#الجزء_148
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
و صبح صباح نهار جديد... فاقت فيه بكري ، صونات على جيلان لقاتها فاقت ، كانو دارو يخرجو بحوج بيهم يدورو شوية قبل ما ينوض ارون .... لبسات حوايجها و كتبات ليه وريقة عالماه بلي خرجو ..
*صباح الخير راجلي... فقنا قبل ، غادي ندوزو الصبح انا و بنتي ... فطر بالصحة و الراحة و نتلاقاو قبل من الغذا و شكرا*
تناتها و طبعات عليها بوسة بعكارها ... باستو فخدو حتى هو .
هزات صاكها و خرجات لقات جيلان كاتسناها قدام الباب ... صبحات عليها و مدات ليها مرفقها شدات فيها و خرجو ...
جيلان : جبتي الساروت ديال الطموبيل !
ساندية : ما كانظنش واش عندك بيرمي فهاد السن !
جيلان : (بنفس طريقتها) ما كانظنش واش ما عندكش بيرمي فهاد السن !
ساندية : (تبسمات) الا ... ما كانصوݣش !
جيلان : وعلاش !
ساندية : عندي صدمة من صغري ... مزال لدابا ما قادراش نتخطاها .. حتى باش نركب بلاصة السائق ما نقدرش !
جيلان : (خرجات عينيها) شنو وقع ؟
ساندية : اجي نفطرو بعدا .
دخلو لواحد القهوة كادير الفطور فالصبح ... طلبات ساندية الفطور و جلسو كايهضرو ...
ساندية : لي وقع الالا هو منين كانت عندي ست سنين كنت جالسة فالطموبيل ديال بابا و هو مشا يقضي شي غرض ... عقل الصغر و التخنتيش لي كان فيا مشيت كلست فبلاصتو كانخربق ... حتى صدقت هازة الفران ، و مع الطموبيل كانت واقفة فالعقبة نزلات فالحدورة حتى وقفات وصلات لنص الطريق و ضرباتها طموبيل من القدام .
جيلان : ونتي !
ساندية : هاني حداك ولكن صافي ما بقيتش قادرة نشوف راسي كانصوك .
جيلان : الحمدلله على لطف الله ! منين ما وقع ليك والو تاكل راسها .
تحط الفطور و ياله بغات جيلان تنزل راسها سمعات صوت مألوف ... هزات راسها وهي تبان ليها ماماها داخلة مع راجلها ... تبسمات و ناضت طايرة ناحيتها ناسية موقفها لي كانت واخداه منها .
جيلان : ماما !
دارت شافت فيها مصدومة ..
هند : ا اه جيلان !
عنقاتها وهند الوحم لاعب ليها على مخها النيت، ما دوراتش يديها عليها و وجهها ملامحو معنكشة ، باين فيها من الطيارة ما حاملاش الوضع .
ثواني قليلة حسات بيهم ساعات وهي كاتسناها دور عليها يديها حتى فقدات الامل و هي تحيد من حضنها وعلات فوجهها عينيها كاتشوف فيها باستغراب ... وبلا ما توعا على راسها نطقات !
جيلان : مالك ؟
تدخل فؤاد سلم عليها باغي ينقد الموقف، عنقها وهي بحال ايلا حركتها تشلات ... ما قدراتش تبادلو العناق .
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
