فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 12

فتاة البادية و المفيوزي المتملك
الجزء 12:

هدى(شادة هي و زينب إيجا و مطلعينها فالدروج):هزيها مزيان راه غادي طيح لينااا...
زينب:راه تقيلة ...وا صفاء مالكي كتفرجي عاونيناا..
صفاء(وقفات مخلوعة):عنداك داك الدوا يقتلها...
زينب : اش غادي يقتل فيها واش نتي حمقة....
صفاء:شنو غادي ديرو ليهاا....
هدى :زيدي وغادي تعرفي ...حگا زينب عيطتي على داك الدري لي كتعرفي ...
زينب:اه عيطت عليه غير زيديي ...
إيجا(كتحل عينيها غير بزز)
هدى:صفاء وقفي قدام الدروج تأكدي مشافنا حد منين هزيناها من تواليت...
صفاء:لاا كوني هانية مشافنااا حد ...
تعاونو كاملين و دخلوها للبيت و حاضيين لا يشوفهم شي واحد بعدماااا خلاو شي بنات ملاهيين هاجر....رماوها فوق الناموسية  وبقاو گالسين كيتسناو الدري لي غادي يعاونهم فخطتهم....
هدى:فين هو هادا مالو تعطل...
زينب :رااااه گال ليا جاي ف الطريق ....
هدى(كتشوف ف ساعتها):خصني نهبط نقطع لكيك..
زينب:عرفتي شنو غادي ديري ...غادي نهبطو كاملين بيما وصل الدري ...و نطلع غير انااا ويااه...ونتوما تكلفو تلهيو ديك هاجر...حيا ايلا عاقت بينا غادي دير لينااا الشوهة...
هدى:ااه بصح...حتى هادي فكرة عندك...(وقفات قدام لمرايا كتقاد راسها) يالاه مغاديش نخسر لانيڤ ديالي على قبلها....
////هبطو  بعدماااا سدو عليها لباب وهي غايبة على الوعي ...تجمعو كاملين على الطبلة لي فيها لكيك ...ولموسيقى مجهدة وكلشي مشغول ....
زينب(قربات لوذن هاجر كتهضر بالجهد) :هاجر على من كتقلبي...
هاجر:ما شفتيش إيجا....
زينب :اااه راه بانت ليااا قبيلة خرجااات....
هاجر(بإستغراب):كيفاااش...واش مشات فحالها...
زينب (حركات راسها ب أه)
هاجر(خرجات كتجري لبرا تقلب عليها حيت جاتها عجب إيجا تمشي بلاما تگولها ليها و بلخصوص انها بايتة معاها ...خرجات لجيهة الشانطي كتقلب فكل بلاصة و مبان ليها حتى حد حيت ديك لبلاصة جات خارجة على لمدينة ):فين مشات هادي ولحال بداااا كيظلام  (سمعات تيلي ديالها كيصوني ) الو إيجااا...شكون نتي هادا تيلي ديال إيجا....
زينب(كتهضر مع هدى فودنيها):داك الدري راه وصل ...
هدى(غمزتها ):صافي طلعي ...اه و راه لكاميراا حطيتها فل پلاكار...
زينب(دارت إشارة للدري باش يتبعها....طلعات فالدروج بالزربة باش تكمل خدمتها ما حد مفعول لمنوم باقي ساري مفعولو...)
الدري:فين هي لبنت...
زينب(حلات لباب):هاهي ....
الدري:فين...؟؟
زينب:ضارت لجيهة الناموسية ملقات والو): اويلي فين مشااات هادي ....
.......
هاجر:شنو طاري ...شكون نتي وعلاش جاوبتي ف تيلي ديالها ...ومال إيجا فهاد لحالة...
لبنت :غير صبري ا ختي انا غادي نعاود ليك....
هاجر(تكات إيجا على عمود ديال الضو وكتقيس ليها فوجهها):واش سخفات...
لبنت :لاا هاداا لمنوم... بقاي تعيطي ليهااا ب سميتها حتى تفيق ....
هاجر(خرجات عينيها ):منوم ؟؟؟
لبنت (بدات كتعاود ليهااا منين كانت باغا تمشي ل تواليت ولقاتها عامرة ومقدراتش تدخل حيت هي غير سرباية جابوها للانيڤ  ..دكشي لاش طلعات للحمام لي فلبيت ...وتماااا سمعات شي بنااات كيهضرو على لخطة لي غادي يديرو ...واستاغلات لفرصة فاش كاملين هبطو و دوزاتها من لباب لوراني ديال لكوزينة)
هاجر(حطات يديها على فمها):واش بصح هادشي ...واش كانو تلاتة لبنات
لبنت:والله اختي ما كذبت عليك....
هاجر(ناضت غادا ليهم ومعولة تقتل شي وحدة):بناااااات لحراااام شكون من غيرهم   ...ليوم نوريهم شكنسوااااا....
لبنت(جراتها):هادشي راه مغادي ينفعك فوالو.....خليناااا نفيقوها بعداااا ...
هاجر(شافت جيهة لڤيلا):الله يعطيهم مصيبة فهاد النهار...غا بلاتي عليهم ...(شافت ف إيجا ب حزن) مأكدة ما دارو ليها والو...
لبنت:لا اختي حفظها الله...هاد لبنت زوينة بزااف ...واش ختك...
هاجر(بتاسمات): مصااب كون كانت...لا غير صاحبتي ولكن فحال ختي....
لبنت(جبدات قرعة لمااا صغيرة  من جيبها و بدات كترش عليها و هاجر كتعيط ب سميتها)
هاجر(كضرب فوجهها ضربات خفاف):إيجا...إيجااااا
إيجا(حلات عينيها ب شوية وعلى عينيها ضبابة)
هاجر:إيجااا....حلي عينيك...
إيجا(عاد بداا كتوضاح ليها الرؤيا):ه..هاجر...(شافت فالزنقة)شنو كنديرو هناا..ياك كنااا ف ....
هاجر:لانيڤ ديال لويل هاداك...
إيجا(ناضت وقفات وكتحس بالدوخة حتى شداتها هاجر...
هاجر(دورات يديها عليها ):يالاه نمشيو راه ظلام لحال هناااا...
إيجا(تسمع صوت كرشها):پففف جاني جوع تاني...
هاجر(ضحكات ):زيدي  انااا نخلص عليك سندويش على حسابي عندو سناااك ديال ديماااا...
إيجا(شادة فراسها كيضرها):شنو وقع مفهمت والو...واش نعست ...
هاجر: حتى لمن بعد و تعرفي ....(شافت فلبنت لي واقفة فبلاصتها) يالاه معانا..
لبنت(بتاسمات ليها ):لا غير سيرو انااا مزال خاصني نكمل خدمتي هناااا...(شافت طاكسي جاي لجيهتهم )راه  واحط طاكسي جاي ...وقفوه
هاجر(شيرات للطاكسي ):شكرااا اختي...والله منسالك لخير لي درتي معانااا ليوم....
إيجا:إينااا خير...
هاجر:طلعي و سكتي ....
لبنت(بقات كضحك عليهم حتى ركبو و مشاو  ....حتى خرجو شي بنات كيجريو )
زينب :هيه...ما شفتيش شي بنت خارجة من هناااا...
هدى:وا وصفيها ليها...
صفاء:هانتي راه كانت لابسة غوب سواري فلكحل وهيي عينيها زرقين و شعرهاا طويل شوية 
لبنت(عرفاتهم غير من صوتهم ):اااه هاديك لبنت ...
هدى:شفتيها...منين دازت...
لبنت:راه مشات فداك الطاكسي لي راه غادي...
هدى(شافت ف زينب مصدومة):ياك سدينااا عليها لباب....
زينب:ااهه والله مأكدة سدينااا عليها لباب...
هدى:واش مشات بحدهاا...
لبنت(ضحكات فداخلها عليهم):لا كانت معاهاا صحبتها لي لابسة لحمر ...وكانت معصبة حيت واقلة دابزو مع شي بناات...
صفاء:ناري ...كي دارو حتى عرفونااا....
هدى(نغزاتها):ششش سكتيناااا نتي.....