#الجزء_158
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
وصبح نهار جديد 🦋✨
حلات عينيها لقاتو داير يديه على حنكو و متكي كايشوف فيها، سداتهم ثاني وعاود حلاتهم وهي مبتسمة .. دارت طفات التلفون لي كايصوني ...و عاد تقابلات معاه بنفس طريقتو.
ساندية : صباح الخير ..
ارون : (باس منخارها) صباح الخيرات ..
ساندية : مالك فايق بكري .. (هزات يديها كادوزها على لحيتو) بيك شي ؟
ارون : (دور وجهو باس راحة يديها) توحشت مراتي ..
ساندية : (نزلات شفتها) عارفة بلي غفلت هاد الايام .. وحنا ياله تزوجنا .. زعما المفروض يكون الحماس وانا كلشي شوية تلقاني عاكفة راسي وغادة لدار هادية ولكن شنو بيدي ما ندير ؟ ما نقدرش نخليها بوحدها، وعرس ريا حلمنا بيه كاملين، شنو غا نديرو... شنو غا لبسو، حتى شعرنا كيفاش غا يكون .. غا تشوف بزاف ديال الحاجات فات عليهم الفوت وحيت حنا تخايلناهم هكاك ما بدلناهمش .. سمحلي .. (باست يديه) غير يفوتو هاد اليومين و ما غاديش نبقا نخليك تتوحشني !
ارون : انا توحشتك واخا نتي ما مقصراش . اي دار فيها عرس كايكون فيها بزاف ديال الخدمة وخاص العوين .. باستتناء عرسنا !
ساندية : واخا هكاك داز زوين !
ارون : حيت كنتي عروستي ...
تنهدات و قربات لعندو باستو بخفة ....
ساندية : ياله سمحلي نقاطع هاد اللحظة الرومانسية ونوض نوجد لفكور لبنتي باش تمشي تقرا ...
ارون : وجدتو وفطرات ومشات ..
ساندية : (خرجات عينيها) اويلي لا .. ياله صونا التلفون
ارون : (تبسم) يمكن حيت انا بدلتو ؟
ساندية : ولكن !
ارون : ياك دايرة معاهم الحداش تجي ..
ساندية : ولكن !
ارون : صافي مزيانة .. العشرة ونص هادي ، شبعتي نعاس شوية ، ارتاحيتي ... نوضي فطري وسيري قضي لي عليك باقي تابعانا ليلة طويلة ...
ساندية : علاش عليك ..
ارون : نتي ما مجبوراش كل صبح تفيقي مع جيلان ، انا نقاد ليها ولا هي تقاد لراسها راها كبرات تبارك الله .
ساندية : انا بغيت ..
ارون : و باقي يامات الله ، ارا ما توجدي ..
ساندية : (عاود باستو) ولكن شكرا حيت زدت نعست ... كنت محتاجة هاد الساعتين ...
باس راسها وهو كايتنهد مع ابتسامة حب على شفايفو ..
ارون : كانحس بيك ...
وقفات جمعات شعرها ببانضة ودخلات للحمام .. بدلات بالخف وخرجات .. لقاتو جمع الفراش ... مشات للكوزينة لقاتو كايقاد ليها الفطور ...
ارون : بالصحة ...
ساندية : (تبسمات) الله يعطيك الصحة ...
سمات الله بدات تاكل وهو كايتأملها ...
ارون : ما ورتينيش شنو غادي تلبسي فالليل !
ساندية : مخلياها مفاجأة ... ولكن غادي يعجبك ..
ارون : اي حاجة عليك كاتعجبني .. غير استغربت منين ما ورتينيش ..
ساندية : حيت عارفني فيا الدودة ما نقدرش نخبي عليك ..
ارون : ههه بحال داكشي
ساندية : ايوا راني شادة راسي بالزز، زيد ضحكة اخرى ونوض نوريك دابا النيت
ارون : ما كرهتش ههه .
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
