فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 75

##بعد أسبوع##

إيجا(خارجة من باب الشركة بعد نهار طويل عامر خدمة ما بين الكلية ف الصباح و الشركة فلعشية ...طلات على برا لقات الليل بدا كيطيح...تمشات ببطئ و هي كتحس بلعيا ولوجع كيزيد يجهاد عليها...گلسات ف لوطو لداخل و مخرجة راسها كتشم لهوا ..بزز باش قدات ديماري لوطو و تحركات بشوية عليها فالطريق ..بعد مدة سطاسيونات لوطو قدام ڤيلا كبيرة جات ف حي راقي ،كلها مضوية و موسيقى خفيفة مطلوقة منها ...هبطات و هي هازة معاها كادو ف يديها و ساك فيه حوايجها ..كملات طريقها حتى دخلات لعندهم ..لقات هاجر  و ريناد بزوج كيوجدو للعشا حيت كلهم معروضين عند هاجر احتفالا بالدار الجديدة ...
ريناد(مشات لعندها هزات من عندها لكادو):تعطلتييي
إيجا:غير لخدمة وصافي ..
ريناد(حطات يديها على جبهتها):مالكي...واش مريضة،حرارتك طالعة
إيجا:لااا غير فيا لوجع ..شوية وغادي نولي مزيان..
هاجر(كتهضر من لكوزينة):واش هادي إيجا..
ريناد:ااه هي...
هاجر(خرجات لعندها):بدلي عليك و اجي عاونيني راه سهيل صدق عارض حتى على شي صحابو ..هادا ما بقاش عشا ولات حفلة ،
ريناد:غير خليها راها مريضة شوية..انا غادي نجي نكمل معاك
هاجر(من وجهها عرفتها شنو عندها):ايي باينة تاني ماخديتي لا دوا لا والو....
إيجا:انا ناخدو راه عندي ..
ريناد:اجي دخلي للبيت رتاحي شوية...مزال لحال على لعشا
إيجا(حطات صاكها و تكات فوق الناموسية ):صافي واخا..
هاجر(كتغوت من لكوزينة):وا ريناااد ..اجي تعاوني باراك من لهضرة
ريناد(مشات كتجري لعندها ):هاني بشوية باراك من لغوات..
هاجر( شافت فيها بشك):مجاوكش هاد الناس لي جايين فشكل
ريناد(بعدم فهم):كيفاش
هاجر:سهيل انا كنعرفو مكيبغيش يدخل ناس اخرين من غير لي قراب ليه ف حفلات فحال هادو..شي حاجة ماشي حتى لهيه ..
ريناد:معرفتش الصراحة ...يقدر تكون شي حاجة مهمة فلخدمة
هاجر:معرفتش علاش وصاني باش منعيطش لجهاد  گال ليا إيجا بحدها
ريناد(بشك):سهيل مابغاكش تعيطي لجهاد..واش دابا كاينة غير انا وياك و إيجا
هاجر(كتقاد فالطباسل و كتهضر معاها):راه هادشي  لي جاب ليا الشك..حيت گال ليا  ماشي قريبة لينا بزاف لي تحضر معانا حتى من خولة كنت عيطت ليها فلأخر گلت ليها أجلنا...ولكن هاد الناس لي جايين انا مكنعرفهمش ..من ايمتا كانو قراب لينا ...حتى من شي وحدة لي تعاونني فالطياب مبغاني نجيب حتى وحدة  ..كاين لي قاديتو انا  و شي حاجة غادي يجيبها من لأوطيل
ريناد(كتقاد معاها لمعالق و لفراشط  فوق طبلة طويلة  جات على برا تيراس  كيطل على لبحر (الصورة لفوق )وهي كتفكر ف هضرة هاجر  ):ممم يعني حتى زيدان غادي يجي
هاجر:اويلي حتى خوك جاي ...
ريناد(ب إرتباك ):معرفتش....غير گلت و صافي
سهيل(وقف عليهم  وباينة عليه مزروب):هاجر...واش كلشي واجد...
هاجر(خلعها):اه كلشي واجد .مالك كلك عرقان هكاا .
سهيل:لاا والو..ايلا كلشي واجد طلعي بدلي عليك ما بقا والو و الناس يجيو...
هاجر(يالاه بغات تهضر معاه حتى طلع مزروب ):واش هادا تسطا ولا مالو
ريناد(ب إرتباك):انا نبدل هاد لكاس ونجي (خلات هاجر ف تيراس و تبعات سهيل كتعيط عليه )وا تسنى
سهيل:ريناد راني مزروب حتى لمن بعد
ريناد(شدات لباب):شكون جاي ...
سهيل:شي صحابي وصافي ..مغاديش تعرفيهم
ريناد:حتى نكون مكنعرفكمش...واش تسطيتي مرتك و إيجا كلشي كاين هنااا واش مكتفكرش فيهم،راني كنعرف دوك الصفقات ديالكم...خليو هادشي بعيد على لبنات...
سهيل(خنزر فيها):ريناد...واش مزال ما باغا دخلي سوق راسك ،هادشي لي كنديرو راه ف مصلاحتكم...
ريناد:شنو شنوووو..مصلاحتناا..تسطيتي اشمن مصلاحة هادي
سهيل(طلعاتلو لقردة للراس):حتى لمن بعد ا ريناد ماشي وقت هادشي (دغيا زرب عليها وسد الباب
هاجر(طالعة سخفانة):ريناااد..اجي عاونيني را معرفت ما نلبس
ريناد:سهيل كاين لداخل
هاجر:لا كوني هانية راه كنعرفو فاش كيتقابل مع لمرايا مكيتحركش..راه الدريسينغ ديالي فلبيت لاخر..
ريناد(كضحك عليها):زيدي زيدي نعاونك..
هاجر:فيقي إيجا حتى هي تبدل عليها  انا ندخل ندوش دغيا
إيجا(حلات لباب وهي سادة عينيها):شكون كان كيغوت
هاجر(كتجمع ف شعرها):ا غير اناا .جيبي حوايجك ودخلي للبيت راه ايلا حتاجيتي شي حاجة تلقايها تماا...فاتك لوجع شوية !
إيجا(غادة للبيت دايخة بالنعاس ):فاتني ...ريينااد ديري ليا ميكاپ  راني انموووت وجهي ولا داير فحال شي زومبي
ريناد(كضحك عليها وكتقاد ليها شعرها):ما وليتي زموبي والو باقا غزالة..غادي نقاد ليك غير شي حاجة خفيفة ..شنو بعدا غادي تلبسي
إيجا(شيرات ليها على كسيوة زرقة جات على شكل سميطات  طويلة تحت من ركبتها )
ريناد(فنفسها):اااووووه هاد اللون كيعجب زيدان
إيجا:گلتي شي حاجة
ريناد:ههه لا... غادي نقاد ليك غير ميكاپ خفيف  و شعرك خليه هكاا حسن (فنفسها:نيت زيدان كتعجبو أي حاجة سامپل)
إيجا(تكات راسها مخلية ريناد كتقاد ليها):قهراتني لخدمة...مكرهتش نرجع نقرا
ريناد(كضحك عليها):عادي فلأول غادي تجيك صعيبة ..من بعد غادي تولفي و يعجبك لحال
إيجا:كون غير نجي عندك نولي مودل ونهني راسي
ريناد:هههه حتى دابا مزال ما فاتش لحال ..
إيجا(شافت فيها ب جدية):ولهيلا كنهضر بالصح...دوك الأيام لي دوزتهم معاك فل موديلينغ دازو فحال شي حلمة..مكرهتش نحققها واخا منربح منها والو
ريناد:حتى دابا راك مزال صغيرة ..اي حاجة بغيتي توصلي ليها راك تقدري عليها...
إيجا(كتشوف راسها فلمرايا ):الصراحة ...مكاينش فحال لميكاپ ديالك..گاع دوك لي ميكاپ ارتيست لي دوزت معمر شي حد فرحني .
ريناد(بتفاخر):ريناد لمالكي و أجرك على الله..
إيجا:نتي ريناد بارااك...متبقايش تگولي ديك الكنية اختي
ريناد(شدات كرشها كضحك ): وا دابا اجي نسولك ..بيني وبينك
إيجا(شافت فيها من لمرايا و على وجهها نصف ضحكة حيت عارفاها على شنو باغا تهضر ):مممم غا گولي انا عارفة داك الراس شنو كيضور فيه ..هاد ليام كلها ونتي تحوسي عليااا باغا تخرجيها من فمك..
ريناد:هههه وا گولي الصراحة...زعماا متكونيش كتحسي شي حاجة من جيهة خويا غير شوية زعماا،حيت خويا كتعرفو عمرني شفتو كيضحك مع شي وحدة حتى ليك ..ياك كنتو مزيان شحال هادي شنو دار حتى مقادراش تغفري ليه لهاد الدرجة..
إيجا:هاداك غير حب تملك ميمشيش بالك بعيد...خوك كيبغي غير راسو..مزال مقدرش يتقبل انني ماشي ديالو...
ريناد:شنو زعما بغيتي تگولي ليا كتبغي هارون
إيجا(ضربات ف جبهتها):فراسك نسيت هارون..من نهار گال ليا غادي يسافر معاودتش هضرت معاه
ريناد:صافي متحتاجيش تجاوبي دابا هههه
هاجر(خارجة كتمسح شعرها):ما تيقيش بيها...هاديك حال و أحوال ...متعرفي شكون عندها فداك القلب..راه عندها متلازمة ستوكهولم مافيهاش
إيجا:هاجر..سكتينا شوية ونتي كتموتي على هاد لمواضيع
هاجر:هاهي ساكتة...
ريناد:متلازمة ستوكهولم..هي فاش لبنت كتبغي شي واحد كان كيعذبها...ياك !
هاجر(يالاه كتنشف شعرها ):هااااديك
ريناد(عاد بدات كتفهم لموضوع ):زيدان نتوقع منو اي حاجة
إيجا:كون غير بقيتو مكتحملوش بعضياتكم..غير تصاحبتو تلاقيتو كتشابهو ..الله يعفو
ريناد:نوضي باراك عليك ليوم يشوفك زيدان يدوخ ..
هاجر(كتموت بالضحك):هاد لمرة فحال والو فمو يتحل ماشي غير يتشلل فحال داك النهار
ريناد(كتراشق هي واياها ):ولاهيلا
إيجا:غير ايلا ما تبقى فيك ا هاجر...
ريناد:هانيا ...غير نتي مزال معرفتيش ليه،كون تبعي هضرة د هاجر كون تشوفي
إيجا(كطل عليهم وهي كتبدل ):والله لا كانت ليه بلا ما يحلم نتبلحس عليه...اجي بعدا نتي(كتقصد ريناد)جاي ليوم هو ..رجع من السفر؟
ريناد(شدات فمها):ههه اه مفراسكش
إيجا:ممم حتى نكون مكنعرفكش ...سيمانة دوزتها معاك ..وليت حافضة قوالبك
هاجر(گالسة كتقاد ليها ريناد ميكاپ ):وا دغيا راه ما بقا والو و يجيو ..
إيجا(خرجات لعندهم وهي لابسة):هي لا سكتو باراك من لحتيت ..
هاجر:وواااااو اش هاد لجمال كامل ...الطايح كتر من النايض ..ونايض فاتيگيييي...
إيجا:انا نهبط نجيب طالون ديالي نسيتو ف لوطو
ريناد(خلاتها حتى مشات):فراسك هاد لون كيموت عليه زيدان من الصغر
هاجر:اويلي على حتى هو كان صغير..
ريناد(شافت فيها بمعنى باراك من لحموضة ):سيري الله يمسخك..
هاجر:اودي خوك طايح بلا زرق بلا زوج....
ريناد:زعما مكاينش امل تا لهاد الدرجة
هاجر:شتي شحال هادي كانت كتموت عليه..فاش داها معاه ل ماربيلا رجعات ففمها غير سميتو ..
ريناد:ااووه ...حتى لهاد الدرجة
هاجر:ختي انا واخا مكنحملوش ..ولكن ما بقيت غادي ندخل فشي حاجة ..ايلا بغات هيي معندي ما نزيدها غير لخير و لإحسان
ريناد(كتقاد ليها عينيهاا):هنا فين بقات ...متحركيش باش يجيو مقادين
هاجر:مبقيتش كنعرف شنو كيضور ليها فداك الراس ..ولكن خوك مادار فيها مايصلاح ..خلا كلشي ف دقة وحدة ومشا...
ريناد:زيدان كيبقى فيا واخا قاصح بزاف ..ولكن حتى هو دازت عليه ..معمري شفتو مرتاح لا فاش كان صغير ولا حتى دابا...مكرهتش ليه إيجا..انا مأكدة غادي تداويه و يرتاح معاها
هاجر(طلقات ضحكة ):راه هو لي خاصو يداويها أ لهبيلة...
##عند إيجا...هابطة ب صنيديلة ديال الدار ومزال كتحس بلوجع.. خرجات من لڤيلا ل لوطو ديالها كتقلب على طالونها وسط كومة ديال لحوايج فلكوفر ..هزات صنيديلة شفافة  غادي تجيها مع لون الأبيض لي دايرة ف ضفيراتها ..حطاتها فلأرض كتحاول تلبسها..يالاه هبطات عينيها الأرض كتحس بدوخة حتى عينيها ضببو مبقات كتشوف قدامها والو  وكتحس براسها راجعة بلور ..حتى كتحس بشي يدين شادينها باش مطيحش..غمضات عينيها مزيرة عليهم كتحاول تشد راسها وفنفس لوقت شادة ف إيدين داك الشخص لي مكاليها
إيجا(من ريحة عرفات شكون حداها):ز..زيد..ان(كتحاول تبعد منو)
زيدان(مدور يدو على خصرها كيحاول يوقفها ):بشوية .. باراك من هاد لعناد
إيجا(كتبعدو عليها):حي..يد يديك
زيدان(بغا يشوف عنادها فين يوصلها ..بعد يديه حتى كانت غادي طيح ..قبل ما توصل للأرض شدها):باراك من لعناد لخاوي..ماشي وقتو دابا
إيجا(شدات فمها ما بقات گالت والو خلاتو يدير لي بغا )
زيدان(هزها بين يديه  وهي متكية على كتفو دايخة...سد لوطو و دخلها للداخل ل كاناپي كاين على برا ف تيراس ...گلس وهو باقي حاطها فحضنو بعدما طلب من لگارد يجيي لماا...قاس ليها حرارتها لقاها عادية ...):شنو كيضرك ..مافيك لا سخانة لا والو
إيجا(شدات ف كرشها من لتحت وهي كتوجع ):هناا
زيدان(حط يديه على لبلاصة فين حطات يديها ..عاد بدا كيفهم ):خديتي شي دوا
إيجا(كتنفس غير بزز و لوجع غير كيزيد ..زيرات عليه من شوميز ديالو بيديها وهي خاشية راسها ف صدرو):اووووف
زيدان(كيدير ليها مساج على كرشها ):واش ديما كا دير ليك هكااا ولا غير هاد لمرة
إيجا(تنهدات من قوة الألم لي حاسة بيه ..عاضة على شفايفها كتحاول تبرد فيه لألم لي كتحس بيه):لا...م من ل عملية
زيدان(رجع شعرو للور ب عصبية كيفكر فشنو يقدر يدير ...هز يدو كيحاول يهز ليها راسها باش توگض شوية):واش كتاخدي شي دواا ..نجيبووليك
هاجر(مدات ليه دوا وهي معصبة ): هاك...عرفتها مغاديش تاخدو
زيدان(خدا لما كيحاوب يعطيها دوا وهي كتبعد عليه)
هاجر(خداتو من عندو و كتخشيه ليها ففمها بزز ،سدات ليها نيفها وخوات شربتها لما باش تبلعو بزز منها ):دابا مزيان
زيدان(شد ليها يديها مزير عليها  ونطق بنبرة قاصحة و فنفس لوقت عالية ):شكدييييري
هاجر(بعدات يديها عليه و هي معصبة كلها كترعد خايفة عليها حيت بعد لمرات كتوصل بيها للإغماء ...جراتها من فوقوووو و دخلاتها للكوزينة جاراها ب طريقة عنيفة ...خلات زيدان غير حال فمو مفاهم والو...گلساتها فلكرسي ):مزال ما مبغيتيش  تحبسي من هادشي  ...لهاد الدرجة باغا تعاقبي راسك....صافييييي ...ماشي غلطك انه ماااات صصااااافي نسااااااي ...نسااااي 
إيجا(كتشهق وهي شادة فكرشها):انااا سبابببب اناااا...ربييي كيعطيني هاد لوججججع حيت انا نستاااهلوو ...حيت محافظتش علىى الروووح لي عطااني ..بقيييت كنعذذب فيهااا وهي لداااخل حتى ماااتتت (زيرات على شعرها  وهي كتشق بلبكاا)انااا نستاااهل هادشي لي كيوقع لياااا ا هاجر..نستاااهلو ...
هاجر(جراتها لعندها معنقاهااا وهي قلبها كيتقطع عليها .بلا متحس حتى هي بدات كتبكي ):مكتستاااهلييش ا إيجا..والله مكتستاهلييي...نساااي صااافي  راه قلبي كيتقطع عليييك ..(شدات ليها وجهها بين يديها كتمسح ليها دموعها) علاش كتعذبي راسك ب ذنب ماشي ديالك..
إيجا(كتنخصص وهي باقااا كتحس بلوجع):عيييت ا هاجر...والله حتى عييت ما بقيييتش قادة نزيد مزال ...مكرهتش كون مت قبل ما يوقع ليااا هادشي كامل
هاجر(گلسات حداها و حطات ليها راسها على كتفها ):دابا صافي لي وقع راه وقع ...علاش كتعذبي راسك بشي حاجة وقعات شحال هادي ...شوفي لي جاي للقدام ..حيت ايلا شفتي لي لور مغادي تستافدي والو...
إيجا(كتنخصص بلا متگول حتى كلمة )
هاجر(سمعات شي صوت على برا  ،و صوت سهيل كيعيط عليها ناضت كتمسح لإيجا وجهها ):دخلي غسلي عليك وجهك ..حتى ترتاحي و هبطي صافي !
إيجا(حركات راسها ب أه )
هاجر(خارجة كتجري من لكوزينة ...وقفات مجمدة بلاصتها  قدام زيدان ..
سهيل(جرها من يديها):صافي كلشي واجد
هاجر:اا هاا اه واجد
سهيل(شاف ف زيدان واقف بلاصتو نظراتو ما مفهومينش):راه وصلو ا صحبي ..شكدير هنا
زيدان(كيخنزر ف هاجر):سبقني انا جاي ..
ريناد(هابطة فالدروج كتمختر ..):زيدان..كنت عارفاك غادي تجي
زيدان(متكي على لحيط غارق وسط افكارو ..طلع عينو فيها وهو حاس لأول مرة بالضعف):رينااد..
ريناد:شنو
زيدان(عض على فكو):طلعيها ترتاح
ريناد(طمناتو بعينيها ):صافي كون هاني..
زيدان:صافي خليك بلاش ..انا غادي نطلعها (خلى ريناد واقفة مسمرك بلاصتها و دخل لعندها بلا ميگول حتى كلمة ،هزها بين يديه و طلعها)
هاجر(واقفة مصدومة قدام لباب ديال لڤيلا ..طوموبيلات كحلين ..تصافو قدام لباب عاد طوموبيلات ديال لگارد عمرو طريق كلها كانو بلمئات كلهم حاضيين لحي كامل ...عاد كانو تلاتة ديال الأشخاص كل واحد خرج من لوطو ..):يوسسسف....وا يوسسف شنو هادشي
يوسف:سكتينا
هاجر:اويلييي شكون هادوو ...
ريناد(وقفات حدا هاجر مصدومة):لمافيا ل كولومبية ..
هاجر(غوتااات ):اااويييليي
سهيل:ششششش سكتينا..
هاجر:اويلي واش بصح هادو مافيااا
سهيل:متخافيش راهم  حلفاء ديالنا ..
هاجر:تا كيفاش حلفاء ديالكم...على نتاا شنو بالسلامة...(شافت ف يوسف) شكوونن نتومااا
سهيل:حتى لمن بعد ونفهمك
هاجر(ضربات ريناد ف يديها):نتييي عااارفة
ريناد(شادة ف كتفها):اي...راني كابرة مع زيدااان ..را عادي نعرفهم
هاجر(وقف قدامها واحد منهم لابس لباس رسمي و يدو و عنقو فيهم لوشام بلا ما تحس مدات يديها تسلم عليه وهي خايفة و نفس الشي لريناد ):وهانتي مصوابين
يوسف :Bienvenida تفضلو
سهيل:فين زيدان ...شفتو خلانا معاهم ومشا
زيدان(حطها فوق الناموسية بعدما قاد ليها مخاد تكا عليهم و گلس فالجنب ):كتحسي براسك شوية
إيجا(بعدات عينيها عليه ونطقات بصوت خافت):ااه
زيدان(حط يدو على كرشها ):لوجع باقي
إيجا(ترعشات لا إراديا ):شوية
زيدان(حط يديه على يديها وهومطول الشوفة فوجهها لي كيبان عليه الضعف عكس القوة لي كتصطانعها):بغيتي شي حاجة
إيجا(كتحاول تبعد يديها ):لا ممحتاجة والو
زيدان(شد يديها ما خلاهاش تبعدهم عليه ..قربها لعندو من خصرها ):ششش
إيجا(كتدفعو من صدرو ):بعد عليااا..
زيدان(حاكمها من خصرها  و حاط راسو على راسها ):إييجااا..باراك حبسيي
إيجا(كتحاول تبعدو و بلا سابق إنذار بداو دموعها كيهبطو وفنفس لوقت كتغوت  ):نتاااا لييي باراااك ....بعددد منييي واش مكتفهمشش..بعددد منيييي عييييت منننك ...(ناضت وهي هربانة منو )
زيدان(جرها لعندو مزير عليهاا من خصرها و حاكمها من شعرها ..كيهضر وهو حاس بالحرقة وصوتو عالي):نتييي لااا عييييتيي  انااا عيييت كتر منككك....عيييت من كلشي،صحابليك عندي كلشي ساهل...قبل منك ومن بعدك و انا صااابر غير بزز ...
إيجا(عينيها ف عينيه وهي كضرب ليه ف صدرو):و اناااا مالييي ...اناا مالي فهادشيي كامل...بعد منييييي ،خرررج من حياتيييييي ...مبقيتش باااغاااا نشوووفك قدامي مزااال...يااااك مشيييتيييي علاشش راجع تخسرر ليااا حياااتي ،حتتىىى نسييييتك عاااد راااجع علااااش رجعتيييي...
زيدان(خبطها مع لحيط وهو كيزفر عروقو  حاس بيهم غادي يطرطقو  ):حييييييت مزاااال كنبغيييييييييك ...مزاااااال لداااابااا كنبغيييييييييك منسيتتتتكش...
إيجا(لبرهة من الزمن كان بيناتهم صمت غريب ..حتى نطقات ب صوت فشلو):مستحيل يكون هادشي بالصح نتااا مستحيل تكون كتبغي شي واحد من غير راسك..(بعدات عليه كتحاول تحل لباب
زيدان(جرها لعندو مفيكسي ليها عينيها لي كتحاول تبعدهم عليه ):باراك متبقاي تهربيي ...
إيجا(كتحاول تبعد عينيها عليه ):انا مكنهرب...
زيدان(قبل ما تكمل كلمتها ماقدرش يحبس راسو و نقض على شافيفها ...كيمص ويعض فكل ما كيحس بيها كتبعدو،خرج فيها گاع ديك العصبية كلها كل كانت فلداخل ديالو ..حتى حس ب قواها مبقاوش عاد رجعات لبوسة حنينة ..كيبعد مرة مرة كيخليها تنفس وكيتمعن فملامحها مزيان و كيرجع يكمل بكل حنية بدون ما تحاول تبعدو ..كيزيد يقربها ليها وكيدوز يدو ب احترافية و حنية  على تضاريس جسمها حتى تمكن منها الضعف و ستاجبات ليه...هو براسو متفاجئ بتجاوبها معاه رغم انه مباينش مقارنةً بيه... كمل وهو مواعيش براسو ولا بلوقت ولا بالناس لي كيتسناوه..كل ما كيهمو دابا غير هي وحتى واحد من غيرها..بعد عليها كيشوف فملامحها
إيجا(فتحات عينيها  بعدما حبس ،مواعياش بشنو دارت ولا كيفاش حتى طرا هادشي ..شدات فمها و بعدات عليه
زيدان(قرب ليها و إبتسامة  غريبة على وجهو عمرها لمحات  فحالها ...جرها لعندو من خصرها ونطق بهمس وهو قريب ليها بزاف من غير سنتيميترات قلال لي كيفصلو بيناتهم ..):من ليوم معندك فين تهربي منيي ..