فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 25

💟فتاة البادية و المفيوزي المتملك💟
💟الجزء الخامس والعشرون💟

هاجر(گلسات حداا إيجاا ): صباح لخير ....
إيجااا:صباح لخير ...
هاجر(گلسات حداهاا وكتلعب ليها ف شعرهااا):مالكي..طرات شي حاجة!!
إيجا(ناضت من بلاصتهااا و كتفكر أحداث ليلة ديال لبارح):هاجر....جا عندي لبارح..
هاجر:شنوو؟؟
إيجاا(بنبرة شبه باكية):هااجر...مستحيل نتفك منوو...مبغاش يبعد مني...
جوزيف (دخل عندهم  و ف يديه لفطور ليها...):شكون هوو..
إيجا(ضارت لعندو مخلوعة)
جوزيف (موجه كلامو لهاجر):تقدري تخرجي ...
هاجر(ناضت من بلاصتهااا  وكتشوف ف إيجاا ):اه واخااا....
جوزيف (حط لفطور فالطبلة و گلس ف كرسي جنب الناموسية):إيجا!! گولي لياا ابنتي شكوون هادا لي مبغاش يبعد منك...
إيجا(حبسات دموعهاا ومشاا بالهاا فاش گاليها لبارح انه حتى جوزيف ما يقدر يعاونهاا بواالو على الرغم انهاا ما فاهماش علاقتها هي بيه)
جوزيف (حط يديه على يديداتهااا لي كانو باردين..وقلبو كيضرو من شوفتهااا هكاك):گولي لياا ابنتي....گولي لباباك شنوو واقع ليك...شكون لي رجعك فهاد لحالة...
إيجا(شافت فيه مباشرة ف عينوو و دمعة سخونة هبطات على خدهااا):ما تگول والو ل يمااا..عاافااك متگول ليها والو...
جوزيف (دغياا فهم انه شي حاجة واقعة ليهاا و مباغا تگولهاا لحتى وااحد ...او بالأحرى شخص هو السباب ف حالتهاا...قرب ليهاا كيمسح ليهااا دموعهااا ):صافي واخاا...مغادي نگول ليهاا والوو...
بلقيس(دخلات لعندهم  و كتشوف ف جوزيف ب معنى ش كيدير هنااا ...قربات لعندهاا باستها من حنااكهاا بزوج ):يخلييي لي الزين ليي فايق بكري ...صبااح النووور العمر...
إيجا(ب ضحيكة كيووت):يمااا ...فين كنتي .
بلقيس:مشيت نجيب لفطور...
إيجا(شافت ف لفطور لي جاب جوزيف ):هااء ..حتى هو جابو ..
بلقيس(طلعات عينيها ف جوزيف لي معاجباهش كلمة حتى هوو):ااه.....بصح
إيجا:يمااا....بغيت هاداك...
بلقيس:شنوو هوو...
إيجا(شيرات على فطور جوزيف لي جاب ليهاا)
بلقيس(ضحكات ف نفسهاا ):اه واخااا ...(مشااا لجيهة جوزيف خدات من حدااه لفطور و ستاغلات لفرصة فلوقت لي إيجا كتشوف على برااا ):هادوك رجالك لي داو لبارح لعربي ياك....وياك تكذب عليااا...شنوو درتوو ليهم
جوزيف(كيهضر وهو مزير على سنانو):ربيتهم و مشاو رجعو فحالهم....
بلقيس:ياكمااا گلتي للعربي شي حاجة..
جوزيف : هاديك بنتي... و فأقرب وقت غادي تولي إيجا باروخ ...
إيجا(كتشوف فيهم بزوج)
بلقيس:هاكي خودي فطري باس تشربي الدواا...
إيجا:يمااا...بغيت نمشي من هنااا...وقتااش غادي نرجعوو للدار...
بلقيس:معرفتش....خاص حتى نهضرو مع الطبيب ...حتى تجي نورة وهي غادي تعرف...
جوزيف (خنزر ف بلقيس وناض ):اناا غادي نمشي نهضر معاه

خرج و بلقيس ملاحظة تخنزيراتو فيهااا لي مكيبشروش بالخير....حيت لحد الأن كتحاول تبعدو على إيجاا وهادي اكتر حاجة كيكرهها....توجه نيشان لعند الطبيب ... فطريقو بانت ليه هاجر مزال گالسة فالروااق ديال المستشفى ...
هاجر(ب تردد):زيدان....
جوزيف (وقف فبلاصتو كيحاول يفهم شنوو كتحاول توصل ليه)
هاجر:زيدان المالكي...
جوزيف (حط يدو ف جيابو كيتسناهاا تكمل لهدرة):جيني نيشان و گولي شنو باغا توصلي لياا...
هاجر(وقفات وهي كتفرك يديهااا بتوتر):كنتي سولتي إيجاا على شكون ما بغاش يبعد منهااا...
جوزيف (وقف قدامهااا وعينيه ولاو حمرين بقوة الغضب ):شنوو علاقتو ب إيجااا...
هاجر(سرطات ريقهاا ب صعوبة):منقدرش نگوليك ....اناا بغيت نعاون غير صاحبتي...اناا عارفة انك نتااا هووو (حبسات هضرتهاا فالنص و كتفكر النهار لي كان جوزيف فالدار ...من مور ما مشاا سمعات هدرة ديال بلقيس و نورة)
جوزيف :باهاا....هادشي لي بغيتي تقصدي...
هاجر(حيداات طيف لخوف و تكلمات ب جرأة):ااه...
جوزيف (زير على يدوو حتى تحبس فيهم الدم ونطق ب فحيييح كيتخللو غضب كبيير  ):زيداااااان....
## خرجات من لمستشفى وهي مرتاحة نسبيااا من دكشي لي دارت ،هاد الأيام كاملة كتشوف فيهااا كل نهار كتعذب...ولخطوة لي دارت ليوم فكرات فيهااا كتر من مرة ،لأنه جوزيف هو المنقذ لوحيد ديالهااا ،هو الشخص الوحيد لي يقدر يوقف ف طريق هوس زيدان....زيدان لي لحد الأن رغبتوو ف تملكهاا زادت أكتر بعدمااا دوز معاهااا ليلة وحدة....
شافت فالساعة بان ليها مزال الحال على لحصة لي عندهااا ليوم...دارت ليزيات ف وذنيهااا و شدات الطريق على رجليهااا باش يالاه تجيب لوقت هو هاداك و نيت تخلي فلوسهاا ف جيبهاا....
قبل ما توصل للكلية خدات سندويش للغدا و كملات طريقهاا و محاملاش تمشي للكلية حيت مكايناش إيجاا لي تونسهااا ،هاد الأيام كاملة ما بين المحاضرات و الخدمة لي غادا و كتزيد ومن جهة أخرى لقرايا لي كتبقاا ساهرة عليهاا.....
هاجر(قبل ما دخل من لباب لكبير ديال الكلية ..طلعات عينيها ف مرواان لي حابس عليهاا الطريق ):مصيبة هادي ،بقيتي ناقصني غير نتااا...
مروان(جاي قاصدهاا ):فين هي إيجاا؟؟
هاجر:وا گول غير السلام...ونتا داخل فيااا طول و عرض
مروان:السلام...فين هي ...علاش ما بقاتش كتجي...
هاجر:پففف على بنادم...ونتااا مالك اش مشاا ليك...
مروان(شدهاا من دراعهاا):شوفي نتيي باراكة من داك التبرهيش ديالك !!
هاجر:طلق ولا ميعجبك حال...بغيتي الشوهة اناا مولاتهاا..
مروان (شاف ف بنادم كيشوف فيهم...طلقهاا و كيحاول يهضر ببرودة):عطيني نيم الجديد ديالها  نهضر معاها...نيم لاخر لي كان فلگروپ كنعيط فيه كنلقاه مخدامش...
هاجر(بقلة صبر):خوي الطريق الله يحفظك ما فيااا لي يتناقش معاك ...
مروان(جبد ليها تيلي من الصاك ):واخااا هاحناا غادي نشوفو...
هاجر(كتجبد فيه باش تاخد تيلي ديالهاا):وااا طلق ...عطيني تيلي  ديالي ا بنادم ...
مروان:راه والله منعطيه ليك ايلا مخديتش النيم لي بغيت....
هاجر(وقفات معصبة ):اييه غا قلب ..اصلا مغادي تلقاا والو..
سهيل(وقف موراهااا و عاقد حجبانو ب عصبية ):ماشي وقت المحاضرة ديالك هادا....
هاجر(غير سمعات صوتو ضارت لعندووو ):س..سهيل..شنو كدير هنااا...
سهيل(كيضرب تخنزيرات ف مروان):نتي لي شنوو كديري...بنتي لياا مشغولة كتعطي ف نوامرك...
مروان(مد ليهااا تيلي ):شدي...
هاجر(نتراتو من يدوو ):على سلامتك (ضارت عند سهيل معصبة  وتفكرات شنو گال ) عاود شنوو گلتي ...كنعطي نمرتي ، ومن بعد ايلا عطيتهاا ،مشات ليك شي حاجة
سهيل(جرها لعندو مزير على مرفق يديهاا ):عرفتي داك الفم عندك ،غير ديال التهراس...
هاجر(خرجات فيه عينيها  وضحكات ب عصبية):ها ها ها ....جرب حط يديك علياا وشوف..
سهيل(لوى ليهاا يديهاا مور ظهرهااا و كيتحيلف عليها):عاودي شنوو گلتي....ايلا عمرك كليتي لعصاا اناا نوكلهاا ليك
هاجر(مقصحة ف يديهاا):واا طلق ...طلق مني راك كتقصحني ا سهيل...وا طلق ا زمر...
سهيل(باقي لاوي ليها يديهاا مور ظهرهااا و غادي بيهاا لجيهة لوطو ديالو):تحركي قبل ما ندير نشوه مك هنااا...
هاجر:وا فين غادي بياااا راني قارية...
سهيل(خشاهاا ف لوطو و طلع حداهاا):باينة لقرايا كيف دايرة عندك...
هاجر(خنزرات فيه و معاجبهاش طريقة هضرتو معاها...):حل ليااا لباب..مالك سديتيه...
سهيل(جبد ليهااا تيليي من يديهااا  و عاقد حجبانو):شكون هادااك...
هاجر(كتخرج ف عينيها ):سوقك....عطيني تيلي ديالي...
سهيل(زير عليهااا ف دراعهاا حتى حسات بالدم تقطع فيهم):سولتك جاوبي.....منين كا تعرفيه و علاش كنتي كتعطيه ف نمرتك...
هاجر(مقصحة ف يديهاا):وا كتقصحني .. اي اي (بدات كا ديماري فلبكااا )وا كان باغي غير نمرة إيجااا...هئ هئ....وا طلقني ا زمر قصحتيني ...
سهيل(حيد يدوو عليهااا و طلق غوباشتوو ):گوليهااا من لول ....شحال راسك قاصح
هاجر(حلات شوميز ديالها كتشوف فالطبعة لي ف دراعهاا و دموعهاا على سبة كيهبطوو ):شووف شنوو درتي ليااا....ولاات حمرة ..تفووو على همجي
سهيل(كان غادي ينوض ليهاا):ولايني راك كتقلبي عليااا....(شاف ف دراعهااا لي ولاو حمرين ...عاد داوه عينيه انهاا حلات شوميز وكيبانو سوتيان ديالها مشبكين...ضحك ب خبث و قرب ليهااا) اري نشوف ...
هاجر(مدات ليه دراعهاا ):هاا نتااا شوف شنو درتي ليااا...همجي لاخر
سهيل(هبط لعندهااا و طبع بوسة حنينة على ذراعهااا ):هاهومااا غادي يبرااو...
هاجر(هزات شوميز ديالهاا كتسد فيهااا ...ووجههااا لي  طلعات معاه لحمورية )
سهيل(حك لحيتو و عاض شفايفو كاتم ضحكتو وسطهم  ):مال وجهك..
هاجر(كتنهج):هااا...ااا ...لاا..غير
سهيل:أ أ أ ....مالكي كتمتمي فلهدرة...(شافهاا مقادراش تهضر ...ديماراا لوطو  وهو كيضحك عليها)
هاجر:فين غادين
سهيل:نتغدااو...كنت جاي لعندك نتغداا معاك ...ساعاا نسيتيني حتى علاش كنت جاي....

جزء اخر بعد قلييييل 💟👇🏻👇🏻👇🏻