♦️فتاة البادية والمفيوزي المتملك ♦️
♦️بقلمي مونيا لوباروس ♦️
....
#البنااات ...لي بغات تحط لقصة فشي گروب معليها غير تعلمني و تكتب سميتي ♥️♥️😘
مكنتش عارفة حياتي تقدر تقلب عليا بهاد السرعة على قبل قرار خداه با ف حقي ،ضطريت نحارب اي حاجة جات قدامي ب...
فبلاصة اخرى بالظبط فساحل ماربيلا ...كان الصباح طلع والريح كيضرب ليهااا فوجهها وهي مكمشة ف غطاهاااا ... إيجا(ناضت من بلاصتهااا وكتحك ف عويناتهاااا ):نعست هاد الوقت كامل ! دخلات للدوش قضات حاجتهااا وهبطات لتحت ب خطوات بطيئة على صبيعاتهاا كتعرج كأنهاا كتسلت ،كان غير صوت لموسيقى لي مسموع ... طلات لقاتو شاد پيسي قدامو وحداه وراق بزاف ،وشاد كاس دلقهوة كل مرة كيشرب منوو وكيف ديمااا صدرو عرياان ..كملات طريقهاا وهي حاسة بالجوع حتى دخلات لكوزينة ،حلات ثلاجة وهوماا يخرجوو عينيها على كاس كبير فيه لأيس كريم بالشوكولا نساهاا فالجوع ، جبداتو وگلسات كتبنن و فنفس لوقت كتشوف فلبحر زيدان(وقف مربع يديه و حاضيهاا كتلحس لكاس لي ما بقاا فيه والوو ) إيجا(حطات لكاس وكتلحس فشفايفهاا ):مم بنين ... زيدان(بانت ابتسامة عريضة على وجهوو من تصرفهااا الطفولي ...قرب لعندهاا وهو موحشهاا من لبارح رغم انه طل عليهاا فاش كانت ناعسة واخة كانت سادة لباب ..لكن تقصد انه ما يجيبهاش حداه باش تبقاا على راحتهاا معاه ):صباح لخير....(هبط مص مصيصة من شفايفهاا لي لاصق فيهم الشوكولا) نعستي مزيان ! إيجا(بعدات فمهاا عليه ،ونطقات بشجاعة غير معهودة منهاا ،وهي بنفسهاا مستغربة من خوفهاا لي مبقاش كيبان قدامو):م..متبقاش تبوسني ... زيدان(بدون شعور طلق ضحكة شي لي خلا صوت ضحكتو يتسمع وهو بنفسو اول مرة يسمع صوت ضحكتوو ): علاش...معجباتكش!! إيجا(متعجبة منو حيت أول مرة كيضحك بديك الطريقة قدامها...نطقات وهي كتلعتم فهدرتها):اا ..لا..مكتعجبنيش ... زيدان(حط يديه فوق الطبلة وهي وسطهم ،نزل عندهاا وحاط نيفوو على نيفهاا كيستنشق عبيرهااا بطريقة جنونية كتعبر على هوسو ):اناا كتعجبني .... إيجاا(هبطات من فوق الطبلة باش تهرب منو و عاد ما زادت قربات وهو محاصرهاا ، طلعات عينيها فيه و هي كتنفس ب صعوبة ، لحد الأن مزال صعيب بالنسبة ليها تقرب من شي راجل لهاد الدرجة ،حاجة لي مكانتش مولفاهاا .ولأول مرة كتجربهاا...و زيدان خداا گاع لحقوق..) زيدان (زاد غرق ف عينيهاا لي اول مرة كتشوف فيه بيهم بديك الطريقة و خفقات قلبهاا لي كيحس بيهم ف صدرو..شي لي خلاه يتمنى ديك اللحظة عمرهااا تسالي ): من ايمتا ونتي مع سفيان! إيجا(بعدات عينيها عليه و كتحاول تفك من يدو) زيدان(رجعهاا لبلاصتها وراسو ضارو باغي يعرف ):حتى نكمل هضرتي معاك عاد تقدري تمشي...(جرها من خصرهاا و يديها بزوج رجعهم ليها لور ونظراتو دغياا تبدلو من نظرات حب لنظرات خوفوهاا ) شنو كان بيناتكم!! إيجا(كتلعتم فلهدرة):ا و ا لو زيدان(زير عليها فيديهاا من لور ومتايقش ف هدرتها):منين والو...علاش كان كيجي ليك حتى لكلية إيجا(مقصحة ف يديهاا وعارفة مغادي يطلقهاا حتى يعرف ): راه گتليك والوو.... زيدان(كيتسنى منهاا تكمل هضرتها) إيجا:نهار جيت لكازاا هو لي عاوني ...خالتي نورة لي كانت موصياه علياا... زيدان(ضحك ب سخرية):علاش مالكي..نتي بنت صغيرة يحضيهاا... إيجا(شافت فيه وهي كتنخصص وباغاه غير يطلقهاا بقوة ما هي مقصرة): حيت هئ هئ انااا اناا هئ حياتي كاملة واناا عايشة فالدوار...و و عمري خرجت منوو هئ هئ (شدات يديها معنقاهم بعدماا طلقهم ليها و مزال كتبكي و تحك فعينيهاا فحال شي بنيتة صغيرة ) ايي يديي هئ هئ زيدان(عض شفايفو وهز ليهاا يديها لي مقصحة وبسرعة تحولو نظراتو لنظرات حب و هيام وهو كيشوف فيها كيف كتنخصص ):كيضرك هنااا... إيجا(كتحرك راسهاا بأه و دموعهاا على سبة دغياا نزلوو) زيدان(باس ليهاا يديهاا بحنية ):هناا!! إيجا(حركات راسهاا بأه و ليد لخرى كتمسح بيها عينيها) زيدان(قربهاا ليه من خصرهاا وحط راسو على كتفهاا كأنه معنقهااا وكيطبطب على ضهرهاا كأنه مساير طفوليتهاا ):صافي ..مغاديش نعاود ... إيجا(جمعات قبضتهاا و عطاتو لكتفو ومزال كتشهق):نتااا..نتاا ديمااا كدير ليااا هكااا ..انااا عمري درت ليك شي حاجة.. زيدان(مزال فبلاصتو ):لاا درتي .. إيجا(زادت ف وثيرة لبكااا):لاااا...والله ما درت ليك شي حاجة... زيدان(هز راسو كيطل عليهااا ):درتي بزاااف ...(طبع بوسة على راسها ب حنية ) بكاية....غسلي وجهك ،قهرتي هاد العوينات بلبكااا حتى مبقاش كيبان لونهم ... إيجا (سلتات من يدوو و خرجات كتجري من لكوزينة) زيدان(تبعهاا بعينيه حتى خرجات.. و راسو ضاروو باغي يعرف شحال ف عمرهاا ،جبد تيلي كيقلب على معلوماتهاا الشخصية لي كانو عندو اول مرة حط عليهاا عينوو....حل عينيه على جهدهم ومصدوم من عمرهااا لي مزال ما تعداش الواحد والعشرين ،عكسوو هو لي طالع ف ربعة وتلاثين ...دوز يديه على شعروو وتعابير وجهو ممفسرينش): ممم ماشي مشكيل ...نطلعهاا على يدي ...(شاف ف لكاس لي كانت كتاكل منو لگلاص جاتو ضحكة ) اخخ بقيت كنضور حتى تسالاو لياا مع بنيتة صغيرة ...
