فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 17

🔶فتاة البادية و المفيوزي المتملك 🔶
🔸الجزء السابع عشر 🔶

بلقيس(گلسات قدامها فالناموسية كتفيقها)
إيجا(كتحل عينيها غير بزز):صباح لخير ا يمااا....شحال فالساعة..
بلقيس:12 ديال النهار هادي ا بنتي ...نوضي الله يرضي عليك ماشي ليوم گلتي غادي غادي تكون ديك لحفلة ولا معرف شنو هي ....
إيجا:اه بصح....تمشي معايا ا يمااا..
بلقيس:لالا انا عيانة ما فياا لي يمشي لدوك لبلايص فيهم قوة الصداعات
إيجا:ههه وشنو غادي ديري ليوم السبا غادي تبقاي غير فالدار ...
بلقيس:لا...غادي نخرج انا ونورا وشي صحاباتنااا قدااام نتعشاو على برااا....
إيجا:هاي هاي هاي ....
بلقيس:هههه نوضي يالله توجدي راسك
إيجا(ناضت من بلاصتها):واخاا ا يمااا.....
هاجر(دخلات هاجمة عليها للبيت ):صبااح لخير ...
إيجا:ههه صباح النور اش راك كديري هنااا...
هاجر(شافت ف بلقيس):سلام ا خالتي ...
بلقيس:سلام ا بنتي لباس عليك  كي دايرة لحاجة لكبيرة...
هاجر:لباس ا خالتي كلشي مزيان
بلقيس(خلاتهم و خرجات)
إيجا(صغرات عينيها فيها):شنو كديري هنااا ماشي من عوايدك...
هاجر(مشات عندها لناموسية فين متكية):اجي شنو مزال درتي مع سفياان...گلتي اه ولالا
إيجا(خنزرات فيها):متعاوديش ذكري لياا سمية داك الشماتة....
هاجر:مفهمتش ....مالو شنو دار...
إيجا(ناضت للحمام هاربة من أسئلتها):حتى لمن بعد ونعاود ليك...
هاجر(وقفات ف باب لحمام كتعاود ليها شنو طرا ليها لبارح):هاهي لكارط لي عطاني...
إيجا(خرجات كتنشف ف شعرها):هههه مسخوطة نتي ....كي قدرتي تركبي معاه مخفتيش...
هاجر:ههااء تانتي ...باينة فيه كيليميني ....
إيجا:ممم وشنو قضية هاد لكارط...
هاجر:گالك بغاني نعيط ليه...
إيجا:ونتي !!
هاجر:مالي انااا....
إيجا:بغيتي تعاودي تلاقاي معاه ...
هاجر:مممم الصراحة هو زوين و عندو واحد الضحيكة كتحمق ....و كيبان فحال شي واحد رياضي ....ولكن....بعيد عليااا مغاديش نتفاهم معاه اناا غا درويشة ...
إيجا:اييه درويشة حتى نكون مكنعرفكش ....
هاجر:اححم....وا لي بغاني راه كيلقاني..
إيجا(تفرگعات عليها بالضحك)
هاجر(قربات ليها كتشوف فووجهها):اجيي مال فمك فحال ايلا مجروح شوية....
إيجا(بتوتر):هاا...لا غير لخاتم لي كنت دايرة فيدي جرحني....
هاجر:فراسك هاد ليام كاملة كتباني ماشي هيا هاديك... واش عندك شي مشكل فلخدمة...
إيجا:لاا ...غير كنجي عياانة ...
هاجر(عرفاتها مبغاتش تهضر فلموضوع):اه حگا شنو غادي تلبسي ليوم...
إيجا(شيرات ليها على بواط كبيرة فلبيض):راه هو ...جابتو لياا مدام ريناد.
هاجر(مشات كتجري جبداتو):واااو كيحمق وا عندها الدوق هاد ريناد...
إيجا(واقفة كتنشف شعرها قدام لمرايا):هاجر...
هاجر:نعام...
إيجا:كي كيديرو يصايبو پاسپور....
هاجر(ضارت عندها ):علاش ...بغيتي تسافري وفين ؟؟
إيجا:كاين إيڤينمو ف باريس ديال لبراند من بعد سيمانة  ...ومدام ريناد بغاتني نحضر..حشمت نگوليها معنديش پاسپور
هاجر:واااو سعداااتك....پفف كون كان سفيان كون راه دغيا قادو لينااا...(شافت ف إيجا محاملاش تسمع سميتو) ااه وا خالتي نورة كتعرف الناس دغياا غادي يقادوه ليك..
إيجا:ااه بصح عندك لحق ...دابا نهضر معاها...
هاجر(كتنقز):واااو متشوقة نمشي للحفل ديال ليوم...كاينة لماكلة بعداا ياك
إيجا:كاينة ههه ...دابا نتي واش غادا تحضري معايا ولا غادا تاكلي...
هاجر:بجوووج ا صحبتي ....
خولة(جات ترمات فوق الناموسية حداهم):يخخخ كنت باغا حتى اناا نمشي ...تفووو باقي تابعني داك الجهوي .....
................................................
بعدما ظلام لحال وهوما مزال كيوجدو راسهم باش يخرجو حيت ريناد صيفطات ليهم الشيفور لي غادي يجيبهم للحفل ...إيجا لبسات كسيوة فلحمر طويلة بلكمام و عقد لؤلؤي ف عنقها فلبيض و صنيديلة فلكحل عالية عاد شعرها خلاتو مطلوق على راحتو و كتافات غير ب مكياج بسيط ....امااا هاجر لبسات كسيوة قصيرة فلأخضر ملكي مشبكة ...ومعرية من لفوق ...دارت غير كوپ شوڤال وميكاپ سموكي خطير ....