နောက်တကြိမ် သေသွားပြန်တဲ့ တပည့်ကျော်(my discipline die yet again)

အခန်း(၁၆)အရေးပေါ်

(ပြန်ရတာ..မျက်လုံးညောင်းလာလို့
နားဦးမယ်..😝😂😂😰😓..
နောက်ရက် မ up ,ရင် sry..ပါ..
👀)
၁၆

''အနီးကပ် တပည့်''
စောစောကလည်း သူမ အဲ့အသုံးနှုန်းကို လိုက်ပို့တဲ့သူဆီကလည်း ကြားလိုက်တယ်။ဘာဆိုလို တာလည်းဆိုတာတော့ သေချာမသိဘူး။
သူမနားမလည်တာကိုလည်း တွေ့ရော ကောင်စုတ်လေးက စပြီး အလေးနက်ရှင်းပြတယ်။
''ကျတော့်အကိုကြီးတွေ ဆီက ကြားတာတော့
အနီးကပ်တပည့်တွေပဲ ဆရာ့ဆီကနေ တိုက်ရိုက် ပညာသင်ခွင့်ရတာ တခြား အတွင်းဆောင် တပည့်တွေဆိုရင် အကိုကြီးတွေကပဲ သင်ပေးတာ''

အော် သူတို့စနစ်က ဒီလိုကိုး။ဒါပေမဲ့နားလည်ပေးလို့ရပါတယ်။တကယ်တော့ အပြင်ဆောင်တပည့်တွေရော အတွင်းဆောင်တပည့်တွေရော အများကြီးပဲ ထောင်ချီရှိတယ်။အတွင်းဆောင် တပည့်တောင် ထောင်ချီရှိတယ်။တစ်ခါလေ တစ်သောင်းနီးပါးထိတောင်ရှိတယ်။လူတစ်သောင်းကျော်ကို
တောင်သခင် တစ်ယောက်ထဲက သင်ရမယ်ဆို
ပင်ပန်းသေရချည်ရဲ့။ဒီလိုစနစ်လုပ်ထားလိုက်တော့ အဆင်ပြေတယ်။ပြီး အနီးကပ်တပည့်ရဲ့ ဂုဏ်
ရှိန်က တကယ့်ကို ကြီးမားသွားတာပေါ့။

''မဆိုးဘူး မင်း တော်တယ်''
ကောင်စုတ်လေးခေါင်းကို လှမ်းပွတ်ရင်း ချီးမွမ်းလိုက်တယ်။
ကောင်စုတ်လေးက ပြောခံရတော့ ပိုတောင်ဆိုးသွားတယ်။တကယ့်ကိုပဲ ငါမင်းကို ကာကွယ်ပေးမယ် ပုံစံနဲ့ သူမရှေ့မှာ ခေါင်းကို အသေချာကိုမော့ပြီး မျက်နှာက ဝါကြွားကြွားနဲ့။ ကောင်စုတ်လေးကို လှမ်းခေါက်လိုက်တော့ သူက ရှောင်တယ်။ထပ်ပြီး
ကြွားလုံးထုတ်တယ်။
''ကျတော်ပြောမယ် ခု ကျတော် ချီ စွမ်းအင်
တတိယအဆင့် ရောက်နေပြီ..အကိုကြီးတောင်
ကျနော့်လောက်မမြန်ခဲ့ဖူးဘူး ပြောကြည့် ကျတော်
အရမ်းတော်တယ် မလား''

''ဟုတ်ပ ဟုတ်ပ..တော်တာ မင်းက ကမ္ဘာ့ အတော်ဆုံး ကလေးပဲ''
ဘာပဲဖြစ်ဖြစ်သူက ခုမှ ကလေးရှိသေးတာကို။
ကလေးတစ်ယောက်ရဲ့ ဂရုစိုက်ခံချင်တဲ့ မျက်လုံးနဲ့ ချီးကျူးးခံလိုတဲ့ အကြည့်တွေကို သူ ဘယ်လိုလုပ်မသိယောင်ဆောင်နေနိုင်ရမှာလဲ!!ပြီးတေ့ာ သူ့ကို ခေါ်လာခဲ့တာ သူမပဲရှိတာမလား။ရုတ်တရက် သူမမှာ စောင့်ရှောက်ပျိုးထောင်စရာ သားတစ်ယောက် ရှိလာသလို ခံစားရတယ်။
ဝမ်ရှုဟိုင်လေးက သူမ ချီးမွမ်းတာကြောင့် ချက်ချင်းပဲ ရှက်သွားပြီး သူ့ခေါင်းလေးကို အရှက်ပြေကုတ်ရင်း ပြောတယ်။
''ဒါဆို ခင်ဗျားရော ဘယ်အဆင့်ရောက်နေပြီလဲ''
ကောင်စုတ်လေး အမေးကြားတော့ သူ့နှုတ်ခမ်းတွေ အလိုလိုကို ရွဲ့ချင်ချင်။အဆင့်တွေတက်ဖို့ မပြောနဲ့
ချီ စွမ်းအင်ဆိုတာ ဘာမှန်းကို သူမ မခံစားမိသေးဘူး။တောင်ပေါ်မှာ တစ်လတောင်ကုန်သွားပြီ
သူမဆရာသင်ပေးထားတဲ့ ချီစွမ်းအင် စုဆောင်းနည်းကို သူမ အသုံးမပြုနိုင်သေးဘူး။
ကြည့်ရတာ သူမက အတော်အရွယ်လွန်သွားပုံပဲ
ကလေးတွေလောက်တောင် သုံးမရတော့ဘူး!!
ဘာမှ မတတ်နိုင်သလို ခံစားရရင်း သက်ပြင်းရှည်ကြီး ချလိုက်မိတယ်။
ကောင်စုတ်လေးက သူမပုံစံကို သတိထားမိသွားပြီး ချက်ချင်းပဲ စိုးရိမ်သွားတယ်။
သူမလက်ကို လှုပ်ရမ်းရင်း တုံ့ဆိုင်းဆိုင်းနဲ့ပြောတယ်။
''ခင်ဗျား စိတ်ဓာတ်မကျ ပါနဲ့ တကယ်တော့ အဲ့ဒါက အရေးအရမ်းမကြီးပါဘူး ကျတော်တို့နဲ့ အတူလာတဲ့ တစ်ယောက်တောင် မကြာခင်ကမှ ချီ
စွမ်းအင်ကို ခံစားမိတာ''
ဂါး....သူမကို ကလေးတစ်ယောက်နဲ့ နှိုင်းယှဉ်ပြီး နှစ်သိမ့်ဖို့ ကြိုးစားနေတာလား ကောင်စုတ်လေး။
သူမစိတ်အခြေနေက ပိုတောင် ဆိုး သွားသလိုပဲ။