فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 5

فتاة البادية والمفيوزي المتملك
الجزء الخامس

وعيناك كالمحيط
كلما غصت فيهما ...أغرق أكتر
جسدي يستنجد ليعيش
وقلبي لا يهوى على الإبتعاد

🔲 🔲 🔲 🔲 🔲 🔲

فاقت الصباح على صوت الشيفور كيهضر مع الناس لي كاينين فلكاار باش يوجدو راسهم حيت قربو يوصلو للمحطة ديال الدار لبيضاء ....ناضت هي وبلقيس هزو الصاك ديالهم و هبطو مع الناس ....
إيجا(طلعات عينيها فالسمااا و كتفوه):بان لياا ا مي مزال الظلمة....
بلقيس:هاهو شوية ويطلع الضو ....
إيجا(كتشمشم ) :يماااا...جاني جوع كنشم ريحة الرغايف ....
بلقيس (ضورات وجهها كتقلب ):اييه ولاهيلا راهي ديك لمرا لهيه كتخبزوو...(شافت فإيجا كتمص شفايفها حيت هادي قاعدتها فاش كيكون فيها الجوع) الله على بنيتي جاها جوع..يوماين محطيتي النعمة فكرشك...

جراتها من يديهااا وغادة بيهاا لجيهة لبلاصة فين كيفطرو الناس لي مسافرين...دخلو للحانوت عند لمرا،گلسو فطبلة بعدماا طلبو لي يسد جوعهم ....بلقيس كتاكل و كتشوف فالناس بنص عين كيف كيشوفو ف إيجا لي أصلا ما مسوقاش  وبالها غير مع الماكلة لي قدامها....
إيجا(مسحات يديها و فمها):يمااا ....كي غادي نديرو نلقاوهااا ...هاد لمدينة باينة كبيرة ....
بلقيس:غا ديري تقتك فالله إنشاء الله نلقاوهااا..صافي كملتي ماكلتك...
إيجا(حركات راسها ب أه)
بلقيس(خنزرات فهادوك لي كانو حداها و شدات إيجا من يديها غادة بيها لجيهة الطاكسيات بانو ليها مصافين و الدنيااا مزال خاوية شوية حيت يالله وصلات التمنية د الصباااح و يالاه الحركة بدات فالمدينة ....
بلقيس(كتهضر مع مول الطاكسي ):واش ا سيدي غادي للمدينة لقديمة....
مول الطاكسي :مرحبااا ا لالة طلعي....
بلقيس (خلات إيجا دخلات هي لولى عاد طلعات هي  وشادة الصاك قدامها)
مول الطاكسي:واقيلة  اصلكم ماشي من هنااا ؟؟
بلقيس:اايه ا سيدي ماشي من هنااا...
مول الطاكسي:اااه ...و منين اصلكم ؟
بلقيس(شافت ف إيجا ورجعاا شافت ف مول الطاكسي ):جايين من واحد الدوار ا سيدي ...(قبل ميهضر جاوباتو) مغاديش تعرفو فين كاين ...
مول الطاكسي: اااه ...وعلاش جيتو لهناااا ...واش عند شي حد من لعائلة ....
بلقيس: واااا موصيبة هادي على هاد الصبااااح....وا شوف ا سيدي قدامك فالطريق ..
إيجا(كضحك من تحتها )
مول الطاكسي:هادي بنتك ا الالة....
بلقيس(شافت ف إيجا و تفرگعو بجوجهم بالضحك )
ماهي غير دقايق قليلة وصلو لباب لباب لي كيدخل للمدينة لقديمة...خلصو مول الطاكسي و تمو داخلين ...
إيجا:يمااا...هاد لمدينة كبييرة بزااااف ....شوفي الديور شحال عاليين....
بلقيس:علاه مالك يصحاب ليك هادا هو الدوار....
إيجا:دابا فين غادي نلقاو ديك المرااا فهاد لبلاصة...
بلقيس:ايلا باقي عقلي ينفعني ....نورة ختي كانت گالت ليااا ساكنة فشي بلاصة حدا شي سوق سميتو سوق لبحيرة....