فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 8

🔶فتاة البادية والمفيوزي المتملك🔶
🔸الجزء الثامن🔸

#####بعد عاااااااام#####

⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️

خولة(ناضت و شعرها مخربق طايح على وجهها ):ياااه ليوم الشمس طلعاات بكري....
إيجا(مزال ناعسة و ضاربة الدنيا بركلة)
خولة(شافت فالساعة عاد عاقت بلبلان):نارييي.....إيجاااا...واااا إيجاااا نوضي قفرناااهااااااا ...9 د صباااح هادي تعطلنااا بساعة....
إيجا(ناضت قافزة):مالكي على هاد الصباح نتي....
خولة:ليوم راه لخميس بجوجنااا كندخلو مع التمنية...
إيجا(رمات لغطاا لي كان فوقها و ناضت )
خولة(كتجري تابعهاها):والله لا دخلتي نتي لولة....
إيجا(كدابز معاها باش دخل للحمام ):غا هاد لمرة و صافي ...
خولة(كتجار معاها):ديما كدخلي نتي لولة...والله منخليك هاد لمرة....
إيجا(بقات كتجار هي وياها حتى ترماو بجوج فلأرض )
خولة(مشات كتجري تخشات من تحت الدوش وكضحك على إيجا لي مقصحة ف مؤخرتها)
إيجا(عاد تمات غادا تغسل وجهها و كتعرج ):واخااا غا بلاتي والله منخليها فيك ايلا مسميتيش إيجا....
خولة(طلات عليها و خرجات لسانها):نينينيني....
إيجا(حيدات صندالتها و شيرات عليها جاب الله جات فلحيط ..)
بعد ما لبسو عليهم نزلو كيتجاراو للتحت لقاو بلقيس و نورة يالاه خارجين بلوطو غادين للعيادة...حيت بلقيس ولات كتعاون نورة فلعيادة ...
نورة:صباح لخير نتومااا مزالين هنااا ....كيف ديمااا التعطال
بلقيس :ويلي بااا قرينااا بكري....
نورة:هههه زيدو نوصلكم فالطريق ....
خولة(سيفطت ليها بوسة فلهوا):احسن مامي فلعالم.....
نورة:اييه غا زيدي ...عوتاني بديتي تخربقي فداك الشعر كل مرة لون ...
خولة:و صافي ا ماماا
نورة:ما صافيش ....غا زيدي راني كنجمع ليك
بعد مدة كانت وصلتهم نورة حيت لكلية فين كتقراا إيجا إدارة الأعمال قريب من ليسي ديال خولة....
فجهة أخرى...كانت إيجا يالاه دخلات للكلية لابسة شوميز فلبيض حريرة مخشية فسروال جينزطالع فلأزرق فاتح و سمطة فلأسود عاد لابسة سبرديلة فلبيض،وشعرها مخلياه على راحتو ولكن قصر على قبل ....
دخلات كتمشى بخطوات بطيئة حيت مزال الوقت على لحصة التانية ...بقات غادة وسط الناس وشادة تيلي ف يديها كتهضر مع سفيان (عقلتو علو الظابط لي من معارف نورة هو هاداااا) حتى حسات براسها ضربات مع شي حاجة....
إيجا(شادة فراسها):شنو بغيتي ا مروان تاني ....
مروان(هايم ف عينيها ):نتي بطبيعة الحال....
إيجا(ضربات برجليها فلأرض ):بعد مني الصباااح هاداااا ....
مرواان(شدها من يديها):شكون داك خينااا لي كنتي كتغذاي معاه فالريسطو لبارح.....
إيجا(خنزرات فيه ):ونتااا مالك ...اش دخلك...
مروان(جرهاا لعندو ):واش عارفة شكون انااا ولالا ....انااا راه مروان براادة ...شتي هاد لكلية كاملة لي كتشوفي قدامك...مكايناش لي كتگول ليااا لااا ...
إيجا(نصلات يديهاا منو واخا كضرها مبغاتش تبين ليه ...شافت فيه نيشان ف عينو ):ايوااا هاهي وحدة گالت ليك لاااا  ......
مروان(قرب لعندها):غير على قبل هاد لعوينات  غادي ندوزها ليك هاد لمرة....
بعدات منو وكملات طريقها كترجف ...حيت باقا ممولفاش كيفاش تهضر هكااا ....توجهات لجيهة لمقصف ديال الطلبة باش تشري شي حاجة تاكلها قبل ما دخل تقرااا ...حتى كتسمع شي وحدة كتعيط ب سميتها  شافت شكون و شيرات ليهم يتسناو بيما شرات شي حاجة....
زينب :مال هادي شافت فينااا ومشات....
هدى:الله وعلم ليها....
صفاء:قبيلة بانت لياا واقفة مع مروان حداا باب لكلية...
زينب:معمرو ما تبع شي وحدة...طول فهادي لعام كامل وهو تابعها...شنو زعمااا حيت زوينة...
هدى: منين جاها الزين ....مروان من صغري و اناا تابعاه و عائلتو من مستوى عائلتي ....مغاديش نخليهااا تجي ضرب ليااا كلشي ف زيرو ....
زينب:ششش سكتو هاهي جايا....
إيجا(بتاسمات بلطافة ):صباح لخير ....مدخلتوش حتى نتومااا لهاد لحصة...
صفاء:ههه لااا مجاش ل بروف ....
إيجا(رتاحت نسبيااا حيت مضيعاتش للحصة)
هدى(كطلع فيها وتهبط):علاش مكنتيش عارفة...
إيجا:ههه لااا داني نعاس ...
زينب(شافت فلبنااات لي معاها  وضحكات ):إيجا....
إيجا(كتشرب فقهوتها ):نعام...
زينب:عرفتي شنو....فأخر هاد السيمانة كاين  لانيڤ ديال ديال هدى ....عرضنااا على كلشي بقيتي غير نتي...
إيجا(كتفكر ف شنو غادي تكون ردة فعل بلقيس):هااا واخااا حتى نگولها ل يمااا....
هدى (شافت فلبناااات  وتفرگعو بالضحك):كيفاش هههههه خصك حتى تگوليها لماماك...
إيجا(حركات راسها بأه ...ضورات راسها شافت صحبتها كتعيط ليها من بعيد ..بلاما تهضر معاهم هزات صاكها و مشات لعندها )
هاجر(كتشوف فيهم و مخنزرة):عوتاني گلستي مع هادوك ....
إيجا(ضارت لعندهم لقاتهم مزال كيشوفو فيها ):هومااا لي عيطو لياااا....
هاجر:يخخخ يا ربي السلامة مكنرتاحش ليهم....
إيجا(ضحكات عليهاا ):شنو گالت ليك لحاجة لكبيرة فاش مشيتي لبارح معطلة ...
هاجر :هههه ناري متفركينيش ...عطاتني صبنت لحوايج ديال گاع لبناا لي كاينين فالدار....
إيجا(طلقات ضحكة أنثوية بإمتياز حتى كلشي ضار عندها)
هاجر(عطاتها ب ضربة للضهر):ناري انااا مبرية منك على هاد الضحكة...فكما ضحكي كيضور عندناا البشر كامل ....
إيجا(جراتها من يديها ):زيدي زيدي باش نشدو الصف الأول ....
هاجر:اجي واش غادي ديري سطاج هاد الصيف لي جاي
إيجا:اااممم والله معرفت...
هاجر:گال ليناا  لبروف أحسن حاجة هي نديروه باش نفهمو مزيان كيف غادي السوق ...
إيجا:صافي ايلا درتيه نتي حتى انااا غادي نديرو....
هاجر(صغرات عينيها):اجي نتي بعدااا....كيفاش قضيتك مع سفيان ولد لحاجة لكبيرة...
إيجا(سدات ليها فمها ):صافي سكتي شوهتينا هههههه
هاجر :وا غا گولي ليااا كيعجبك ياااك...
إيجا:ممم فحال خويااا...
هاجر:خووك....ها حنااا غادي نشوفو هاد خوك

بقاو غادين فالطريق كيتجاراو وكيضحكو حتى وصلو لقاعك ديال لمحاضرة كانت مزال خاوية .....حتى شوية بشوية بدات كتعمر ودخل لپروف ...دغياا سكتو من الهدرة و تبعو مع الپروف...لا هي لا هاجر حيت كيقراو ف نفس الشعبة و نفس الدفعة...عقلتو على البنت لي كانت حلات لباب ل بلقيس و إيجا نهار جاو اول مرة لعند لحاجة لكبيرة باش يقلبو على نورة...كانت ديك الساعة هاجر لي حلات ليهم لباب ...نهار دخلات إيجا للكلية تلاقاو بجوجهم كانو مزال تالفين حيت اول مرة ليهم من تم و هوما صحابات ...من غير هاجر لي كتقراا نص النهار و النص لاخر كتخدم ف محل ديال لحوايج  جا فوسط لمدينة كان غير سفيان ولد الحاجة لكبيرة لي توسط ليها فيه باش تخدم....
بعد مدة و هوماااا وسط للحصة مركزين حتى طابو عليهم وذنيهم ....يالاه گالت إيجا حمد لله ساليت وهو يعيط ليها لپروف ....
إيجا(مشات وقفات قدامو):..هاني ا پروفيسور ..
لپروف(مد ليها ورقة):هادي فكرة لعرض لي غادي تخدمي عليه ..
إيجا(كتقراا فيهااا ):ولكن ا پروفيسور هاد سيجي صعيب ...
لپروف (ضربها ف كتفها):ماا صعيب واالو ا بنتي ...(شاف ف هاجر) هاهي هاجر غادي تعاونك ...دخلي نتي وياها ف مجموعة وحدة...
إيجا(شافت حتى عياات و وافقات)

إيجا(خارجة من لقاعة و شعرها طايح على وجهها):پففف ملقااا يعطينااا غير هاد السيجي ....لخرين كاملين خداو لي سيجي ساهلين....
هاجر:ناري كنت باغا نرتاح فهاد أخر السيمانة ...ساعة ديلمي ممكتاباش ليااا الراحة...
إيجا:ااااه ....اجي عندي للدار نخدموه ف هاد أخر سيمانة باش نساليو دغيااا و نتهناو منو....
هاجر(هزات يديها):مدي يديك....
إيجا(هزات يديها):هاهي...
هاجر(ضربات فيدين إيجاا):لعزززز ....والله حتى فكرة مزيانة ....
إيجا:حگا ....لانيڤ ديال هدى سيمانة جايا...
هاجر:شكون هدى....
إيجا:وا هدى ا صحبتي ....
هاجر:ااااااه ديك السفريطة....
إيجا:ناري حشومة عليك تعايريها ....
هاجر:ايييه هاديك راه لفعة والله انااا لي كنعرفهااا....
إيجا(قربات لوذنين هاجر):بغيت نمشي نشوف شنو كيوقع ف لانيڤ...معمري محضرت لشي واحد ..
هاجر:ههااااء اش كيوقع گاع ...كيقطعو كيكة و صافي ...
إيجا(عوجات فمها ):مأكدة راك ماشيا ليه....
هاجر(عضات فمها):شفتو غا ف التلفازة  واحد النهار فاش لحاجة شعلات لينا تلفازة...
إيجا:صافي نمشيو....
هاجر:صافي نمشيو ...منين كاينة لماكلة نمشيو علاش لاااا....و أصلا غادي نكون بايتة معاك لحاجة مغادي تعيق بوالو ....
إيجا:ههههه ولاهيلا....
هاجر(شيرات ليها ب عينيها):شوفي شكون واقف قدام لباب...
إيجا:هاااا...شكون
هاجر(ضورات ليها راسها):راهو شوفي ...سفيان..
إيجا:ش كيدير هنااا تاني...كنت باغا نمشي معاك للمحل حيت يماا عطاتني باش نشري شي حوايج جداد...
هاجر:امممم الله يجعلني نتيق ....(كتهضر غير من تحتها)هههه  هاهو قشعك ...تهلاي مافيااا لي يحل عليااا شي واحد فمووو....
إيجا:ههاااجر اجي لهناااا....
هاجر:بااااااي...

لبناااات خليو معاكم شي ڤوط 🌟 و شي كومونطير زوين فحالكم 💬👇🏻👇🏻
جزء أخر بعد قليييييل😘😘😘