ولي تعلمني !
حبيب : واخا ..
ميسان : (حنحنات) اسي اثير بهاد المناسبة العظيمة .. لي فيها توحدو جوج ديال القلوب بغيت نقولك شي حاجة ..
حبيب : كانسمع ..

وقف عليهم ضيف رحبو بيه عاد دار شاف فيها ...

حبيب : اهاه قولي !
ميسان : ولا صافي راني قلتها ليك من بعد !
حبيب : فرحانة حيت كاع الطريق فيهم انا ؟
ميسان : بزاف ! ونتا ؟
حبيب : (هزهز راسو وهو منزل شفتو التحتانية) حتى انا ..
ميسان : ياختي شكون ما يفرحش حيت انا فحياتو ؟
حبيب : هههههههههه غا لي بعقلو ..

**

شداتها البكية وهي تخرج للجردة و شدات واحد القنت ... ما ساخياش بيها، اقرب من اخت، هي راها الكبدة، وماشي ساهل الفراق ... لي مخليها تستغرب هو فاش كانت غادي تزوج بنزار ما كانتش حاسة بهاد الاحاسيس ... بحال ايلا كانت عارفة داكشي ما غا يكملش ...

بكات حتى تفشات عاد هزات راسها كاتنش على وجهها ، وقغ حداها ومد ليها كلينكس ... خداتو من عندو وهي شادة البكية بالزز ، شفتها السفلية نازلة وكاترعد .

بهاء : غير تزوجات ماشي صافي ما بقاتش معاك !
هادية : واخا هكاك قاصحة ! (تنهدات) الحمدلله على كل حال ..
بهاء : ما نخليكش تبقاي فالدار بوحدك بزاف ، من دابا شهر نعقدو حتى حنا !
هادية : (شافت فيه جنب) لاواه !
بهاء : معاك بالصح ! شبغيتي نبقاو نطولو نديرو ؟
هادية : ماشي نطولو ولكن...
بهاء : شنو ولكن ؟ انا من نهار عرفتك نويتك للزواج ! و ها حنا كملنا عشر شهور وحنا مع بعضياتنا .. فين زايدة بالتعطال ؟
هادية : واخا نأجلو الهضرة فهادشي ؟ (تنهدات وشدات فيديه) ماشي ما باغاش نتزوجو غير كلشي مجموع عليا .. خليني نترخف و نعقدو حتى لاغد ليه .. حتى انا ما عاحبنيش الحال، مصاحبين فالسر، و خبي و حشم ... بغيت الحلال باش نتهنا ..
بهاء : (باس جبهتها) حنا ما مصاحبينش ... حنا مزوجين فالسما !
هادية : (تبسمات) ايه هاديك ...