فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 20

💟 فتاة البادية و المفيوزي المتملك 💟
💟 الجزء: 20 💟

هاجر(وقفات قدام لباب ديال لڤيلا كتقاد ل إيجا وجهها باش متحس بلقيس ب  ب والو ):كتحسي براسك مزيانة  دابا ؟؟
إيجا(حركات راسها ب توتر ):اه شوية...
هاجر(تنفسات ب عمق و كتمنى حتى حد ما يحس ب شي حاجة)
خولة(حلات لباب و باينة عليها كانت ناعسة):فين مشات جميلة على الصباح ...
هاجر(دخلات للداخل جيهة الصالون):واش مكاين حتى حد .....
خولة(رجعات تكات فالصالون ناعسة):مشااو ل فيرمة يجيبو شي خضرة يمكن...
إيجا:انا غادي نطلع للفوق...
هاجر:واخاا طلعي بيماا نجيب  ليك لفطور...
إيجا(بدون متجاوبهاا طلعات للفوق  و معذبة من الطلعة فالدروج)
هاجر(بقات متبعاها بعينيها حتى غرغرو عينيها بالدموع  دغيا  مسحاتهم  و مشات تقاد لفطور طلعو لفوق ليها باش تشري الدواا )
### طلعاات معذبة فالدروج ..فكل درجة كتحس بالحريق ...بمشقة الأنفس وصلات لبيتها...نصلات حوايجها فلباب و دخلات للحمام  بدون حتى حاجة فوق لحمها...وقفات قدام لمرايااا كتشوف ف جسمهااا لعاري و لأحدات لي وقعات لبارح كترجع كلهااا بين عينيهااا ...مشات بسرعة لتحت الدوش طلقات لمااا وكتغسل ف جسمهاا ب هستيرية و حاسة كأنه كل قنت ف جسمهاا توسخ ...كتحك فلحمهااا ب طريقة جنونية وكون صابت كون حيدات جلدتها و حطات بلاصها وحدة نقية ،فكل قنت مزال كتحس ب لمساتو ليهاااا ....
طاحت فلأرض ديال لحمام كتشهق و كتبكي ب حرقة ...غوتااات على حر جهدهاا و هي كضرب فلأرض ..
هاجر(حطات لفطور فوق الطبلة و دخلات لعندهاا بدون ما تستأذن  للحمام بعدماا سدات باب لبيت ...حلات لباب  ومشات كتجري عندها للحمام  )
إيجا(عنقاتها مزيرة عليها و كتنفس ب صعوبة ):مقدرتش نحيدهم ا هاجر...مقدرتش ...عاونيني
هاجر(شدات ليها وجهها بين يديها وكتبكي حتى هي ):غير گولي لياا شنو هوو..اناا غادي نعاونك...تيقي فيااا...
إيجا(كتبكي و كترجاها):حيديهم لياااا....حيديي ليااا هاد الط..الطباايع لي فوق لحمي....
هاجر(غمضات عينيها و هي مصعوقة من هدرتها...نطقات ب هدوء وهي كتحاول تخفي دموعها قدامها):و..واخااا انااا غادي نحيدهم ليك...

~ طلقات الرشاشة  و هبطات على ركابيها ،بدات ليها ب شعرهااا هو لول غسلاتو عاد هبطات للحمهااا...بعدما سالات ليهااا لوات عليها فوطة و خرجاتها بدلات ليهاا حوايجها ديال الدار....
إيجا(حاضية هاجر لي واقفة كتقاد ليها وجهها بعدماا نشفات ليها شعرهاا  و  صمت رهيب فلغرفة غير صوت الريح لي كيحرك الشجر لي مسموع )
هاجر(شافت فيها و بتاسمات ابتسامة خفيفة)
إيجا(حتى هي بادلاتها الإبتسامة واخا وجهها كيبان شاحب بقوة لعياا ):شكراا....مكنتش غادي نعرف شنو ندير بلا بيك...
هاجر(عنقاتها من لور):متگوليش هكااا....نتي كتر من ختي لي معنديش ،نتي فيك باا و مي لي معنديش ...ومبغيتش نزيد نشوفك ف هاد لحالة ،مع لوقت غادي تنسااي اي حاجة وغادي ترجعي قوا من قبل  اناا مأكدة ...
إيجا(بانت على وجهها ضحيكة كيوت رغم لعيااا...سرعان ما ختافات فاش سمعات صوت بلقيس لتحت وناضت مخلوعة):هاجر...شنو غادي نگول ل يمااا ...
هاجر( شداتها من كتافها  گلساتها على طرف الناموسية):ششش....تهدني  اناا غادي نتكلف ب كلشي ..
بلقيس(دخلات عليهم  و على وجهها إبتسامة عريضة ): جيتووو....
هاجر:ااه ا خالتي...
بلقيس(هازة مجلة ف يديهااا و كضحك):اللله حمدتك يا ربي و شكرتك ...إيجا ..اجي ا ابنتي تشوفي تصاورك فلمجلة...
إيجا(كتحاول تصطانع الإبتسامة): فين كنتو ا يمااا...
بلقيس:كناا ف لفيرمة ديال لمرحوم راجل خالتك نورة....(كتقيص ف وجهها ):مالكي ا بنتي....وجهك سخوووون...
إيجا(بعدات عليها):لا والو ا يمااا غير كنحس براسي عيانة
بلقيس(دوزات يديهاا على راسها):الله على كبدتي الله ....عييتي ،، واه  من نهار بديتي ديك لخدمة ونتي لا نعاس لا ماكلة...تسنااي نوض نجيب ليك شي دواا....
إيجا:لاا بلاش ا يمااا....
بلقيس:اشمن گلاك....تسنااي نجيب ليك شي دوااا ...
هاجر(تنهدات براحة):اووف ...حمد لله محسات ب والو...
~هبطات مزروبة بعدماا خرجات من عندهم للبيت  ...لبسات عليهااا غير تريكو صيفي من لفوق و لوات شعرها على شكل سفنجة و خرجات هازة بزطامها كتقلب على فرماسيان حيت مكيكونوش حالين نهار لأحد ..حتى تفكرات انه وحدة من صحابات نورة عندها فرماسيان من تحت دارهاا ...مشات عندها بالزربة بعدماا شدات طاكسي  ، خدات گاع الدواا ل إيجا  وتمات راجعة للدار ف نفس الطاكسي  لي حطهاا قدام لڤيلا ،هبطات بان ليها شخص واقف قدام باب لڤيلا  ،ما حدها كتقرب و كتأكد من داك الشخص لي واقف قدامها ....
بلقيس(سرطات ريقها ب صعوبة و هي مصدومة ):ج...جو..زييف
جوزيف (ناض من فوق اللوطو و حيد نظارات الشمس   ونطق بصوت رجولي غليض كيرمز على قوة شخصيتو):بلقيييس....
بلقيس(طاح ليها الدوا من يديها بقوة ما كترعد )
جوزيف(قرب ليهاا بخطوات بطيئة و كيحقق فوجهها):بلقييس...كنت مأكد ان لي شفتها لبارح كانت نتي...(حط يدو على حناكهاا كيتحسسهم) متبدلتيش لعمر ما خداا منك والو...
بلقيس(بعدات عليه )
جوزيف (حط يدو ف جيابو و جمع غوباشتو  ):شنو كديري هناا.....ياك نتي لي ب يديك ختاريتي دفني راسك  فداك الدوار....
بلقيس(هزات الدواا من لأرض و طلعات عينيها فيه و قلبها كيضرب ب بقوة):نتاا لي شنو كدير هنااا...و شنو لي عطاك لحق انك تهضر على حياتي ....
جوزيف(عض على شفايفو و معاجباهش الطريقة باش كتهضر معاه ):بلقيييس....
بلقيس(حلات لباب ديال لڤيلا  وباغا دخل ):متعاودش ترجع هنااا...
جوزيف (جرها من يديها ):تسنااي..مزال مكملت هدرتي .
بلقيس:ما عندي ما نگولك....
نورة(خرجات كتعيط للعساس):معرف فين مشاا...بلقيس مشفتيش ..(قبل ما تكمل هضرتها ضربها ضو )جووزيف..
جوزيف (تخطاهم و دخل ):مغاديش ضايفوني ...
نورة(شافت ف بلقيس و الصدمة باقا طاغية عليها):ش كيدير هادا هنااا...
بلقيس(عضات على شفايفها و كلها كترعد بلخوف )
نورة(حطات يديها على راسها ):يا ربي السلامة ...شنو هاد المشكل طاح علينااا فهاد النهار..هو لي بقا ناقصنااا....
بلقيس:نورة....شوفي كي ديري ليه ...مخصوش يشوفهاا....
نورة(كتهدن فيهاا):تهدني...مغادي يعرف والوو...
دخللو بجوجهم  للداخل و موراها بلقيس لي رجليها فاشلين عليها بزز باش كتمشى ....وقفو فالصالون بجوجهم بان ليهم أثرو مكاينش...
إيجا(وقفات موراهم ):يمااا فين كنتي كنت كنقلب عليك...
بلقيس(ضارت مخلوعة و زادت فاش شافت إيجا وواقف حداها جوزيف )
هاجر(هبطات كتجري):شواقع سمعت شي حاجة تهرسات...
إيجا (عيانة و كتهضر غير بزز):لاا غير انااا طاح لياا لكاس ديال لماااا ...(طلعات عينيها ف جوزيف ) شكون هاد الراجل ...
نورة:ااا...هاداا!! هاداا ولد عمناااا....
خولة (كانت كتفرج فالصالون حتى خرجات عندهم):اواااااه...واش بصح ا ماما هاد الراجل من عائلتكم....
نورة(كتمتم):اا..اه ...(شافت ف جوزيف  ) دخل تفضل ...
جوزيف (كيحقق ف إيجا  لي منين تهرس لكاس ليها حيت كانت دايخة مشاا عاونها من تم و هو كيحقق ف وجههها ب شك )
خولة(كتهضر مع نورة):ماماا...شوفي عينيه فحال ايجااا...
نورة(نغزتها):سكتينااا ...تفضل ا جوزييف ...
خولة:جوزييف ....هادي ماشي سمية مغربية...
نورة:غبري عليااا منشوفكش حدايا...

💟💟💟
استسمح على التعطال 💟💟💟
ليوم غادي نكتافي غير بهاد الجزء  حيت التفاعل مكيفرحش ب خطرة ومكيشجعنيش نكمل
نتلاقاو غذاا ف نفس الوقت 😘😘🌟🌟