နောက်တကြိမ် သေသွားပြန်တဲ့ တပည့်ကျော်(my discipline die yet again)

အခန်း(၈၃)အဖျက်ကောင်အသစ်

ကျူ းယောင်လည်း သစ်သားဝိညာဉ်လေးကို ထုတ်ပေးပြီးနောက် တည်ငြိမ်တဲ့ ဘဝလေးမှာ လအတော်ကြာ နေခဲ့ရပါတယ် ။

ရှောင်ရီရဲ့ အဖျက်ကောင်ဆိုတဲ့ စကားလုံးက ပိုပြီး အားနည်းသွားပြီလား ဆိုတာကတော့ ကျူ းယောင်မသိရသေးဘူး။ ဘာကြောင့်လဲဆိုတော့ ရှောင်ရီက တံခါးပိတ်ကျင့်ကြံနေတာ ကြာပြီလေ။ ရှောင်ရီက သူ နတ်ဝိဉာဉ်
အလယ်အလတ်အဆင့်ကို မရောက်မချင်း တံခါးပိတ် ကျင့်ကြံရာက ထွက်မလာတော့ဘူးလို့ ကျိန်ဆိုထားတယ် ။

ဂိုဏ်းချုပ်က ရှောင့်ရီ့ကို နှစ်ပေါင်း ၂၀၀ အတွင်း ရှေးဟောင်းတောင်ဂိုဏ်းကနေ ဘယ်ကိုမှ ထွက်မသွားစေချင်ရုံဘဲ ဖြစ်တယ် ။ သို့ပေမယ့်လို့ရှောင်ရီက သူ့ဘာသာသူ တံခါးပိတ် ကျင့်ကြံမယ်ဆိုပြီးတော့ ဆုံးဖြတ်လိုက်တာ ဖြစ်တယ် ။

ရှောင်ရီက နတ်ဝိညာဉ်အဆင့်ကိုရောက်တာ သိပ်မကြာသေးဘူး ။ ဒါကြောင့်မလို့ သူသာ နတ်ဝိညာဉ် အလယ်အလတ် အဆင့်ကို ရောက်အောင် ကျင့်ကြံဖို့ဆိုရင် အနည်းဆုံး နှစ်ပေါင်း ၅၀၀ လောက် တံခါးပိတ် ကျင့်ကြံဖို့ လိုအပ်လိမ့်မယ်။

ရှောင်ရီရော ဖန်းရီရော ဆရာတပည့် နှစ်ယောက်လုံးဟာဆိုရင် တောင်ထိပ်မှာရှိတဲ့ သူတို့ရဲ့ အိမ်လေးတွေထဲမှာဘဲ တံခါးပိတ်ပြီး ကိုယ့်ဘာသာ ကျင့်ကြံလျှက်ရှိနေကြတယ်။

ကြည့်ရတာ ရှောင်ရီက အီစီကလီ လုပ်ဖို့ဘဲ သိတာတော့ မဟုတ်ဘူးထင်တယ်။ အခုလိုအချိန်မျိုးမှာ ငြိမ်ငြိမ်ကုပ်ကုပ်နဲ့ နာနာ
ခံခံ ဝပ်နေရမယ်ဆိုတာတော့ သိသေးတယ်။

ဒီလိုမျိုး တံခါးပိတ် ကျင့်ကြံမယ်ဆိုပြီး နေလိုက်ခြင်းအားဖြင့် ရှောင်ရီရဲ့ ဂုဏ်သတင်းဟာ ဂိုဏ်းအတွင်းမှာ အနည်းငယ်တော့ ပြန်လည်ကောင်းမွန်သွားခဲ့တယ်။ ယွဲ့ ယူ့ မဆက်သွယ်ဘူး ဆိုတာနဲ့ပဲရှောင်ရီဟာ အခြား မိန်းကလေးတွေနဲ့ အဆက်အသွယ် မရှိဘူးလို့ မဆိုလိုဘူး။

နေ့စဉ်နေ့တိုင်း ရှောင်ရီနေတဲ့
တောင်ထိပ်ကို ဆေးပင်တွေ ဆေးဖက်ဝင် သစ်ဥသစ်ဖုနဲ့ ဆေးလုံးတွေ သွားသွားပို့နေတဲ့
မိန်းကလေးလှိုင်လုံးကြီးကို ကျူးယောင် မြင်နေရတယ်။

ကျူ းယောင်လည်း ခေါင်းခါရမ်းမိတယ်။ တစ်ယောက်ပြီး တစ်ယောက်လာနေတဲ့ ဒီကောင်မလေးတွေ စိတ်ထဲ ဘာတွေစဉ်းစားနေလဲဆိုတာ သူတကယ် နားမလည်နိုင်တော့ဘူး။