#الجزء_195
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
حتى حد ما يستاهل يبقى واحل فالوسط، لا هو قرب يكمل ولا هو باقي ما بدا ... وهاكا ميسان، بالصح ما هضراتش عينيها و تصرفاتها قايلين كلشي ...
ما كانتش معولة تهضر عليها اليوم ولكن منين جابتها الوجيبة خرجات اش عندها ...
حل عينيه على وسعهم ما عارفش كيفاش يكذب ختو ... وهو ديال بالصح هذاك هو الدعاء ديالو فكل سجدة .. ما قادرش يتخايلها مع حد اخور ، وداكشي علاش فاش كايشوف عمر قريب ليها كايبغي يبخ الدم ... كايشوف راسو مهدد فاي لحظة تقدر تبعد ... وفنفس الوقت ما قادرش يصارحها حيت مزال ما قاد يوفر ليها العيشة لي عايشة فدارهم، حتى هو واحل الوسط و ما عارف لين يعطي بالراس ...
حبيب : (حنحن) انا !
هادية : كانسمعك ا حبيب ...
حبيب : غير باش سيدي ربي يخليها ليا !
هادية : ان شاء الله غا تكون ليك ايلا حاولتي تفاتحها فالموضوع .. ما كانقولش تصاحبو !
حبيب : كي درتي ليها !
هادية : حط ليها اش عندك، شنو باغي و شنو لا وخليها هي تختار واش اه واش لا !
حبيب : هادية !
هادية : ديال بالصح ميسان ما تستاهلش برودك ... ونتا عارفها حارة ما تصبرش عليه
حبيب : وهادية !
هادية : هادية، هادية ، المعصبة هادي .. مالنا ! وحلتي فسميتي بحال cd مخبش
حبيب : (ضحك) دابا واش جيتي تشوفيني ولا تهضري على ميسان ؟
هادية : كنت غادي نهضر عليها اليوم ولا غذا غا نتا جبدتيني ..
حبيب : الله يسامح ..
هادية: عفاك دير الحل ... حيت البنت غارقة (تنهدات) بغاتك بكري .. كان خاصها تسنى حتى تخرج وتخدم ..
حبيب : وانا بغيتها قبل وهاني صابر
هادية : ما ضربك حد على يديك وما تسناش منها تكون بحالك (تبسمات) وهاه من دابا وجد راسك حبك طايح على عكسك .. فكلشي!
حبيب : تماك فين كاينة الحلاوة !
هادية : غير الله يهنيكم ببعض .. (باست يديه) ما كانجبركش على شي حاجة ولا باغا نتقلك بحمل نتا ما قادش عليه ... غير حاول تخمم فهضرتي وان شاء الله غا تفهمني ..
حبيب : (رد ليها البوسة) فاهم .. و عارف شنو باغا تقصدي ..
هادية : الله يرضي عليك .. الله يسهل ما صعاب و يبعد العقابي من طريقك...
حبيب : اش بغينا بشي حدورة نتعكلو غا فحجرة نجيو مدردبين ...
هادية : ولكن العقبة غا تنزفك باش توصل ليها ..
حبيب : ولكن غانوضل فاللخر ان شاء الله
هادية : بيناتكم اخويا .. تنوض تفلسف عليا وانا زرقة فالفلسفة ..
باس راسها و عنقها ...
حبيب : توحشتك ..
هادية : عليها صونيتي ليا !
حبيب : خليتك ترتاحي .. انا عارف نتي عزيز عليك النعاس !
هادية : هههههه عزيز عليا نغيب .. اويلي فقت مع السبعة ما عرفت راسي فين و ما خممت غي فيك قلت مشيتي تهول !
حبيب : عيط ليا بهاء وقالي باقي خامرة ..
هادية : بعدا هو خمم .. ختك راها مشات ما بقات عرفات للرجعة الطريق .
حبيب : و نعستي مزيان ؟ ارتاحيتي شوية ؟
هادية : الحمدلله ... و عرفتي جاب ليا بهاء جرو ...
حبيب : و ما عندوش معاهم ؛
هادية : على قبلي .. كايشبه للوكا مسكين ...
حبيب : مزيان الالا.. خير ما دار ..
هادية : كايبغيني ..
حبيب : عارف .. و نتي كاتحماقي عليه.
هادية : (هزهزات راسها) بزاف، ما عرفتش كي دار ليها ولكن راه ما يمكنش شحال كانبغيه ..
حبيب : الله يهنيكم ببعضياتكم ..
هادية : يا ربي امين ... (جمعات شعرها) نوض ندير اتاي نديرو الݣوطي بجوج ..
حبيب : جلسي انا نقادو
هادية : ديروني فبلاكار احسن .. سيري بعد خليني ندير اش تشهيت ..
حبيب : ههههه اجي نمشيو بجوج ..
أنت تقرأ
فل تثلج❄️مكتملة❄️
Roman d'amour💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
