فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 23

💟فتاة البادية و المفيوزي المتملك 💟
💟الجزء الثالت و العشرون 💟

وقف جوزيف مصدوم من لحالة لي فيهااا إيجاا ...راسهاا كامل عامر بالدمايات ،كانت كتشهق كأنهااا كتلفظ اخر أنفاسهاا....فيقاتو بلقيس مم سهوتو وهي كطلبو باش يدير شي حاجة....بسرعة و بدون تفكير هزهااا بين يدييه وحاجة وحدة فبالو انه مستحيل يخلي شي حد يأذييها مرة اخرى ،معمر شي حد تجرأ علييه و مستعد يقتل اي واحد وقف ف وجهو او حاول يأذي ليه اعز ما كيملك ....
طلعوو فلوطو و بلقيس لور شادة إيجا عندهاا....كل مرة كيشوف فلمرايا ف وجه بنتو و كيطلب ف داخلو انه متوقع حتى حاجة لي تخسر عليه فرحتو
فراناات لوطوو بالجهد قدام مستشفى لي كان طاقم كامل من الأطبااء واقف حداا بابو.....غير وقفات لوطو هبطوهاا باش يحطوها على سرير متنقل باش يدخلوهااا لغرفة الفحص ...
الطبيب (داخلين بيهاا و فنفس الوقت كيفحصهاا باش يختاصر لوقت):تنفسهاا قليلل ....
بلقيس(كتجري موراهم حتى حبسوهاااا )
المساعدة:سمحي ليااا ا مدام ماقدريش دخليي...
جوزيف (جرها باش تحيد من قدم لباب ):بلقيس....تهدني...
بلقيس(كتبكي):كي غادي ندير نتهدن وبنتيي هكاا....
جوزيف (جرهاا عندوو معنقها و كيطبطب على ضهرهااا ):ششش مغادي يوقع والوو...
بلقيس(زيرات عليه ف حوايجو ):غادي نموووت ا جوزيف إلى وقعات شي حاجة لبنتي....بنتي عمرهااا اذاات شي واحد علاش كيوقع ليهاا هكااا..
جوزيف(گلسهاا ف كرسي و شاد ليهاا ف يدييهاا مزير عليهم):مغادي يوقع ليهاا والوو ....مغاديش نخلي حتى حاجة توقع ليهاا....
نورة(جات عندهم كتجري موراهم حيت تبعاتهم ب لوطو فاش شافتهم هازين إيجا حيت كانت قريبة للدار  ): شنو واقع مفهمت والوو...
بلقيس(ناضت لعندهاا):نورة....دخليي شوفيهااا ...دخلي شوفي بنتيي مالهاا...
نورة:تهدنيي....انا غادي ندخل نشوف ...
جوزيف (وقف بعيد عليهم كيهضر ف تيلي و باينة من نبرة صوتو انه معصب ):ما نبغي حتى حد يبقااا تمااا....جمعوهم كاملين حتى نجي ... شنو؟؟ شكيدير زيدان تمااا...
................
هاجر(جايا كتجر ف رجليهااا جايا عند إيجا....حتى كتشوف قوة الرجال لابسين لحكل ...مشات كتجري لعند جميلة):شنووو طاري هنااا...
جميلة(حاضية رجال جوزيف هازين  لعربي مع ولادو بزوج عبد الله ومصطفى وشادة فيديهاا لي مضروبة ):يخخ الله يلگيهاا ليهم ...تفوو على هيمااج..
هاجر:وااا گولي ليااا شواقع ،شكوون هادوو...فينن هي إيجااا ...
جميلة:راه داوهاا للسبيطار....علاه ماشي هاد الهمجي الشارف كان غادي يقتلهااا....
هاجر(بخوف ):شنوو طراا ليهاااا .... ف إينااا سبيطار هومااا....
جميلة :معرفتش ...راه معاهاا بلقيس و نورة ..
خولة(جايا كتجري لعندهم):اويلي شهادشي هنااا.....شكون هاد الناس....
هاجر(كتاكل ف ظفرها  بقوة التوتر )
خولة(خرجات عينيها مصدومة):واش هاداك زيدان لمالكي ولا بديت كنحلم تاني...
هاجر(ضارت ب سرعة لجيهتووو ):شنووو طرااا ا جميلة بالظبط ....كنقسم ب لي خلقني و يكون هوو السباب حتى ن...
جميلة:ا لاا ماشي هوو...راه دووك الرجال لخرين ..باات إيجاا جاا من لعروبية واقيلة  شاف تصاورهاا فلمجلات  و جاا كيقلب عليها ..
~ كمل الإتصال ديالو و بسرعة خداا لوطوو ديالو لي كانت محطوطة فالشارع و كسيرااا بسرعة بعدماا عرف لمستشفى فين داهااا جوزيييف ....كيصوگ بسرعة كتخلي لي داز من حدااه كيخوي ليه الطريق ،يد كيصوگ بيهااا والتانية مزير بيهااا على شعرووو وكترجع بيه ذاكرتوو فأول ما خرجاات كتجري للوهلة الأولى معرفهاش كأنهاا ماشي ديك البنت ليي يالاه كانت بين أحضانو غير سيمانة هادي ،تبدل فيهاا كلشي حتى من عينيهااا ليي بقوة الزروقية لي تحتهم ما بقاش كيبان لونهم ب مرة...داك اللون لي جذبوو من اول مرة شافها...
وصل لقدام المستشفى ودخل للداخل كيقلب عليههااا..حتى لمح جوزيف واقف مع الطبيب ومعاهم نورة و بلقيس....
بلقيس(بان ليهاا الطبيب خرج من غرفة لفحص):مال بنتي ..گول لياا ا دكتور..
الطبيب :غير تهدني ا مدام....لبنية ما واقع ليهاا والو من غير الضرباات لي فراسهاا مكيشكلو حتى خطر عليهاا...
جوزيف (بإستغراب):ولكن شنو سبب...
الطبيب(بسرعة فهمو ):كنظن انهاا كدوز من صدمة صدمة نفسية ..شي لي كيخلي تنفسهاا صعيب ...فهاد الحالة حتى تفيق و غادي نقدر نحدد واش غادي تبع طبيب نفساني اولالا....
جوزيف :صدمة نفسية ؟؟
بلقيس(گلسات فلكرسي كتبكي و رجليها فشلانين عليهاا):گتلييك بنتيي واقعة ليهاا شي حاجة...كنت مأكدة وقعات ليهاا شي حاجة..
الطبيب(وجه كلامو ل جوزيف ):موسيو جوزيف ...تقدرو تشوفوهاا بعدماا نحولوهاا للغرفة...
جوزيف (شكرو و مشاا گلس حداا بلقيس كيحاول يواسيهااا....)
بلقيس:فين هيي بنتي...بغيت نشوفهااا...
جوزيف (شد ليهاا ف يديهاا و كيحاول يهدئها):هاهوماا غادي يدخلوهااا للغرفة ودخلي عندهااا...
بلقيس(رتاحت نسبياا):لعربي غادي يبقااا تابعنااا...مستحيل يخلينااا هانيين..
جوزيف :هاداك خليه عليااا...اناا غادي نتكلف بيه...
نورة:مفهمتش اناا كيف دار حتى عرف الدار...
جوزيف (طلع عينو لقاه قدامو):زيدان ...شنو كدير هنااا ؟؟(عاد تفكر انه شافو مع إيجا ..ناض لعندو بعدماا بعدوو عليهم) شكنتي كديير تمااا مع بنتي...
زيدان(بانت على وجهو إبتسامة سخرية حيت متوقع انه قريب غادي يشري عداوتو مع جوزيف رغم انه ما مهتمش بتاتاً ليه لي كيهموو دابا هو ديالو الجديد لي مسيطر ليه على بالو):ماشي مهم تعرف ...واخاا كيبان ليااا قريب غادي تعرف ...
جوزيف (شاف ف بلقيس لي مشات باش تشوف إيجا...):هدرتناا من بعد...
~~~~
بلقيس(گلسات فلكرسي لي ف جنب السرير ديال إيجااا ..شادة ليها فيديهاا وكل مرة كتبوس فيهم و يدييها كدوزهم ب حنااان عليهااا  ):الله على حبيبتي  و كي ولات حالتهاا....
إيجاا (كتحل عينيها بزز ):ي..ي..ماا ...
بلقيس(ناضت لعندهاا):نعام...هاناا حدااك...
إيجا(كتشير ليهاا على جيهة لمااا)
بلقيس:بغيتي لمااا؟؟
إيجا(حركااات راسهاا ب أه)
نورة(مشات جابت ليهااا لمااا  و مداتو ليهااا باش تشربو)
إيجا(كتحاول تنوض رغم انه راسهااا عاطيهاا لحرييق ...شدات فراسهاا بقوة ما كيضرهااا )
نورة:ما تفورصيش على راسك ابنتي...راك مزال عيااانة
هاجر(دخلات لعندهم هي وخولة ):إيجااا....شنوو وقع ليكك واش كتحسي براسك مزياانة...مالكي فراسك
إيجا(تضرات ف راسهاا بعدمااا ترمااات عليها )
هاجر(ناضت عليهاا ):اااي سمحيليااا قصحتك...
نورة(ضحكات عليها ): ا بشوية على لبنت راه مزال مقصحة...
بلقيس(كتقاد ليهاا لگلسة  ومرة مرة كتشوف فيها ب نص عين):إيجاا...
إيجا(شافت ف يماهاا ومزال دايخة )
بلقيس(و دموعها واحلين ليهاا ف عينيها):گولي لياا ا بنتي مالكي...شنو طاري ليك؟؟ عاودي لياا ابنتي ...
إيجا(بلعات لغصة ف حلقهاا و بتاسمات بزز منها وهضرات بنبرة شبه مسموعة):ما واقع لياا والو ا يمااا..
بلقيس(كدوز يديهاا على وجه إيجا ب حنان و كتحاول تبين ليهاا انهاا معاهاا واخااا يوقع لي يوقع ):غير گولي لياا ا بنتي....علاش كتخافي ب ليل ..شنو لي مخوفك...
إيجا(شافت ف هاجر بي حتى هي كتبادلهاا نفس النظراات )
بلقيس:هاجر...
هاجر:اا..نعام ا خالتي...
بلقيس(ناضت لعندهاا كتبكي ):نتي عارفة يااك...گولي لياا...شنوو طاري ل. بنتيي...اناا عارفااهاا كتعاود ليك كلشي
هاجر(كتشوف ف إيجااا لي كتحرك راسهااا ب لاا):معارفة والو ا خالتي ...إيجاا مكتعاودش لياا كلشي ...
نورة:بلقيسس...تهدنيي راك غير كتزيدي عليهاا وهي مريضة...
جوزيف (دخل لعندهم و عينيه على إيجاا...مشاا ب خطوات سريعة لعندهااا كيحاول يطمن عليها):كتحسي براسك مزيانة...
إيجا( بدون ولا ردة فعل و كتحاول تفهم شنو كيدير عندهم هنااا)
الطبيب(دخل لعندهم كيقاد ليهاا السيروم ودار فيه المهدئ):من لأحسن تخليوهاا ترتااح  شوية ...
نورة(جرات بلقيس باش تخرجهااا):اه واخااا ا دكتور ....
جوزيف(دوز يدييه على وجهها لي حتى ملامحو ما مفرزينش بقوة لعياا لي كيبان عليها  عكس الصور ديالهاا لي شافهم  ،و لأول مرة قلبو كيضرو ب شوفة شي حد كيعاني و مقاد يدير والو..كيف لا وهي فلذة كبدو وبلخصوص انهااا ثمرة حب ديالو من لمراا لي سنين وهو كيبغيهاا...)
إيجا(طلعات عينيهاا فيه و حاسة كأنه شخص كتعرفو من شحال هادي ...وبلخصوص يدووو لي كتخليهاا تحس ب نفس الحنان لي كتحسو مع بلقيس  ...ركزاات ف عينيه  و نطقات ب صوت شبه مسموع بعدماا المفعول ديال المهدئ بداا يسري ف جسدهااا ): عينيك ف..فحا ل  د يا لي
جوزيف (باس ليهااا يديهاا و هو على وجهوو فرحة من نوع خاص...):اكيد غادي يكونو فحال ديالي ...(حيد ليهااا شعرهاا لي طايح على وجهها  بعدماا نعسهاا المهدئ) الأميرة ديالي ..نتي غير فيقي كنواعدك غادي نعوضك على أي حاجة فاتت ،معمر شي حد يقدر مزال يأذيك واناا كاين ....

💟💟💟
جزء بعد قليييل ♥️♥️👇🏻👇🏻😘😘