#الجزء_130
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
الحزن فالقلب ولكن الحياة ما كاتوقفش .. الوقت كايجري و الواحد خاصو يجري معاه ... دازو يومين بحال لي قبلهم، كايحاولو يتجاوزو صدمتهم .... حتى حاجة ما كاتبقا على حالها، وسبحان لي يصبحها فشان و يبيتها فشان ...
وصلات قدام باب الاذاعة، قادات طموبيلتها، نزلات المراية لي قبالتها كاتأكد من انو حالتها هي هاديك ... هزات صاكها و نزلات ، غير لمحات بهاء واقف كايهضر مع ايمن و خايد كايعبر بيديه و يشرح من نيتو ، تنهدات مبتسمة، سهات فيه لوهلة وهي كاتشوف و فنفسها كاتحمدالله لي لقاها بواحد بحالو، فعينيها راه كامل مكمول، لا من ناحية الشكل ولا المضمون ... ديما فجنبها و ساندها من نهار عرفاتو ... و لا اردايا عقلها مشا غير لقبل يومين فاش جا يواسيها بم*وت لوكا .
🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪
ناعسة مكمشة على راسها، اثار الدموع ناشفين على خدها، مرة مرة كاتخرج شهقة من صدرها كانت مزيراها .... وهو ناعس بجنبها ساند ظهرو على راس الفراش و كايدوز صباعو بين خصلات شعرها .
وعلى اثر لمساتو حلات عينيها بتثاقل كاتسترجع وعيها وغير تفكرات لوكا قلبها تزير و عينيها غرغرو .. ولكن غير وضاحت قدامها الرؤية قطعات فيها النفس ناضت قافزة من بلاصتها .
هادية : ب ب بهاء ! اويلي اش كادير هنا ؟
بهاء : (تبسم) جيت نشوفك .
هادية : (شافت ناحية الباب و عاود شافت فيه) اويلي و خويا .
بهاء : (علا حجبانو) ما تخافيش، ما كاينش ...
هادية : (تنهدات بارتياح و مسحات الدمعة لي نزلات) جيتي .. باش كاتحس؟
بهاء : مقلق حيت بكيتي ..
هادية : (حطات يديها على يديه) ما بقاش عندك مناش تخاف، مشا الحبيب ديالي .
بهاء : (طبطب على يديها وتبسم) اولا انا ما كانخافش، ثانيا انا كانغير، ثالتا البركة فراسكم .. ما تبكيش ، مل تقهريش راسك، هو غا ضيف فهاد الدنيا و منين جا وقتو مشا، وحتى حنا منين غادي يجي وقتنا غا نودعو
هادية : بعيد البلا !
بهاء : (دوز يديه على خذها كايمسح دميعاتها) وصافي بلا ما تقهري راسك !
هادية : صعيبة عليا ا بهاء والله .. حداش العام ماشي ساهلة !
بهاء : حتى ثلت اشهر ما ساهلاش ولكن راه المكتاب كايتصرف ...
هادية : غا نبكي حتى نعيا و فاللخر نبرد ، غير خليني
بهاء : (نفا براسو) الا ما غاديش نخليك ... ما باغيكش تعياي ..
هادية : (تبسمات) وصافي ما تخممش
بهاء : مولات الشي، اش هادشي كانسمع ! كيفاش ما تخممش ! شكون يخمم ليك ، لمن نخمم انا !
هادية : اش هاد الفلسفة ثاني .. حاول راه كنت نجيب الستة فيها
بهاء : وشفتي كون كنتي كاتزيري راسك و تقراي بحالي كنتي غادي تجيبي ستة ونص .
هادية : (تبسمات) ا تبارك الله على القراية ...
بهاء : شفتي الضحكة كاتجي معاك زوينة !
هادية : (تنهدات) واش انا ما مولفاش نضحك .. غير هو دابا عييت .. الضحكة ما بقات عرفات الطريق ... نهز راسي من حفرة نطيح فما اكثر ...
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
