#الجزء_129
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
تبسمات ليه و بلا ما تزيد معاه فالهضرة نزلات لعندو وهي كاتقفقف ... دخلات راسها وسط الما و طلعات ثاني غادية باتجاهو ....
ساندية : كيما تخايلتي ؟
ارون : (شد فيها منظهرها) و احسن .
ساندية : (شدات وجهو بيديها) ولكن راه واحد البرد ما يمكنش .. عنداك تمرض ليا
ارون : ما تخافيش .. غير تحركي و ما غاديش تحسي بالبرد
ساندية : (كاتقفقف) نتسابقو ؟
ارون : تقدري عليا ؟
ساندية : راني واعرة !
ارون : وعارف ولكن..
ساندية : ايلا ربحتك غادي نحكم عليك على هاد ولكن .
ارون : (عض على لسانو) واخا الالا ياله .
جراتو معاها للبدية ديال البيسين و شافت فيه ...
ساندية : عند ثلاتة !
هزهز راسو كايتسنى فيها تحسب ...
ساندية : واحد، جوج ...
قبل ما تكمل تلاثة كانت غطسات وهي كاتضحك مخلياه وراها ... حتى فطن براسو و مشا تابعها ... طلعات قبل منو وهي شادة على كرشها كاتضحك...
ارون : ا تبارك الله على الواعرة ديالي .
ساندية : ياك ربحتك ..
ارون : بالغش ..
نزل تحت الما ... جا بين رجليها و دخل راسو ... خلاها تتكنزز بلا هواها، طلع وهي فوق كتافو ...
ساندية : (غوتات) الا ارون عفاك
ارون : عند ثلانة
ساندية : والا ! (شدات فراسو) عفاك
ارون : واحد، جوج ...
ما كملش تلاثة و نزل رادخها وسط الما ... وهي ميتة بالضحك ...
ساندية : حرام عليك .. وليتي تشد فين ما جاب الله !
ارون : رزقي ... (شد فخصرها) تعاودي تغشي ..
ساندية : نن لا .. ما نعاودش .
ارون : دابا شكون لي غا يحكم !
ساندية : نتا !
ارون : وشنو غادي نحكم ! (حط جبهتو على جبهتها) هممم
ساندية : لحقتي تفكر ؟
اكتفى يهزنز راسو ابتسامة شيطانية مرسومة على شفايفو ... خلاها تتوتر ...
ساندية : م ما عرفتش ولكن باينة شي حاجة قليلة الحيا ...
ارون : (ضحك) راه ما كاينش الحيا بيني و بينك !
ساندية : ههههه و الموهيم
ارون : ولكن جبتيها لاصقة ..
نزلات تحت الما و عاود طلعات ...
ساندية : و شنو هي ؟
ارون : فعرسنا قلتي ليا غادي تشطحي ليا ياك !
ساندية : بغتيني نشطح ليك !
ارون : اه .
ساندية : بالحق ماشي ليوم .. واخا ؟
ارون : وقتما بغيتي ..
ساندية : انا معاك فلي بغيتي .. غير زعما .
ما جات فين تكمل هضرتها وهو يصوني شي حد فالباب ديال الجردة خلاها تلصق فيه ...
ساندية : كومونديتي شي حاجة ؟
ارون : الا ... انا نطلع نشوف يقدر يكون شي حاجة راسلها باباك ولا شي حد تالف على الطريق ...
ساندية : واخا .
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
