နောက်တကြိမ် သေသွားပြန်တဲ့ တပည့်ကျော်(my discipline die yet again)

အခန်း(၁၀၆)မျက်နှာကြည့်ဖို့လိုတဲ့သည်လောက

ဒီလောက်ထိ အလျင်လိုနေကြသလား အဖျက်ကောင်တို့ရယ်။ စောစောကမှ မုန်လာဥလေးကို
ကယ်တင်စောင်မပြီးတယ် ။ ခု အဖျက်ကောင်က
မျက်စိရှေ့ပြန်ရောက်လာပြီ။ အဖျက်ကောင်တွေက
သည်ကမ္ဘာမှာ တွေ့ကရာ ကြုံရာနေရာမှာ
မွေးကြဖွားကြ ပွားကြများကြနဲ့ ပဲလားဟင်။

ဇီမိုက သူ့ဒေါ်လေးကို မကြည်ကြည့်တစ်ချက်
လှမ်းပြတယ်။ သူ့ဒေါ်လေး ပေါက်ပန်းဈေး
စကားကို ဘယ်အရူးက ယုံမှာလဲ။

'' နတ်ဝိဇ္ဇာသခင်...တစ်ကယ်ပဲလား..ဟင်''

ချီ ဟန်ရဲ့ မျက်လုံးတွေက တောက်ပလာပြီး
ဘလင်းလင်း တွေထ လို့။

လခွမ်း!! ယုံတဲ့သူ တစ်ကယ်ကြီးရှိတယ်ဟ။

'' ကြားဖူးတဲ့အတိုင်းပဲ နတ်ဝိဇ္ဇာသခင်က
ထက်မြက်လှပါတယ်''

ချီဟန်က ကျူ းယောင်ကို သိသိသာသာကြီးကို
မြှောက်တော့တယ်။

'' အမှန်ပြောရရင်တော့...သည် တပည့်လေးက
ကျတော်တို့ ဂိုဏ်းချုပ်ရဲ့ သမီးပါ...ရှုလု လို့ခေါ်ပါ
တယ်...နတ်ဝိဇ္ဇာ ရဲ့တပည့်လိုပဲ ရေအာကာသ
ဝိဉာဉ်ကြော ပိုင်ရှင်ပါ...''

ဘာ ဘယ်လို! ရေအာသဝိဉာဉ်ကြောတွေက
လည်း ပေါများလှချည်လားကွယ်။

ကျူ းယောင်ရော ဇီမိုပါ ရှုလုကို မျက်လုံး
အပြူ းသားကြည့်မိကြတယ်။

သူတို့စိုက်ကြည့်နေလို့ ထိတ်လန့်သွားတာမျိုး
အနေရခက်နေတာမျိုး ကောင်မလေးက လုံးဝ
မဖြစ်ဘူး။ အေးဆေးစွာ စိုက်ကြည့်ခံနေတယ်။
အင်း ....သူ့မျက်နှာပေါ်မှာ ရှိနေသေးတဲ့
လက်ဖက်ခြောက်ဖတ်တွေ ဖယ်လိုက်ရင်တော့
ပိုကောင်းတာပေါ့လေ။

အနည်းငယ်ထူးဆန်းတယ်လို့ ကျူ းယောင်လည်း
ခံစားမိတယ်။ ပုံမှန်ဆိုရင် ကောင်မလေးတစ်ယောက်က အကြီးကဲတွေရဲ့ သည်လောက်စိုက်ကြည့်ခံရရင်
အနည်းငယ်တော့ စိုးရိမ်ကြောင့်ကြပုံပြကြတာ
ချည်းပဲ။သို့ပေမဲ့ ရှုလုကတော့ အနည်းငယ်မျှ
သိမ်ငယ်ပုံမပြဘဲ တည်ငြိမ်လွန်းတယ်။သူ့
မျက်နှာပေါ်က အဖျက်ကောင်ဆိုတဲ့ စကားလုံး
ကြောင့်သာ မဟုတ်ရင် သည်ေကောင်မလေးက
တစ်ကယ့်ကို သတ္တိရှိတဲ့ ကလေးလို့ ကျူ းယောင်
ထင်မိမှာ။