فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 10

فتاة البادية والمفيوزي المتملك
الجزء العاشر

فافت فالصباح كتعيگز ....طلات حداها لقات خولة مكايناش ...ناضت للدوش قضات حاجتها و خرجات طلقات موسيقى و گلسات كطل من لبالكون وكتهضر مع سفيان لي غير فاقت لقاتو مسيفط ليها ميساج...غير شافت لميساج ديالو بانت على وجهها ضحيكة كيوت دغيا خفاتها فاش حسات براسها شنو دارت....
لبسات عليها شي شي حاجة خفيفة و هبطات لتحت لقات جميلة گالسة كتقضي شغلها و دايراا مسلسل قدامها كتفرج فيه....
إيجا(شافا فالطبلة خااوية):جميلة واش مبقاا والو مم لفطور...
جميلة(حطات لي فيديها):ميصحابليش راك كاينة ليوم هناا....تسناي انا نمشي لعند لمخبزة لي جات فالشارع نجيب ليك شي حاجة...
إيجا(جمعات شعرهاا على شكل سفنجة):غير خليك انا غادي نمشي ...
جميلة:صافي واخااا ...بيماا نيت قاديت لقهوة...
...لبسات سبرديلتها و دارت لقب على راسها و خرجات ...غادة و كتمنضر فالطريق ،كتشم داك لهواا الصباحي لي كيفتح النفس ....

##فبلااصة أخرى كان گالس على أعصابو وسط الشقة ديالو ،بعدما لغا السفر ديالو منين عرف زيدان كاين فلمدينة....هز جاكيط ديالو  بالزربة  و هبط هز لوطو و كسيرا بالجهد حتى وصل قدام باب كبير جا ف وسط  لخلا....حل الشرجم بانو ليه مجموعة ديال الرجال واقفين قدام لباب...بلا كلمة بلا جوج فتحو ليه الباب بعدما طلبو لإذن من شخص كاين للداخل ....كسيرا ب لوطو وتم داخل وسط بلاصة عامرة بالشجر كأنه داخل ف غابة أخرى....بقا غادي مع الطريق حتى خرج ف مساحة كبيرة كأنها جنة فوق الأرض ووسطها ڤيلا كبيرة شكلها راقي بزاااف .....غير وقف بلوطو ديالو وقفو عليه رجال أخرين لابسين بيض و كحل قلبوه كامل ،عاد تمو داخلين بيه للڤيلا ،دخلوه نيشان لمكتب فين كاين أسوء كوابيسو....
سفيان(وقف قدامو بكل رجولة و ملامحو كتبان عليهم العصبية )
زيدان(ضار عندو وضحكة مكر على وجهو كتوحي على انه جايا عاصفة قوية فالطريق ):گلس الظابط سفيان ....شنو سر هاد الزيارة....
سفيان(عقد حجبانو):عارفك مناويش الخير....علاش جيتي هاد لمرة...
زيدان(ناض وهو داير يدو ف جيابو و شوفتو كتزرع الرعب ف سفيان كأنه ملك الموت كيتمشى قدامو ...قرب لعند سفيان ووقف قدامو وعينو نيشان فعينيه....ضحح نصف ضحكة):اناا عارفك تلقيتي لإخبارية ديال شحنة ديال السلاح لي غادي دخل هنااا....

سفيان(بانت على وجهو ملامح الصدمة )
زيدان:ايلا قديتي توقفني غير وقفني....(قرب لوذنو) ياكمااا صحابلك غادي ديرها بيااا بداك الجاسوس لي خشيتي ليااا من وسط رجالي ....
سفيان(ضحك بسخرية):نهايتك قريب تكون على يدي ا زيدان لمالكي ...قريب غادي دخل تعفن فلحبس ومغادي تبقا عندك حتى سلطة على لمافياا الدولية....غير وجد راسك هادا اخر نهار من أيام حريتك...
زيدان(كيلعب بلسانو ففمو ...فيكسا عينو مزيان ف سفيان):ايلا قديتي تلقااا الشحنة لي دخلت من هنااا لنهار...(ضحك بإستهزاء)هادشي كيعني انني مقادش نترأس المكانة لي فيها أنا دابا ......(ميل راسو و شاف فيه شوفة ديال لقتيلة) و إيلا مقديتيش ....غادي ناخد شي حاجة عزيزة عليك ....شنو گلتي ...
سفيان(سرط ريقو...وشاف فيه ب شوفة تحدي):واخااا...انااا قابل شرطك
زيدان(قرب لوذنو):غادي ناخدها ليك من بين يديك...
سفيان(شدو من لكول ديالو ..و وجهو تطراسا بلعروق  ):اخر مرة دكر سيرتها على فمك...معمرك تحلم تقرب ليهاا....وجد راسك نهايتك على يدي..مغاديش نخليييك تقرب ليهاااا
زيدان(شد ليه يدو بزوج زير عليهم دفعو و بدا يقاد شوميز ديالو وعلى فمو ضحكة إنتصار...رجع گلس فلبيرو ديالو وشاف ف ساعتو) شنو كتسنى ...لوقت بداااا ...
سفيان(شاف فيه بحقد):مزال ما بغيتي تنسى
زيدان(زير على فكو):و معمري غادي نسااا شنو درتي....كان عليك تفكر مزيان النهار لي ستغليتي  ختي باش توصل ليااا  ....
سفيان(زير على يدو حتى تجمع فيهم الدم ....خبط لكرسي لي جا قدامو ب رجلو و خرج بلا ميتلفت وراه ...حيت من دقيقة لي تلاقا بيه فلمطعم عرف شوفاتو ليها م كيبشروش بالخير ...)