♦️فتاة البادية والمفيوزي المتملك ♦️
♦️بقلمي مونيا لوباروس ♦️
....
#البنااات ...لي بغات تحط لقصة فشي گروب معليها غير تعلمني و تكتب سميتي ♥️♥️😘
مكنتش عارفة حياتي تقدر تقلب عليا بهاد السرعة على قبل قرار خداه با ف حقي ،ضطريت نحارب اي حاجة جات قدامي ب...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لتحت فالفندق و بالظبط فالجردة لي كانت مزينة بطريقة خيالية لا من ديكور لا من اضواء لي كانو ف قمة المتالية حتى من الطوابل لي كانو مزينين بالورد ..عرس اسطوري ب معنى الكلمة ...شكلو كفيل باش يخلي لإنسان ينسى جمالية لبحر ويركز عليه تفاصيلو لي كانت فوق الروعة.. الدنيا كانت عامرة ب الضيوف لي كانو اغلبهم ماشي مغاربة واصدقاء سهيل سوا من الخدمة ولا فلوقت لي كان كيقرا . هبطو لعرسان وسط الزغاريد گاع الانظار عليهم ،كيتمشاو وسط ممر كيدي للبلاصة لي فين غادي تكون اول رقصة ليهم بزوج ..مع ا خر تزغريدة كلشي بدا كيصفق وگاع الحضور وقف ليهم ..كملو طريقهم حتى وصلو و دخلو عازفين لي ضارو بيهم من كل جانب وهوما وسطهم ..سهيل مد يدو لهاجر لي بدورها عطاتو يديها و بدواو فأول رقصة لي من شحال وهو كيعلمها ليها من أيام كان معاها ف إيطاليا .. هاجر(ستاغلات لفرصة ما حدها معاه بوحدها):فين ماماك مبانتش ليا.. سهيل(كيضور عينو):غادي تكون غير هنااا هاجر:كون كانت مغربية وتشوف ..كون راها داخلة معانا هنااا .. سهيل(كيضحك على هبالها ) #جهاد(واقفة حدا إيجا): اححح ا ختي ..حتى انا بغيت نتزوج إيجا(شافت فيها وهي مصدومة):مالكي ليوم تاني جاتك لحالة جهاد:احح ا ختي لحب...بغيت حتى انا نحب و نتحب .. إيجا(حاطة عينيها على هاجر لي فرحانة...ضحكات و جاوبات جهاد):كنعرف هاد الهضرة عندك ..فلأخر كتملي دغيا جهاد :علاه انا لقيت وگلت لااا.. إيجا:وا قلبي مزيان... هارون(واقف من موراها ):بون سواااغ إيجا(ضارت لعندو ):فيين كنتي..تعطلتي بزاف هارون(كيشوف وهو مبهور فيها..خصوصا انه كيعجبو يشوفها بلكحل ..قربها لعندو ويديه على خصرها ،قرب لوذنيها ونطق بصوت غليض و هادئ فنفس الوقت ..):شي نهار غادي يخرج لي لعقل.. إيجاا(بتاسمات ب خجل وهي كتشوف كيف كيتفحصها ب عينيه ):هارووون.. هارون(تنهد ):كيف بغيتيني نصبر وسميتي كتخرج فحال هكاا.. امم (زاد قربها عندو من خصرها و عينيه على عينيها) إيجا:ههه شنو كادير واش حماقيتي...كون راه نورة و ماما حاضيينا منشي بلاصة هارون(طبع بوسة خفيفة فالجنب ديال فمها ):خليهم يشوفو ..فين كنتي غابرة عليا هاد الأيام ممم .. إيجا(كتحاول تخفي توترها ب إبتسامة ):لا بلعكس غير كنت مشغولة مع هاجر هارون (باغي يخليها على خاطرها ..مد ليها يدو وجرها بالظبط فين كيرقصو الناس ..قربها ليه وهو حاط يديه على خصرها كيتمايلو على صوت الموسيقى لي كانت هادئة ..وهارون مشبعها كلمات غزل وكل مرة كيگول شي حاجة كتخلي وجهها يتبدل لونو... نورة(گالسة هي و بلقيس مقابلة معاهم):هانتي لبنت عندك صدقات مساهلاش ..شوفي ليك كيف كتحمار وتصفارغير بحدها بلقيس(كتشوف فيهم و فزيدان لي حاضيهم من بعيد وهي مبتاسمة ):لعقبة لشي ناس يفهمو راسهم نورة(شافت جيهة زيدان لي شاد راسو ب صعوبة من المنظر لي كيشوف قدامو):بلقيس ..عيطي لجوزيف دغيا شوفي فين وصل .. جوزيف(وقف عليهم ):كتسناوني بلقيس:تعطلتي جوزيف:يالاه ساليت و دزت بدلت عليا عاد جيت...بان ليا مشغولين فشي تبرگيگة هادي بلقيس(غمزاتو):شوف بنتك..تگول ماشي هي هاديك لي كانت الصباح كتهلل علينا جوزيف(هز حاجبو مصدوم كيف كتلوى فيدين هارون):وا لمن شابهة..غير ليك ..ما دات مني والو بلقيس:شنو بغيتي تگول دابا جوزيف:هادا فخ ..مغاديش نجاوبك على هاد السؤال... نورة(ناضت من حداهم):بلاتي انا جاية نقلب على ديك البرهوشة لي عندي معرف فين غبرت جوزيف(ضار عندها):شواقع نتي ..بنتي ليا ماشي هي هاديك.. بلقيس:لاا مواقع والو ..علاش هههه جوزيف (قوس عينيه فيها):حتى نكون مكنعرفكش ..(طلع عينيه بان ليه زيدان واقف مع يوسف) بلقيس(شداتو من يدو):جوزيف ..ما فينا لي تنوض شي حرب ،خلي حتى يكمل لعرس و دير لي بغيتي .. جوزيف(زير على قبضتو و ناض غادي لجيهتو و عينيه مكيبشروش بخير ..كيشوف فيه و مكارهش يجبد سلاحو و يتيري فيه وهادشي كامل تحت اعين إيجا لي حاضياهم من بعيد كيف كيشوفو فبعياضتهم بشوفات ديال لقتيلة....وقف على يوسف و زيدان):شكدير هنا نتا... زيدان(كيشرب من كاسو بكل راحة):شفتك هاجم عليا ا جوزيف .. يوسف:جوزيف بلاش من هادشي دابا..هاد لعداوة خليوها حتى يفوت ليوم .. جوزيف(لمح عينو لي كتمشي لإيجا مرة مرة ..زير على سنانو وكيهضر بنبرة غليظة و مامسموعاش ):كنحذرك ...كنقسم بلي خلقني الى قربتي ليها .مرسوم موتك غادي نكتبو بيدي ... زيدان:(بانت ضحكة ديال تحدي على وجهو..قرب خطوة لعندو و عينو ف عينيه):بلا متحاول توقف ف طريقي ا جوزيف ..العافية لي غادي تحرقني ..غادي تحرقناا كاملين جوزيف:جيني نيشان شباغي من لخرر.. زيدان(حول عينيه لجيهتها):نتا عارفني شنو باغي جوزيف:ما تشوفش فشي حاجة بعيدة عليك ..معمرها غادي تكون ليك زيدان(ضحك حتى بانو سنيناتو ..نفت من السيگار دياالو و رجع لهوا جيهة جوزيف):ليام غادي توريك ا جوزيف .. يوسف (بان ليه جوزيف بدا كيصعر):جوزيف باراك ..ماشي وقتها دابا .. جوزيف: هضرتنا ماشي دابا.. # هاجر (واقفة مع إيجا كيشطحو هي وياها): فين مشا هارون .. إيجا:معرفتش ..واقيلة مشى عند شي حد كيعرفو هنا.. هاجر:وا طحتي طيحة خايبة ا لعشيرة .. إيجا:هههه غير كيبانليك..ماشي لديك الدرجة.. هاجر(غمزاتها):شفتي لعينين لي راهم تابعينك من لهيه إيجا(بإستهزاء ): فحال ايلا انا غير مسوقة ليه..خليه يشوف حتى يعيا وغادي يمل ... هاجر:يمل ..هههه لا لا موحال..نتي مشفتيش داكشي لي شفت انااا بهاااد لعينين إيجا(غلبات عليها الضحكة):اوديي...كترت لهم كضحك.. سهيل:إيجا شفتك دغيا خديتي ليا بلاصتي.. إيجا:هههه لا حاشا .غير كنت مونساها ليك.. هاجر(نسات صحبتها و مشات عند سهيل):بسلامة، سيري قلبي ليك على هارون يكمل معاك إيجا:ما فيك خير هاهي غادة.. هاجر(خرجات عينيها و كتحذر إيجا ب عينيها) إيجا:مالكي نتي سهيل(قلب ليها وجهها ):ما سوقكش نتي ..شطحي إيجا(ضارت موراها كتشوف فين كانت كتشوف ف هاجر...حتى جاتها الصاعقة من حيت لا تحتسب ..بغات تبعد باش تجاهلو لكن معامن هي...قربها ليه من خصرها حاكمها مزيان..وهادشي كامل تحت انظار الناس كاملين و حتى الصحافة ...إيجا بدورها كتحاول تبعدو لكن گاع محاولاتها فاشلين..شافت فيه ب كره وهي معصبة من حركتو لي إستفزاتها خصوصا طريقتو لي دائما كتبين ليها انه يقدر يطبق اي حاجة دارها ف راسو بدون ولا ذرة خوف ):طلق ا زيدان ..باراك من هادشي ديالك زيدان(ضحك بهوس وهو معجب ب قوتها وغارق ف عينيها ..زاد قربها ليه حتى ولا كيحس خفقان قلبها فوق صدرو):شحال قدك تهربي ممم إيجا(شافت فيه وعينيها كيخرج منهم الشرار حيت افعالو وتسلطو كيخرجوها على طاقتها..):انا مكنهربش وخصوصا منك.. ايلا كان شي حد لي كيهرب ومكيعرفش يواجه هو نتااا اولا ..ايلا نسيتي نفكرك ؟ زيدان(باقي مخلي يد فخصرها و ليد لخرى جرها من عنقها لعندو):مغاديش نعاقبك على هاد الهدرة دابا ...تعاقبي على لقديم عاد نشوفو الجديد..على هاد الحساب باقي غادي تشوفيني قدامك حتى نصفيو حساباتنا .. إيجا(كتشوف ف الناس كلشي كيشوف فيها..كتمايل معاه كأنه مواقع والو.):شكون نتا حتى تعاقبني ..تيقتي راسك بزاف ا سي زيدان المالكي ..(رمقاتو ب نظرات استهزاء ) متيق راسك بزاف لا ..فيق شوية و وعى على راسك حيت بنتي ليا كتحلم بزاف ..شكون نتا فملك الله لي غادي تعاقب إيجا باروخ.. زيدان(طلق ضحكة رجولية بإمتياز وهو معجب بهضرتها و قوتها الغير معهودة قدامو):كبرتي البرهوشة...(حط يدو كيدوزها على وجهها )نسيتي شكون انا وشنو قاد ندير ...متخلينيش نحطم غرورك ،شنو كتحاولي ديري ،ايلا گلت ليك قطعي علاقتك بيه هي قطعيها .ماشي تقحبني قدامي نتي وياه ..(قرب لوذنيها ) ولا ياكما ولى عندك تقح**بين ساهل إيجا(هضرات بحنق وهي شادة عينيها باش مايبانوش فيهم الدموع ): ونتا شنو مشالك ..الله يجعلني نعس معاه شنو مشى ليك نتااا (شافت فيه وهي مبتاسمة وحطات يد كتلعب فيها فوق لحيتو ) ولا عرفتي شنو هاد لمرة فاش نكون ناعسة معاه غادي نصور ليك شحال كنكون فرحانة و انا تحتو ..باش تعرف انه شروطك لي ماعندهم حتى معنى مكيهمونيش من الأصل و ماطبقهمش عليا ،..ديك البنت صغيورة لي عرفتي ماتت شحال هادي ..ونزيدك .منسيتش شكون نتا..ومنسيتش راه قدامي واحد حاشا واش حتى يكون بنادم .. زيدان(زاد زير عليها من خصرها حتى تأوهات من قوة الألم لي كتحس بيه...نطق بصوت مسموع غير لي كانو حداهم وهو قريب يخرج ليه لعقل من هضرتها لي كطلع وتهبط فحلقو كيف الجمر..زير عليها من شعرها مقربها ليه كتر):إيجااااااا ....متختابرييش صبريييي ،ب ررررررب الق*بة حتى غادي نقتلك ايلا كان هادشي صحيح..(زاد كتر زير عليها من شعرها)زغتي القح*ة وليتي تهزي رجليك گاع ...هااا صافي حسيتي بجنابك .. إيجا(كتصارع مع دموعها باش ميهبطوش قدامو):طلق مني الحيوان...شنو مشا ليك ..(بتاسمات بقوة رغم الألم لي كان كيقطع فيها)حليتهم مرة وزوج لدرجة مابقيتش عاقلة شحال ...شكون نتا لي تدخل فحياتي وف شنو كندير .. زيدان(كيهضر من تحت سنانو بهوس ):إيجاا ..صبري عندو حدود ،برررب حتى نعدمك ويكون هادشي بصح..كنقسم ب لي خلقني ونعرف شي زامل قاسك من بعدي حتى نحرقك نتي وياه وگاع لي غادي يوقف ف طريقي .. إيجا(كتحاول تفك شعرها من ):زيدان ..باراك طلق مني الناس كيشوفو زيدان(قربها لعندو حتى مابقا كيفصل بيناتهم حتى سنتيم ..عينو ولاو حومر بقوة ما هو كلو كيغلي كيهضر وشفايفو كيقيصو ف شفايفها بقوة ما هو مقربها لعندو ):شتي هاد الناس لي قدامك مكيهمونيش..حتى داك جوزيف لي كظني غادي يقدر يعتقك شي نهار مني ..ما كيهمنيش كيفما كان مهامنيش فاش ديتك معايا ل ماربيلا ..و ايلا مشيت حتى تأكدت هادشي لي گلتي بصح حيت مغاديش تخفى عليا حاجة فحال هادي ..موتتتك ا إيجا بين يدي .. سهيل (قرب لعندو باش يعتق الموقف هو وهاجر ،خصوصا سهيل كيعرف زيدان مزيان وعارفو فديك اللحظة بقدر يقتلها بلا ميحس ..):زيدان ..طلق من لبنت ا صحبي شوف بنادم كيشوف زيدان( بعد عليها ):هاد لمرة سلكتي منها...لمرة لي جاية مغاديش تفلتي ..ودابا غادي تبتي و لا ماغادي يعجبك حال البرهوشة.. إيجا(كتسترجع أنفاسها بعدما طلق منها):لأعلى ما فخيلك ركبو ا زيدان لمالكي .. هاجر(جراتها لعندها مهرباها منو ):اجي نتي لهنااا ..شنو بغا تاني هاذا إيجا(كتقاد شعرها و فنفس لوقت كترمقو بنظرات كره ) : على جتتي ايلا مشى عليا كلامو .. هاجر:صافي باراك...دخلي قادي حالتك ،ميمكنش ا صاحبتي كولشي كيشوف .. إيجا(شافت فالناس لي كيشوفو و طالعة ليها لقردة):تشاف ليهم انشاء الله..بقاولي غير هوما فلحساب ..(متسوقات حتى لحد و كملات طريقها للداخل باش تقاد حالتها كأنه ما وقع والو ) هاجر:هاد صاحبك والله حتى غادي يتسطى شي نهار سهيل(كيضحك عليهم):معمري شفت زيدان المالكي كامل فهاد الحالة..و بسباب شنو..بنت . هاجر:حتى إيجا ما ساهلاش..كون ما شي حاجة گالتها ليه ميوليش حامي فحال هكاك سهيل:واش عارفة لمافيات ايلا عرفو هاد نقطة الضعف شنو غادي يوقع ...راه غير الله يحفظ هاجر(دورات يديها على عنقو ):دابا نسى عليا هادشي ..فين غادي تديني من بعد نا يسالي لعرس .. سهيل:وا صبري حتى تشوفي ب عينيك .. هاجر:اووف ماقادش نصبر اناا... #### نورة(واقفة حدا ل بيفي هي و بلقيس حاضيين گاع سيناريو لي داز قدام عينيهم ..حطات كاسها و شافت ف بلقيس):مأكدة هاد السيد غادي تمشي عليه هضرتك لا نتي لا جوزيف .. بلقيس(خبطات لكاس مع الطبلة و شدات ف راسها):حتى گلنا رتاحيتا و رجع تاني الله ياربي .. نورة(غمزتها):وا فهمي راسك..السيد راه باغي لبنت..وحتى هي راه باغاه بلقيس:كاانت ا نورة ..كانت ..عقل الصغر و لعب ليها براسها فاش داها معاه..راه كانت صغيرة نورة:ياك فحصناها ا بلقيس..فاش رجعات من ماربيلا مكان عليها حتى أثار..كون كان باغي غير يأذيها مكانش يفلت فرصة فحال هاديك.. بلقيس:شنو كتحاولي تگولي ا نورة.. نورة:لي كنحاول نوصل ليك هو والله وأعلم انا كنگول غير لي بان ليا.. بلقيس:تكلمي ا نورة متحمقينيش.. نورة:مكاينش لي غادي يحميها ولا لي يستاهلها قدو ..و گولي نورة گالتها.. بلقيس(بغات تحبسها فلهضرة) نورة:نكمل هضرتي و ديك الساعة هضري ....بلقيس.واحد فحال هارون عمرو قادي يقد على بنتك..حيت ماشي ديالها ،حيت غادي يبقى حياتو كاملة وهو حاس ب نقص من جيهتها وديما غادي يبان ليه بيلا تستاهل واحد ما حسن منو،وهكا غادي غير يدمرها معاه بلقيس:نورة..مفمتهش هدرتك ..غير الصباح كنتي كتگولي حاجة أخرى.. نورة:مغاديش نكر شنو گلت ..ولكن فوسط هاد الظلام كامل كانو نقيطات بيضين..لي كيبينو بصح ب لي هاد السيد قاد يدير لمستحيل على قبلها .غير لخطأ لي دار فلأول مكيتغفرش بلقيس:هارون ليوم ناوي يخطب إيجا..وياك يسمعك جوزيف ولا إيجا كتگولي هاد الهضرة.. نورة(شافت ف جيهة زيدان لي حاضيها وهي راجعة تگلس فالطبلة ):ايلا خلاكم بعدا .. هاد السيد مكيعرفش شنو هو لقانون حيت ديما كيمشي فوقو ..انا وليت كنتوقع منو اي حاجة بلقيس(كتفكر ف هضرة نورة رغم انها عارفة هاد الهضرة لكن واحد فحالو خاصو يتعاقب على شنو دار..لا بلقتل لا بلقانون حيت هادو منافعينش معاه..عقابو قررو جوزيف هادي 4 سنين .وهو ما عمرو يخليها بين يدو باش يدوق عذاب أنه مقادش يوصل ليها #بعد مدة وفلوقت لي كانو ناس كيتعشاو توجه نظر الحضور كامل لجيهة هاورن لي شاد ف يدين إيجا و تمشى بيها فبلاصة جات وسط الناس وسط فرحة و دهشة البعض فور ما تحنى على رجليه و جبد خاتم ألماسي من جيب ل ڤيست ديالو..و من جهة أخرى كانت كمية أحاسيس ما مفسرينش بتاتا كيجمعو بين غضب و حقد وغيرة فدقة وحدة غالبة على الفرحة لي كانت من الناس الحاضرين .. هارون(محنى على رجعو و عينيه على عينيها و ضحكة خفيفة على وجهو):إيجا باروخ..(نطق ب صوت خافت )عارف ما عمرك كنتي كتوقعي انني شي نهار نديرها..(رجع لصوتو لعادي ) تقبلي تزوجي بياا..حيت واخا نقلب حتى نعيا ماعمري غادي نلقا شي وحدة حسن منك لي نقدر نكمل معاها حياتي .. إيجا(مزيرة على يديها لي كانو كيقطرو بالعرق ...طلعات عينيها فلحضور كامل لي كان حاط عينو عليها وكيتسنى منها إجابة..رجعات شافت ف بلقيس و جوزيف لي عينيهم كيبريو من قوة لفرحة ..و أخيرا جذباتها ديك الطاقة لي عامرة كلها بالغضب ..طلعات عينيها ف جيهتو رغم انه ملامح وجهو باردين لكن قدرات تقرا ملامح الرعب فيهم..عينيه لي كأنهم ظلام كانو كي حذروها ..ضحكات بتحدي وهي كتشوف ف عينيه مباشرة..):قابلة ا هارون هارون(محسش براسو حتى ترمى على شفايفها و خشاها ف حضنو وهي متجاوبة معاه... فلوقت لي كانو الناس كيباركو ليهم على خطبتهم ،هزات تيلي ديالها بعدما وصلاتها رسالة لي كانت عبارة عن "مرحبا بيك ف جحيمي مرة أخرى" هزات عينيها بخوف كتقلب عليه بين الحظور حتى لمحاتو وهو على وجهو ضحكة غريبة خلات جسمها يرتعش ويحس بخطورة الموقف لي حطات راسها فيه..ما هي غير ثواني و ختافى خلاها كتقلب عليه ب عينيها ..
