فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 64

بلقيس(يالاه فايقة من نعاس وهابطة لتحت تابعة جوزيف):صباح لخير
جوزيف(قرب يديها باسهم):صباح النور
بلقيس(يالاه ناوية تبدا ماكلتها..كتسمع صوت فران مجهد ..قفزات مخلوعة):اش هادشي 
جوزيف:بنتك هادي باينة
بلقيس(شافت فالساعة لي فيديها):مزال لحال الصباح هدا..(قبل ما تكمل هدرتها بانت ليها داخلة ولابسة حوايج ديال السهير..)اويلي على هادي مبايتاش فالدار..اجي نتي لهناا (شافتها غادا و ممسوقاش ليها )راني كنهضر معاك واقيلة
إيجا(رمات صندالتها فلأرض وطالعة لبيتها عينيها كلهم منفوخين بلبكا )
بلقيس:هضرت معاك نتي ..اجي لهنا شهاد لحالة جاية فيها شواقع
إيجا:يمااا ...ما فياش لي يهضر..لي فيااا كافييني..بعدو مني بارااك
بلقيس(جراتها من يديها كتغوت ):فين بايتة...فين كنتي شهاد لحالة جاياني فيها على الصباح (للحظة شكات)معامن كنتي
إيجا(بدات كتغوت و كتهضر بنبرة باكية):بعدوو منييي...واش انااا مغاديش نرتاااح...واش انااا مكتاب عليااا غير لعذااب ..علاش كيطرااا ليااا هكااا علاااش..شمن ذنب دايرة انااا لي يوقع ليااا هادشي
بلقيس(بدات كتفقد اعصابها ):واش حماقيتي نتي ولا مالكي ..هضر معاها ا جوزيف
جوزيف(هضر بنبرة قاصحة):إيجااا...اخر مرة نسمعك عليتي صوتك على ماماك..
إيجا(تمات طالعة فالدروج):هي ايلا خليتوني نمشي نرتاح
بلقيس (بقات واقفة مصدومة بلاصتها):واش هادي بنتي ..واش شفتيها ا جوزيف كيف كتهضر معايا .شي حاجة واقعة،عمرها هضرات معايا هكا
جوزيف(جر بلقيس ):صافي خليها حتى ترتاح ..متظغطيش عليها بزاف
بلقيس(كترعد):لا لا متگولش لياا..شي حاجة طرات ،بلاتي خليني نمشي نهضر معاها ..ياكماا شافتو ا جوزيف ..ياكما گال ليها شي حاجة
جوزيف(حبسها ):بلقيس ..راه هضرنا خليها على خاطرها فاش تبرد راه غادي تجي تهضر معاك
بلقيس(كتشوف ف جوزيف شاد ف راسو ):مالك شنو عندك
جوزيف(گلس فوق لكاناپي  و شاد فراسو بقوة الألم )
بلقيس:جوزيف .شنو عندك راك خلعتيني
جوزيف:متخافي والو غير صداع خفيف
بلقيس(قلبها تقبض عليها):حالك مبقاتش عاجباني هاد الايام معرفتش علاش كنحس بيك مخبي عليا شي حاجة
جوزيف(شاف مطولا ف عينيها لي خايفين عليه وماباغي يگول ليها والو على الاقل حتى يدوز هاد النهار وميخربش ليها فرحتها قبل ما يدوز لعرس لي من شحال وهي كتسناه حيت عارف شحال عزيزة عليها هاجر وكتعتابرها فحال بنتها ):ما كاين والو ا بلقيس..غير عيان مع لخدمة شوية
بلقيس:كنعيا فيك باش ترتاح ..راسك قاصح
جوزيف(شاف فيها وبتاسم):وا نهار كامل كنكون مشغول ..وفليل مكتخلينيش نرتاح
بلقيس(ضرباتو لكتفو):شوف كيف انا خايفة عليه   وهو فين كيهضر ..تبغي نجيب ليك شي دوا !
جوزيف(قرب يديها وباسهم):متخافي من والو اعمري ..غير مع لعيا ديال لخدمة و صافي..متشغليش بالك..نوصلك معايا عند نورة!
بلقيس(حسات بيه كيقلب لهدرة..شافت فيه مطولا وحالفة حتى تعرف شنو مخبي عليها):اه واخا بلاتي نلبس عليا ونجي
جوزيف:يالاه طلعي لبسي عليك انا نتسناك على برا
بلقيس:واخا
جوزيف(هز تيلي ديالو بعدما مشات بلقيس وتم خارج برا باقي شاد فراسو ):عرف ليا فين كيتحرك زيدان المالكي ..
#عند سهيل لي كان راجع من عند هاجر معاه يوسف  بزوج غادين للأوطيل  يشووفو تحضيرات العرس فين واصلة  ،تمو داخلين من لباب الرئيسي ديال لأوطيل لي كان شبه خاوي حيت سهيل ركز على العرس ديالو باش يدوز فأحسن الأوضاع ومابغاش لكليان ديال لأوطيل يبرزطو ..يكفي غير المدعووين لي اغلبهم من بلدان مختلفة محتلين لأوطيل كامل غير باش يحضرو لعرس سهيل الزهيدي ،وحتى من صحاب يوسف لي كانو كتار ..
سهيل(كيشوف موظفة جايا كتجري خارجة من لباب ديال الريسطو ،حبسها وهو باغي يعرف شنو كاين):هيييه ..شواقع علاش كتجري فحال ايلا هربانة
الموظفة:موسيو سهيل..موسيو زيدان المالكي .من قبيلة وهو كيتسنى فيك
يوسف:ومالكي خايفة فحال هكا .دار ليك شي حاجة!
سهيل(شاف ف يوسف بسخرية):من نيتك ..بانت ليك هادي ايجا باروخ باش يدير ليها شي حاجة ..اش عندو ما يدير ليها
يوسف(طلق ضحكة غبية):ههيهيه ولاهيلا
سهيل:باينة غير خافت من السلاح..هاد الايام بانت ليا المافيا الدولية مرونة سفاها   على علاها..ضروري يزيد عليه الحماية..واخا مكتنفع معاه فوالو
يوسف:زيد دخل الله يسمعنا خبار لخير ..رجعنا تاني للحرب مع جوزيف
سهيل:داكشي لي فراسك مكنضنش ..موحال واش منو شي حاجة .ربع سنين ميمكنش يكون مزال حاطها فراسو غادي يكون غير باغي يحمق جوزيف ...نتخاطروًعليها
يوسف(ضحك ضحكة خبيتة):شنو رابح معاك انا فهاد التخاطيرة
سهيل:لوطو الجديدة ديالي لي عجباتك ..ونتا؟
يوسف(كيضحك عليه):انا عاطيك ختي كاملة ومزال كتشرط ..اصلا انا لي رابح غير بلا ما تسنى مني شي حاجة
سهيل:زيد دخل نشوفو شواقع
يوسف(مع دخل مع باب الريسطو لي وسط لأوطيل ..حل فمو وصفر تصفيرة طويلة ):شهادشي
سهيل(مشى ديريكت لعندو ):شواقع هنا ا صحبي شهاد الحالة
زيدان(محطوطين قدامو اسلحة وهو كيقلب فيهم ،نطق بنبرة  هادئة على غير عادتو ):اهلاا ب سي لعريس ..مبرووك ما درتي
سهيل(نسى گاع شنو كان باغي يگول ..گلس حداه وهو كيضحك):الله يبارك فيك ..لعقبة ليك
زيدان(مزال كيقاد فالسلاح وبتاسم على غير عادتو من ديك العقبة ليك لي گال سهيل)
سهيل(تفكر شنو كان باغي يگول ):احم..مگلتيش ليا شنو جابك لهنا على الصباح نتا وهاد الجيش ديال ل گارد
زيدان(حط السلاح و جبد السيگار ديالو شعلو ):هادو الرجال ديالي هوما لي غادي يكونو ليوم بليل فلأوطيل
يوسف:كتقصد هوما لي غادي يكونو حاضيين لأوطيل فوقت لعرس ؟
زيدان:بطبيعة لحال ..
سهيل:وعلاش ب السلامة ياك نتا مغاديش تكون !
زيدان(خنزر فيه):وشكون گاليك مغاديش نكون .وايلي صاحبي غادي يتزوج و منحضرش...علاش كاين شي مشكل ؟
يوسف(غمزو ):يالاه هضر
سهيل:لاا غير حيت مموالفش ليك كتحضر لهادشي
زيدان(شاف فلگارد):خرجو
يوسف(ناض من بلاصتو):انا غادي نشوف فين وصلو لخدامة
زيدان(خلى يوسف حتى مشى و وجه هضرتو ل سهيل):داكشي لي واحل ليك من قبيلة غير گولو انا كنسمع..شكاين تاني
سهيل:لا والو غير خفت يوقع شي مشكل ليوم
زيدان(داخل لتيلي كيضور ف تصاورها و شاد سيگار ف يديه):لا معندك مناش تخاف ..مغاديش يدخل حتى حد للداخل بلا ما نتأكد منو.
سهيل:ماشي هادشي لي كنقصد
زيدان(عارفو علاش مطوي):ومن شنو ..باراك من هاد لهضرة د تب وهضر نيشان
سهيل: عارف بعدا عائلة باروخ كاملة غادي تكون ليوم فليل ..
زيدان(بدون إكترات لهدرة سهيل):ومن بعد
سهيل:كيفاش هاد من بعد تاني ..
زيدان:خرج راسك من هاد لق**وي  ..انا قاد بشغلي مع جوزيف ومبقاش كيهمني من الاصل
سهيل(باغي يعصبو):ايه واخا و ايلا مبقاش كيهمك هو ..شكون كيهمك
زيدان(ناض من بلاصتو وحط يدو على كتف سهيل):تهلى
سهيل:فين غادي ..(ضحك نصف ضحكة ) جاوبني بعدا و سير
زيدان:عندي ما يتقضى
....
نورة(دخلات على خولة للبيت):دابا مناوياش تسكتي عليا هاد لخرشاشة
خولة(كتشطح مامسوقاش ليها):وا ماما راني فرحانة ..واخيرا جا لعرس شحال وانا كنتسنى
نورة(حيدات ليها لپريز من الضو):فرعتي ليا راسي...الجيران بداو يتشكاو
خولة(غادا ناوية على خزيت):شكون هادو لي جاو يتشكاو وريني..
نورة:ياربي تعفو عليااا ..ناس عندهم بنات وانا عندي خراجة..
خولة(سمعات صونيط على برا ):انا غادي نوريهم ..
نورة:افين غادا يا هاد لبنت
خولة(هابطة فالدروج كتجري):غاديا نشوف شكون هادا لي جاي يتشكاا
والله حتى نوريهم علاش قادة
نورة(تابعاها كتجري ):اجي لهنا غير كنت ضاحكة معاك
خولة(حلات لباب بالجهد):مالنا على هاد الصداع شكاين..راني كندوي معاك مالكي ساكتة...جايا حتى نتي تشكاي
نورة(خبطتها لضهرها):هادي خالتك ا لحمارة واش مدايراش نضاضرك
خولة(خرجات فيهم عينيها):خالتي ...بلقيس!
نورة(دفعاتها):طلعي طلعي لبسي عليك نضاضرك ولا ديري لي لونتيل ديالك المصيبة
بلقيس(واقفة مفاهمة والو):ا لبنت عندك عمية ما فيهاش ...حداها انا و مشافتنيش..
نورة(طلقات الضحكة ديال ديما ديالها):دخلي دخلي ...راه حمقة هاديك ماتديش عليها..
بلقيس(دخلات للداخل تابعة نورة ):مزال ما بديتي توجدي راسك
نورة:لا مزال بشوية عليا ا ختي ما مزروباش..
بلقيس:ااه
نورة:نتي شنو جايا بعدا ديري هنا ميصحابليش راك جاية
بلقيس:غير جيت نتوانس معاك وصافي ..راك عارفة إيجا راسها مشغول هاد الايامات مابقاتش حتى كتگلس معانا..كتبقى نضور فداك لقصر كيف لحمقة بوحدي..
نورة(حطات ليها كاس د قهوة قدامها):مال ايجا تاني ..مالكي شاطنة راسك معاها خليها دير لي بغات راها كبرات
بلقيس(بحسرة):لمشكيل ماشي هو هادا ...لمشكل هو داك لي ميتسماش رجع تاني
نورة(شدات ف قلبها):اويلي ومن امتى ..ياكما تلاقات بيه
بلقيس(كتهضر و غصة فوسط حلقها :معرفتش ..لا هي لا جوزيف مكيگولو ليا والو ..مابقيتش عارفة شنو كيديرو
نورة:لعجب هدا...زعما يكون مزال حاطها فراسو
بلقيس:متقدريش تعرفي داك بنادم علاياش ناوي ..انا كتهمني غير بنتي مخصوش يقرب منها تاني
نورة:معندكش من اش تخافي ..ديها غير ف صحتك دابا اما ايجا قادة ب شغلها..(شافت فيها مطولا) ضروري خاصك دوزي ل كلينيك نديرو فحص شامل مبقاتش عاجباني هاد لحالة لي راكي فيها..
بلقيس:اشمن ا نورة واش وقت هادشي دابا
نورة:ا راني دويت غادي تجي هي غادي تجي ..
بلقيس(حركات ليها راسها ب أه ):إنشاء الله
###جهاد لعشية كاملة وهي جالسة ف الصالون كتسنى إيجا تهبط ولكن عيات ما تسنى وحتى واحد ما عطاها شي خبار ،داكشي لاش قررات تطلع وتشوف شنو كاين ..دخلات ب خطوات بطيئة فوسط الظلام لي كاين ف بيت إيجا ..شافت حتى عيات و حلات ريدو كامل باش تفيقها حيت عارفاها ايلا بقات هكا مغاديش تفيق حتى للغد ليه
إيجا(نايضة معصبة):شواقع
جهاد(حاطة يديها على خصرها):نتي لي بنتي ليا مزال ناعسة ..شهاد لحالة ا صحبتي
إيجاا (رجعات مكملة نعاسها):خليني عليك ..و سدي داك لق**وي خليني نكمل نعاسي
جهاد:واش تسطيتي راه لعشية هادي ..ايمتا غادي توجدي راسك
إيجا: لشنو
جهاد:للعرس
إيجا(خاشية راسها من تحت لمخدة):مابقاش بان ليا لبلان فهادشي
جهاد (مشات گلسات حداها ف طرف ديال الناموسية):راك بعقلك واقيلة ماشي درية صغيرة..راه صاحبتك هاديك
إيجا(ساكتة ومكتگول والو)
جهاد:بلا ماتحمقي ديلمي ا ايجا ..نتي عارفاها ماكانتش تقدر تگوليك شي حاجة ..غير خويتي لغضب ديالك فيها وصافي ..مكانش عندها شي حل من غير تخبي عليك ..دابا كون جات و گالت ليك راه رجع وكان معانا ف إيطاليا كانت غادي تجيك عادي !أ دوي معايا أ لخرا ،راني كنهضر معاك
إيجا(جمعات لگلسة و شعرها كلو مخربق كتفكر فهضرة جهاد .وعارفة هاجر ما معاها حد لي يكون معاها ف نهار فحال هادا ..):شهاد النهار كي ز** ..
جهاد(قطعتها من سهوتها):دابا مغاديش تنوضي.. راه يالاه توجدي راسك
إيجا(نايضة زعفانة من بلاصتها لجيهة الدوش):هاهي نايضة بقيتي على خاطرك دابا
جهاد(فرحانة):يخليلي لي كيسمع لهضرة ..يالاه وجدي راسك انا غادي نسبقك عن هاجر نشوف فين وصلات
إيجا(كتهضر ب تردد):هض رتي معاها
جهاد:اه قبل ما نجي..
إيجا:باقا مقلقة مني !
جهاد(ضحكات بخفة):مكنضنش تقلق منك ..ليل كامل وهي كتسول فيك منعساتش ..
ايجا(دخلات للحمام و كتهضر مع جهاد لي واقفة ليها حدا لباب ):جهااااااد
جهاد:ا نعام
ايجا: قبل ما تمشي ..مدي ليا معاك تيلي ديالي نهضر مع هارون
جهاد(داخلة عليها للدوش):هاي هاي هاي توحشتي حبيب لقلب
إيجا(للحظة تفكرات هضرة زيدان): غير نسيت ما هضرتش معاه من لبارح
جهاد(خرجات عينيها):متگوليش ليا غادي تجي معاه للعرس
إيجا(غمزاتها ):بيان سيغ ا زين..
جهاد(بدات كتنقز):اااح من دابا كنتخيل المنظر ..نتي وهارون داخلين يد فيد و انا مع يوسف موراكم ..واااو
إيجا(طلات عليها):كيفاش نتي ويوسف
جهاد (كتلعب ب شعرها):احم..تافقت مع يوسف باش ندخلو للعرس بزوج ..احمم
إيجا:هاي هاي هاي ا وليتي مساهلاش ا مادموزيل جهاد البغدادي ...
جهاد:هانتي گلتيها..جهاد البغدادي ..
إيجا:وا سيري الله يمسخك..خرجي عليا راني عريانة
جهاد(شافت فيها):ولاهيلا مكدباتش خالتي منين گالت ليك خاصك تحفظي و تملكي لخيرات لي عطاك الله ...
إيجا(شيرات عليها ب صابونة): واااع ..سيري تق**ودي عليا خرجي أ لميكروبة
جهاد(خرجات هاربة وشادة ضهرها من الضربة ): تفو جبتيها فيااا ...فاش تسالي صوني ليا باش ندوزو عند هاجر للأوطيل
إيجا(سكتات للحظة):علاش هي مكايناش فالدار !
جهاد:لا گاليا يوسف راها مشات للأوطيل باش تكمل توجاد تما...
إيجا:اه صافي واخا ...سبقيني حتى نوصل عليكم بينما كملت  الدوش
جهاد:اوكي ..تهلاي
.......
عند هاجر وبالظبط ف جناح كبير كيطل على لبلاصة لي غادي يكون فيها العرس ..وفنفس الوقت كيبان لبحر عاطي منظر زوين مع غروب الشمس ..و موسيقى خفيفة هادئة مطلوقة على برا ، هي گالسة قدام لمرايا وموراها جيش ديال لبنات لي كيقادو ليها وكيعاونوها ..على رأسهم واقفة ريناد لي كتگول ليهم شنو يديرو..اما هاجر شادة راسها غير بزز عليها غير حيت عرسها و نهارها هذا ، اما حتى صوتها محاملاهش و داير ليها الطيارة فراسها ..كون تخرج فيها گاع هادشي لي معصبها ..
ريناد(قربات ليها):هاجر حبيبة تقدري تقربي شوية باش نبداو نقادو ليك شعرك
هاجر(دارت ليها ضحكة صفرة):علاش ميمكنش تقاديه وانا گالسة هكا..
ريناد: مغاديش يخدمو فراحتهم ..من لأحسن تقربي لهنا باش يخرج ليك شعرك مزيان
هاجر(تأفأفات ):هادشي ماشي بزاف .عمرني گلست قدام لمرايا هادشي كامل
ريناد:عادي ا حبيبة راه عرسك هادا ..
هاجر(كتهضر من تحتها):اويلي هادي مالها كترات عليا بهاد حبيبة ..يعطيك حبوبة أ لمسيميمة
ريناد(ضارت لعندها):گلتي شي حاجة
هاجر:ها لاا ...جهاد جات ولا مزال
ريناد:لا مبانتش ليا
هاجر(شافت ف تيلي  وهي متوترة):گالت ليا غادي تجي هي و إيجا شفتها تعطلات
ريناد(بتردد):حتى إيجا غادي تجي!
هاجر(طلعات فيها وهبطات):وراه صاحبتي هاديك علاش مابغيتيهاش تجي لعرسي
ريناد:لا متفهمينيش غلط..غير سولت وصافي ما ف نيتي والو
هاجر(شافت حتى عيات وهضرات معاها ب هدوء):باينة حيت خوك غادي يحضر
ريناد:اه داكشي لاش سولتك
هاجر:مشكيلة هادي
ريناد:نقدر نسولك ايلا كان ممكن
هاجر (شافت فيها):شنو
ريناد:معرفتش شنو لمشكل بالظبط لي واقع بين خويا و بنت جوزيف ..نتي عارفة ..شنو دار خويا ل إيجا؟
هاجر(شدات تيلي ديالها كتقلب فيه متجاهلة السؤال ديالها ):بحالي بحالك حتى انا معارفاش كيفما كلشي معارفش ..داكشي بيناتهم هوما لي عارفين
جهاد(دخلات لعندهم بالزغارييت  ): لا لا لا اختي هاد الزين كامل فين كان مخبي..سهيل دا الزين  والتباتة  ..اما تباتة محال واش فيك
هاجر(ضارت لعندها كضحك): غير زيدي راك كتكحلي معايا الضوسي
جهاد:لا اختي خلي داكشي بيناتنا بيض مكاين لاش نكحلوه ..الضوسي ديال يوسف مدخليهش فهادشي اختي
هاجر(شافت ف ريناد تزيرات): اجي يوسف مبانش ليك لتحت
جهاد: بان ليا هو و سهيل گالسين ف الريسطو لتحت كياكلو ...هههه قاتلهم غير الستريس
هاجر:يوسف حتى هو مستريسي كتر من سهيل ..
جهاد(كتحط حوايجها):ههه بان ليا مبغاش يبقى بحدو
هاجر(غمزاتها):على مالي انا خليتو بوحدو ..نتي فيك الكفاية الزين
ريناد(شافت حتى عيات و خرجات من الجناح معصبة)
جهاد:هادي مالها
هاجر:متديش عليها...فين إيجا مزال ماجات
جهاد:هاهي شوية وتجي
هاجر:كيف بقات شوية!
جهاد:اه دزت عندها قبيلة ..بانت ليا مزيانة  وخليتها كتوجد راسها قبل ماتجي ..
هاجر(عاد تنفسات مؤقتا):صافي  دابا عاد رتاحيت