فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 19

💟فتاة البادية و المفيوزي المتملك 💟
💟الجزء التاسع عشر 💟

هاجر(خرجات على براا بعدماا سالا لحفل ): اواااه 6 مكالمات من إيجا....فين غبرات
سهيل(دور يدو على ضهرها): شنو بان ليك نوصلك...
هاجر(دفعاتو):ضسرتي علياا واقيلة لا ...
سهيل(كيضحك عليها): لاا مكنضنش....
هاجر:معرف فيين هيي ....(جبدات تيليي ديالها كتصوني ليهااا ) اوووف مكتجاوبش ...عندااك تكون طرات ليها شي حاجة...
سهيل:خلي ليها ميساج فيه انك مشيتي للدار...
هاجر(خنزرات فيه): ا فين غادي نمشي فهاد نصاصات د ليل و لحاجة لكبيرة كطرق لباب مع العشرة ديال ليل وأناا گايلا ليها بايتة مع إيجا ....
سهيل:ماشي هي هاديك لي لهيه....
هاجر(ضارت لجيهة فين كيشوف ):اااه ولاهيلا....مالها كتمشى حفيانة....(مششات كتجري عندها وقفات قدامها ) إيجاااا....فين كنتي ...(وقفات مصدومة ولسانها مشلول مقاداش تهضر ) مم...ماالكي...فهاد ل..حالة
إيجا(زيرات على يدين هاجر وكلها كترعد وكتبكي ب هيستيرية):ش..شنوو غادي ندير....شنو غادي نگول ل يماا....ه..هو خخخخدا لياا كلشيي....
هاجر(حطات يديها على فمها مصدومة عاد بانو ليها اتار العض لي على عنق إيجااا ..دارت يديها على وجههاا كتبكي وكتمنى داكشي لي جاها فراسها ميكونش بصح...)
إيجا(مزيرة على كسوة هاجر و كتبكي ب هيستيرية ):شنوو غادي ندير ا هاجر....عاافااك عاونيني...
هاجر(عنقاتها كتبكي ):ششش متخافيش انااا معاك...
إيجا(زيرات على هاجر كأنها كتستمد منهاا لقوة ...دغيا رخات قبضتها من هاجر وفقدات وعييها ما عاقلة على والو...)
هاجر(كتغوت و كتبكي):إيجااا هئ هئ ....إيجااا ...عاونوناا عفااكم ...
سهيل(جا كيجري لعندهم):مالهاا....شنو طرا ليهااا...(لمح الدم هابط من رجليها، هبط للأرض هزها بين يديييه ) يمكن عندهاا نزيف خاصهاا تمشي للمستشفى...
هاجر(زيرات عليه من سروالو وهي گالسة فلأرض كتبكي):لاا...عافاك متديهاش للمستشفى..
سهيل(غادي بيها حطهاا ف لوطو ديالو ):واش تسطيتي ولا مالكي...راه خصهاا تمشي للمستشفى ولا غادي توقع ليها شي حاجة...
هاجر(كتبكي وكترجاه): سهيلل...شوف كي دير الله يخليك ... مخصهاش تمشي للمستشفى ...
سهيل(شاف حتى عيااا ):واخاا....طلعي

#### بعد مدة ####
سهيل(وقف مع الطبيبة بعدماا خرجات من لبيت لي فيه إيجااا حيت من بعد ما طلباتو هاجر ميديها لحتى مستشفى جابهم للدار عندوو و فطريقهم لدارو تاصل ب طبيبة كيعرفها):شنو طراا ليهااا....
طبيبة(تقكرات انه هاجر منعاتها انها تگول شي حاجة...عطاتو ورقة):خودو ليهاا عاد الدواا باش يكالميها...من لأحسن تاخدو هاد ليلة باش تفيق لغذ ليه مزيان....
سهيل(خدا من عندها لورقة ):واخااا ...
لداخل فلبيت كانت ناعسة على الناموسية وحاطة راسها على هاجر ناعسة  وكل مرة جسدها كيتهز ،اما هاجر مسكتاتش من ل بكااا ...كتبكي بلا صوت باش متفيقهاش....
إيجا(كتهضر ب صعوبة):ه..هاج..ر
هاجر(مسحات دموعها دغيااا):هاني معااك...
إيجا:حناا فين..
هاجر:حنا ف دار سهيل ....
إيجا(كتحاول تنوض )
هاجر(كتقاد ليها شعرها لي طايح على وجهها وقلبها كيتقطع عليها):شنو طراا....شكون دار ليك هكاا...
إيجا (دغيا تقبضات عليها نفسها و بدا صدرها كيطلع و يهبط كأنها مقادراش تنفس)
هاجر(شدات وجهها بين يديها و كتحاول تكالميها):إيجا...شوفي فيااا....متخافي من والو اناا معاك ...واخا؟؟ ...عاودي ليااا شنو وقع من لأول ...
إيجا(نطقات ب صعوبة و دموعها كيسيلو على خدهاا و كتهضر ب هيستيرية غير طبيعية...بداات كتعاود من لأول شنو طراا مع سفيان حتى لأخر حاجة وقعات ..وشريط الأحدات كيدوز قدام عينيها ،كل مرة كتزيد تهضر على شنو وقع ليها كتزير وكتخنق كتر من قبل حتى حسات براسها ما بقاتش عندها قوة لي تزيد تكمل بيها ....
هاجر(خرجات لبرا كتبكي بعدمااا خلاتها ناعسة لداخل....گلسات فلأرض معنقة رجليها كتنخصص ودموعها كيهبطو ومقادراش تحبسهم)
سهيل(هبط لعندها و حاط ركابيه على لأرض ):شكون دار ليها هكاك....
هاجر(زادت ف وتيرة لبكاا بعدماا تفكرات شنو عاودات ليها )
سهيل(قرب لعندها وخشاها فحضنو كيحاول يخفف عليهاا ):عاودي لياا شنو واقع وا ايلا مغادي نقدر نعاونكم فوالو....شكون لي وصلها لهاد لحالة
هاجر(حركات راسها ب لا ):واخا نبقاو عند هاد ليلة...
سهيل(حس بيها انها ما بغات تعاود ليه والو وحتى هو خلاها على خاطرها):واخاا ... مكاين حتى مشكل(مد ليها صاك صغير فيه الدوا) عطيها تاخد هاد الدوااا..انا غادي نوصيهم يطلعو ليكم شي حاجة تاكلوها صافي ؟؟
خداتو من عندو الدوا لي جاب  بعدماا شكراتو و دخلات عندهااا عطاتها الدوا و دهناات ليها پومادا  للطبايع لي فلحمها و قلبها كيتقطع من لداخل عليها ....حبسها من أفكارها تيلي ديالها كيصوني ...هزاتو و يديها كيترعدو بعدماا شافت سمية بلقيس ....
هاجر:سلام خالتي....
بلقيس:بنتي هاجر....فين هي إيجا من الصباح وانا نعيط ليها مكتجاوبش
هاجر:ااه...خالتي راه سالا لحفل معطل ...و ملقينا كيف نديرو نجيو فهاد ليل دكشي لاش گلسناا ف لأوطيل لي كانت فيه لحفلة....
بلقيس:ااااه ...و فين هي إيجا
هاجر:هاا...راه تيلي ديالها طفاا ليها خاصهاا ديرو فالشارج...
بلقيس: كلميهاا ليااا ا بنتي راه خاطري واكلني عليهاا...
هاجر:هاا..هاهي ا خالتي حدايا ناعسة ...حيت قبيلة ا خالتي كانو معاها الناس بزااف گاع ما رتاحت...نفيقها؟؟
بلقيس: لا صافي خليهاا ترتاح...غير تفيق على الصباح گوليها تعيط ليااا ...
هاجر:واخا ا خالتي كوني هانية....(قطعات عليها مخلوعة و كتنهج ومعارفاش منين جاتها لقدرة انها تكذب وتخلي بلقيس تيق بيها)
إيجا(حلات عينيها بزز ):و و ا ش ..يماا هادي ..
هاجر:اه هي ...
إيجا(رجعات غمضات عينيها غفات لتاني مرة وهي كتحس بالألم لي ف جسدها بداا كيتلاشا شوية بشوية)

لبناااااات لي كيقراااو لقصة...بانو عندي لتحت باش نشوف شحال من وحدة متبعة لقصة 😘👇🏻👇🏻👇🏻 💟💟💟
بغيت  نعرف شحال دلبنااات متبعين لقصة  باش نتشجع و نبدااا نحط 3 اجزااء فالنهار 🤍🤍🤍🤍🤍 👇🏻👇🏻