♦️فتاة البادية والمفيوزي المتملك ♦️
♦️بقلمي مونيا لوباروس ♦️
....
#البنااات ...لي بغات تحط لقصة فشي گروب معليها غير تعلمني و تكتب سميتي ♥️♥️😘
مكنتش عارفة حياتي تقدر تقلب عليا بهاد السرعة على قبل قرار خداه با ف حقي ،ضطريت نحارب اي حاجة جات قدامي ب...
ف تيراس على براا كان كلشي لداخل والدار عمرات ب لي گارد على برا ولداخل فكل قنت من الدار...كان سهيل و يوسف لي كيرحبو بيهم اما ريناد وهاجر غير واقفين بعاد ..هاجر مفاهمة والو وكتحلف على ريناد لي عاقت بيها عارفة كلشي ...گلس رئيس ديالهم فلي كانپي لي مقابل مع لپيسين داير رجل على رجل و كل مرة كينفت من السيگار ديالو ..و زوج لي معاه جاو حتا هوما ف سيارات فاخرة ..واحد خوه الصغير ولأخر هو ليد ليمنة ديالو ..عاد سهيل و يوسف گالسين فلكاناپي لي مقابل معاه واش ليلى قريبة Hans:leila , esta cerca? لگارد(قرب لعندو كيهضر بصوت خافت ):Está de camino hacia aquí مبقا ليها والو وتوصل ،راها ف طريق سهيل:Estás esperando a alguien?واش كتسنى شي واحد الزعيم (hans): Sí, estoy esperando a mi esposa اه .كنتسنى مراتي سهيل:Olvidé que tu esposa es marroquí الزعيم (hans):Por eso sugerí que nos reuniéramos en casa. A mi esposa le gustaría hablar con chicas de su país. على قبلها قررت تكون هاد الصفقة فالدار عندك ..مرتي غادي يعجبها تلاقا مع بنات بلادها يوسف:Está bien, estarás feliz de conocer a nuestras esposas بلا شك ،غادي يعجبها لحال ايلا تعرفات على عيالاتنا الزعيم:Dónde está el Sr. Zidane? فين هو زيدان سهيل:Él está aquí.. Él viene ahora كاين غير هنا..دابا غادي يهبط الزعيم :شنو هاد الصداع Quién grita? جاني فحال صوت زيدانParece la voz de Zidane سهيل (كيشوف ف يوسف Yo también lo creo ههه حتى انا داكشي لي بان ليا الزعيم :Creo que hay un problema familiar.كنظن انه كاين شي مشكل عائلي سهيل :داكشي لي بان ليا Eso creo ليلى (داخلة من لباب مع واحد من لگارد ..مرأة ف الثلاتينات ديالها ،باقا شادة ف راسها..جمال عربي بكل ماتحمله الكلمة من معنى ،مغربية أصيلة كبرات ف عائلة فقيرة ،هاجرات لكولومبيا مع باها ومها فاش كانت صغيرة ،قرات و كبرات تماا حتى تلاقات مع هانس ...دخلات لابسة لباس محترم و جد عادي ..كسيوة صيفية نص كم وهابطة على ركابيها ):Dónde está Hans? فين هو هانس لگارد:Está de un lado a otro.فالجهة لخرى ليلى:قهرني انا هاد الراجل ...فينما غادي خاصو يلصقني معاه(شافت لگارد باقي كيشوف فيها):غبر عليااا ..تريكت لوشام ريناد(واقفين كيطلو عليهم من لباب ديال لكوزينة ):وا ناري اختي انا كنخاف منهم هادو ... هاجر:نتي لا فاهمة ..انا والله مفاهمة..اشمن خدمة عند سهيل ويوسف خويا مع هادو .. ريناد:انا كنعرف هانس..ولكن غير معرفة من خويا زيدان ...كيعرفو زيدان قبل ما يدخلو هو وياه للمافيا ليلى :رينااد...هادي نتي ريناد(شدات ف قلبها مخلوعة):اناااااري شكديري هناااا نتي ليلى:مال مك تخلعتي شفتي جن .. ريناد:ميصحابليش غادي تجي ليلى :ايوا هاني جيت...(شافت ف هاجر) عرفيني على هاد لبنت ريناد:ااه..هادي هاجر ،مرت سهيل ليلى(متفاجأة):نتي مرت سهيل...تبارك الله غزالة ...باقي لكادو ديال لعرس تساليه ليا هاجر(بتاسمات ب خجل):شكراا....ولكن سمحيلي معرفتكش ريناد:هادي مرت هانس ..حتى هي مغربية هاجر:نتي مرات هاداك لي عامر وشام ليلى (ضحكات معاها):اه هاداك هو راجلي .. هاجر:ههه ناري كيخلع غير شفتو قبيلة خلعني ريناد(نغزاتها وهضرات ب همس):غير كيبان ليك...بلاتي توقف قدامو وشوفي كي كيولي ... ليلى:هههه ..انا غادي نخرج لعندهم...كنتمنى يكون لعشا طايب ..غادي نموت بالجوع هاجر:ههه غير رتاحي ..شوية وغادي نحطو .. ليلى(هزات راسها مخلوعة ):شكون كيغوت ريناد(شافت ف هاجر):واش زيدان هادا هاجر:ولاهيلا هو ...سمعتي شنو سمعت ريناد:سممممممعت ليلى :حتىى انااا سمععت ...شكون هاد لمحظوظة عاودو ليااا .. هاجر(شافت سهيل كيشير ليها باش تجي ):انااا نخليكم سهيل كيعيطلي ليلى :وا گولي شكون هادي لي داير على قبلها هاد لحالة .. ريناد:هادي إيجا باروخ ... ليلى:واش بنت جوزيف! ريناد:اااه هي ليلى :حلفييي بالله .... ريناد:ههههه ...باقين كيعجبوك خبارات فحال هادو .. ليلى(شافت هانس كيشير ليها باش تجي لعندو ):نخليك ..انا نمشي نگلس مع راجلي توحشني ريناد(كطل مرة مرة على يوسف ):صافي واخا ... ##بعد مدة قصيرة هبط زيدان لقاهم گلسو على الطبلة مجموعين و گاع انواع المشروبات قدامهم .. ..خرج عندهم ل تيراس بخطوات تابتة كلهم ضارو لجيهتو وباينة راشقة ليه غير من ضحكتو لي واصلة لوذنيه ... زيدان(فتح يديه ):هااااااانس ...مرحباا بيك أخيراا Bienvenido finalmente هانس (متفاجأ ):زيدان ...بان ليا بزاف ديال لحوايج تبدلو Creo que hay algo aquí para ti. زيدان(نطق بعد قهقهة رجولية ):Siempre hay algo nuevoً ديما كاين لجديد ... هانس(كيضحك ب شر):كنتسنااا ايمتاا نمحي لمافيا ليهودية غادي تكون اكبر خبر نسمعو Las mejores noticias me harán feliz... Cuando la mafia judía fue borrada de la existencia زيدان(ضحك بثقة):شنو كتعرف علياا...Qué sabes de mí? (هز كاس فيديه بعدما كب ليه واحد من لگارد ...) هانس (هز كاسو ):نخب اخر انفاس ليهود Brindis por el último día de los judíos زيدان(ضرب كاسو مع كاس هانس ):ما بقا والو سهيل:كنظن وقت لعشا هادا Creo que es la hora de la cena. هانس (حيد لڤيست ديالو ):من شحال و انا موحش لماكلة المغربية Llevo un tiempo anhelando probar la comida marroquí. ليلى(قربات لعندو ) :تاكل و تنكر ياربي السلامة.. هانس (شاف فيها وهو كيضحك ونطق ب بهضرة معكلة):ماتنسيش انا نفهم كوولشي ليلى(خرجات عينيها فيه ):عررفتك كتفهم...وا عنداك تبقا تاكل بزااف و تنسى راسك هانس(غمزها ):كون هانيا هاجر(قربات ل سهيل):انا غادي نوض نحط لعشاا سهيل:واخاا. هاجر(نغزات ريناد):نوضي تعاونيني ونتي من الصباح حاضياه عيقتي ريناد(فاقت من سهوتها ):هاا..واخا هاني تابعاك ليلى:تسناوني انا نعاونكم هاجر(حبساتها):بلاما تعذبي راسك نتي ضيفة دياالنا ليلى(ناضت سبقاتهم) إيجا(هبطات عندهم للكوزينة بعدما قادات ل ميكاپ ديالها و خفاف عليها لوجع شوية ...):هاجر...نعاونك فشي حاجة هاجر(كتقاد لماكلة ف طبيلة صغيرة لي غادي تخرجها معاها باش تفرق لي عليهم ...كتهضر وهي مشغولة ):غير گلسي رتاحي انا قادة بشغالي .. إيجا(حلات باب ديال الثلاجة هزات قرعة ديال لمااا كتشرب منها):مشفتيش فين حطيت تيلي ديالي هاجر:قلبي غير لفوق ما عندو فين يمشي إيجا:صافي هاجر(قربات لعندها):مال زيدان معاك قبيلة .. إيجا(عضات شفايفها كتفكر شنو وقع ..):ما مالو والو ،هاداك راه مسطي هاجر:يالاه خرجي وقت لعشا هادا...كولي شوية باش تعاودي تاخذي دوا إيجا(تابعاهم ب خطوات تقال ..وصلات لقاتهم كلهم گلسو بقات بلاصة من جهة زيدان لي كان مترأس الطبلة مقابل مع هانس ...تنهدات ب قلة صبر و گلسات حداه تحت أنظارهم متفادية تشوف جيهتو ..كتشوف غير ف طبسيلها فقط ) يوسف(گالس حداها..قرب لعندها ):غبورات هادي ..گالو ليا وليتي سيدة أعمال إيجا(ضحكات معاه ب خفة): مزال ياالاه بديت يوسف(طمنها بعينيه):ضروري تجيك صعيبة فلأول ...منخافش عليك...بقات غير هاجر مزال ما حطات رجليها فلبيرو من نهار جات إيجا:هههه غير تلهات مع العرس و الدار ملقاتش لوقت ..اما راك كتعرفها كتعجبها خدمتها يوسف(شاف زيدان لي كيهضر مع هانس مرة مرة كيضرب تخنزيرات فيه):نتمناو... إيجا(شافت ستيك ديال لحم بعيد عليها دغيا ريوگها بداو كيسيلو ):احم.. يوسف:بغيتيه! إيجا:مكرهتش ... زيدان(قبل ما ياخدو يوسف ..خداه و هز طبسيلها كيقاد ليها...) إيجا:باراك راه مغاديش ناكل داكشي كامل زيدان(حطو ليها قدامها و هضر بنبرة قاصحة حيت عارفها ما كلات والو نهار كامل ):ايلا مساليتيهش كامل ..غادي تكون هضرة أخرى.. إيجا(زيرات على فرشيطة ف يديها ):بزاف حتى من هادي باغي تحكم فيها حتى هي زيدان( تفكر أخر ما طرا بيناتهم و بانت إبتسامة خفيفة على وجهو...بدون ميحس هز يديها لي من جيهتو وباسها من لداخل ..):لهلا يوريك فشنو نقدر نتحكم.. إيجا(كتشوف فيها وهي حاسة برعشة غريبة من حركتو..بعدات يديها و هبطات راسها على طبسيل ما ناضت حتى كملاتو ،غارقة ف أفكارها كتسمع غير صوت الضحك ولهضرة لي معارفاهمش حتى علاياش كيهضرو ..هزات راسها لقات گاع الرجال لي كانو دخلو للداخل وعلى ما كيبان كأنه اجتماع سري ... ليلى (بقات هي و إيجا فوق الطبلة و هاجر و ريناد كيجمعو..نطقات بدون تردد):كتبغيه ! إيجا(هزات عينيها فيها وهي ف حيرة من أمرها):ما بقيتش عارفة شنو كندير ليلى:ولكن هو من عينيه كتبان فيه كيبغيك بزاف إيجا:مستحيل يكون هادشي كيفما كتقولي...لي كيبغي مكيأاذيش ليلى :بلعكس...لي كيبغي كيأاذي وكتر ، إيجا(شافت فيها وهي دايخة وسط أفكارها):منقدرش ...صعيب علياا ،كاين شي حوايج مكيتنساوش ليلى:غير كتقولي ...كلشي كيتنسى مع لوقت ...لي خايب هو تبقاي كضيعي فلوقت ..تيقي بياا كاين لحظات ف حياتنااا خاصناا منضيعوهمش...انا مكنگولش ليك سامحي ولكن ..تقدري تعطي لراسك فرصة تعيشي شي حاجة لي نتي خايفة منها...متقدريش تحكمي ونتي مجربتيش... إيجا(شافت للداخل فين هو گالس ) ليلى(غمزاتها ):ولكن ماشي بالساهل ..(ناضت و نوضاتها معاها كيتمشاو فالجنب ديال لپيسين ) وا حلي ليا وذيناتك مزيان...حيت هادشي عشتو ما هانس قبل ما نتزوجو .. هاجر(جات هي وريناد):اش كتگولو دخلونا معاكم ليلى :ههه صافي سالينااا.. ريناد:ههه حتى هوما بانو ليا واقيلة سالاو هانس :يالاه نمشيو ،فات لحال Vamos Es demasiado tarde ليلى (سلمات عليهم ):بسلامة... إيجا(بغات حتى هي تسلت ):بسلامة حتى انا غادا ...عندي لخدمة الصباح هاجر(شداتها):هيهيه ماشي بهاد السهولة.. زيدان(وقف معاه سهيل و يوسف...):فات لحال...(موجه كلامو لإيجا) يالاه نوصلك ( إيجا:بلاش ..راه عندي لوطو ديالي زيدان(شاف فيها شوفة وحدة فهمات مغزاها مزيان ):هزي حوايجك انا على برا...ريناد غدا خصني ضروري نشوفك ريناد:ااه واخا ا خويا هاجر(بانت ليها ف سهيل):تبعني لكوزينة بغيت نهضر معاك سهيل(باغي غير امتا ينعس):واخااا ريناد(شافت راسها بقات غير هي و يوسف):احم...حتى انا غادي نمشي تصبحو على خير يوسف:تصبحي على خير ريناد(غادة و قاتلها ليأس كتسنى منو يقتارح عليها يوصلها) يوسف:ريناد...بلاتي ريناد(ضارت عندو بفرحة):نعاام يوسف(مد ليها سلسلة صغيرة):ديالك هادي يمكن طاحت لك ريناد(على شوية تشق الأرض و تبلعها):اا.. ديالي شكرا ...(نتراتها من يديه و كملات طريقها خارجة..) على زهر عنديي ... إيجا(واقفة كشوف ف زيدان كيحل ليها لباب باش تطلع ف لوطو ديالو):راه گلت ليك واقيلة مكاين لاش زيدان:إيجااا...طلعي راه صبري قليل إيجا(بدا كيطلع ليها الزعاف):ومن بعد ايلا كان صبرك قليل ..شنو لي كيخلع فلموضوع زيدان(قرر انه ميهضرش..بسهولة دخلها للوطو و ديمارا) إيجا(شادة أعصابها غير بزز):واش نتا معندكش شي حاجة بلخاطر..كلشي بزز .. زيدان(بلا مايشوف فيها وهو صايگ ): اه إيجا(زاد جعرها كتر ):مرييض.. زيدان(كيحاول يزيد يحمقها):اه عارف راسي.. إيجا(فقدات اعصابها كليا ...عاد بدات هضرة ليلى كترجع ليها فراسها و حاولات تهدن ):دير لي بغيتي(ضارت لجيهة الأخرى كا طل و متجاهلاه مخلياه صايگ كتسنى غير ايمتاا توصل )
زيدان(شافها سكتات على غير عادتها..كمل طريقو وهو صايگ غير بشوية ..كانت الطريق خاوية و جو صيفي ب إمتياز كيفتح النفس...حط ضهرو متكي كيصوگ براحة محسش بيها من شحال هادي ..كيطلع هوا بارد و نقي ..كأنه كيستنشقو لأول مرة ..مرة مرة كتمشي عينيه ليها ،عينيه كيلمعو ب شوفتها كأنها الإنجاز الوحيد لي دار ف حياتو...كيتمعن فأصغر تفاصيلها ..شحال ما تبدلات عمرها تبدل عليه ...عارف انه دخلها ف ضلامو و ضلمها معاه بلا ما يحس...ولكن هي بحدها لي قادرة تخرجو من الظلام لي عايش فيه ..وخا شحال ما حاول مقادرش يخرج منو..كل مرة كيزيد يجرو...وصل لقصر جوزيف بدون ما يوقف حلو ليه لباب ..كمل طريقو حتى للداخل ووقف ..ضار ل جيهتها لقاها مغيبة محاساش بشنو ضاير حداها...خرج من لوطو حل لباب من جيهتها...بدون ما يفيقها هزها و دخل بيها للداخل ،عاقل مزيان فين كاين بيتها،محتاجش حتى لواحد من لي خدامين فلقصر يوريه طريقو....حطها بلاصتها بعدما غطاها ) إيجا(مخسرة وجهها حيت بدات كتحس بلوجع بداها ):بغيت نبدل حوايجي قنطت زيدان(شافها شادة ف كرشها):كتحسي بلوجع ! إيجا(كتهضر ب صوت مبحوح ):شوية زيدان (كيحاول ينوضها باش تبدل حوايجها ترتاح حيت عارفها مكترتاحش فيهم):بدلي بينما يوصل الدوا إيجا(نايضة من بلاصتها دايخة بالنعاس ...دخلات للدريسينغ ديالها لبسات عليها كسيوة حريرية سميطات عاد دخلات للدوش غسلات و بدلات عليها ...بعد مدة قصيرة خرجات كتجر ف رجليها باغا غير ايمتا تكا وترتاح ...تخشات بلاصتها و حطات راسها على لمخدة زيدان(دخل من تيراس لي قدام بيتها...مراقب گاع تحركاتها ...غمض عينيه وهو كيحاول يكبح راسو ...گلس ف جنب ديالها عطاها الدوا ...) إيجا(شرباتو بدون ما تقاوم و ورجعات حطات راسها على مخدتها...هضرات ب صوت نعسان قبل ما تغفى ):غادي تبقى غير كتشوف فيا هكا ! زيدان(حنى لعندها كيقاد ليها شعرها ..عرفها عينيها غفات ):كون نقدر ندير شي حاجة كتر من الشوفان كون درتها... خرج بعدما غطاها و طفا الضو ...هبط لقاهم جابو ليها لوطو ديالها ....خلى لي گارد ديالو ف كل قنت ..بعدما خلاه جوزيف موراه...عاود ركب نظام أمني من أول وجديد ....طلع ف لوطو ديالو و كمل طريقو..خرج من لقصر غادي مباشرة لدارو...تنهد تنهيدة طويلة ..حاس براسو باغي ينعس كأنه ما عمرو ذاق النعاس ...
