فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 77

##عند هاجر ...فايقة معطلة على راحتها فلويكاند...بزز باش حلات عينيها بقوة لعيا ديال لبارح بسباب التوجاد ...لبسات عليها و خرجات من لبيت لي لاصق على بيتها هي و سهيل ...مخلياه ناعس بحدو وهي نعسات بحدها فلبيت لي فيه حوايجها...هابطة كتجر ف رجليها حتى وصلات لكوزينة لقات زوج بنات جاو من الأوطيل كيديرو لميناج للروينة ديال لبارح
يوسف(باسها فراسها):صباح لخير
هاجر:نتا واش بايت هناا..ما مشيتيش !
يوسف:اه بايت ...
هاجر(مشات كتقاد لفطور وهي طالع ليها الزعاف):ندمت لي تزوجت انا گاع كنت هانية بوحدي ...اش داني لشي زواج و شي مسؤولية...
يوسف(عرفها طالعة ليها ..كيحاول يتفادا ميجاوبش)
هاجر(ضارت ليه):نتاا خويا مأكد...
يوسف:ياك درنا فحص معقلتيش
هاجر(قوسات حجبانها):واخا خويا ..متنساش راني لدابا مكنعرف عليك والو...وزدت تأكدت لبارح من هادشي لا نتا لا هو صدقت مكنعرفكمش...
يوسف:مالكي كتزربي ! سهيل غادي يشرح ليك كلشي ..عطيه غير شوية ديال لوقت ..من نهار جيتو للمغرب مزال مگلستوش
هاجر:هاه..علاه حنى عاد غادي نعرفو بعضياتنا...نسيتي ولا نفكرك راني عرفتو قبل ما نعرفك..
يوسف:واخا هكاك..
هاجر(وقفات قدامو):دابا انا كنهضر معاك نتااا....شكون دوك الناس حيت كيعرفوك حتى نتاا...
يوسف(شاف حتى عيا و قرر يشرح ليها):دوك الناس هوها المافيا الكولومبية...وهانس هو الرئيس ديالها
هاجر:هادشي عرفتو عطيني شي حاجة اخرى
يوسف:هوما حلفاء ديال زيدان...يعني من لخر هوما لي غادي يعاونو زيدان باش يقضي على لمافيا اليهودية...
هاجر:وعلاش هادشي كامل
يوسف:جوزيف قبل ما يخرج من لمافيا سلمها ل زيدان ..و زيدان حرر إيطاليا من التحكم ديال ليهود ...هادشي لي ماعاجبش عائلة باروخ خصوصا انهم خسرو كتر من 50 فلمية من سلطتهم ..لمافيا اليهودية لي فلأصل گاع الزعماء لي ترأسووها كانو من سلالة باروخ...ما غادي يهداو حتى يرجعو الزعامة ديالهم و سلطتهم خصوصا على إيطاليا ...و زيدان حاليا هو لي مترأسها ...
هاجر:ولا مبقاش زيدان هو لي مترأس
يوسف:الرئاسة كتمشي نيشان للشخص لي أحق بيها هو الوريث الشرعي ل عائلة باروخ...يا غادي ترجع لجوزيف ..ف حالة مكانش جوزيف كتمشى نيشان للشخص لي من بعدو
هاجر:اه ...و شكون هو لوريت الشرع...(قبل ما تكمل  هضرتها ...شافت فيه مصدومة )متگولش ليااا هادشي لي فبالي بالصح
يوسف:تمااامااا ...إيجا هي لي تقدر ترأسها ...حيت هي اخر وريثة شرعية...فحالة مكانتش إيجا ..غادي ترجع لخت جوزيف ...
هاجر:دابا هادشي كامل لي كان واقع انا مجايبة خبار...هادشي لاش كانو كيحاولو يقتلو جوزيف ...حيت عارفينو مستحيل يرجع ليهم السلطة ف إيديهم ...(حطات يديها على فمها):دابا واش بغاو يقتلو إيجاا؟؟
يوسف:مستحيل ...مغادي يستافدو والو ...حيت الأغلبية ديال اسهم الشركة ب اسمها...و الشركة هي النواة ديالهم...منها كيدوزو گاع المعاملات و الصفقات...وكتسهل عليهم الأمور القانونية ...حتى من السلاح  كيدوز بأسهل الطرق بإسم الشركة
هاجر(شدات فراسها):دابا زيدان كيدير هادشي على قبلها...داكشي لاش جوزيف  خلاه من وراه
يوسف:تماااماا
هاجر(كملات وهي كتقاد فطورها ...وفداخلها عارفة الانتقام لي غادي تنتاقم منهم بزوج...سمعات صوت الصونيط قدام لباب مشات كتجري تشوف شكون ...ضحكات ف خاطرها ..ضغطات على زر و رجعات للكوزينة ):الزين...صباح لخير
ريناد(دخلات عندها للكوزينة جارة ڤاليز ديالها ..لابسة كسيوة صيفية معرية كتر ما مغطية ،شعرها جامعاه لفوق عاد نظيظرات ديال الشمس ):يالاه فقتي 
هاجر(شافت ف يوسف كتقلي ليه السم...):اه..طفا لياا تيلي ديالي..گلسي فطري انا نطلع نلبس عليا
يوسف(موجه كلامو لريناد):لفين ب السلامة؟
ريناد(كتشرب من لعصير دايرة راسها ما مسوقاش ليه ):معرفتش...حتى تهبط هاجر
يوسف(بداو كيبانو عليه علامات العصبية ..):ااه..مزيان
يوسف:هضرتي مع زيدان
ريناد(ب ابتسامة انتصار):اه هضرت معاه ليوم فالصباح
سهيل(يالاه فايق حتى هو خاسر ):صباح لخير
ريناد:صباح لخير
سهيل(شاف فسهيل محاملش الوضعية):يوسف...مالك على الصباح ،طرات شي حاجة
يوسف(كون صاب يلعب بيه شي كومبا ديك الساعة...جمد ملامحو):والو...
هاجر(بعد مدة حتى هي هبطات جارة لڤاليز ديالها ...وكسوتها لا تفرق على ديال ريناد...تجاهلاتهم بزوج خصوصا سهيل حيت لبارح لقى ليها السبة و بيت يوسف معاهم غير باش يتفادا لمشكال معاها ..حتى هي دارتها ليه على قد فمو ...قادات نظيظراتها و جرات لڤاليز ):يالاه ا ريناد ...يالاه نوصلو
سهيل(كيشوف ف يوسف...بمعنى فين غادين)
يوسف(هز كتافو ):باش غادي نعرف انا ..ها النتائج ديال افعالك...كون هضرتي لبارح ومهربتيش من لمشكل مكانش غادي يوقع هادشي كامل ..
سهيل:شفتك معاجبكش لحال كتر مني ..بلاتي نتي
هاجر(ضارت لعندو ):شنو...معايا اناا
سهيل:اه معاك نتي ...لفين بالسلامة
هاجر:غادي نسافر ...عندك شي مشكل !
سهيل:لا مكاينش مشكل ...ايمتاا لحقتي ديري هادشي كامل..
هاجر:غير لبارح فليل ...قنطت هناا وبغيت نفوج ...
ريناد:إيجا وصلات ...راها واقفة حدا لباب
هاجر :باااي
سهيل(خلاتو واقف حال فمو مفاهم والو )
يوسف(تخطاه بعدما ضربو لكتفو و خرج من لكوزينة)
إيجا(واقفة قدام لباب ..لابسة شورط مع ميني على شكل سوتيان..طالقة شعرها لي مزال فازگ :صباح لخير
هاجر(جاية كتجري عندها):زيدي دغيا را خليت سهيل جاعر
إيجا:على نتي مگايلاهاش ليك...(بانت ليها ريناد كتغمز ليها)واش تخاصمتو
هاجر:فحال دكشي ..
إيجا:نگوليكم من هناا انا مغاديش نصوگ...(هزات سوارت )شكون غادي تصوگ فيكم...انا راه باغا غير نعس
هاجر(خدات من عندهت السوارت):اري لهنااا انا نصوگ...طلعات للوطو و ديمارات...)
ريناد(حطات لڤاليز ديالها و ركبات حدا هاجر مخللين إيجا مشبحة لور ):واش غادي تنعسي
إيجا:اااه ..على خوك خلى ليا شي نعاس ..
ريناد(غمزات هاجر ):وا ختي شبعانة لقضية عندك اعترافات حب و دكشي
إيجا(طلعات راسها):اويلي حتى نتوما سمعتو...
هاجر:على نتي مسمعتيش
إيجا:سمعت سمعت..غير متيقتش راني سمعت
ريناد:ايوا كلنا سمعنا داكشي لي سمعتي...
إيجا(شدات ف شعرها):اويلييييي ...
هاجر:سكتونا باراك من لهضرة...ريناد طلقي لينا شي حاجة راني توحشت حياة العزوبية...طلع ليا الزواج ف صحتي
ريناد:فين اختي ونتي عاد گلتي بسملاه...غير يومين هادي فاش كنت بايتة عندك كنتي حالة ليا رجليك فرحانة...صحابليك معنديش لوذنين ولا كيفاش
هاجر:تف تتف...طلقي ليك لموسيقى ..
إيجا:والله ما معاكم نعاس نتوماا...صوگي الق**وي خليني نعس
####
بلقيس(گالسة فالصالون لي جا فالجناح ديالها هي وجوزيف ...كتاكل وبالها ما معاهاش ..كل مرة كطل عليه لربما يفيق )
نورة(دخلات عندها ):بلقيس
بلقيس(غير شافتها واقفة قدام لباب كأنه داك الصبر لي كانت هاد لمدة كلها جامعاه تبخر..ناضت كتجري عندها عنقاتها وهي كتبكيي):نوورة
نورة(كتطبطب عليها ):بشوية عليك ا بلقيس..متهكليش صحتك...شحال ما طول غادي يفيق ...مخصوش يفيق يلقاك فهاد لحالة
بلقيس(كتبكي ): عييت ا ختي عيييت ...عييت نتسناه والو مبغاش يفيق شغنگول ا نورة لبنتي ايلا سولتني عليه...
نورة(حطات صاكها و گلساتتها):بلقيس ...قويي ايمانك بالله...صبري راه هاذي مرحلة وعادي دوز...شحال ما طول فلأخر غادي يفيق و يرجع ليكم...شوفي حالتك كيفاش ولات...كتاكلي شي حاجة بعداا
بلقيس(تكات عليها ):اودي ا نورة واش كاينة شي گانة للماكلة...مبقيت نقدر ندوز والو ..
نورة:متخافي والو انشاء الله غادي يفيق ...انا تلاقيت مع الدكتور خالد و شرح ليا لحالة ديالو مزيان...لعملية دازت مزيان..خاصو غير يفيق باش يكمل للعلاج حتى نتأكدو انه مابقاش أثر للمرض..وانه ميرجعش مرة أخرى
بلقيس:يااا ربييي ...(مسحات دموعها )مفخباريش غادي تجي ..شكون جابك
نورة:زيدان لي تكلف وجابني ...ضروري نبقى معاك هاد المدة ..مخصكش تبقاي بحدك
بلقيس(تبدلو ملامحها فور ما سمعات سميتو)
نورة(فهماتها):رتاحي متخليش شي حاجة لي تعصبك...
بلقيس(شدات ليها ف يديها):شفتي إيجا بنتي ...واش هي مزيانة
نورة:شفتهاااا و مشيت لعندها للشركة ..وراها بادية لخدمة و مرة مرة كتمشي عندها خولة ...متخافيش عليها ..
بلقيس: و زيدان !! كتشوفو ؟
نورة:اه كتشوفو 
بلقيس(حطات يديها على حناكها):كون ما جوزيف لي وصاه ..منخليش ليه بنتي ف يدو ...
نورة:صافي نساي هادشي ...دابا فكري غير ف جوزيف ..نساي إيجا متخافيش عليها، جوزيف عارف شنو كيدير و عارف راه مخليها ف إييدين مأمنة...
بلقيس:اه منكرش هادشي ...ولكن هاد لمرة ماشي فحال لمرات لي فاتو...هاد لمرة جا طلب يديها من عند جوزيف ...لأمور غير غادة وكتطور بيناتهم ،مستحيل يمنعو شي واحد من بعد هادشي ..خصوصا انه بينها ليااا فاش جا هنا..
نورة:صافي نساي دابا هاد لموضوع..راه ما تمشي غير فين مشاك الله ...امني بالله و خلي أمورك كلها بيدو
بلقيس:امناا ..
#### عند لبنات لي عاد وقفو  ف سطاسيون ديال لعرايش  حتى ظلام لحال باش ياكلو  و يكملو طريقهم لطنجة ....هبطات ريناد و هاجر كيشوفو فين ياكلو عاد هابطة إيجا كتكسل دايخة بالنعاس ...شعلات تيلي ديالها لقاتو غادي يطرطق ب لي أپيل ديال زيدان ..رماتو ف طوموبيل و دخلات تابعة لبنات ...خداو بالزربة شنو يتغداو و گلسو فريسطو لداخل ...بعد مدة وجيزة خرجو باش يكملو الطريق
إيجا(قاطعة الشانطي باش توصل ل طوموبيل حتى وقفات عليها أوطو حبسات عليها الطريق)
الشخص:الزيين ...
إيجا(بغات تخطاه و كملات طريق)
الشخص(زيد طوموبيل و حبس عليها عليها الطريق ...عاد هبط لعندها):الزين...جيتيني فحال ايلا تقلقتي شوية
إيجا(بقلة صبر):غادي نتقلق بزاف ايلا ما بعدتيش من طريقي ..
الشخص (مد ليها يدو ):معاك سليم ..شنو سميت الزين ...(شافها بغات تكمل طريقها وحبسها) فين غادين لطنجة ..نوصلك معايا
إيجا(ضحكات ب استهزاء ):باش ..بهاد لخرشاشة
الشخص(شاف ف لوطو ديالو مصدوم كيفاش قدرات تگول على  فيراري خرشاشة )هه شنوو حاسة براسك بزااف...ولكن نعذرك عندك علاش ..
ايجا(ضحكات):ههه ياك بعدا ..ودابا بعد من قدامي
ريناد(وقفات عليهم ):كاين شي مشكل
إيجا:اختي شوفي هادا معرف مالو
هاجر(طلعات وهبطات فيه):زيدو راه مزال تابعانا الطريق
وقفات أوطو اخرى فيها زوج دراري  صحابو
الشخص:سليم...شكون هاد تيتيز لي معاك معرفتيناش عليهم
سليم(غمزو):غير تيتيز و سكتي
الشخص 2:ههه وياه ..(دغيا جمع ضحكتو فور ما بان ليه واحد واقف على راسهم لابس لباس رسمي كلو فلكحل ..)شكون سيادتكم
لگارد(شاف ف إيجا):مدام كاين شي مشكل
إيجا(خرجات عينيها ف ريناد و بزوج نطقو ):زيداااااان(شافت فيه) علاش اخويا تابعنااا...مالناا هاربين ..
لگارد(وقفو حداه مجموعة من لي گارد لي مكلفين باش يحضيوهم):مدام ...اوامر موسيو زيدان حنى غير كنفدو
سليم(باينة عليه الصدمة هو وصحابو من سمية زيدان):انسولك عافاك
إيجا:شنو نتااا
سليم:واش زيدان...لمااالكي؟
إيجا:ااييه علاش
سليم(شير لصحابو كلهم ركبو و ديماراو ):بسلامة اختي
ريناد(شافت ف تيلي ديالها:ناري زيدان كيتاصل
إيجا:لالاااا عنداك تجاوبي
ريناد:بغيتي يقتلني ...(دغيا جاوباتو )نعام ا خويا ...إيجا واخاا هاهي
إيجا:مالكي
ريناد:بغا يهضر معاك
إيجا:يهضر معايا اناا...وعلاش  گولي ليه لا
ريناد(مع حطات تيلي تگولها ليه مع سمعات اكتر نبرة مكتحملهاش "عطييها تيليفون"بقوة لخلعة حطات ليها تيلي ف وذنيها
إيجا(بعصبية):واش تسطيتي نتاا...مسيفط معانااا هاد الرجال...واش مكتعرفش شي حاجة سميتها لخصوصية ...واش معندك ما يدار من غيري ...واش لهاد الدرجة حماقيتي كتجسس عليا
زيدان(يالاه داخل ل كازينهو ،لقا يوسف و سهيل كيتسناوه ...وقف يكمل لهدرة ):علاش مكتحاوبيش ف تيلي ديالك
إيجا(بعدات عليهم ):ما بغيتش ...شي مانع
زيدان:نصوني مرة أخرى و متجاوبيش نعطب أصلك...
إيجا:واش بعقلك
زيدان:لدابا راني بعقلي...مرة أخرى منضمنش ليك
إيجا:كملتي لهضرة
زيدان(مكمل طريقو لعند سهيل و يوسف ):غادي تحركو دابا من تمااا...وداك لق**وي لي لابسة ايلا محيدتيهش غادي ندير شرع يدي
إيجا(قطعات عليه و عطات تيلي ل ريناد):يالاه نمشيو
هاجر(حطات يديها على خصرها):هاي هاي داير فيكم الرعب ...
ريناد:سيري الله يجيبك على خير ...سهيل ديالك راه عارفك دابا فين غادة وجايا ،مكاينش لي كيعرفهم قدي  علاياش مطويين..
هاجر(هزات كسوتها من جيهة لعنق):تف تف ...
إيجا:هادي هي تسافيرة لي باغين تسافرو
ريناد:صافي دابا غير تهدنو...
هاجر(شافت ف لي گارد لي حاضيينهم):ما تسافيرة ما والو هادي ...هادو كي دارو بعدا تبعونا انا گاع ما شفتهم ايمتا تبعونا
ريناد(كتحسر):لهلا يوريك شقادين يديرو..
إيجاا(خدات من عند هاجر سوارت):اري دوك السوارت نتي ...غادي نرجعو فحالنا...
ريناد(فاقدة لأمل):ياربي شي نهار يدوز على خير ..
هاجر(غادة ساخطة للوطو ):غير بلاتي ا سهيل غادي نخرجهوم منك مضوبلين
إيجا(طلعات مفقوصة للوطو ...ديمارات و كسيرات راجعة ):غير بيا ولا بيه
هاجر(گالسة لور كتقاد ف السمطة ):ا ناري ليوم نموتو ،غادي نسافرو تسافيرة نيشان لأخرة ديك الساعة مكاين لي يتبعنا
ريناد(گالسة حدا إيجا شادة ف سمطتها مخلوعة ):ا بشوية ا إيجا
إيجا(كتصوگ معصبة غير مكتزيد تكسيري ):شوفي ليا فين كاين خوك دابا...
ريناد(هزات تيلي سيفطات ميساج لواحد من لي گارد لي كتعرفهم ):كاين للكازينو مع سهيل و يوسف
هاجر:هاي هاي هاي ...غير شافني مشيت مشى كيجري لكازيهو..غير بيا ولا بيه...
إيجا(زادت كسيرات مواعياش براسها لدرجة الغضب لي وصلات ليها كتوقف غير ف محطات الأداء وكتزيد تكسيري ..حتى من لبنات ضربو الطم معاودو گالو والو،خصوصا انه كان الليل خلاوها مركزة ف صوگانها ..بعد مدة وجيزة ف ظرف ساعة و نص أو قل ...عوض ثلاتة د السوايع..كانو داخلين لكازااا ..غير بضع دقائق وهاهوما قدام لكازينهو ...داخلة على أعصابها رغم انه حالتها ماشي ديال ديك لبلاصة ..كملات طريقها ومعاها لبنات حتى كيفتحو ليهم باب كبير دخلو )
ريناد(هي لولة قشعاتهم):راهوما لهيه
إيجا(كملات طريقها حتى وقفات عليهم )
سهيل:صافي جيتوو
هاجر(كتخنزر فيه ):لا تبارك الله عليك ،ما عندي ما يتسالك
سهيل :كي داز السفر ...رتاحيتي شوية
هاجر(گلسات حداه و كتهضر ليه حدا وذنيه):غير بلاتي ا سهيل...هادشي مغاديش ندوزو ليك بالساهل
سهيل(كيشرب من كاسو و كيضحك )
إيجا(محيداتش عينيها على زيدان لي على عكسهم مكيضحكش ،بلعكس كان ساكت بطريقة خلعاتها ..كل مرة كيجبد من سيگار لي فيديه و كيطلع ويهبط فيها كأنه كيتفحصها كاملة ..ولكن هادشي كامل ما منعهاش انها تحاسب معاه):بشمن حق كتسيفط لي يتبعني ...شنو لحق لي عندك عليا
زيدان(كيهضر بكل برود):حيت بغيت (ناض من بلاصتو و جرها من ذراعها)تحركي قدامي
إيجا(كتحاول تنتر منو):مبغيتش نمشي معاك..
زيدان(زاد زير عليها):تحركي بلا شوهة
إيجا(ضورات عينيها لقات أغلب لعينين عليهم ...شافت حتى عيات و كملات معاه الطريق ...):فين غادي بيا
زيدان(طالع بيها فلأسانسور لبيرو ديالو ):غادي نطلعو نهضرو
إيجا(تفتح قدامها الأسانسور حتى كتشوف قدامها جناح قدو قداش ):علاش جبتيني هنا...
زيدان(گلس فوق كاناپي ديال الجلد كان فلوسط ديال الجناح):گلسي
إيجا(بدات كتفقد صبرها):ياربي تصبري...هاني گلست گول شنو كاين...
زيدان(كيطلع ويهبط فيها):شگلت قبيلة...
إيجا:شفتك فحال ايلا كتحاسب معايا ...واش نتا صافا ..بشمن حق ...اصلا بشمن حق مسيفط ليا وحدين تابعيني ..واش واعي براسك شنو كدير
زيدان:ساليتي
إيجا(بقوة ما قدراتش مزال تسيطر على غضبها هجمات عليه ):انقتتتتتللللك ...ليييوم ا نقتلكككك و نتهناااا منك
زيدان(مفهم والو حتى كيلقاها فوقو كتضرب ف صدرو ،ضهرو فينما جات باش تبرد جنونها فيه...بسهولة قلبها تحتو ):شكاين ...
إيجا(متفاجئة من حركتو لي عاد ستفزها بيهاا):غادي نقتلك ..
زيدان(شد ليها يديها ب زوج لفوق وهو غالباه ضحكة ):زعما تقدري تقتليني ...
إيجا:اه نقتلك ومنحنش فيك
زيدان(قرب لعندها وهي مزال تحتو...كيحك نيفو مع وذنيها):مغاديش تقدري ..
إيجا:غادي نقدر ونفوتها لهيه
زيدان(قرب لوذنيها و نطق بهمس):مغاديش تقدري حيت عارف راسي باقي هنا)كيشير على قلبها
إيجا(شافتو لفين كيشير مشا بالها نيشان لأخر هضرة ف الريسطو):حيد يديك
زيدان(شاف راسو فين حاط يديه ..دغيا غلبات عليه ااضحكة حيت عرفها فشنو كتفكر ...رجع شاف فيديه كأنه كيعبرهم):كبرو بزاف لا
إيجا(يديها مكتفين ):حييد يدييك
زيدان(صرفقها ل ط*ماحتها ..):كبرتي البرهوشة ...كي درتي ربيتي هادشي كامل
إيجا(ولات كلها حمرة ):حيد يديك واش حماقيتي نتاا ولا ماللك
زيدان(كيفرق لمساتو على خصرها حتى كيوصل لعنقها و كيهبط حتى لفخضها ..قرب لعندها لوذنيها):غير ايلا مبغيتش نحماق ...
إيجا(شافت فيه بنبرة ترجي،ونطقات بصوت محلون ):زيدان..
زيدان(فقد السيطرة على راسو..كيفرق بوسات خفاف من حدا وذنيها وهو هابط لعنقها ): عمر زيدان...
إيجا(حبسات لوهلة وهي كتحس ب دقات قلبو فوق صدرها ...غمضات عينيها كتحاول تحبس أي حاجة ممكن تخليها تضعاف....حسات بيه مابقاش حاكم يديها..بسهولة تسلتات من تحتو و بعدات وهي عينيها عامرين بالدموع):بغيت نمشي...حل لياا
زيدان(عاد وعى على راسو...ناض وقف قدامها و هو ما متيقش كيفاش ما وعاش على راسو حيت عارف انه ماشي بالساهل عليها تنسى أي حاجة فاتت...كيقرب ليها وهي غير كتزيد تبعد منو
إيجا(واقفة قدام لباب ومتفادية تقابل عينيها مع عينيه):حل لياا عافاك بغيت نهبط
زيدان(حل ليها لباب وخرج حتى هو معاها ماباغيش يخليها بوحدها حيت عارف نوعية ديال الناس لي كاينين لتحت
إيجا(شافتو دخل معاها لأسانسور):فين غادي
زيدان(شاف فيها ب معنى ديال راه باينة فين غادي)
إيجا(كملات طريقها بعدما هبطو ..كتمشى قدامو بخطوات سريعة نوعا ماا ..حتى دخلات لكازينهو لقاتهم باقين گالسين ..گلسات حدا ريناد )
ريناد:مالكي !
إيجا:والو علاش
ريناد:جيتيني ماشي هي هاديك...
إيجا:مزال  ماغادي نمشيو
ريناد(عاجباها لگلسة حدا يوسف ):بلاتي يالاه جينا
إيجا(شافت فيهم بزوج هي وهاجر ):بنتو ليا نتوما موحال واش باغين تحركو من هنا انا غادي نمشي(هزات صاكها نايضة ...رجعات بلور كتشوف شكون ساد عليها الطريق )
ريناد:إيلين شنو كديري هناا
إيلين (كتطلع و تهبط ف إيجا):يالاه دخلت وشفتكم گلت نجي نسلم ..
هاجر:شكون هاد سراق الزيت
يوسف (تفرگع بالضحك هو وسهيل ):سكتي شوية مال داك لفم عندك ما عندوش حصارات..
هاجر:ومالي شنو گلت ..انا غير وصفتها كيف دايرة ..بوحديتها كتلوى
ريناد(حابسة الضحكة ):اه مرحبا ..گلسي
يوسف(قرب لعند ريناد):شفتك فحال ايلا نسيتي شنو طرا أخر مرة معاها
ريناد(مزال شادة الضحكة):لا منسيتش...ولكن مغاديش نفلت على راسي لفيلم لي غادي يبدا دابا
إيلين(شافت زيدان وقف حداهم دغيا ترمات عليه كتعنق ):زيدااان...توحشتك غبرتي عليا شحال هادي ما بقيتي جيتي عندي ،مبقيتش كنقدر نعس بلا بيك
إيجا(خرجات عينيها ف هاجر لي حتى هي حالة فمها )
إيلين (خوات ليها الطريق):اه سمحيلي حبست عليك الطريق ..كنتي اتمشي؟
إيجا(رجعات گلسات بلاصتها  حدا ريناد باغا تفرج فشنو غادي يطرا)
إيلين(كتقاد ل زيدان ل كول ديال الشوميز ديالو ):ايمتا رجعتي من السفر
زيدان(بعد ليها يديها على لكول ديال الشوميز ديالو و حاضي ب نص عين إيجا لي كتفرج فيه):شكديري هناا
إيلين(مقربة ليه ):الصراحة كنت عارفاك غادي تجي تكون هناا...ضحكات ب استهزاء)ولكن مظنيتش غادي يكونو معاكم
هاجر(دايرة رجل على رجل):ل حد الأن بان ليا كلشي ف بلاصتو ...نتي لي معندكش بلاصة ..مبقاوش لبلايص كاين الزحام
إيلين(بتاسمات):متحتاجيش ...بلاصتي انا وزيدان كاينة لفوق 
إيجا(هزات حاجب و طلعات لاخر و ضحكات ل زيدان ف وجهو ..هزات صاكها و ناضت):انا غادي نمشي تصبحو على خير
هاجر(هزات صاكها):بلاتي غادي نمشي نبات معاك
سهيل(جرها من يديها):فين غادة
هاجر:ياكما نسيتي راسك...انا عتابرني  باقا مسافرة ..حتى تحيد هاد لكذوب و التخبية ديالك
سهيل:متعصبينيش ا هاجر...ايمتا كذبت انا
هاجر(نترات يديها):انا لي غادي نگول ليك دابا ..نسيتي ولا نفكرك
إيجا:يالاه ا هاجر (فيكسات عينيها ف عينين زيدان ) بانت ليا السهرة مزال عندهم طويلة
زيدان(فهم مزيان لمغزى ديال هضرتها ...
إيجا(سلمات هي وهاجر على ريناد لي غادي تمشي لدارها بحدها ..):تصبحو على خير
خرجات كتمشى بخطوات تابثة ب بوجه بارد  خالي من أي ردة فعل ،كتزرب ف مشيتها جيهة لباب ...طلعات ف لوطو بعدما جابوها ليها ..كسيرات بالجهد مخلية هاجر غير ساكتة ما قادرة تگول ليها والو
يوسف (ناض من بلاصتو):تصبحو على خير ...ريناد يالاه لا بغيتي نوصلك
ريناد(هزات صاكها و ناضت ):يالاه ..(خنزرات ف إيلين)ما بقات گلسة هنا
إيلين:ريناد..فحال إيلا معجبكش لحال فاش شفتيني ياكما باقا مقلقة من لهضرة لي گلت أخر مرة
ريناد(قربات لعندها):طلعتي ليا ف راسي فينما مشيت نلقاك..مزال ما بغيتي ديري النفس شوية ...بسلامة ا زيدان
سهيل:تسناوني حتى أنا غادي ...
ريناد(خنزرات ف خوها حيت ما دار حتى حركة قدام إيجا):تصبح على خير ..
زيدان(فاق من سهوتو لقا إيلين گالسة حداه لاصقة عليه):شكاين؟
إيلين:زيدان...هنا عامر بزاف ..يالاه نمشيو لشي بلاصة كالم فين نقدرو نهضرو على خاطرنا
زيدان(كيهضر معاها وهو عينيه كيشوفو ف بلاصة أخرى):نوضي
إيلين(ناضت فرحانة هزات صاكها):كون غير نمشيو عندي للدار ..غادي ترتاح كتر
زيدان(ناض بعدما هز سوارت لوطو ديالو و كمل طريقو غادي و كيبخ الدم ما متيقش شنو وقع قدام إيجا..خرج من لكازينهو وركب فلوطو ديالو
إيلين(ركبات حداه )
زيدان(ضور وجهو لجيهتها ):ق*دي عليا
إيلين:شنوو
زيدان:ق*دي علياا يالاه...إيمتا گلت لز**ل لي حطك تركبي ...ق*ديي
إيلين(مصدومة من ردة فعلو ):علاش كادير معايا هكا ا زيدان ...شنو درت ليك علاش مكتحملنيش
زيدان(حل لباب ودفعها حتى لاحها فالأرض ..ديمارا لوطو و كسيرا )
##يوسف(صايگ لوطو وحداه ريناد غادين ف جو صااامت):صافي رحلتي حوايجك كلهم للدار..
ريناد:اا اه صافي كملت
يوسف:على السلامة ..
ريناد:احم الله يسلمك
يوسف:بنتي ليا راشقة هاد الأيام ما موالفاش ليك ..بانت ليا هاجر بدات كتعاديك بداك لحماق ديالها
ريناد:انا ؟
يوسف(شاف فيها ب معنى شكو من غيرك)
ريناد:عادي غير كلشي غادي مزيان داكشي علاش فرحانة..
يوسف:ما تديش على هاجر..واخا بعد لمرات تقدر تگول ليك شي حاجة قاصحة ولكن معمرها غادي تنافقك ..ولكن كيبان ليا وليتي عزيزة عليها
ريناد(بتاسمات بخفة):حتى أنا عزيزة عليا بزاف ..هي و إيجا(شافت على برا وهي كضحك كتفكر شنو وقع ليوم):كون غير كتاب و عرفتهم قبل ..بزاف ديال لحوايج غادي يتبدلو..كبرت وسط منكم بتلاتة جاتني صعيبة ندير كلشي بحدي من بعد ما تفرقتو
يوسف(مرة مرة عينيه كيمشيو ل عينيها لي كيبريو بلفرحة ):هادشي مكتاب يوقع..كان ولا بد شي نهار تهزي مسؤولية راسك ..زيدان حال و أحوال متقدريش توقعي شنو يقدر يدير
ريناد:كون غير خويا يبعد على هادشي كامل ..مفهمتش لدابا شنو مزال كيدير ..بعد لمرات أنا كنعيا بلاصتو..
يوسف:حاولي تعدريه شوية ...زيدان من نهار تلاقيتو أول مرة و أنا كنشوفو كيتقاتل ..صعيب عليه يرتاح من بعد داكشي لي داز عليه..ولف من صغرو وهو كيتقاتل مع الدنيا..حاولي تفهميه شوية..
ريناد(جبدات تيلي ديالها كتشوف لڤيديو لي صورات):زيدان غادي يعجبو لحال ايلا شاف هاد لڤيديو
يوسف(كيضحك ):ولكن ماشي بهاد السهولة..متعطيهش ليه هكاك
ريناد:هههه بطبيعة لحال ...انا عارفة شنو غادي نطلب منو...