#الجزء_155
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
دخل للصالة وغير شافتو بدات كاتقفقف، وقفات وعينيها خارجين ما كانتش متوقعة تتلاقاه، هو اه ما غاديش تخبي ولكن كان احسن تقولها ليه بيناتهم حسن ما يتحطو بجوجهم امام الامر الواقع !
ميسان : ع عزيزي !
بهاء : طوالو رجليك ابنت العابد !
ميسان : و شغل نص ساعة خفا زربا ... ماشي عند الغريب ...
جات وراه هادية وحطات يديها على ظهرو زيداتو يجلس ...
هادية : خلاص عليا .. بحال مشات للفضاء ، الدار فطريقها، حبسات تقول لينا السلام عليكم و تطمن على عروستنا فيها شي حاجة ...
ميسان : الااا !
هادية : (ركزات الشوفو فعينيه) سميتو الصواب ...
ميسان : (بتأكيد) داكشي النيت .. غا هو قوا فيه النݣير
بهاء : (هزهز راسو) ايه واخا ...
هادية : وجلسو ما تبقاوش واقفين ...
عثمان : ريا واخا تجي معاي !
ريا : هممم (دارت شافت فهادية) انا !
هادية : واقلة ! نوضي ..
وقفات بالزربة وخرجات من الصالة ...
ريا : نعم ؟
مد ليها الصاشي لي جاب ليها فيه التلفون ...
عثمان : هذا ديالك !
ريا : ولكن (جبدات التلفون من الجيب) ها نتا شوف، تصلح !
عثمان : (هز كتافو) المهم هذا ديالك ...
ريا : بالصح ما كاين لاش والله ...
عثمان : واخا هكاك ... بالصحة والراحة !
ريا : (تبسمات) شكرا ...
صونا تلفونو وغير طلل على الرقم ما قدرش يتجاهل الاتصال ...
عثمان : الو !
- ديكلاراو ولكن ماشي عنوان الحاج ...
عثمان : (تنهد بارتياح) صافي انا دابا شوية وانا جيت .
- عثمان !
شاف جنب فريا لي كانت واقفة كاتدور فعويناتها وباش ما يزيدش يخليها تشك قاطعو ...
عثمان : نص ساعة وهاني عندك ...
قطع معاه، دار شاف فريا وحنحن ...
ريا : ياك لاباس ؟
عثمان : كلشي بيخير الحمدلله ! (باس راسها) بالحق خاصني نمشي دابا ...
ريا : جيتي بالزربة !
عثمان : مزال نبقا معاك حياتك كاملة ونطلع ليك فراسك ...
ريا : (تزنكو خدودها) ان شاء الله
عثمان : ياك ! (حط يدو على خدها) متشوق لنهار الجمعة ...
ريا : حتى انا ...
تنهد وتحنا طبع بوسة خفيفة على خدها خلاها تتسمر فبلاصتها وهي مخرجة عينيها ... ما لحقات تعاتبو حتى كان شي حد كايصوني فالباب ...
قرنات حجبانها وهي كاتساءل على شكون يكون، كاع الناس لي ممكن يصونيو فالباب كاينين وسط الدار .. بلعات ريقها و مشات كاتجري للباب هاربة من حشمتها النيت .
حلاتها وبقات واقفة صافنة فالوجوه لي مقابلة معاها ...
- السلام عليكم !
ريا : وعليكم السلام، مرحبا اش حب الخاطر !
- الدار ديال عثمان العوني ؟
ريا : (نفات براسها وهي مستغربة) هاا ! لا .. شكون نتوما ؟
- البوليس الالا
ريا : (قرنات حجبانها) نعم !
- عثمان العوني كاين ؟
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
