فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 21

💟فتاة البادية و المفيوزي المتملك💟
💟الجزء الواحد والعشرون 💟

نورة (گلسات حدا بلقيس و بزوجهم كيشوفو ف جوزيف لي محيدش عينيه على إيجا):احم..كيف درتي حتى عرفتي الدار ...
جوزيف :نتي لي واقيلة نسيتي شكون هو جوزيف باروخ...
بلقيس(شافت إيجا گالسة معاهم ):إيجا...طلعي رتاحي شوية و خودي دواك...
خولة(جبدات تيلي ديالها كتقلب فيه و مأكدة انها سمعات كنية باروخ فشي بلاصة ):نتاا هو هاداا لي فهاد التصويرة ...ناري ما متيقاااش ...حلفي ا ماما حتى كيجيك من العائلة...(مشات گلسات حداااه ) نتااا لي ربيتي زيدان لمالكي ياااك ؟؟
جوزيف (طرطق صبعانو و بتاسم ليها ):هادي بنتك ا نورة....
نورة(جراتها رجعاتها حداها):اه بنتي..
جوزيف (دور عينو ل إيجا لي طالعة ف الدروج):و هاديك ....
بلقيس(شافت ف نورة و بجوجهم سكتو )
خولة:اهه هاديك إيجاا بنت خالتو بلقيس...
نورة(سدات ليها فمها):سكتينااا ...طلعي فحالك قابلي كتوبتك....
بلقيس(بعدماا شافت الدنياا خوات ):جوزييف ....شنو باغي من لخر ...
جوزيف (حط يدو على رجلو ب طريقة رجولية و كيحك لحيتو لي مخلط لونها ما بين البيض و قهوي مفتوح):هاديك لبنت لي سميتها إيجا....
بلقيس(ناضت كتنهج و مزيرة على يديها):خرج فحالك....هاديك بنتيي اناااا كتفهم ....متعاودش دمر سميتها على فمك...
جوزيف (ناض حتى هو وقف قدامهااا ):كنشم شي حاجة ماشي هي هاديك ف هادشي،غير بلاتي قريب غادي نعرفهااا...(كان غادي و رجع لعندها ،هز صبعو فوجهها كأنه كيهددها) كنقسم ليك ا بلقيس ايلا لقيت هادشي لي فبالي صحيح مغادي يعجبك حال...
نورة:جوزييف باراكااا....
جوزيف (خنزر ف نورة):وياااك دخلي ا نورة فهادشي خليك بعيدة حسن ليك...(عاود شاف ف بلقيس) فاش نبغيك نلقاك عندي ...
بلقيس(گلسات وحاسة ب الخلعة طالعة معاهاااا ...)
نورة(سدات لباب موراه و رجعات لعندها):بلقيس...
بلقيس:نورة...باينة حس ب شي حاجة ....شنو غادي ندير دابااا ،(غطات وجهها بيديهااا كتندب ف حظها) غادي يبقااا يقلب حتى غاديي يعرف كلشي
نورة(شدات ف يدين بلقيس):حتى لاين غادي تبقاي مخبية عليه...
بلقيس(شدات راسها بين يديها كتبكي ):شغادي نگول ل بنتي....نگول ليها راني سمحت لراسي نمشي مع واحد فلوقت لي كنت مزوجة بواحد أخر...
نورة:متگوليش هكااا ا بلقيس...نتي كنتي كتبغيه وكنتو غادي تزوجو كون ماا باا الله يرحمو ما رفضوش...غير بااا الله يهديه واخا عرفو سلم ، كان كاره انه اصولو يهودية...
بلقيس:واخاا هكاك ا نورة ...مكانش عليااا داك النهار ننساا انني مزوجة و نسمح لراسي نرتاكب داك الخطأ...
نورة(حطات ليها راسها على كتفها):بلعكس ...مخصكش تگولي انك رتاكبتي خطأ ...لأن الله عوضك ب بنيتة مشاء الله معمرة عليك حياتك ...تلت سنين ونتي مزوجة بلعربي و مقدرتيش تولدي معاه...كون ما ربي حط ف طريقك ديك لبنيتة كنتي ديمااا غادي تحسي براسك بوحدك معندك حد...
بلقيس(كتمسح خنونتها و جاتها الضحكة):ههه...
نورة:هههه مالكي....
بلقيس:والو تفكرت غير بنات مينة لي كانو يضلو يسولو على إيجا منين جابت لون لعينين..
نورة(شداتها الضحكة): ناري يا ختي ....شتي فاش گلسات حداه شحال د الشبه بان بيناتهم.....جوزيف متبدلش باقي كيبان صغير وزوين و تبارك الله داير فحال دوك المصارعين لي كضل خولة تشوف فيهم ...لعااار باش حسيتي فاش شفتيه....
بلقيس(بتاسمات ب حزن):الصراحة....معرفتش ...
نورة(ضحكات من تحتهااا ):ممم ياكمااا قلبك بداا كيضرب بالجهد ...
بلقيس(ناضت من فوق كتفهاا):ولايني مكتحشميش اختي....باينة راه ضربهاا بشي تزويجة مالو غادي يتسناني انااا....
نورة:واخااا هاحناا غادي نشوفو...
.......................
إيجا(كانت متكية فوق ناموسية و ساهية فالسما مخلية الريح لي كيدخل من لبالكون كيقيس فوجهها)
هاجر(سدات لباب بالجهد و كتنفس بصعوبة)
إيجا:هاجر...فين كنتي ..واش داك الراجل باقي...
هاجر(بدات كتلعتم فلهدرة):هاا مشاا فحالو...(گلسات حداها ف الناموسية )إيجا..
إيجا(شافت فيه بدون ما تهضر)
هاجر:نبقاا معاك حتى هاد الليلة...غادي يبقاا بالي مشغول عليك..
إيجا(بتاسمات ب صعوبة):غير سيري ا هاجر...مبغيتش يمااا تحس بشي حاجة...(شدات ليها ف يديهاا وهي باقا متكية ) بلاما تشطني بالك بياا...
هاجر:ولكن...
إيجا(طمناتها ب عينيها):اناا كندير ما ف جهدي باش يماا متحس ب والو..
هاجر:غادي تجي غداا ل الكلية...
إيجا(بداا كيديهاا النعاس بعدماا شربات الدوا):...م..معر فتش
هاجر(غطاتها بلغطااا و قدات ليها شعرهاا باش ميعذبهاش فالنعسة ...عارفاها كتظاهر بالقوة و كتحاول ما امكن تبان ب حالتها الطبيعية غير على قبل بلقيس....بتاسمات ب حزن وهي كتشوف فيهاا ): كان كيصحاب لياا الناس الزوينين ديمااا كيكون حظهم زوين فحالهم ....ربي لي عالم شحال عزيزة علياا ...(ختافات ضحكتها وهي كتفكر حالتها لبارح كيف كاانت ) تيقي بيااا قريب غادي يتعاقب على شنو دار فيك ...
هاجر(هزات صاكها و هبطات لتحت لقات نورة و بلقيس كيوشوشو بيناتهم ):خالتي انااا مشيت ...
نورة:بلاتي حتى نتغداو بعدااا...
بلقيس:نسينااا لغدااا گاع...
هاجر:لاا ا خالتي راه تعطلت على لحاجة...مزال يالاه فطرناا قبيلة....
بلقيس:اه واخاا ابنتي....شربات دواهاا ؟؟
هاجر:ااه راه شرباتو ونعسات...
نورة:علاه مالهاا مريضة...شنو كيضرهاا...
بلقيس:غير شوية دالسخانة يمكن حيت مكتنعسش مزياان هاد ليام...
نورة: وا گتليهاا ترخف على راسهااا...بنتي هاجر سلمي لياا على لحاجة و گوليهاا تنقص السكر را عييت فيها...
هاجر:ههه واخاا ا خالتي كوني هانية...
...................
خرجات من لڤيلا هازة صاكهااا شادة الطريق للدار ...حلات صاكهاا جبدات لبزطام لقات زيرو درهم...عبسات وجهها و شدات الطريق على رجليهااا ...غادة فالطريق و ساهية و كدور شلاا افكار ف راسها..حتى وقفها تيلي ديالها كيصوني ....
هاجر:نععاام...
سهيل:غير بشوية فرعتي لياا وذني....
هاجر:هاذااا نتاااا ...منين جبتي نمرتي...
سهيل:ماشي شي حاجة صعيبة ...فينك؟؟ واش باقا فين وصلتكم الصباح
هاجر:لا خرجت فحالي قبيلة ...غاداا فحالي للدار...
سهيل:باينة مبقاوش ليك فلوس الطاكسي تاني...فين كضيعي فلوسك كاملة....
هاجر(كتهضر و مراشقاش ليهاا):هادشي لي عطاا الله...
سهيل(حس بيها من هضرتها انها ما عندهاش لگانة):نتي فينك بالظبط...
هاجر(شافت حداها ):ممم معرفتش ...
سهيل(حط تيليي قدامو و جبد تابليت حداه ):بقاي بلاصتك بينماا جيت لعندك ...
هاجر:كيفاش...
سهيل:غير صبري واحد خمسة اادقايق و نكون عندك....
هاجر:مالو هادااا....(گلسات فوق الطروطوار على لأرض حاطة يديها على فمهااا لي كيدوز كيشوف فيهااا)
سهيل(كيكلاكصوني عليها وهي تگول گاعمااا فهاد العالم ...حتى خرج لعندها):هيييه...فين ساهية من قبيلة..ومالكي گالسة فهاد البلاصة
هاجر(طلعات فيه عينيها وهي مزال گالسة):قيلني عليك الله يرحم بااك...
سهيل(نوضها من لأرض):كنتي غادي ضربي ديك الطريق كاملة على رجليك ؟
هاجر:و مالهاا شنو فيهااا...
سهيل:لا والو غير غادي تعياي....(حل ليها لباب ديال لوطو ) طلعي
هاجر:پفف راه واقيلة نسيتي شنو گتليك ...
سهيل(حبس ضحكتو ):مالكي نيتك ناقصة....غير طلعي راني حافظ داك الديسك...
هاجر(خنزرات فيه و طلعات):ايواا هكاك...
سهيل(طلع و ديمارا لوطو):فين تبغي تمشي....
هاجر(بقات مدة وهي ساكتة عاد ضارت عندو و على وجهها نظرة بريئة):بغيت نبدل لجو...
سهيل(ساهي فيها ):اه واخااا...فينماا بغيتي نمشيو....
هاجر(تكات على لكرسي و كتخمم)
سهيل:احم...كي بقات إيجا...
هاجر:..مزيانة حسن من لبارح...
سهيل(متردد يجبد معاها لموضوع):معرفتش ...عندي بزاف ديال التساؤلات ف راسي معرفتش واش نسولك ولالا...
هاجر:حسن بلاماا تسول حيت مغادي نقدر نجاوبك على والو....
سهيل:ممم كنت متوقعها...
هاجر:سهيل...
سهيل(ضار عندها )
هاجر:من ايمتاا كتعرف ريناد...
سهيل:ممم ...تقريبااا كبرناا كاملين مجموعين ..
هاجر:شكون نتوماا...؟؟
سهيل:اناا و رينااد و زيدان و يوسف حتى هوو ...ونتي ؟؟
هاجر: مالي انااا...
سهيل:علاش عايشة مع ديك لمراا...
هاجر(سهات فالزنقة):اودي علاه اناا لقيت ما حسن و گلت لاا...كون كانو واليدياا عايشين كون راني عايشة معززة مكرمة فدارناا گاع منتلاوح للزنقة...(تنهدات) ولكن حتى لحاجة الله يكتر خيرهااا دخلاتني لدارهاا و لقات لياا خدمة (بانت على وجهها ضحكة جانبية نوعاا ما حزينة) هي مناش كنخلص ليها لكراا...
سهيل(شاف فيها مطولاا)
هاجر(كتشوف فالطريق وكتهضر ):بلاما تشوف فيااا هكااا....
سهيل( ضحك و هو كيتفكر اول مرة تلاقا بيهاا ،داك النهار بالظبط عرفهاا انها قوية و غير مكتزيد تكبر ف عينيه كل ما عرف عليهاا اي حاجة ولو كانت بسيطة):هانااا الالة مكنشوفش فيك....فين بغيتي تمشي ؟؟

جزء اخر بعد قليييل
خليو معاكم شي ڤوط 🌟🌟🌟 وشي كومنت يكون زوين 💬👇🏻👇🏻👇🏻👇🏻
♥️♥️♥️♥️♥️♥️♥️