فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 13

فتاة البادية و المفيوزي المتملك
الجزء: الثالت عشر

إيجا(حلات فمها بالصدمة):ك...كك..كيفااااش ....
سفيان(شد ليها يديهاا وهو متكي على اللوطو):كيفمااا سمعتي...(هز ليها يديها باسهم) فكري فهادشي لي گتلك مزياان...فأقرب وقت بغيتك تجاوبيني...(طلق من يديها)تصبحي على خير...
إيجا(باقي عليها تأتير الصدمة ..دخلات بلاما ترد عليه)
بلقيس(كانت متكية فالصالون حدا نورة كيتفرجو حتى بانت ليها داخلة):اييه...
إيجا(عاد فاقت من سهوتها):نعام ا يماااا....
بلقيس:ا مالكي ا بنتي داخلة مغيبة...
هاجر(ناضت بالزربة عتقت لموقف ):لا والو ا خالتي ...غير عيينا...
بلقيس:وا طلعو بدلو عليكم ورتاحو ...
هاجر(جراتها للفوق)
بلقيس(شافت ف نورة):امم الله يجعلني نتيق...
نورة:ههههه خليهم يعيشو عمرهم تا نتي.....
بلقيس(رجعات تكات كتفرج):اش وقع ..گالت ليه لحقيقة...
نورة(كتاكل الزريعة):مزاال...صدقات غا كتحلم...
....................
هاجر:شكاين نتي...مالكي مصدومة...
إيجا:عرفتي سفيان...
هاجر:مالو...اجي ياكمااا عطاك شي بوسة...
إيجا(ولا وجهها حمر):لاا ماشي هكاك...
هاجر:وشنو ...شنو گالك فاش مشيت.....
إيجا(كتفكر لهضرة لي گاليها على برا): بغااا ي..يتزوج بياا...
هاجر(حلات عينيها وفمها):حلفي بالله ....گالها ليك هكاااا...
إيجا(حركات راسها ب أه)
هاجر:ايه وشنو گلتي ليه....ياكماا گلتي أه...
إيجا:مگتليه والو.....گاليااا نفكر ونرد عليه دغياااا....
هاجر:ونتي واش باغا...
إيجا(حكات راسها  بتوتر):معرفتش....
خولة(طلات عليهم من لفوق ديال الدروج حيت هوما كانو كيوشوشو فالدروج):واش هادشي بصح لي سمعت....واش داك سفيان لبوگوص بغااا يتزوج بيك.....
إيجا(مشات كتجري سدات ليها فمها و هاجر معاوناها حتى دخلوها للبيت)
هاجر:ناري دايرة كي جن يا ربي السلامة....
إيجا:خولة....عنداك تمشي تگوليها لشي حد....
خولة(عبسات وجهها):علاااش....ايلا تزوجتي بيه غادي تولدو وليدات زوينين....
هاجر(شافت ف إيجا و تفرگعات بالضحك):ولاهيلا عندها الصح....
إيجا(خنزرات فيهم بزوج و دخلات للحمام تبدل حالتها)
..............
### صبح صباح جديد وبداية أسبوع جديد ....ناضت الصباح مع لوقت لي غادا فيه خولة لليسي...وهزات كتوبتها كتقرااا و كتراجع ف السيجي لي كانت وجدات هي و هاجر حيت يومين وهومااا خدامين عليه وبقات ليهم غير الإستراتيجية كيف غادي يقدموه للپروف...عيطات ليها أپيل ڤيديو و بداو كيخدمو ...واخا نص هضرتهم ضحك....بعدماا سالاو كان وقت لغداا...نزلات تغدااات لقات خولة جات من ليسي ...
إيجا(كتاكل و فيديها تيلي كتقلب فيه):قربو الإمتحانات عندكم ياك...
خولة(كتلعب ف طبسيلها):ااه....اوووف عييت بلقرايا امتاال يجي الصيف دغيااا باش نسافرو....
إيجا:هاء تانتي....دغيا لوقت غادي يدوز..(صونا تيلي ديالها حتى قفزات)ديالمن هاد النمرة....(حطات تيلي على  وذنيها ) الووو...وي شكون معايا...
خولة(تسناتها حتى كملات):شكون...
إيجا:هاديك السيدة لي عطاتني ديك لكارط ....
خولة:مالها....
إيجا:بغاتني نمشي عندها ...
خولة:اه سيري شوفي شنو بغاتك....
إيجا(هزات كاس دلمااا شرباتو كامل):دكشي لي غادي ندير...غادي ندوز عندها مع الربعة دلعشية...