فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 9

فتاة البادية و المفيوزي المتملك
الجزء التاسع

إيجا(بان ليها راسها بقات بحدها وهاجر خلاتها واحلة ...غير طلعات عينيها بان ليها وقف قدامها دغيااا طلعات معاها لحمورية ووجهاا تزنگ):احم...السلام...
سفيان(عاض شفايفو وكيضحك من تحتو على وجهها لي تلون):النعاسة...شفتك ليوم فقتي معطلة ما مولفاش ليك...
إيجا(حكات راسها):لاا غير لبارح سهرت مع خولة منعسناش بكري
سفيان(طلع حاجبو):مع اش نعستو...
إيجا:ممم مع ربعة د الصباح يمكن...
سفيان(قرب ليها):ياك گلتي ليااا تصبح على خير مع 11 ديال الليل...
إيجا(خرجات عينيها و نسات لكذبة لي كذبات لبارح...):هااا لااا غير ...
سفيان(عايق بيها):كنتي بااغا تهناااي مني يااك...
إيجا(طلعات عينيها فيه حيت طويل عليها):لااا والله ما هكاك....
سفيان(بتاسم حتى بانو سنيناتو مستفين):غير على قبل هاد لعوينات غادي نساها ليك هاد لمرة...
إيجا(عوجات شفايفها وكتهضر من تحتها):مال كلشي كييگوليا غادي نساها غير على قبل عينيااا....(بدات كتقيص ف عينيها) مال عينياا فيهم شي حاجة ...
سفيان(بدا كيضحك عليها حتى جمع غوباشتو):شكون أخر كيگولها ليك...
إيجا(بدون وعي):داك مرواان....(عاقت براسها)احم...شنو كدير هنااا...
سفيان(مبغاش يحكر عليها فلموضوع ):جيت نشوفك محد عندي وقت لغدااا حيت مغاديش نكون فلمدينة سيمانة الجاية كاملة....
إيجا:اااه
سفيان(شد ليها فيديها وتم غادي بيها حتى حس بيها كارمة بلاصتها ...ضار عندها لقا وجهها غادي يطرطق بلحمورية عرفها حشمانة منو):يالاه غادي نديك لبلاصة زوينة نتغداو فيها ...
إيجا:هاا...واخااا...
جرها من يديها للوطو ديالو كان حاطها ف جنب الشارع....طلعات معاه حيت مولفة من نهار جاو كانت نورة وصاتو يعاونها تقاد شي وراق على حساب إيجا...وحتى هو مگالش لاا ...كان ديما فينمااا يمشي يقاد ليها شي ورقة يديها معاه....طلع بعدمااا حل ليها لباب ...خدم لموسيقى حيت عارفها لا شعورياا كتبداا دندن معاها وهو كيعجبو داك التدندين ديالها .....طول الطريق وهو غادي مركز مع داك الصوت لخفيف لي كيصدر منها و مرة مرة كيشوف فيهااا.... حتى وصلو لريسطو كبير جا قدام لبحر نيشان وهو عارف شحال كيعجبها لبحر ....دخل وهي تابعاه من اللور حتى وصلو لطبلة كان ديجااا حاجزها ...جر ليها لكرسي گلسات عاد گلس هو مقابل معاها...
سفيان(حط يدو على الطبلة مربعهم وهي كتشوف فديك لموني):شنو بغيتي تاكلي...
إيجا(حطات يديها على فمها):ممم انا بغيت گلاص....
سفيان:لاا حتى تغداي عاد خوديه...باينة شربتي غير لقهوة على الصباح...
إيجا(دارت ضحكة صفرة): باش عرفتيها...
سفيان(حشم يگوليها راه مبقاش شي تفصيل ولو صغير مزال معرفو عليها):احم....شوفي شنو بغيتي تاكلي ...
إيجا:واخا...

طلبو لماكلة ...ف وقت صغير كانت قدامهم ..إيجا معقلاتش على راسها منين هبطات راسها على لماكلة مطلعاتو حتى خوا الطبسيل ..و سفيان غير كيشوف فيهاا .....غير كملات مكلتهااا جابو ليها لگلاص لي من نهار جات للمدينة وهي كتحماق عليه....كان ساهي فيها حتى صوناو ليه ف تيلي باش يجي للخدمة....
سفيان:يالاه نمشيو ...باش نوصلك للدار...
إيجا:لا غادي نمشي لعند هاجر ...
سفيان:علاش غادي تمشي معاها عاد كنتي معاها دابا...
إيجا(حكات راسها ):هاا...غير بغيت نشري شي حوايج....
سفيان(بتاسم ليها فوجهها):يالاه زيدي...(خلص و جرها موراه حتى وقف و تزدحات مع ضهرو)
سفيان (جمع غوباشتو و خافي ملامح الصدمة على وجهو )
زيدان (خاشي يدو ف جيابه و ضحكة ماكرة على وجهو ):من وجهك نعرفك مصدوم ...
سفيان(دار نصف ضحكة):مكدبتيش....من إيمتاا ونتااا هنااا....
زيدان(شاف فيه ب شوفة قدرات تزرع فيه الرعب ... ):لكلاب ديالك صعيب عليهم يعرفوني إيمتاا كندخل و إيمتااا كنخرج ....عرفتي علاش (قرب عندو حتى تقابل معاه و ولات عينيه ف عينو) حيت اناا فوق لقانون....
سفيان(زير على يدو و سرط فريقو ب صعوبة):متيقش فراسك بزااف...
إيجا( طلاات عليه كتحك ف نيفها):مالك وقفتي ....
زيدان(ميل راسو كيطل عليها و مركز الشوفة فيهااا ...ضحك نصف ضحكة وكمل ف طريقو )
سفيان(غمض عينو وحاس براسو علاين يبوخ الدم ...حيت لاحظ شوفات زيدان ف إيجا)
إيجا:مغاديش نمشيو)
سفيان (تمالك أعصابو غير بزز عاد هضر معاها):ااه يالاه نيت راني تعطلت على لخدمة..
إيجا:شكون هاداك...!! معرف فين شفتو..(ضارت لجيهتو لقاتو حتى هو ضاير كيشوف فيها دغيا تخلعات من شوفاتو و ضارت مكملة طريقها )
.........................
هاجر(واقفة خدامة وسط لمحل حتى كتبان ليها إيجا دخلات للبلاصة ديال التقياس....مشات بالجري لاحقة عليها)
إيجا(قفزات مخلوعة ):يخليها قاعدة ....مالكي هاجمة أختي ....
هاجر:گاعماا گلتي لياا راكي جاية...
إيجا:را گلتها ليك غا نتي وذنيك مصمكين ....
هاجر:اري نشوف شنو خديتي ...قيصي نشوف كي جاوك...
إيجا(كتشوف راسها فلمرايا):كي جاني ....
هاجر(جمعات فمها على شكل بوسة):جاك غزاال...كلشي كيجيك زوين...
إيجا:الله يمسخك گولي غا باغا تبيعي وصافي ...
هاجر:ههههه اجي فين مشيتي نتي و داك صعصع ....
إيجا:مشينااا لواحد ريسطو حدااا لبحر ....ولكن...
هاجر:اشنو ولكن....دار ليك شي حاجة خايبة ولد لحراام من فعايلو...
إيجا:ههههه ناري يا ختي ديمااا مسبقة لعيب...
هاجر:وا گولي شنو ولكن....
إيجا(كتفكر لأحدات):تلاقينااا بواحد السيد ..
هاجر:اينااا سيد هاداا....زوين فحال سفيان؟؟
إيجا:ممم فحال فحال تقريبااا ....ولكن
هاجر:وا شنو هاد ولكن فقصتيني عاودي دغيااا را تابعاني لخدمة...
إيجا:كانو كيگولو شي هدرة فشكل ...فحال ايلا هومااا أعداء...
هاجر(بدات كتفصل و تخيط من راسها):ااااه صافي فهمت...دابا سفيان ظابط و واقلة عندو عداوة مع الناس دكشي لاش ...
إيجا(عضات شفايفها):معرفت فين شفت داك السيد ...ناري هاد السروال گاعمااا بغا يتسد صغير عليااا...
هاجر:تسنااي انا نمشي نجيب واحد أخر و كملي لياااا....
إيجا:هههه واخااا...
.....................
وصلات للدار مهلوكة طالعة فالدروج غا بزز...بان ليها مكاين حد فالدار من غير جميلة ...بلقيس و نورة كيضلو نهار كامل وهوما فلعيادة ...و خولة عندها ليوم عامر وغادي تخرج حتى للربعة....مع الدخلة ديال لبيت بدات كتنصل ف حوايجهااا ودخلات دوشات...غير خرجات ضربتها ب نعسة...امااا واحد خولة حتى هي كتر منهااا غير وصلات لقاتها ناعسة ومظلمة الدنيا مشات تخشات حداها بلاما تبدل حوايجها گاع.....جبدوها بنعسة حتى ظلام لحال غير بلقيس لي جات فيقتهم باش يهبطو ياكلو شي حاجة....
إيجا(هابطا كتمايل فالدروج )
خولة(جات من لور وخوات ليها رجليها وهربات )
إيجا(ياللاه كانت غادي طيح وهي تشد راسها):ناري كنتي غادي طيحيني...
خولة(هزاات كتفهماا كأنها مامهتماش...)
إيجا(علناات لحرب عليها....گفضات كمايمها و تبعاتها كتجري حتى وصلو للجردة ووالو وتگول واش بغات تشد ليها )
بلقيس(كضحك عليهم):اجيو كولو شي حاجة بعداااا....
خولة(بدات كتاكل واقفة):شكون صايب هاد الفطائر....هادي باينة خالتو ...يمممم بنين هادشي
نورة:ناري على بنت عطاني الله...و گلسي عاد كولي ...
خولة (گلسات فوق نورة كتاكل)
نورة(جراتها من شعرهاا):اش هاد الشعر لي كل مرة فلون...
خولة:نتي گاعمااا غادي تفهمي هادشي واخا نشرح ليك...
نورة(قرصتها):يااك لمك ...وا نوضي علياا...
خولة:ههههه صافي صافي ...
بلقيس(كتاكل وساكتة)
نورة(شافت فيها و تفرگعات بالضحك):ههههه بلقيس...مالكي ،منين سخفتي قبلية معاودا سمعت صوتك...
إيجا:كيفاش واش سخفتي ....
نورة:هههههه منين دخلات معايا للعملية غا شافت الدم طاحت سخفانة ....
خولة:حشومة عليك ا مامي ديما كنگولك بغيت ندخل معاك...
نورة:ششش نتي باقا صغيرة.....
بلقيس(ساهية):راني شفت لموت بعينيااا هااادو ....
نورة(بدات كتعاود ليهم و هومااا كيموتو بالضحك ):وا كنت بغيتها غا تمد لياااا لماتيريال فاش نكون مشغولة ...ساعة يالله مادة يدي باش تعطيني قطنة و انا نلقاها طايحة سخفانة....وليت ما حيلتي ليها ما حيلتي للسيد لي فاتحة ليها قلبو .....
بلقيس(حتى هي بداا كضحك ):ههههه هادي و توبة اخر مرة نزعم ندخل معاك....
إيجا(كملات مكلاهاا معاهم ف جو ديال الضحك):انا غادي نطلع نراجع شوية...
خولة(تفكرات ل إمتحانات لي تابعينها..ناضت وكتهز معاعا فلماكلة ):حتى انا غادي نمشي نراجع سيمانة الجاية عندي كاملة عامرة إمتحانات....
إيجا(عنقتها و تمو طالعين للبيت )
خولة(حطات لماكلة فوق لبيرو و بدات كتجبد ف كتوبتها):هاااء نصيرة نسات عندي دفتارها...دابا كي غادي دير تراجع
إيجا(بتاسمات):حتى لغدااا وعطيه ليها...
خولة(بضحكة شريرة):هيهيههي غادي نستافد بعداا انااا منو..حيت هي عندها الدفتار منظم عليااا....
إيجا:ههههههه بعدااا باش كتعجبيني كتستغلي لفرص...
خولة:ههههه (جبداا الدفتار بدات كتقلب حتى طاحت منو ورقة و طيرها الريح حدا رجل أيجا )معرف شنو ديك لورقة لي طاحت...
إيجا(هزاتها من حدا رجليها  ...قلبتها تشوفها حتى كتلقاا تصويرة ديال نفس الشخص لي تلاقاتو هاد الصباح منين كانت مع سفيان ):ش...شكون هادا....
خولة (جات كطل):ااااه ههههه هادا زيدان المالكي لي كنت عاودت ليك عليه  ...ديك الحمقة باقي كيعجبها
إيجا(عاد بدات كتفكر ):ااه....(عطات لورقة لخولة و مشات گلسات فل بيرو لي حداا خولة و كتحاول تركز مع قرايتها واخا دخل ليهااا الشك فراسهاا انه شي حاجة ماشي هي هاديك)

🌟👇🏻🌟👇🏻🌟👇🏻🌟👇🏻🌟

نتلاقاو غداا ف نفس لوقيتة....ايلا بان ليا التفاعل زاد غادي نولي نحط 3 اجزاء فالنهار ..✅
تصبحو على خيييييييير ♥️♥️😘😘