#الجزء_166
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪
✨قبل أسبوعين✨
دقات فالباب بهدوء ثلاتة ديال المرات ... كاتحاول ما امكن ما تنفاعلش ما باغا تبين ليها بلي قدرات تأثر فيها... فتحات ليها رئيفة وغير لمحاتها نقزات عليها عنقاتها ... موحشاها بلا قياس وهي لي تقطعات خبارها نهار دابزو ...
رئيفة : اهلا بالفنة ديالي ! اش هاد الغبور ؟ هادي هي عليك مشيتي لا برية لا تلفون؟ ما توحشتيناش ؟
ساندية : توحشتك بزاف بزاف .. بالحق البعاد كان هو الحل ..
رئيفة : دابا نساي ... لي فات مات .. المهم هو رجعتي!
ساندية : رجعت غا نقول واحد جوج كلمات و نعاود نمشي بحالي (تبسمات مبدلة الموضوع معاها) اش خبارك ؟ (شدات فيديها و دوراتها) هاي هاي زيانيتي ... لا لا نوضي تزوجي حرام هاد الزين يضيع ...
رئيفة : لواه لواه .. فات عليا الفوت، دابا جات نوبتك ... الله يجيبك ليك شي راجل من صواب الحال يعوضك على ديك عيفة الرجال و فعايلو .
ساندية : هاح على خالتي رئيفة لي ديما على وضو ودعواتهم دغيا كايتستاجبو ...
رئيفة : (بعدم فهم) ا اش ؟
ساندية : (هزات يديها قدام عينيها) هادي شهر باش تزوجت ...
رئيفة : (بصدمة) الله، وبلا خبارنا ...
ساندية : (علات كتافها وتنهدات بأسف) كلشي جا على غفلة طلبني اليوم كتبنا غذا، ونتي عارفة انا وماما مقاطعين ما بغيتهاش تسيق الاخبار وتجي ضيع كلشي ! كيما بغا يكون هاد ولد الناس ما يرضا يتهان قدام كلشي ...
رئيفة : (تنهدات) واخا هكاك ماشي ديالك اساندي ... فايزة شنو ما بغا يكون كاتبقى مك .
ساندية : فينها ؟
رئيفة : فبيتها ..
ساندية : (هزهزات راسها) تمام .. نمشي نهضر معاها
رئيفة : قصري الشر ابنتي الله يرضي عليك
ساندية : ما عمرها علماتني نقصرو !
تبسمات ليها وطلعات بكل هدوء للبيت ...
كانت جالسة فوق الكرسي و كاتكتب شي حاجة فورقة ... وغير تفتحات الباب عليها رمات فوق من داكشي تريكو و ناضت واقفة ... تغرغرو عينيها بالدموع منين لمحاتها و البسمة ترسمات على شفايفها ...
فايزة : ساندية !
تقدمات خطوات قلال وهي توقف منين هزات ساندية يدها قدام وجهها بمعنى حبسي ....
ساندية : (نفات براسها) لا لا ما جاياش باش نرجعو ام و بنتها، ما جاباش باش نعاود نحيي المهزلة لي كنت عايشة فيها و نكذب على راسي ... نتي عمرك كنتي ماما، عمرك درتيني بنتك و عمري غادي نكون من دابا لفوق ... جيت غير باش نقولك جوج كلمات و نرجع منين جيت ...
فايزة : تو(نزلو دموعها)حشتك ...
غمضات عينيها وهي عاضة على شفتها ... حتى كاتبغي ضعاف و كاتفكر داكشي لي قالو ليها.
ساندية : الدار الله يربحك بيها ! الفلوس لي كايسيفط بابا ولاو ديالك .... ما بقيت بغيت حتى حاجة تشركني بيك، وباش نفريو هاد المنامة، رقمي غا نبدلو ! و داري ما تعاوديش توصلي ليها، الشوهة لي درتي قدام بنت راجلي ما بغيتوش يشوفها ! ولا غادي نكون كفس منك ونعيط للبوليس !
فايزة : (بصدمة) ك كيفاش !
ساندية : ما تخرجيش ليا على حياتي كيما درتي لديالك، ما تحشمينيش مع راجلي كيما درتي مع بابا ... عفاك نسايني بحال ايلا متت و انا غا ندير نفس الشي ... دخلي و تهددي بحال ايلا ما نعرف اش تكوني فملك الله ما ديريهش معاي....
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
