فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 3

فتاة البادية و المفيوزي المتملك
الجزء الثالت

بلقيس(دخلات عندها لبيت لقاتها متكية فوق لفرشة)
إيجا:مي اجي حدايا...
بلقيس (مشات گلسات حداها وكتشوف ف حنكها لي ولا لونو غادي لزروقية ):باقي كيضرك...
إيجا(حركات راسها بلا و حطات راسها على حجر بلقيس):يماا...
بلقيس(شافت فيها بمعنى شنو)
إيجا:عاودي لياا كيفاش حتى تزوجتي  باا....وشكون هي خالتي لي كانو كيهضرو عليها وشنو دارت...واش دارت شي حاجة خايبة...
بلقيس (كتلعب بخصلات شعرها و رجع ليها دكشي لي دوزات قدام عينيها ):كان با الله يرحمو من بعد ما مات خلا مي ب جوج بنات ...مورا ما مات خوت باا جاو داو الورت كامل لي خلى لينااا  حيت مي مكانش عندهاااا لولد... قسمو لورت بيناتهم دكشي لي بقا ل مي فحقها رجعات بيه هناا للدوار ...حيت فديك لوقيتة كانت صعيبة لعيشة فلمدينة...
إيجا:علاش امي واش نتي كنتي ساكنة فلمدينة....ااه بصح كيفاش تعلمتي تقراي....
بلقيس:واخاا كنااا بنات باا معمرو مخلانا مخصوصين من شي حاجة قراناا وكبرنااا و معمرو م گال لمي لاش ولدتي لبنات...
إيجا:وشنو طرا فاش جيتو هناا للدوار...
بلقيس:كانت مي مقدراتش على السكنة تمااا..ورجعاتناا لدارجدي ....سكنااا معاهم
إيجا(يالله بغات تهضر وحبسات)
بلقيس(بتاسمات):سميتها نورة...كانت كبر مني ب عامين ...كانت عزيزة على با الله يرحمو...كان باغيها تولي طبيبة  دكشي لاش مخلا حتى حاجة ناقصاها ...لي كانت كتبغيها كتوصل لعندها حتى كتب الله و دخلات تقرا دكشي لي كان باغيها با توصل ليه....
إيجا(بلهفة):وشنو شنو طراا ...
بلقيس:نهار جابتنااا مي هنااا...كانت ختي ديك الساعة ف عامها الثالت فلكلية ...مقدراتش على لعيشة هناا...كانت ديما مدابزة مع مي وجدي ...حتى لواحد النهار هزات صاكهااا و مشات رجعات للمدينة...
إيجا:وفين هي دابا؟؟
بلقيس:اخر مرة هدرت معاها كانت گالت ليااا ساكنة مع شي مرا سميتها لالة لكبيرة فشي حي معروف فلمدينة لقديمة.. من تمااا معاودت سمعت عليها شي خباار...
إيجا(شافت فمها وعلامة لحزن على وجهها):ونتي ا مي كيفاش حتى تزوجتي باا...
بلقيس:من مورا ما مشات نورة للمدينة ...كترات لهدرة فالدوار والناس بداو ينسجو لهدرة من عقولهم ويگولو لي جا على فمهم...جدي الله يرحمو...باش يسكت الناس زوجني باش يسد ليهم فامهم...
إيجا(مدات يديها من تحت السداري و جبدات مجلة من دوك المجلات كتقلب فدوك الصفحات وهي متكية على مها):كيقررو ديما فحياتناا ...وايلا مبغيناش نديرو دكشي لي گالو لينا...غادي نتسماو ما مزيانينش...

## صبح الصباح ناضت على شي اصوات حداها ...فحال أصوات مراوات...جمعات شعرها بيديها و خرجات كطل
إيجا(جرات فاطمة):شكون هاادو....
فاطمة:اويلي على لبنت...هادو راه لعيالات عيطات عليهم جدة باش نديوك للحمام...
إيجا(مفاهمة والو):شنو غادي يديرو معايا هادو فلحمام...
فاطمة:تي مالكي واش مشات ليك ديك الداكيييرة....راه ليوم غادي يديرو ليلة لحنة ليك...
إيجا:ليااا اناااا...
فاطمة:علاه لمن بالسلامة
إيجا:اوووف صافي صافي غير سيري...
بلقيس(جات عندها والضحكة على وجهها):يالاه بدلي عليك وهزي رزمة لحمام راني وجدتها ليك   وخرجي لعند لعيالات ...ديري دكشي لي كنگولك ايلا بغيتي هادشي يتفك على خير..
إيجا(مصدومة وهي كتشوف مها والضحكة مزينة وجهها ..يالاه جات تهضرمعاها  باش تفهم شواقع  وهي تمشي وهي  كتأكد عليها بعينيها دير دكشي لي گالت ليها...شافت حتى عيات ومشات للبيت لبست جلابتها  و هزات ديك الرزمة لي فيها حوايجها وخرجات لعند لعيالات وهي مفامهة والو ولكن كطبق دكشي لي گالت ليها بلقيس بلحرف...ولكن عارفة راها كتخطط لشي حاجة..)
بلقيس(من موراها):ايوا يالله ا لعيالات شي تزغريتة نسخنو بيها الطرح....
إيجا(شافت فمها وألف فكرة كطيح ليها على بالهااا..شي لي خلاها گاعما تسمع  لزغاريت ديال العيالات لي ضارو بيها وحطو شبكة بيضة من فوق راسها باش تغطى  و تمو خارجين بيها على برااا  ....