فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 22

فتاة البادية و المفيوزي المتملك
الجزء 22

گلسات كترتاح فوقت لغداا بعدماا طلبات ليها لغداا هي ونورة باش يوصلهم حتى للعيادة...
نورة(گلسات كترتاح):الله يا ربي ...ضهري تهرس علياا ...
بلقيس:راني طلبت لغدااا ...
نورة:احسن ما درتي ما فياا لي يهبط حتى للتحت...
بلقيس(تكات مغمضة عينيها )
نورة:عوتاني بالك مع إيجا...
بلقيس:شي حاجة ماشي هي هاديك ف بنتي....كتر من سيمانة هادي وهي مكتخرجش من الدار حتى لكلية مكتمشيش ليهااا...
نورة:مفهمتش حتى انااا ...زعماا تكون كتبغي شي واحد..
بلقيس:واالو...متگوليش ليااا شي حاجة واقعة لبنتي ...واش شفتي لبنت كي ولات ، حتى ماكلتها نقصات .. فليل كتنوض كتغوت و خايفة ..شي حاجة ماشي هي هاديك ف بنتي ...
نورة:والله معرفت ...ياكمااا هادي شي عين خايبة ،راه گتلك النهار لول بنتك عاطية للعين ا بلقيس...
بلقيس(بداو كيطيحو ليها الدموع):معرفتش ا نورة...عمرني شفت بنتي فديك لحالة ،قلبي كيتقطع عليهااا ..الله ياخد لحق ف أي واحد كان حيلة و سباب ليها ف هادشي ...
نورة:الله يحفظ ...(سمعات خطوات حدا لباب) جوزيف شنو كدير هنااا...
جوزيف (وقف قدامهم ب لباسو الرسمي و فيديه تسابيح ):مالها إيجاا؟؟
بلقيس(مسحات دموعها):شنو كدير نتاا هنااا..؟؟
جوزيف(عض على فكوو):بلقيس ..سولتك جاوبي ...شنو واقع ليهاا؟
بلقيس(بدات كتبكي بلاما تجاوبو )
نورة(خرجات و خلاتهم بحدهم )
جوزيف (گلس على ركابيه و شد ليها فيديها ب نبرة حنينة  ):بلقيس....شنو واقع !!مالها؟؟
بلقيس( كتنخصص  و كتهضر ف نفس الوقت):هئ هئ معرفتش ا جوزيف...معرفتش مالهاا بنتيي ....
جوزيف (هز ليهاا وجهها و كيحاول يهدنهااا ):گولي لييااا شنو طرا ليهاا...واش شي حد دار ليها شي حاجة ؟؟ شكون هو؟؟
بلقيس(حركات راسها ب لااا) :معرفتش هئ هئ ....و. ولات كتخااف ب ليل و مبقات كتاكل والو... بنتي  معمرها كانت هكااا ؟؟ 
جوزيف (هز ليهاا يديهاا باسهم ):صافي على هادشي مقلقة هكااا....(بتاسم وهو كيشوف ليها ف عينيها) مكانش كيحساب ليااا غادي تكوني هكاا ايلا وليتي أم  ...على هاد لحساب إيجا محظوظة غير حيت عندها أم فحالك..
بلقيس(ضحكات وسط دموعها)
جوزيف (مسح ليها دموعها وهو ساهي فوجههاا ): نخرجو شوية تبدلي لجو..؟؟
بلقيس(طلعات عينيها ف عينيه وشافت فيه مطولا كأنها مكرهاتش هاد اللحظة عمرها تسالي)
جوزيف (وقف و كمل هضرتو ):كنت باغيك ف موضوع اخر...من لأحسن حتى تكوني مرتاحة و نكملو لهضرة...
بلقيس(حتى هي ناضت بالزربة ):ا...انا نجيب صاكي ونجي...
جوزيف (متبعها بعينيه وكيضحك عليها ):معمرك غادي تبدلي ا بلقيس....
بلقيس(مشات طايرة جابت صاكهاا..قادات شعرها دغياا و خرجات لعندو ):احم...
جوزيف (حبس ضحكتو ف نفسو و خوا ليها الطريق ):تفضلي...
زادت قدامو و على وجهها ضحيكة خجولة ...طلعو فلأسانسور وكل مرة كتشوف فيه ب نص عين وقلبها كيخفق ،كأنه معمرها بعدات عليه..وكأنه الزمان ما خدا منهم والو و كأنها مزال ديك لبنت صغيرة لي كانت كتبغي جوزيف بعينيها مغمضين....هبطو للطابق الأرضي لي كاين فلموبل خداو لوطو ...
بلقيس(كتمنضر فالطريق ):احم...
جوزيف(شاف فيها ب نص عين و هو حاس بيها من قبيلة و هي باغا تگول شي حاجة):فين بغيتي نمشيو...
بلقيس:مم..لي بغيتي...جوزيف ..
جوزيف (عض ف شفايفو و كيتسنى شنو باغا تگول):نعام ا بلقيس...
بلقيس: ..كنت بغيت نسولك...غير جاني فضول زعماا...
جوزيف:اه سوليي...
بلقيس(بتردد ):شحال عندك ديال لولاد...
جوزيف (صغر عينيه و عايق بيها):واحد....بنت وحدة...
بلقيس(طاح عليها الضيم):تزوجتي ؟؟
جوزيف :لاا مزااال ما كتاااب...
بلقيس(بعدم فهم):و كيفااش عندك بنت و متزوجتيش....
جوزيف (شاف فيها مطولاا ):سولي راسك ...
بلقيس(سرطات ريقها ب صعوبة وحاسة كأنه كلامو موجه ليهااا):حبس هناا..هبطني...
جوزيف(زاد كسيرا ب لوطو ):ما دام انك متوترة لهاد الدرجة يعني لي فبالي صحيح...
بلقيس(كتحل فلباب ديال لوطو:گتليك هبطني ...
جوزيف (بعصبية):بلقيييس....(بالزربة فرانا بالجهد فلقنت ديال الطريق )
بلقيس(هبطات من لوطو ):انااا لي منيي لغلط لي جايا معاك...
جوزيف (خرج تابعها  وباينة عليه معصب):بلقييييس....وقفي وا ايلااا
بلقيس(ضارت عندو و حتى هي معصبة كتر منو):وا ايلا شنووو...هاااا ..شننوو ف جهدك ما ديير...
جوزيف(زير عليها من دراعها):إيجا بنتي ياااك....مستحيل تكون بنت داك لي تزوجتي بيه....كتشبه ليااا ف كلشي ..مستحيل تكون بنتو....بنتي اناا!
بلقيس(كتحاول تحيد ليه يدووو):طلق مني ...بعد من طريقي ا جوزيف و حتى من طريق بنتيي..حيت إلا....
جوزيف :كملي شنو بغيتي تگولي ...حيت ايلا عرفات مهاا حملات من راجل اخر وهي مزوجة ...هادشي مناااش خايفة يااك...خفتيييها تكرهك
بلقيس(كتغوت ب عصبية ب مجرد انهاا تخييلات الأمر):اااه...هادشييي لي بغييتيي تسمع.....اااه خفتت بنتييي تكرهنييي...خفتهاااا متبقاااش باااغااا تشوفنيي حيييت خليييتهااا حيااتهاااا كااااملة و لعربي مكرفص علليهااا...(تخلط ليها بكاا مع غوااات) واش عاارف بنتيي شنو كانن غادييي يوققع ليهااا...كاااانتت غادييي تزوج بوااحد كبر من بااااهاااا  وغادي يدخلهااا على تلاتة اخرييين....(ضربااات ب قوة على صدرووو) هااا فييين كنتي فاش كنت كنقلب علييك وكنسيفط نورة كل نهار لعندك...فين كنتيي فاش بغيت نگوليييك راه  ديك لي ولدتهااا بنتك ماشيي بنتو ....
جوزيف (دوز يدو على شعرو بعصبية ):شنووو كنتييييييي باغاااا منيييي ندييير.....شنوووو كنت نقدر نديير و اناااا جاي نقلب عليييك حتى كنلقاااك مزوجة....
بلقيس(مسحات دموعها):طلق مني بغيت نمشي فحالي..
جوزيف(كيحاول يتهدن...قربها لعندو كيحاول يهدنهاا): بلقيس...تيقي بيااا مبغيتش نجبدو للماضي و كل واحد يلوم لاخر على أخطائو...(كيمسح دموعها لي سايلين على خدهاا) كنواعدك غادي نعوضك على أي حاجة فاتت...نتي..و بنتي...
بلقيس(هزات تيلي ديالها كيصوني لقاتها جميلة..):نعام ا جميلة....شنوو شنووو واقعع....شنوو هاد الصداااع فالداار...
جوزيف (كيحاول يفهم شنو واقع ):شنوو ..هضرييي...
بلقيس(ب صدمة ) :لعربي ....غاديي يدي معااه بنتي....غادي يدي معاه بنتناا ...(شدات ليه ف حوايجو مزيرة عليه) غادييي يقتل لياا بنتي
...............
لعربي (جار إيجا من شعرهااا هابط بيهااا فالدروج ):لقيتكم ا لكافراات....غير بيااا ولااا بيكم حتى نقتلكم بزوووج...
إيجا(غواتهااا مسموع ف الزنقة كاملة):يمااااااااا.....
جميلة(شادة ف إيجا كتجرهاااا ):واا عتقوونااا ا عبااااد اللله....
لعربي (عفس بالجهد على جميلة حتى جات طايحة):عبد الله شد هادي....
جميلة(كتحاول تفلت من يد عبد الله):طلقنييي...
لعربي (جارهااا غادي بيهااا على برااا):شوهتوني ا بنااات لحرااام...مبقيتش نهز راسي فالدواار....غير بيااا ولا بيكم ليييوم نصفيهاا ليكم....فيييين هييي بلقيييييس...(هز يدو حتى للفوق و هبط عليهااا) فين هي مك...
إيجا( ناضت من لأرض كتجري ومزال حاسة براسها دايخة من قوة الضربة....يالاه غادي تخرج من لباب هربانة حتى حسات براسها تضربات مع شي حاجة قاصحة جات قدامها هزات راسهاا وعينيها مضببين مكتشوف والو قدامها):عااافاك عاونني غاديي يقتلوني ...
لعربي(جرهاا لعندوو من شعرهااا حتى تسمع صدى غواتها فكل بلاصة): ليووووم نحرقك نتي ومك قدام الدوار كامل...
إيجا(كتحاول تمد يديها لداك الشخص لي جا قدااامهاااا)
لعربي(شاف فيه):شكوون نتاااا...
الشخص(طرطق عنقو وعروق وجهو خارجين بقوة ما مزير على فكوو..بلاما يعطلو لوااا ليه يدوو لي شادة ف شعرهااا حتى تسمع صوت لعظم تهرس)
إيجا(حسات بيه طلقهااا ...ومشششات تخبات مور ضهر الشخص لي قدامهااا )
الشخص(ضار لعندهاا وهي مزااال مزيرة علييه): و أخيراا خرجتي....
إيجا(هزاااات راسهاا فيييه وعاد وضاحت ليها الرؤية...بدات كتنفس بصعوبة مبالغ فيهااا و رجعات ليها نفس الريحة ف نيفها...طلقات منو وجات طايحة للأرض ..)
زيدان(هبط عندها للأرض و ملاحظ ان حالتها ماشي طبيعية وحتى تنفسها مشاا ليهااا ...جرهاا لعندوو بعنف حيت مبغاتش تشد ليه):ششت ...مغادي ندير ليك والو....تنفسي ب شوية...
إيجا(كدفع فيه):بعععد منيي...متقييصنيش...عاافااك مدرتت والووور...
زيدان(مصدوم من حالتهااا و بلأخص وجهها لي مبقاش كيف كاان أخر مرة شافو):ششش ...إيجااا ...تنفسييي بشوية غادي تخنقي....
بلقيس(خرجات من لوطو كتجري و كتبان ليهااا إيجاا كلهااا عامرة دم من راسهااا):إييييجااااااا......عتقوووو ليااااا بنتييي....(كتجر ف جوزييف ) عتتتق لياااا بنتييييي....
زيدااان(حل عييينيييه بقوة الصدمة وهو كيششووووف جوزييف قدامووو):جوزييف...!؟
جوزيف بلا ما يهضر معاه هز إيجا بين يدييه كيجري بيهاا للوطوو و بلقيس كتجري موراااه مخليين زيدان لي ولا كلوو دم واقف مصدوم مفاهم والو وهو كيشوف جوزيف قداموو....

##فلاش بااك
زيدان(دخل بلوطو ديالو ومعاه لي گارد ديالو من كل جهة...بان ليه گالس قدام لپيسين ...وقف حداه بعدمااا سلم عليه ب طريقة رجولية ):جوزييف .. مفراسيش راك جيتي...
جوزيف :عارف حتى حاجة مكتخطاا عليك...دكشي لاش مكنعذبش راسي...
زيدان(گلس قدامو اون فاص حاط رجل على رجل ):ايمتا قررتي ترجع لمغرب ....ياك عشرين عام هادي ما دخلتي ليه...
جوزيف (كيلعب بالتسابيح فيديه و ضحيكة خفيفة على وجهو):لمكتاااب....(حك لحيتو و هو كيشوف فيه بإستغراب) ياك مولف كتجي للمغرب غير سيمانة وكترجع فحالك...شنو لي شادك هنااا....
زيدان(شاف فالسلسلة لي ف يدوو و مشاا بالو معاهااا نيششان)
جوزيف (صغر عينو وهو كيشوف فيه بطريقة غريبة):يعني مراا هي لي شاداك....
زيدان(ضحك نص ضحكة):تقدر تگول فحال هكاااك....مزاال ما بغات تشد ليااا...
جوزيف (بإستغراب ):مبغاتش تشد ليك....ليك نتااا...
زيدان(حك لحيتو و فبالو غير هيي لي من نهار خرجات من لبيت وهو كيحاول يجيبهاا لعندووو بعدمااا ما بقااا كيقدر يخلي حتى وحدة تقرب لييه ): عنييدة...
جوزيف (مشاا بالو مع بلقييس ):عندي لييك خباار جديدة...
زيدان(شاف فيه بمعنى يكمل هدرتو)
جوزييف :عنديي بنت...
زيدان:كيفااش...
جوزيف :كيفماا سمعتي..

💟💟💟💟💟💟
لبنااات استسمح على التعطااااال .....♥️♥️♥️♥️
غادي نبدااا نحط إبتداءاا من غدااا 3 اجزاااء فالنهااار باش نسااليو لقصة دغيااا منزيدش نعطلكم
نتلاقااااو غداااا 😘 تصبحووو على خييير