فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 27

💟فتاة البادية و المفيوزي المتملك💟
💟الجزء: السابع و العشرون 💟

بلقيس(جبدات لحوايج وحطاتهم ل إيجا):هاكي لبسي عليك...
إيجا:واش صافي غادي نخرج!!
بلقيس(كتقاد لحوايج فالصاك ):اه راه هدرناا مع الطبيب ،دابا خاصك غير ترتاحي شوية فالدار..
إيجا:يمااا....علاش دوك الرجال واقفين على برااا ،من لبارح و هوماا هنااا؟؟
بلقيس:الله يرضي عليك ا بنتي لبسي عليك باش نمشيو...هاد ريحة المستشفى خنقتني ....
إيجا(لبسات عليهاا قبية واسعة و سروال حتى هو واسع باش ترتاح فيهم ...ربطات شعرهاا على شكل سفنجة و كتحاول متقصحش راسهاا حيت باقة دايرة لفاصمة عليه....كملات لبسهاا ومشات گلسات فلفوتاي لي كاين فلغرفة  و حاضية بلقيس):يماااا....
بلقيس:نععام...
إيجا:هاداك الراجل...
بلقيس(حطات يديهاا على صدرهاا وقلبهاا غادي يخرج من بلاصتو حيت من الصباح و هي كتفاداهااا ):مالو ا بنتي...علاش كتسولي عليه
إيجا:يماا!....عقلتي على قصة اليهودي و المسلمة لي كنتي كتعاودي ليااا
بلقيس(كانت كتقاد الصاك حتى حبسات بعدماا سمعات هضرتها):ها...ش.نو فكرك ف يها
إيجا(عضات على شفايفها و بنبرة حزينة نطقات ):كان ديماا كيبقى فياا لحال  فكل مرة كتعاوديهاا ليااا...عرفتي علاش ا يماا؟
بلقيس(باقا على مفس الوقفة بلا ما ضور لعندها):ع..علا ش ..
إيجا:حيت ف كل مرة كنتي كتعاوديها لياا كنت كنسمعك كتبكي ف ليل ...
بلقيس(ضارت لعند إيجا و قربات گلسات حداهاا و يديها كتحكهم مع بعضهم )
إيجا(حبساتها قبل ما تهضر....شافت ليها ف عينيها لي دمعو):يماا...اناا غادي نتسنااك حتى تبغي نتي تعاودي ليااا....
جوزيف (دخل لعندهم وعلى وجهو إبتسامة ب شوفتها مبتاسمة على الصباح ):صباح لخير ...
بلقيس(مسحات دموعها دغياا ):صباح لخير....
جوزيف (مشا گلس حداا إيجاا و حط حداهاا لفطور لي جاب ف يديه):كي صبحتي ليوم مزيان...
إيجا(شافت ف بلقيس ..و بتاسمت ليه ):ااه شوية
جوزيف :مزال مفطرتي ....فطريي قبل ما نمشيو...
إيجا(هزات كتاكل مع قوة الجوع لي فيها....شافت فيهم بزوج ):نتوما مغاديش تاكلو!
بلقيس(بتاسمات ليهااا و كتمسح ف عينيها ):غير فطري اناا شبعانة...
جوزيف (كيشوف ف إيجاا كتاكل و عينيه كيلمعو بشوفتهاا كيف كتهضر مرتاحة معاه كأنه من شحال وهي كتعرفو....):صافي نمشيو...
إيجا(بتاسماات وحركات راسهاا ب أه )

سهيل(عاد فايق وجاي غير بزز لعند ريناد لقهوة فوسط لمدينة ...گلس قدامهاا هي و يوسف  وهو مزال مبوق):مالكي على الصبااح...
ريناد:وا نتااا لي لبارح عييت منعيط لييك و مكتجاوبش...
سهيل(عاد كيقلب ف تيلي ديالو):ااه مشفتش ...كنت دايرو سيلونس...
يوسف(ضحك وهو ما متيقش):تيلي ديالك سيلونس ...نتاا؟...اهاا وشنو هاد لحاجة لي كنتي مشغول معاهاا....
سهيل(يالاه بانت على وجهو إبتسامة وهو يجمعها): احمم...من بعد و تعرف
رينااد(خبطات فالطبلة):و راه انااا معاكم
سهيل(شير لواحد يجيب ليه قهوة ...)
ريناد:وا سهيل ...
سهيل:وا نتي جايباني على الصبااح ...
ريناد(حطات يديها على يدين يوسف ونطقات ب نبرة أنثوية ):وا يوسف هضر معاه ..
يوسف(سهاا فيهاا و طلعات معاه رعشة سرات فكامل جسدو بمجرد حطات يديها عليه)
سهيل(كيشوف فيه كيف ساهي فيهاا وحابس ضحكتو):احم...كملي هضرتك شنو هاد لحاجة لي واقعة ....
ريناد:زيدان....
سهيل:مالو زيدان....من ايمتاا كنااا كنندخلو فدكشي لي كيدير...
ريناد:هاد لمرااا لاا....ايلا موقفناهش غادي يخرج على راسوو....
سهيل(ب إستغراب): كملي هضرتك ..
ريناد (بدات كتعاود ليه كلشي لي واقع و حتى على العداوة الجديدة لي تولدات ما بين جوزيف و زيدان ...):لي مزال ما فهمت اناااا ..هو شنوو لي دار خويا لإيجااا وخلا جوزيف يتعصب هكااا  ...نتوماا عارفين شي حاجة
سهيل(حاط يدو على فموو كيحاول يربط الأحداث...تفكر لحالة لي جات بيها إيجاا لعندو للدار....):انااا معارف والوو....
ريناد(مسحات بيديها على وجهها): خويااا راسو قااصح....ماباغيش يبعد منهاا....
يوسف (مربع يدييه):زيدان فاش كيدير شي حاجة فراسو كياخدهاا ....ولكن بنت ...هادي اول مرة يدير شي حاجة فحال هكاا على قبل شي وحدة
ريناد(تكات على الطبلة و راسهاا قرب يخرج من بلاصتوو):اوووف ....دابا عاد فهمت علاش كانت ديماا كتشبه ليااا لشي واحد....ما متيقاش هادشي لي طاري ...
سهيل:لمشكل ماشي فشنوو طاري ....لمشكل فشنو لي غادي يطرااا....