فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 16

فتاة البادية و المفيوزي المتملك
الجزء السادس عشر

گلسات فلأرض بعدماا خرج كترجع نفسها لي مشات ،كدخل كمية كبيرة من لهوا كأنه داك لهواا لي كتنفسو مكافيهاش بقوة  لخوف لي باقي طاغي علييها ...طلقات لعنان لدموعها وكتندب فحظها على لقدر لي حطهاا قدامو ،خبطات راسها بالجهد مع لحيط  و لأول مرة كتندم حيت جات للمدينة ....خرجات كتجري من لبيرو لجيهة لحمام وهي عايفة من ريحتو لي باقا لاصقة فيهااا ....
ريناد( دخلات للحمام لقاتها كترد  ):إيجااا ....مالكي شنو وقع ليك واش مريضة ....
إيجا(طلعات فيها عينيها لي الدموع ما بغوش يحبسو منهم )
ريناد(قربات ليها عنقتها كتحاول تواسيها وحتى هي دموعها  بداو يتكونو ف عينيها ):شنو وقع ....علاش حالتك هكاااا ...
إيجا(زيرات عليها كتبكي كأنها كتحاول تستمد لقوة منها)
ريناد(جراتها من يديهااا ):اجي نمشيو لشي بلاصة ترتاحي فيهااا....
شداتها من يديها و طلعو فلأسانسور للسطح لي كاين فوق البناية ديال الشركة....وقفو كيطلو من لفوق وكل وحدة فيهم ساكتة من جهة ريناد لي حابسة دموعها ...ومن جهة إيجا  لي مزال دموعها كيسيلو و مقادرة تگول والو ل ريناد حيت عارفة شحال هي مختالفة على خوهااا ...وفحال والو ايلا طلبات منها المساعدة غادي تجيبها كتر فراسها....
إيجا(ضارت عند ريناد ):شنو هادي ....
ريناد:شنو هي !!
إيجا(قاست الجرحة لي كاينة فيديها ):هاد الجرحة ...
ريناد(بقات مدة كتشوف فالجرحة  وبتاسمات ب حزن):قصة طويييلة....
إيجا(جبدات كلينيكس من صاكها كتمسح دموعها ):ليوم باينة عندناا لخدمة بزااف...
ريناد(بتاسمات ليها ب خفة):اه غالبااا غادي تمشي للدار معطلة مرة أخرى ....
إيجا:هه ماشي مشكل ولفت....
ريناد:نهبطو؟
إيجا:واخاا....
.......................................

خرجات من لمحل لي خدامااا فيه مدگدگة .. شافت فالساعة لقاتها قريبة لعشرة د ليل  منين خرجات من لكلية وهي كتستف فالسلعة جديدة لي وصلات ليوم....واخا عيانة غادة و كتنگر من تحتهااا ولي فيها ما مهنيها
مشات كتجري بعدما شافت كروسة ديال مول الساندويتشات..خدات سندويش الكفتة و شدات الطريق على رجليها لجيهة فين كاينين الطاكسيات لكبار لي كيديو للمدينة لقديمة
هاجر(كتاكل و تبنن ):اح اللله ....يخخ على خدمة سخفوني غير بالجوع...كنضرب لكرفي على والو وفلخر دالشهر كيعطيوك بزقة لاروب....الله شحال بنين هاد السندوي ...ما يكون غير شي لحم لحماار ولا شي كلب ....اويلي انااا مالي غادا و كناكل فحال حمار الطاحونة....
(شافت كرسي ومشات گلسات كتاكل على راحتها و مغمضة عينيها ...حتى سمعات شي كلاكصون حداها قفزها)
هاجر(حلات عينيها مخلوعة و رمات ساندويش ):سير الله ينعل طواسلك....(شافتو وقف حداها و هبط الشرجم) وا هانتي ليك ا هاجر ...ولا تيتيز يوقف عليك بالطوموبيلات......اشنو بغيتي ا خوياااا....
الدري (دار ليها إشارة بعينو باش طلع)
هاجر(جبدات فلوسها لي باقيين عندها لقات حتى فلوس الطاكسي ما بقاوش عندها....يالله غادي تعايرو وهي طيح ليها فكرة جهنمية فراسها):اييه واخا ا زين نطلع معاك....(شافت فاللوطو من لداخل ) تباارك الله ..كيتعطاا لفول غير لي معندو ضراس...
الدري :نعاام.....
هاجر(دارت ليه ضحكة صفرة):لا والوو....(مدات ليه يديهااا ) سالام اناا هاجر...
الدري (مفاهم والو حتى هو مد يدو):سهيل.....(شاف فيها ب إعجاب) الصراحة هادي اول مرة كنجرب  ندي معايا شي وحدة غير من الزنقة...غير صحابي لي عاودو لياا على هاد لبلاصة...
هاجر:اييييه باينة كيجيو حتى لعندك ياااك...
سهيل(ديمارا لوطو):باش عرفتيها...
هاجر(شافت فلوطو لي باينة عليها غالية و هو لي باين عليه لفلوس غير من لباسو):باينة....
سهيل:الصراحة مكانش يصحاب ليااا كاينين هنااا بنات زويناات هكااا...
هاجر(كتهضر من تحتها):اايه عارفة راسي زوينة...غير هاد الزهر عندي لي مزال مبغاا يزيان....
سهيل:فين بغيتي نمشيو....
هاجر(بتاسمات ب شر):عرفتي شنوو انااا كنعرف واحد لبلاصة غادي تعجبك....
سهيل:بصحح؟؟
هاجر:اه والله ....هانتااا ضور من هاد جيه وسير نيشان مع الشارع لكبير...
سهيل:اه واخااا....
بقات حاضية معاه الطريق ...كل مرة كيهضر معاها وحتى هي غادة معاه فالخط وكضحك ليه...حتى وصلات لجيهة لباب ديال لمدينة لقديمة
هاجر:بلاتي بلاتي ها حنااا وصلنااا....
سهيل(وقف لوطو):هناا؟؟
هاجر(خرجات من لوطو ):تهلااا...
سهيل:كيفااااش ....
هاجر(تكات على شرجم ديال لوطو):شكراا على التوصيلة....نيت لفلوس مكانوش قاديني نجي ف طاكسي (غمزاتو) سير راه يالاه بدااا ليل مزال قدامك السهرة....كيتي انااا لي مزال خاصني نمشي نحفي عيني مع دوك لكتوبة...
سهيل(دغيا تعصب وحس بالشمتة):كيفاش ...واش نتي ماشي ق...
هاجر(كتمضغ فلمسكة):لاا اخويااا انااا بنت الناس ماشي ديال هادشي ....نتوماا ما بقيتو تفرقو لا بين بنت الزنقة لا بين بنت دارهم....ا شوف راه واخااا  لحاجة لكبيرة كارية ليااا غا بيت فالسطح  و دوك ولاد لحرام لي خدامااا عندهم كيضلو يضربو عليااا ف لكرفي  ولكن راه عمري بعت لحمي ... اودي لقيناا بعداا لي يبوسناا هي لولى عاد ندوزو لداكشي .....
سهيل(حال فمو فيها مصدوم من طريقة هضرتها) :لاا والله  نتي حتى  حمقة...
هاجر:ضسرتي لااا واقيلة...يالاه تهلى ...
سهيل(هبط عندها كيجري ):تسنااااي بلاتي ....
هاجر(ضارت عندو):ا مالك نتااا ياك گلت ليك بسلامة....
سهيل(مد ليها لكارط ديالو ):هادي نيم ديالي ...
هاجر:ايه. وشنو غادي ندير بيه اناا....ياكماا يصحابليك غير حيت نتا زوين و بوگوص هكااا غادي نديرك إستتناء
سهيل(تفرگع بالضحك)
هاجر:لااا راه واقيلة مسمعتينش شنو گلت ليك قبيلة
سهيل (شداتو الضحكة):ااااه عرفناااك كارية غا عند الحاجة لكبيرة وولاد لحراام هادوك لي خدامة عندهم كيضربو  عليك لكرفي....نزيد ولا بلاش....
هاجر(حلات فيه فمهااا )
سهيل(خشاا لكارط ديالو ف جيبها):ولكن بغيت نشوفك مرة أخرى.....(بتاسم ليهاا حتى دوخهااا  )  وكنهضر من نيتي غادي نتسنااك تعيطي لياا (غمزها ورجع للوطو ديالو)
هاجر(كتشوف لا كارط ديالو ):ولايني راه لصقة ....ناري تعطلت على لحاجة لكبيرة ليوم تبيتني فالزنقة....
........
ريناد(گلسات فلكافي لي وسط الشركة ):اووف عيييت بغيت غير ايمتا نوصل ننعس...ومزال قدامنا لخدمة باش نوجدو للحفل ديال غدااا
إيجا(تكات على الطبلة ):خاصني شي قهوة يالاه نفيق نكمل ...
ريناد:هههه تسناي اناا غادي نقاد لينااا ....حتى لقهوة مبقاتش ...تسناي انااا غادي نمشي نجيبها من لتحت...
إيجا(حركات ليها راسها بأه و دايخة بالنعاس )
ريناد(ضحكات عليها و مشات هبطات للتحت جابت لقهوة باش تقادها وطلعات لعندها قبل ما تنعس):زيدان ...شنو كدير هنااا...
زيدان(كيطل عليها لقاها ناعسة حتى دخلات ريناد):لا والو غير كنت دايز من هناا....
ريناد:اه اوكي....هااء دغياا نعسات
زيدان(مركز شوفة فيها كيف ناعسة وشعرهاا مرمي على كتافها وكل مرة كتعض شفايفها حيت هاديك قاعدتها فالنعاس):انا غادي نمشي ....
ريناد:صافي ...دغياا غادي تمشي..!!
زيدان (بلاما يهضر معاها كمل طريقو وخرج وعلى وجهو ضحكة غريبة ):يعني غادي نصبر حتى لغداا....
إيجا(ناضت كتحك ف عينيها):جيتي...
ريناد(بدات كضحك عليها حيت عينيها تجلخو فاش حكاتهم ):ههههه خاصك تعاودي لمكياج من اول وجديد دابا...(مدات ليها لقهوة ) هاكي شربي قهوتك
إيجا(طلعات مع نيفها نفس الريحة ،شي لي خلا قلبها يضرب ب سرعة  ونفس لخوف بدا كيرجع ليها ): ش...ش..كراا...

لبناااات ...خليو معاكم شي ڤوط 🌟🌟🌟و كمنطييييير باش تشجعوني نزيد نكتب ....♥️♥️👇🏻👇🏻
جزء أخر بعد قلييييل 😘😘♥️♥️