فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 14

فتاة البادية و المفيوزي المتملك
الجزء 14

إيجاا(هزات يديها حتى لفوق ونزلا عليه ب أقصى قوتها):انااا ماشي لعبة تراهنو عليها كيف بغيتو ...اناااا اشرف منك الحيوان كتفهم....
زيدان(شاف رجالو جايين ليها و حبسهم....فيكساا عينيه على عينيها نيشان شي لي زرع فيها الرعب كأنه ماشي بنادم لي حداها...جرهاا من شعرها مزير عليها ومقربها ليه وكيهضر بصوت كيخلع كتقدر تسمعو غير هي ):مرحباا بيك فلجحيم....
إيجا(كتحاول تفك شعرها من يدو وعلى وجهها ملامح التحدي ليه ):طلق ...طلق مني هادي هي لي عمرها غادي تكون ليك...
زيدان(قرب لوذنها وهمس فيهم): حاولي تخالفي هضرتي ...(كيحك نيفو مع وذنها) فكل محاولة غادي تخسري واحد...
إيجا(شافت فيه ب خوف و قلبها كيضرب بالجهد حيت فهمات معنى ديال هضرتو...بدات كلها كترعد و مزال مصرة فعنادها):ن...نتاااا ...مسستحيل تكوون بنادم....
زيدان(وقف مقابل معاها كيبان كأنه عملاق مقارنة بيها كتبان هي صغيرة.... وعلى وجهو ضحكة ماكرة ولكن فنفس لوقت كتخلع):فاش نبغيك حضري عندي ...
إيجا(جمعات قوتها وكتهضر وسط دموعها):ش..شنو درت ليك انا...ع..علاش ...
زيدان(ضار عندها بعدماا كان غادي فحالو للوطو):نتي رهان ربحت فيه،و انااا كيعجبني نستمتع بالفوز ديالي....(علم ل گارد ديالو ب عينيه باش يطلقو حتى سفيان)
إيجا(هبطات للأرض كتبكي بعدمااا حسات ب قوتها ما بقاتش عندها....بدات كضرب فلأرض بكل قوتها وكتغوت بكل ما عندها من صوت ):الله ياااخذ فيك الحق ا سفيااااان...الله ياخد فيك الحق ....(ناضت كطيح و كتنوض لجيهتو...حتى وصلات ليه وكضرب بكل جهدها لي بقااا ليهاااا)شدرت ليك ....شدرت ليييك حتى دير لياااا هكااا....الله ياخد فيكم لحق شنووو درت ليييييكم ....
سفيان(عينيه ولاو حمرين بقوة الدموع لي تحجرو فيهم ومقادر يدير والو حيت عارف لخطأ كامل منو...ومن لول مكانش خصو يدخل فالرهان..):سمحيليااا ا إيجا...مكانش ف نيتي هادشي كامل يطراا...
إيجا(بدات كتمسح دموعها من على وجهها ): مغاديش نخليكم ديرو بياا ما بغيتو .....

...................
مشات هزاات صاكها لي محطوط ف لوطو ديال سفيان و تمات غادا شادة الطريق على رجليها غادة و كتعرج وما مخلياش دموعها يزيدو ينزلو و حاطة فبالها فكرة وحدة انه مغاديش تخلي راسها لعبة فيدين زيدان المالكي ...بعد مدة وهي كتمشى فالطريق وصلات للدار كتعرج ...جبدات تيلي ديالها و قادات راسها باش ميبانش فوجهها والو...من غير رجليها لي كتعرج بيهم ....
نورة(مشات كتجري عندها للباب ):إيجا.....شنو وقع ليك ا بنتي..
إيجا(مشات گلسات فالصالون ):لا والو اخالتي غير حادتة صغيرة وصافي .....
نورة:اشمن حادتة صغيرة ونتي رجليك مجروحين.
بلقيس(خرجات بعدمااا سمعات  هدرة نورة):اش واقع ....اينااا حادثة هادي
إيجا:وا يمااا راه گتليك راه غير حادتة ..راه اناا لي مني لغلط مشفتش لموطور جاي لجيهتي ....راه ماشي شي حاجة...دغيا غادي تبرااا ...
بلقيس(مشات جايت علبة الإسعافات كتضمد ليها لجرح ):ونتي مالكي ا بنتي مكتشوفيش قدامك ....
إيجا:غير كنت مزروبة ا يماااا.....(بداو يوصلوها ميساجات كانو على شكل صور فالواتساپ لقات ريناد لي مصيفطاهم لها،من جلسة التصوير لي كانت فيها)
بلقيس:اش دكشي ...
إيجا(كتحاول تناسا لمشكل لي وقع كأنه عمرو وقع ....باش ميحسو بوالو ...وبلخصوص بلقيس...بدات كتعاود ليهم على نهارها كيف داز يالتفصيل وعلى لبراند لي بغاوها تخدم معاهم وحتى التصاور )
خولة(كتقلب فالتصاور):وااااو....بنتي كيف دوك العارضات....
نورة:ولاهيلا...جيتي غزالة ا بنتي تبارك الله عليك....(غمزات بلقيس)
بلقيس(ضارت عند إيجا):ايوا شنو گلتي ا بنتي نتي باغا تخدمي معاهم...عجباتك هاد الخدمة....
نورة:راه ابنتي لا بغيتي تخدمي وتقراي ف نفس الوقت راه ماشي شي حاجة صعيبة....
إيجا(عضات شفيافها كتفكر...ومشا بالها نهار واعدات راسها بينها وبين نفسها انها غادي تعطي ل يماها اي حاجة قدرات عليها  وهادي هي احسن فرصة لي تقدر ترد لبلقيس ولو غير شوية من دكشي لي دارت على قبلها):اه ا يمااا انااا بغيتهاا ....
خولة(ناضت كتنقز فرحانة):وااا اخييييراااا ...
بلقيس(حطات يديها على يد إيجا  وعينيها كيبريو من لفرحة)
إيجا(بانت على وجهها ضحيكة كيوت ):يمااا...نتي معايا ياك
بلقيس:علاه من ايمتا مكنتش معاك...نهار جبتك هناا بغيتك  تحققي ذاتك و ديري اي حاجة بغاها ليك خاطرك....ودكشي لي تمنيتو هاهو كيتحقق ...
إيجا(عنقات بلقيس بالجهد):معرفتش شنو كنت غادي ندير بلا بيك ا يماااا....
بلقيس(كضحك عليها):هاااء شوف ليك لبنت تگول مزال صغيرة...
نورة(حتى هي مشات كتعنقهم):ا فين نسيتوني اناا...
خولة(جات كتجري):حتىىى انااااا الخائنين......
بلقيس(تفرگعات بالضحك عليهااا):زيدييي راه نتي لي عليك كلشي ... 

###
طلعات للبيتها  بعدماا تعشات معاهم...لحسن حظهااا خولة بقات لتحت...دخلات للحمام سدات عليها وبداتها نوبة الهلع من دكشي لي غادي يوقع عليها من قبيلة وهي حداهم و كتحاول تبين كأنه حتى حاجة واقعة ليها...وهادشي كامل قايم على رهان داروه زوج دالناس وهي بقات بيناتهم فحال شي أضحية ...من جيهة واحد دخل فالرهان باش يرضي غرورو و من جهة اخرى زيدان لي كينتاقم من سفيان حيت ستاغل ختو من قبل  غير باش يوصل ليه ،وبغا يطبق عليه نفس الحاجة باش ينتاقم منو ....
حطات راسها بين رجليها وطلقات لعنان لدموعها وهي كتفكر كيف كانت كتيق ف سفيان وگاع دكشي لي كانت كتحس بيه من جيهتو كأنه تبخر ....هزات تيلي لقات سفيان محبسش من تعياط ليها....
إيجا(كتهضر معا و كتشهق):شنو بغيتي..علاش كتعيط لياا....شوف هاد لمشكل غادي تحلو ليوم قبل من غداااا خسارة كنت كنتيق فواحد فحالك وفلخر طلعتي غير شماتة...الله ياخذ فيكم لحق شنو درت ليييكم(قطعات تيلي عليه و رماتو وهي كتنهج وكدخل النفس  لصدرها)
####
فبلاصة أخرى كان گالس فوسط الشقة ديالو وحاط تيلي على وذنو كيسمع لصوتها لي مخلط مع شهقاتها ،والندم كياكل فيه من لداخل على اللحظة لي دخل فيها إيجا لهادشي كامل ،ندم على  النهار لي ستاغل ختو باش يدوز ليه...واخا كان عارف من لول انه زيدان قوي عليه بزااف ...
ناض بدل عليه شوميز لي كان لابس حيت ولات كاملة عامرة دم...هز جاكيط و هبط خدا لوطو ديالو ...الطريق كاملة وهو كيفكر ف شنو يقدر يدير باش يخلي زيدان يرجع على قرارو....حتى فرانا بالجهد حدا لباب لكبير ديال لڤيلا ديالو...غير شافوه لي گارد علمو زيدان وخلاوه يدخل ....
سفيان( مشا عندو حيت كان واقف على براا )
زيدان(گلس فوق لكرسي لي كان فالجردة ...طلع فيه عينو):سالينااا لهدرة يمكن....
سفيان(زير على يدو حتى تعصر فيهم الدم):زيدان....فوتها عليك،عارف من لول مكانش خاصني ندخل رينااد فهادشي ولكن...
زيدان(طلع عينو فيه بقسوة...وهبط عليه ب كروشي حتى تسمع صوت لعظم ديال نيفو تهرس ...هبط هزوو من اكول ديال شوميز وكون صاب يقتلو فديك اللحظة ):اخر مرة نسمعك دكرتي سميتها على فمك.....(جبد سلاح وحطو على راسو ...كيهضر ب هستيرية وعينيه حمرين بقوة الغضب لي كيحاول يسيطر عليه) غادي تفهم مزيان شنو هو أقرب شخص ليك يتأادى ....شتي داكشي لي دازت منو ختيي ...كنقسم ليك غادي ندوزو عليهااا بالدوبل (عض على سنانو وكيهضر ب فحيح شي لي زاد أكد ل سفيان انه مستحيل إيجا تفك منو) حاول توقف ف طريقييي ...غادي ندوز عليهم واحد بواحد ....
زيدان(طلق منو و عيط للگارد ديالو يجيب ليه شي وراق ورماهم عليه): شد  قرااا هادشي ....
سفيان(مزال شاد نيفو وولات حالتو كلها دم....غير شاف لوراق حل عينو على جهدهم وطلع معاه الخوف ...شاف ف زيدان و حاس كأنه لسانو مشلول ومقادش يهضر)
زيدان (خط يدو ف جيابو و صدرو منفوخ بقوة الغضب لي كاتم ف داخلو..عكس وجهو لي ملامحو باردين....):البضاعات لي كنتو كتصادرو ...نصهم كنتي كديرهم ف جيبك....شنو غادي يگول لعميد ايلا وصلو ليه هاد المستندات.....(تحنى لمستواه) كنظن فهمتي مزيان دابا شنو خاصك دير...
سفيان(بقا مرة كيشوف فزيدان مرة كيشوف فلوراق لي غادي يحبسوه ويخرجو على خدمتو ...):ااه...صافي ..فهمت....

جزء اخر بعد قلييييل ♥️♥️😘😘😘👇🏻👇🏻👇🏻👇🏻👇🏻