#الجزء_159
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
دارت حنة خفيفة وغير فظهر يديها على قبل عثمان، واخا لصالحها تكثر ما بغاتش تشد الضد نعاه وتخسر ليه خاطرو، يكفي ما طلقاتش شعرها كيما قال بلا ما تزيد ثقل الحساب ... و دارت خلالة فرجليها بجوج .. خفاف بزاف لدرجة ما خداوش من النقاشة كثر من نص ساعة وكملات ...
جلسات حداها هادية دارت صبيع خفيف وناضت مخلية لبنات لي بغاو يحنيو .. منهم جيلان وميسان .
ساندية : كنت معولة نحني ولكن سبقتك .. (باسف مصطنع) ماعليش.. حتى للبيبي شاور ان شاء الله
ريا : (شافت فيها وتبسمات) ان شاء الله .
ها لي كايشطح ها لي كايهضرو بيناتهم .. خالقين جو ، وكيف الحال مع اي ليلة حنة بين العيالات واخدين راحتهم .. صونا بهاء على هادية وهي تنوض بالزربة خرجات من حداهم باش تسمع اش كايقول ...
هادية : الو !
بهاء : مولات الشي ديالي .. جيتي زوينة ونتي لابسة الاحمر وطالقة ليا الشعر !
هادية : (دارت كاتقلب عليه وهي كاضحك) فينك ؟
بهاء : ولكن كون غير نقصتي من ديك العكر ! (تنهد) ماشي عقدنا هذا اما كون عاونتك فيه !
هادية : بهـــاء !
بهاء : حتى ايلا وريتيني هادية لي شفت ديك النهار ما نقولش لا !
هادية : (عضات على شفتها) واغييط ..
وقف وراها بالحس وتحنا شوية همس ليها فوذنيها الثانية لي مافيهاش التلفون ...
بهاء : وايلا ما بغيتش !
قفزات دايرة لعندو وهو دار لعندها وتلاقاو شفايفهم لوهلة ... وهوما ما عطالهاش خطف قبلة خفيفة بالصوت خلاها تخرج عينيها ورجعات جوج خطوات للور
هادية : اويلي !
بهاء : هاح! ما كنتش عوال عليك تعطيها ليا بالزربة !
هادية : ولا ا بهاء .. (حطات يديها على قلبها) تخلعت
بهاء : حيت كانت مزروبة .. (شد فيديها) اجي نتمعنو مزيان ...
هادية : اويلي طلق ..
بهاء : (باس راسها بحب ورجع كايشوف جبهتها حمارت) عكرتي ليا معاك ولا كيفاش !
هادية : (تبسمات ومدات صبعها لشفايفو) انمسح ليك .
بهاء : (بعد عليها كايحنحن) خليني معكر و ما تقسينيش تشعلي فيا العافية
هادية : استغفر الله !
بهاء : (هز كتافو) اش عندي ما ندير !
هادية : (بتعلثم) ش شبغيتي.؟ لاش معيط ؟
بهاء : نشوفك وصافي .. جيتي زوينة !
هادية : شكرا حتى نتا ..
بهاء : ههههه شكرا .
واقفة من بعيد مصدومة باللقطة لي شافت حتى كايقفزها ...
حبيب : باغا شي حاجة ؟
دارت شافت فيه وعاود شافت وراها ما باغاهش يحصلهم وياخد نظرة خايبة عليهم .
ميسان : ها ؟ ن نعم ؟
حبيب : مالك ؟
ميسان : وو والو غير ..
بغات تقرب ليه وهي تعكل جات مرمية عليه ومكالية براحة يديها على صدرو ... غمضات عينيها خايفة ... وهو ينطق .
أنت تقرأ
فل تثلج❄️مكتملة❄️
Romansa💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
