فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 39

💟فتاة البادية و المفيوزي المتملك💟
💟الجزء التاسع و الثلاثون 💟

سهيل(واقف ومعاه هاجر كيقادو لغداا شاف فيهاا بانت ليه ساهية و حاطة يديهاا على وجهها):شنوو لي مخليك ساكتة  فحال هكاا...مامولفاش ليك !هممم..
هاجر(عوجات شفايفهاااا و كتشوف ف الجردة ):لااا والووو غير كنفكر..
سهيل(كيدوق من لماكلة لي كانت كتقاد فيها):عمرك عاودتي لياا عليك...
هاجر(ضحكات ب خفة):علاه شنوو مزال معارفش علياا..
سهيل(حط يديه على لپوطاجي وكيحاول يسمع ليهاا): علاش معمرك گلتي لياا انك كبرتي فلخيرية!! حتى للبارح عاد عرفتهااا فاش جيت عندك للكلية؟
هاجر(ربعات يديهاا ومتكية على لپوطاجي و كتشوف ف الجردة ب تمعن):شنوو باغي تعرف ...شي حاجة لي براسي معارفاهاش ..أنا حلييت عيني فلخيرية ،معمرني عقلت على شكون هوماا عائلتي لحاجة لوحيدة لي عاقلة عليهاا هي و أنااا كنلعب ف جردة فحال هادي لي قدامي ..
سهيل(تنهد وحاس بلحرقة لي فصوتهاا وهي كتهضر):و كي درتي حتى عرفتي ديك السيدة لي كنتي ساكنة معاهااا فالدار
هاجر:ااه لحاجة لكبيرة فاش خرجت من لخيرية كانت عندي 18عام ...كانت واحد السيدة سميتهاا حورية كتخدم فلميناااج قديمة تمااا ...هي لي عاوناتني باش كريت عند لحاجة ...(ضحكات ب سخرية) وولدهاا سفيان هو لي توسط ليااا باش نلقاا لخدمة ،وللبنات كاملين لي كانو تمااا ...
سهيل: و إيجاا!!
هاجر: إيجااا ...إيجااا فحااال كتر من ختي ،كنت نهار كضور بياا الدنياا كنلقاااهاا ديماا قدامي كتمد لياا يديهااا ...واخاا حتى هيااا ما دااات فالدنيااا ما جابت وفين ماا مشاات كيضورو بيهاا الذياب...و أخرهم صاحبك (عضات شفايفهااا ب عصبية) معرفتش علاش ما گالت لياا والوو كون راااه...
سهيل(هضر قبل ما تكمل كلامهااا ):تيقي بياا ...راك مكتعرفيش شكون هوو زيدان....إيلا دار شي حاجة فبالو مكيحيدهااش حتى كيديرهااا...
هاجر(عقدات حجبانهاا):اناا مفهمتش داك بنادم لاش مزاال محيدهاا من راسو...كنت كنگول يمكن ندم ولكن محاال...
سهيل:يندم(شداتو الضحكة)
هاجر(تأفأفات): پففف طاب داكشي ولا مزاال قتلني الجووع
سهيل(وقف قدامهااا و هز ليهاا راسهاا لعندوو باسهاا ف جبهتهاا ):نساي أي حاجة فاتت (كيلعب ليهاا ف شعرهاا وعينيه مباشرة ف عينيهاا) بغيت من ليوم نكون اناا هو الشخص الوحيد لي تحطي عليه راسك نهار ضور بيك الدنياا...(مسح ليهاا دمعة خفيفة هابطة من عينيهاا )
هاجر(دورات يديهاا على خصرو و خاشية راسهاا ف صدروو كأنهاا كتستمد منوو القوة لي مبقاتش ليهاا ):شكراا..شكرا بزااف ..مكنتش عارفة شنو غادي ندير كون مكنتيش نتااا....(شداتها الضحكة وسط دموعهاا ) واخاا نهار لول مشيت غالطة فييك ...
سهيل(كيضحك وكيتفكر داك النهارلقطة ب لقطة):ما موافاش كداار بيااا ..داك النهار طلع معايا لقالب...(قرب لعندهاا طبع بوسة خفيفة فوق شفايفهاا ) واخاا تسنيتك تعيطي ليااا كون ماا ديك لحفلة دارت معاياا مزياان..
هاجر(شافت فيه):واا سهيل..راه قتلنيي جووع ..(ضرباتو لكتفوو) و كنگول ليك متبقااش تبوسني...
سهيل(تنهد ):عرفتي نتي شنوو خاصك !! خاصك تكتبي شي كتاااب سميتوو 100طريقة لتخريب اللحظات الرومانسية...
هاجر(خرجات عينيهاا):يااااك ..
سهيل(شاد كرشو كيضحك):شفتي ..داباا گلت ليك غير لي كاين معجبكش لحاال...
هاجر(حطات يدهاا بزوج على خصرهااا):اييييه علاه غير أجي و بوس ولا كيفااش...
سهيل(كيقرب ليهاا):علاش ..ياكمااا خصني الرخصة باش نبوسك ..نفكرك فشكون أناا مرة أخرى ولا نسيتي..
هاجر(كتفكر أخر مرة فاش خلاهاا تنطق بزز منهاا أنهاا حبيبتوو):لا صافي عقلت...
سهيل(حصرهاا):غير شوفي وكاان...
هاجر(بداا وجهها كيتلون):والله حتى عقلت...
سهيل(مد ليهااا حنكوو )
هاجر(بالزربة باستو ف حنكوو و هرباات ):الإنحرااااف شخصيااا هوو نتاااا...