♦️فتاة البادية والمفيوزي المتملك ♦️
♦️بقلمي مونيا لوباروس ♦️
....
#البنااات ...لي بغات تحط لقصة فشي گروب معليها غير تعلمني و تكتب سميتي ♥️♥️😘
مكنتش عارفة حياتي تقدر تقلب عليا بهاد السرعة على قبل قرار خداه با ف حقي ،ضطريت نحارب اي حاجة جات قدامي ب...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
##فبلاصة أخرى من العالم و بالظبط ف ماربيلا كان واقف فوق منحدر صخري كبير كيطل على لبحر لي كان هايج ...كان باقي ب نفس اللبسة لي كان لابس من غير طبايع الدم لي باينين عليهم ،او بالأحرى الرصاصات لي ختارقو جسدو ب نية القتل ،لكن بدون جدوى ... واقف كيطل لبعيد كأنه سبع كيتسنى فريستو باش ينقض عليها ...كل جزء منو كيصرخ ب رجولتو...كل نفس كيتنفسو كتجي قدام عينيه غير هي ،وصوتها وهي كتغوت ب سميتو بعدما تضرب بالرصاص..فديك الوقت بالظبط لي كان ما بين لموت ولحياة كانت كتبان ليه غير هي لي كتجري لجيهتو و فعينيها خوف كبير من أنها تفقدو،عمرو لمس حبها ليه حتى لمسو فديك اللحظة وهي خايفة عليه..حتى گال حياتو غادي تقاد وكلشي تگلب ليه على ضهرو...خرجو من سهوتو غير تيلي ديالو لي كيصوني يمكن هادي المرة الألف لي كيصوني فيها ...طلعات ليه ان المكالمة من المستشفى لي كانو فيه بدون تفكير حط تيلي على وذنو و كيهضر بالإسبانية مع موظفة الإستقبال الموظفة(من المستشفى):sir zidane(سي زيدان) زيدان:si الموظفة:Quería informarle que los resultados de los análisis ya están disponibles.(بغيت نعلمكم راه نتائج التحاليل واجدين) زيدان:Que hay dentro de ellos(شنو فييهم) الموظفة(خلعاتها النبرة باش كيهضر):Felicidades señora embarazada(مبروك لمدام حاملة) زيدان(كيهضر وهو مصدوم):واش مأكدة..¿Estás seguro de tus palabras? الموظفة:sii زيدان(قطع تيلي و هو باقة سارية عليه الصدمة..(فوسط فرحتو تفكر انه خاصو يرجع بالزربة باش يحل هاد المشكل لي فات حدو...دار إشارة بيدو للگارد لي واقف لور ) لگارد(قرب لعندو وهو حاني راسو ) زيدان:وجدو لياا كلشي ..بغيت من هناا للعشية نكون فلمغرب...(عاود شاف لبعيد و هو خاشي يدو ف جيابو ما حاسش حتى بالألم ديال الرصاصات )ما غاديش نخليك ا جوزيف تبعدني عليها مرة أخرى..ولو على جثتي ##عند جوزيف گالس فوسط لبيرو ديالو لي كان فخم بما تحمله الكلمة من معنى ..رغم أنه قليل فين كيجي ليه من غير مرات قليلة من نهار دخل للمغرب ...كان گالس كيشوف فشي ملفات و فنفس الوقت كيهضر مع واحد من المدراء لي كيشرح ليه بالتفصيل گاه الصفقات لي قامو بيها...رغم أنه جوزيف راسو ماشي معاه،كيفكر غير فلهدرة لي گالت بلقيس واش غادي تكون بصح..ولا شنو غادي يدير ايلا كانت فعلا بصح....قطع أفكارو هارون دخل للعندو... هارون(جا گلس قدامو ) جوزيف(دار إشارة للشخص الأخر لي معاهم باش يخرج...مشا گلس قدام هارون وباينة عليه العصبية):لقيتوه! هارون:مزال.. جوزيف(خبط فالطبلة):وفين مشااا...خطأت منين ما خويتش سلاحي كامل فيه.. هارون:راني كلفت لي گارد يقلبو عليه فين ما كان قبل ما يدخل للمغرب..وحتى ايلا دخل غادي تسهال عليناا كتر.. جوزيف(دوز يديه على شعرو ب عصبية):زيدان شيطااان..كنعرفو مزيااان...(حط راسو على لكرسي وكيفكر انه ايلا عرف ان إيجا حاملة ..من ثاني المستحيلات يتفكو منو..خصوصا زيدان رغم أنه شيطان لكن كيتحمل مسؤوليتو ف أي حاجة دارها،ومستحيل يفرط ف قطعة منو و بالأخص أنهاا من إيجاا) جوزيف(زير على يديه بقوة):يطرا لي يطراا ما خاصوش يقرب منهاا مرة أخرى... هارون(جمع لوقفة):كون هاني (شاف فيه مطولا عرف انه مخبي عليه شي حاجة ،وحالف حتى يعرفها شنو هي ) #عند إيجا لي گالسة ف بيتها بعدما خلات هاجر لتحت..كتشوف فلبيت كامل وكتسنى غير اللحظة لي يجي فيها باش تشوفو ولو غير مرة وحدة ،وتستنشق ريحتو للمرة الأخيرة...كل دقيقة كدوز عليها ب مشق الأنفس ،و ما كاين حتى خبار عليه حتى من صحابو معارفين عليه والو ... كانت ساهية فالفراغ حتى دخلات عليها بلقيس ومعاها شخص اخر من لباسها باينة طبيبة و معاها زوج مساعدات ... بلقيس:تفضلو... إيجا(ناضت من بلاصتها):يماا..(شافت فيهم ب استغراب ) شكون هادو بلقيس(گلسات حداهاا ف جنب):غير فحص بسيط ا بنتي إيجا:ولكن اناا ما فياا والو ا يماا بلقيس(تكات ليها راسها على كتفها ،كدوز يديها على شعرها):فيك ا بنتي ..شوفي وجهك شحال عيان..غير فحص صغير غادي يديروه ..(شافت ف الطبيبة) ديري خدمتك ا بنتي .. الطبيبة (گلسات حداها):رخي راسك ا مادموزيل.. بلقيس(كان تيلي ديالها كيصوني..خلاه إيجا مع الطبيبة و خرجات كتهضر على برا):لا مزال معرفت والو ا جوزيف ...وا غير تهدن راه يالاه جات الطبيبة تفحصها ...واخا شوية و نرد عليك..(قطعات مع جوزيف لي على اعصابو..وحتى هي كتر منو حيت حتى هي عارفة شنو معنى تكون قطعة ف أحشائك من شخص بغيتيه ف يوم من الأيام ..وحتى هي دازت من نفس الحاجة ..وكل ما كتشوف ف نسختو حداهاا ..كيجي ليها فبالها كل نهار ومعمرها نساتو...فيقاتها الطبيبة من سهوتها) طبيبة:مدام .. بلقيس(ضارت عندها و كتمنى حتى حاجة من لي ف بالها تكون) طبيبة:مبروك..بنتك حاملة ا مدام... بلقيس(سرات معاها برودة ف أنحاء جسمها كامل حتى رجليها ما بقاوش هازينها) الطبيبة(شداتها ):مدام واش نتي بيخير.. بلقيس(طلقات منها وتمات غادا كتنفس غير بزز):بيخير بيخير ... هاجر(رجعات ب لور وحاطة يديها على فمها والصدمة باينة عليها):إيجا حاملة! علاش ديما كنسمع غير لي ما خاصوش يتسمع..(طلات لقات بلقيس مكايناش..مشات كتجري لبيت إيجا) إيجا:هاجر..فين كنتي.. هاجر(بغات تعرف شنو تحت راسها):شكون هادو.. إيجا:غير جاو يديرو واحد لفحص.. هاجر:علاش شنو عندك.. إيجا:گالو ليا عندي غير فقر الدم.. هاجر(عاد فهمات لاش الطبيبة گالتها غير لبلقيس على برا):صافي هادشي لي كاين! إيجا(خلات حتى المساعدات خرجو):عرفتي شي حاجة.. هاجر(دايخة):ااا اه لا مزال ما عرفت والو..ايلا كانت شي حاجة غادي يصوني ليا سهيل..(مزال ساهية حتى خلعها تيلي و هو كيصوني ..هزات تيلي لقات سهيل كيصوني...) إيجا:هاداا سهيل ..جاوبيه هاجر(حطات تيلي على وذنيها كتسمع ):وي سهيل...(و للمرة الثانية كتحل فمها بالصدمة) دخل للمدينة....بلاتي واش مأكد ! إيجا(بانت على وجهها إبتسامة وهي كتسمع راه جاي ) هاجر(حطات تيلي وكتشوف ف إيجا كيف فرحانة..وشي حاجة ف داخلها كتگول ليها هادشي مغاديش يكمل )
قدام باب لقصر كان هارون واقف ب لوطو ديالو ..بعدما شاف جوزيف خرج مزروب من الشركة تبعو ..و مأكد انه شي حاجة واقعة لداخل لي جوزيف ما بغا حتى حد يعرفها...حتى شوية تحل لباب ديال لوطو ديالو ..ودخلات بنت لباسها كان نفس اللباس ديال الناس لي خدامين ف قصر جوزيف .. هارون:تكلمي..شكون دوك الناس لي خرجو قبيلة..شنو حاو يديو هنا.. البنت:طبيبة و زوج مساعدات ديالها ..جاو دارو فحص لمادموزيل إيجا.. هارون:فحص ديالاش..؟ لبنت:فحص الحمل..فاش كانو خارجين سمعتهم كيهضرو على لحمل ديال مادموزيل ايجا... هارون(بتاسم ب بسخرية حيت عاد فهم لاش كانو ف المستشفى داك النهار ف ماربيلا) لبنت :ولكن هارون:ولكن شنو..كملي هضرتك لبنت:ولكن هي مزال معارفاش.. هارون:تقدري تمشي ...
