♦️فتاة البادية والمفيوزي المتملك ♦️
♦️بقلمي مونيا لوباروس ♦️
....
#البنااات ...لي بغات تحط لقصة فشي گروب معليها غير تعلمني و تكتب سميتي ♥️♥️😘
مكنتش عارفة حياتي تقدر تقلب عليا بهاد السرعة على قبل قرار خداه با ف حقي ،ضطريت نحارب اي حاجة جات قدامي ب...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كمل لخدمة لي كانت ف يدوو و فنفس لوقت داير مكالمة على شكل ڤيديو مع الموظفين لي مخليهم مترأسين ليه خدمتوو ف كل فرع ديال شركاتوو و حتى اعمالو الغير الشرعية ... ناض من فوق لكرسي لي كان گالس فيه ،حيد التيشرت لي كان لابس و طلع للفوق و هو متعجب من انه صوتهااا مقطووع حيت غير مدة قبل ما يدخل فلمكالمة كانت كضور حداااه مصدعااه ..... زيدان(بنبرة هادئة وهو كيتمشى بخطوات بطيئة ف إتجاه بيتهاا ):إيجااا...(حل باب لبيت و دخل كيقلب عليهااا ووالو حسهاا مقطوع بشكل جاب ليه لخوف لي اول مرة كيحس بيه ...توجه ب خطوات سريعة لجيهة الحماام كيقلب فيه ووالووو...عاد هبط بسرعة لتحت كيقلب ب بلاصة ب بلاصة....حتى حل لباب وخرج ظناا منوو انها هرباات وهو يسمع عطستهااا ...تنفس نسبياًااا و ضار من جيهة الجردة لقاهااا متكية على الأرض كل رجل ف جيهة و شادة عندهااا قط ناعس فوق منهااا و أشعة الشمس ضاربة فيهاا و كل مرة كتعطس و تحك ف نيفهااا و مع ذالك مزال شادة لقط و كتلعب ليه ف ظهرو مستمتعة باللحظة حيت كون كانت بلقيس مكانتش تخليهااا تقرب من شي حيوان فيه شي زغبة .... زيدان(قرب لعندهاااا بخطوات غير مسموعة ،حنى بجسموو مقرب منهااا ومقابل وجهو مع وجهها وهي مغمضة عينيهااا مخلية الشمس تضرب ليهاا فوجهها ...شاف ف الجنااب بان ليه غير لگلاص لي كيقاد ليها وكيحطو فالثلاجة كل ليلة هو لحاجة لوحيدة لي حطات ف كرشهاا من لفطور لي غير بززو عليها فالصبااح ):مكليتي واالوو... إيجا(كتحك ف نيفهاااا وناضت وهي مزال گالسة فلأرض و لقط عاد مزال مخشي فيهاا..جمعات شفايفها بطريقة طفولية و حاسة بالعصافير كيلعبو ليهاا ف كرشها بقوة الجوع):گاع ملقيت لغدااا ... زيدان:همم...وعلاش ما قاديتيهش راسك!! إيجا(عطسات زوج مرات متتالين ):اا..اا معرفتش نديرو.. زيدان(قرب لعندهااا و باغي يجبد منهاا لقط حيت نيفهاا كلوو ولاا حمر بقوة ما كتحك فيه وحتى عينيهاا فيهم شوية ديال لحمورية) إيجا(بعدات عليها): للاا غير خليه بغيتو يبقى معاياا... زيدان:غير حطيه هنااا حتى نجيو و خليه معاك... إيجا(طلعات فيه راسهاا):علاش...فين غادي نمشيو... زيدان(جرو من عندهاااا ..حتى كيشوف لقط محاملش يجي عندوو و مزال كيتلصق ف إيجاا..هضر من تحت سنانو ):ولفتيهااا ا ولد لق**...(شاف ف إيجااا و نوضهاا من لأرض ) نخرجوو...شنو بغيتي تاكلي ... إيجا(كتحاول تهضر و لعطسة غالبة عليهااا حتى طلقاتهااا ليه فوجهووو ...طلعات عينيهااا فيه حشمانة منو و مزال كتحك ف نيفهااا ):ااا ..سمح ليااا...(تعلات على صبيعاتهااا كتمسح ليه وجهوو ب يدييهااااا ) والله ما قصدت ..هي خرجات بحدهاا.... زيدان( دوز لسانو على شفايفو وحابس ضحكتوو قدامهااا رغم انهاا واضحة عليه...شاف فيهاا مزال كتمسح ليه فوجهووو ...شد ليها ف ذراعهاا):طلعي دوشي باش نخرجوو... إيجا(شافت فراسها):يالاه دوشت الصباح.. زيدان(جارهااا مدخلهاا):عاودي دوشي..باش تحيدي الزغب.. إيجاا(وقفات كتشوف فيه ونطقات ب عفوية):هااء...انااا گاع ما فياا الزغب...(وراتوو ذراعهاا) ها نتاا شووف .. زيدان(طلق ضحكتوو بلا ميحس ):لاا كنهضر على ديال القط ... شافهاا بدات كتلون غير بحدهااا...جرهاا و طلع فالدروج ..دخلات هي للبيت باش دوش و حتى هو للبيت لااخر مشاا يجيب ليهااا الدواا باش يخفف عليهاا ...شاف حتى عياا ومشافش فحال عناادهاا رغم انها عندهاا حساسية مصرة انهاا تخلي لقط عندهااا فحضنهاا...بدل عليه و مشا عندهاا للبيت هاز معاه الدواا بعدمااا سمع صوت لمااا حبس ... إيجا(خارجة لابسة پينواار و كتعطس ....وقفات قدام لمراياا كتشوف ف عينيهاا حمرين كيحرقوهاا حتى كضور مخلوعة بعدماا سمعات تنحنيحتو موراها ...شافت فيه ب توتر ):اا..شنو كدير هناا؟ زيدان(قرب ليهاا حط ليهاا الدواا موراهاا فوق الطبلة):شربي هاداا قبل ما نخرجوو(هز يديه غطاا ليهااا صدرهاا لي باين نصوو من تحت لپينوار )اناا كنتسنااك لتحت ... بقات واقفة بلاصتهااا مايلة على الطبلة رغم انه خرج و سد لباب موراه ...گلسات فوق الطبلة كتسترجع أنفاسهااا و تصرفاتو معاهاا مؤخراا كيخليوهاا تنساا شنوو دار قبل كأنه ماشي هو نفس الشخص لي قلبو قصح من لحجر شي لي لاحظاتو قبل و زاد تأكد ليهاا ف ليلة ديال لبارح فاش مخلاهاش بحدهاا من بعد لحلمة لي حلمات و ليلة كاملة كان خاشيهاا فحضنو كأنه هو بر الأمان الخاص بيهاا ....وهادشي هو لي كيخليهاا كتسائل واش هادا هو نفس الشخص لي كتكره... نشفات شعرهاا بسرعة و دخلات للدريسينغ لبسات عليهاا كسيوة صيفي لونها أزرق سماوي واصلة ليهاا ل ركابيهاا و كتافهاااا هابطين و من جهة الخصر فيهاا سلسلة ذهبية..لبسات صنيديلة صيفية فلبيض و هبطات مخلية شعرهااا على راحتوو ،متحمسة تشوف ديك لبلاصة لي هوماا فيهااا حيت علاين سيمانة وهوماا تمااا ومزاال ما شافتش ديك لمدينة رغم انه لبلاصة فين گالسين كطل على لمدينة كاملة من لفوق.... إيجا(هبطات لعندوو كيبان ليهاا عاطيهاا بضهرو وشاد تيلي كيهضر بلغة هي براسها مقدراتش تفرزهااا ...وقفات بهدوء موراه مباشرة كتسنااه يسالي غير عطستهاا لي فرشاتهاا) زيدان(مزال شاد تيلي ف يدوو كيهضر و ضار لعندهااا مخلي الشخص لاخر كيهضر بوحدوو ما لاقي حتو رد منوو....دوز لسانو على شفايفو وقطع المكالمة وهو هايم فيهاا وبلخصوص انهاا لابسة اللون لي كيعجبوو ..لعب ليهاا ف نيفهاا لي باقي حمر بقوة ما حكاتو ): كملتي.. إيجا(حكات نيفهاا وحركات راسهاا ب أه وتابعاه من لور وكتفكر ف تصرفاتو معاهااا و الإستنتاج الوحيد لي كتخرج بيه هو انه ندم ...كيفماا كانت فهماات من هضرة هاجر فاش كانت اخر مرة هضرات معاهاا و عاودات ليهاا ) زيدان(حل ليهاا باب لوطوو و كيتسنااهاا طلع وهي بالهااا ماشي معاهاا ..وملاحظ ترددهااا لي واضح وضوح الشمس قدامو ):هضري اناا كنسمع...شنو بغيتي تگولي .. إيجا (عضات شنيفاتهاا و كتحاول تهرب من شوفاتو ليهااا ):..ا مبغيت نگول والو (ركبات ف لوطو و سدات لباب موراهااا مخلياه واقف حيت واخاا تبدل معاهاا إلى انهاا مزال عندهاا خوف منووو ) زيدان(عقد حجبانو وفضل يخليها على خاطرهاا حتى تاخد خطوة وتجي ب نفسهااا لعندو..
