فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 15

فتاة البادية و المفيوزي المتملك
الجزء 15

فاقت الصباح معطلة حيت اصلا هاد ليامات كلها كضل النهار كامل وهي ف موقع التصويرمن نهار وقعات العقد من لبراند و أغلبية الوقت كيصورو خارج لمدينة و غير كتجي للدار كتقراا فلوقت لي بقاا ليهااا ...
ومن داك النهار مبقات سمعات والو من سفيان حيت من داك النهار معاودات سمعات عليه شي خبار ومبقاش كيجي عندهم للدار....ناضت لبسات عليها سروال فلكحل توب من لفوق كيجي لاصق ومن لتحت واسع عاد تريكو قطني فلبيض و من جيه الكتاف فيه عقيدات الذهبي ...لبسات سبرديلة فلبيض و هزات جاكيط ديال جينز وصاكها و هبطات كتجري حيت ليوم غادي .
هبطات للتحت كانت الدار خاوية....هزات متاكل من طبلة ديال لفطور حيت كانت مزال محطوطة....وخرجات كتجري باش توصل فلوقت..
وقفات فالشارع كتسنى الطاكسي ولي كيدوز كيكون عامر...حتى صونات ليهااا بلقيس....
إيجا(هازة تيلي و كتقلب على طاكسي بعينيها):نعام ا يمااا....
بلقيس(خرجات من لعيادة كتهضر معاها):يالاه فقتي...
إيجا:اه ا يمااا لبارح كنت سهرانة كنقرااا....
بلقيس:كليتي بعدااا شوية....ديك رينااد ولا منعرف شنو سميتها كتعطيك تاكلي شوية ولا كتهلكك بقوة لخدمة....
إيجا(شداتها الضحكة):هههه ياك داك النهار مشيتي معايا و شفتي ...راه كنااكل ا يمااا بلاماا ديري ف بالك ومدام رينااد راه مهليااا فياااا...ياك داك النهار گلتي عجباتك ...
بلقيس:ايه ايه صافيي گلتها......(بلهفة) ايمتااا غادي يعلقو تصاورك و يديروهم فلمجلات ....
إيجا(كضحك على هبال مهاااا):يماااا... والله كنسااا بعد لمرات شكون الصغيرة فيناااا....
بلقيس(قوسات حجبانها):كتحشي ليااا الهضرة ...هي ا نااا شارفة...غا جيني نيشان و گوليها....
إيجا(تفرگعات بالضحك): هههههههه والله ما قصدت هادشي ....
بلقيس(سمعات نورة كتعيط عليها):ههه واسييري الهبيلة خليني نمشي نكمل خدمتي ....
إيجا: يماااا ...راه واقلة غادي نتعطل ليوم متسناونيش للعشاا...
بلقيس:واخااا ....غير هو علميني باش يبقا خاطري هاني...
إيجا:وا ا يمااا ولا عليك.....
قطعات مع بلقيس عاد لقات طاكسي كان حط شي واحد قريب ليهااا....طلعات وهي شادة مذكرة صغيرة لي حاطة فيها گاع النقاط المهمين كتراجعهم قبل ما توصل للمحاضرة....
غير وصلات للكلية هبطات كتجري حيت لمحاضرة قربات تبدااا...خدات قهوتها و دخلات للمحاضرة نيشان.....لقات هاجر گالسة وشادة ليها بلاصة
إيجا(حطات صاكها و گلسات حداها): ا فين ...صافا عليك....
هاجر(جبداتها عندهااا كتعنق فيها):ا فين وليتي كتغبري...من نهار بديتي ديك لخدمة ونتي غابرة
إيجا:ههه غير هاد السيمانة عامرة.....(باستهاا ف حنكها حتى ضرها) غير تفوت اناا غادي نعرض علييييك لأحسن بلاصة....
هاجر(حلات عينيها) :وا عنداااك تنسااي شنو گلتي دابا....
إيجا(كتقاد ف شعرها و نفخات صدرها ):شنو كتعرفي علياا...ايجااا هي لكلمة....
هاجر(طلقات ضحكة حتى كلشي ضار عندها):اويلي هادو مالهم كيشوفو فيااا ...تگول عمرهم سمعو شي حد كيضحك....
إيجا(شافت لأستاذ دخل و حطات يديها على فمها حابسة الضحكة)
هاجر:غا طلقيها ...ايلا خرجك ل پروف والله حتى نخرج مع ختي....
إيجا:يا ختي الإخلاص عندك فالدم....
هاجر:و شنو يصحاب ليك...غا اجي و گول راني صاحبت هاجر...
إيجا(حطات يديها على فمها حابسة الضحكة)
لپروف :إيجاااا....وهاجر هادي اخر فرصة ليكم ولا خرجو عليااا برااا....
هاجر:ناري قشعناااا....تبعي تبعي راه مزال عشية كاملة ديال لقرايا  اش جاب متسالي ...اووف حتى لغذاااا متغديتش...
إيجا(كتهضر بشوية):شنو غادي ديري فاش تخرجي مع 6
هاجر:غادي نمشي للمحل لي خدامة فيه...ليوم عندي لعشية كاملة حيت دخلات سلعة جديدة..ونتي!!
إيجا:عندي تصوير مع 8 ..غالباا غادي يكون خارج لمدينة...
هاجر:پففف والله مكرهت حتى انااا نخرج غير شوية على لمدينة...قنطت هناااا....

#####
خرجات من لكلية من 6شابعة ضحك مع هاجر.... تمشات معاها كلاو شي حاجة يسدو الجوع ووصلات معاها حتى للمحل على رجليهم...بان ليها قرب لوقت وشدات طاكسي اخر داها حتى للشركة ...مع الدخلة بانو ليهااا كيحيدو التصاور لقدام حيت غذا غادي يكون حفل إطلاق ل كوليكسيون الجديدة  و بلاصة التصاور لقداك غادي يتحطو الجداد لي فيهم وجها...دخلات فرحانة ولي كدوز من حداه كيبتاسم ليهااااا....طلعات فلأسانسور و توجهات للمكتب ديال ريناد وعلى وجهها إبتسامة مزينة محياهااا....
إيجا(دخلات بعدمااا دقات):ريناااااااد.....
ريناد(بتاسمات ليهاااا ):إيجاا....جيتي بكري....دخلي...
إيجا(وقفات و رجليها حاسة بيهم ما هازينهاش وقلبها قريب يخرج من بلاصتو وهي كتشوفو قدامها گالس )
ريناد: اه نسيت ما قدمتوش ليك.....هادا خويااا زيدان...
إيجا(تخطف لونها و عاد بدات كتفكر انه فلكارط لي عطاتها كانت مكتوبة ريناد لمالكي):خ..و..ك
ريناد(مصدعها تيلي وكيعيطو ليهاا حيت عندها إجتمااع مع لي ميكاپ ارتيست):زيدان...انااا غادي نمشي عندي شي خدمة...(طبعات بوسة على خدو) راه باقا مخاصمة معاك حيت هاد ليام كلها منين سافرتي معيطتيش ليااا...تهلى حتى نشوفك من بعد...
إيجا(سرطات ريقها ب صعوبة...يعني مكانش نساها غير كان مسافر....ومن حالتو باين يالله جااا....فاقت من سهوتها لقات ريناد مشات مزروبة ..وبقات غير هي وياه فلبيرو....شافت فيه وقف وجاي لجيهتهااا ،ضارت بالزربة تخرج حسات براسهاا تجرات بالجهد و تخبطات مع الحيط)
زيدان(قرب ليها حتى ما بقا كيفصل بيناتهم والو ومزير على خصرهااا بيديه...قرب لوذنيها وهي مزال مجمدة بلاصتها):صحابليك نسيتك....
إيجا(دفعاتو ولكن هو كي الصخرة مكيتحركش ):بعد مني...شنو بغيتي منيي...(طلعات عينيها فيه ودموعها دغيااا بداو كيتجمعو ف عينيها) عافاك..اناا ما درت والوو...
زيدان(قرب ليهاا حتى حط جبهتو على  جبهتهااا و مركز فعينيها الدامعين ....زاد زير عليها من خصرها حتى تأوهات): مكيهمنيش هادشي ...(زير عليها من شعرهااا و كيقربها ليه ببطء وعينيه مركزين على شفايفهاااا )
إيجا(كتبعد علليه و حاسة بشعرهااا قرب يتقطع بيه ايديه....):عافاك هئ هئ  ....طلقني ما درت والووو...
زاد زير عليه حتى غوتات بقوة الألم لي كتحس بيه.... شاف فعينيها بقسوة قدرات تقراها بين عينيه ،كأنه وحش قدامها خالي من الرحمة..هبط عينيه لشفايفها لي كيترعدو بقوة الخوف وكأنه كيمياء غريبة كتجدبووو ليهم ...بدون سابق إنظار حط شفايفو عليهم كيلتاهم فيهم وهي كدفع فيه بكل قوتها وحاسة ب شفايفها قراب يتقطعو بين سنانو ..وهو مستمتع بداك مذاق شفايفها لي مخلط مع مذاق الدم  وهي بقوة ما حسات ب قوتها سالات ليها طلقات لعنان ل دموعها
زيدان(هز عينيه فيهااا و إحساس النشوة مسيطر عليه كأنه معمرو مقاس شي وحدة....عض على فكو وكيهضر بنبرة تهديد ): ليوم فليل تكوني عندي...
إيجا(هزاات راسها ب خوف و كتحركو ب لاا....شافت فيها مباشرة وهي  كلهااا كترعد من تحتو وهو حاس بقلبها لي كيضرب بالجهد من تحت صدرو شي لي مخليه يحس بنشوة خاصة عمرو حسهااا...نطقات بنبرة نفي): م..ست..حيل ....فأحلامك....معمري غادي نخلي حيواان فحالك يدير بياا ما بغى....
زيدان(خبطهااا بالجهد مع الحيط و زير على عنقهااا حتى بدات كتمشي ليها النفس):هاا...صحابليك بهاد السهولة غادي تقدري تهناااي مني ....(شدها من فكهاا مزير عليهاا) من نهار راهنت عليك وليتي ق** ديالي ...وايلا بقيتي مصرة ف عنااادك غادي تعيشي فلجحييم مضوبل ....

لبنااات ...متنساوش تخليو معاكم شي ڤوط 🌟🌟🌟 وشي كمونطير زوين 😘😘😘
♥️♥️♥️♥️