فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 56

هاجر(مشات تابعة يوسف  حتى للكوزينة ):يوسف شحال من مرة هدرت معاك ا خويا ...واش مزال مابغى يهديك الله..
يوسف:هاجر...دابا واش باغا تجبدي الصداع غير هكاك
هاجر:ماشي هكاك ولكن راه ميمكنش كل مرة يجي عندنا فديك لحالة...واش شفتي لحالة لي جا بيها لبارح..
يوسف:نتي عارفة مزيان شنو سباب حالتو..
هاجر:وحتى نتا عارف مزيان شنو دار..هو لي دار هادشي كامل لراسو يعني يتحمل لعواقب ..كناا هانيين فاش كان غابر ..عامين ماشفناه حتى لليوم
يوسف:عافاك ا هاجر..نساي عليا هادشي ...انا خاصني نمشي عادل كيتسناني ولكومبا مابقى ليها والو..حتى نرجع ونكملو هدرتنا
هاجر:غادي تمشي وتخليني معاه هناا بحدنااا واش بنيتك
يوسف:واش نتي لي بنيتك..راه صاحبي هاداك
هاجر(شافت فيه وهي مخنزرة):واخا واخاا عرفناه صاحبك..
يوسف(جمع ليها حناكها بيديه و باسها):يالاه انا غادي ..حتى للعشية..
هاجر(خلاتو حتى خرج وتأفأفات ):موصيبة هادي
خرجات من لكوزينة وطلعات جيهة لبيوت كتجمع التصبين حيت مكايناش لبنت لي كتعاونها ليوم...حطات لحوايج فالتصبين وهبطات للصالون كتشوف فگاع الدنيا مقلوبة و كلشي مهرس ...جمعات دكشي و طاحت عليها فكرة جهنمية ..جبدات الأسپيراتور وبدات كتلعب فالصالون حتى دازت على لقنات كاملين...
ضارت موراهاا فور ما سمعات تنحنيحة ...حبسات لأسپيراتور لي كان داير الصداع فالدار وشافت فيه وهي مصدومة..كان هابط فالدروج مخنزر ،لابس غير سروال ولفوق عريان..شافت فيه وهي مصدومة شحال تبدل .لحيتو لي كانت مقادة بطريقة مثالية ،وعينيه لي كيخوفو وحتى من لهيئة ديالو لي ولات أضخم من قبل ..شافت جيهة صدرو كان داير فاصمة و خارج منها شوية ديال الدم  ويديه لي كانو كاملين مجروحين،بقات حاضياه بعينيها حتى قشعات وشم صغير فدراعو كان على شكل عين ضحكات بإستغراب وهي عارفة مزيان ديالمن حيت ميمكنش يخفى عليها شكل ديك العين  ..داز من حداها ومشى نيشان لجيهة لكوزينة 
هاجر(تبعاتو للكوزينة ،دخلات لقاتو كيقلب فلپلاكارات):كتقلب على شي حاجة
زيدان(بدون ما يشوف فيها):لقهوة
هاجر(مشات وجبداتها ليه  من لپلاكار ومداتها ليه)
زيدان(خداها من عندها وبدا كيقاد فلقهوة  وهي مزال واقفة حداه كتشوف فيه..طلع عينيه فيها لقاها مفيكسية عينيها فذراعو ..هضر بطريقة خلعتها):بغيتي شي حاجة
هاجر(خلعها ب نبرة صوتو ):لالا ما بغيت والو ..غير
زيدان(كيقاد لقهوة ومافيه لي يهضر):غير شنو
هاجر(يالاه جات تجاوبو وحبسها تيلي ديالها لي كان كيصوني وبالظبط كان محطوط قدام زيدان حيت كانت نساتو قبيلة فاش كانت مع يوسف فلكوزينة...مشات حداه باش تاخد تيلي ديالها..حتى كتبان ليها إيجا كتتاصل بيها وتصويرتها كانت طالعة فالشاشة ديال تيلي ...بغات تهز تيلي حتى حبسها ..بقات غير كتشوف فيه مفاهمة والو  كتشوفو غير كيفاش عينيه مركزين مع تصويرتها وشوفاتو لي دغيا تقلبو بطريقة حنينة وهو كيشوفها شحال كبرات ..بعد مدة لأپيل حبسات عاد وعى على راسو و بعد يديه على تيلي ..
هاجر(كتشوف فيه مفاهمة والو..وراسها كيضورو فيه جميع لأفكار..قطعها من أفكارها غير إيجا لي كتعاود تصوني ...خدات تيلي وخرجات لجيهة الجردة كتهضر معاها ...
هاجر:مالكي نتي كتصوني ليا يالاه قطعت معاك
إيجا(كتهضر وهي كتلحن لهدرة):عرفتي شنوو
هاجر:شنو تاني شي بلان تماا
إيجا:هارون عرض عليا للعشا..ليوم فليل
هاجر:هاي هاي هاي ...شفتو كتر عليك هاد الأيام ها لي كادو ها العراضات
إيجا:وادابا خلينا من هادشي ..شنو نلبس
هاجر:لبسي ديك لكسوة لحمرة لي شريتي جديدة..هاديك غادي تجيك زوينة
إيجا(حطات عليها لكسوة و كتشوف فلمرايا ): كنت ناسياهاا مشات ليا من بالي
هاجر:اجي نتي بعداا
إيجا:شنو
هاجر:ياكماا كتحبي العفريتة
إيجا:هااء ..وايلي انا خاطيني داكشي
هاجر:وايلي غير شوفي وكان..زعماا هاد لعراضات ولي كادو لي كترو عليك هاد الأيام ..شي حاجة تماا
إيجا:معرفتش ..يمكن عادي
هاجر:ايه إيه تيقتك ..ايوا ها حنا غادي نشوفو أخرتها معاه
إيجا:يالاه سيري فحالك عندي بزاف مايدار ..تشااااو

##فبلاصة أخرى وبالظبط فالشركة عند جوزيف ،كان گالس فلبيرو ديالو وقدامو گالس الطبيب لخاص ديالو
:سي جوزيف ..لوقت راه مبقاش ومعندناش لوقت لي نزيدو نتسناوه ..خاصك فأسرع وقت دير لعملية وايلا لورم غادي يزيد ينتاشر
جوزيف:منقدرش..الشريكة عندي كدوز من ازمة صعيبة بزاف منقدرش نخليها ونمشي
الطبيب:كنظن انه صحتك اهم من هادشي كامل ..مكنظنش انه عائلتك غادي يبغيو انك تكون فهاد لحالة..يكفي انك تفكر فيهم
هارون(دخل عليهم):جوزيف..(شاف فالطبيب) دكتور بناني ..شرفتينا شنو كدير هناا
:موسيو هارون..غبرة هادي ..غير كنت دايز وبغيت نطمن على موسيو جوزيف (ناض وعينيه على جوزيف)انا خاصني نمشي ..إنشاء الله حتى لمرة أخرى
هارون(بقى حاضيه حتى خرج وحاس بشي حاجة ماشي حتى لتما )
جوزيف:هارون..شنو كادير هنا
هارون:غير كنت غادي للورشة نشوف لخدمة فين وصلات وگلت نجي نطل عليك
جوزيف:اه مزيان ...
هارون:كتبان ليا ماشي هو هاداك
جوزيف:والو غير مبرزط شوية مع لخدمة
هارون :نقدر نعاونك فشي حاجة
جوزيف: لا.ماشي شي حاجة مهمة
##نرجعو لإيطاليا و بالظبط عند يوسف فدارو...كانت لڤيلا عامرة.لكن ماشي بالناس ..بليگارد ديال الزيدان لي كانو مسلحين وواقفين فگاع انحاء لڤيلا لي كانت صغيرة وجاية وسط لمدينة ...كان هو گالس وسط الجردة ومعاه گارد اخر واقف ليه على راسو كيعطيه المستجدات وهاجر حاضياهم من بعيد مفاهمة والو ..
زيدان(بصوت صارم كيف العادة):ايلا الشحنة ديال السلاح واجدة شنو كتسناو لي مفرقتوهاش..
لگارد:لأحوال مامستقراش ا موسيو ،زائد انه نسبة من لكليان ديالناا فروسيا ولا هنا ف إيطاليا ولاو كياخدو من شخص أخر لي كيبيع بتمن أقل و بنفس لخدمة ديالناا ا موسيو(حط ليه صاك صغير قدامو) وهاهو نمودج
زيدان(جبد من الصاك سلاح كيفحص فيه ..بانت على وجهو ابتسامة ساخرة):مزيان هادشي ،شكون عطاه التصميم ديالنا
لگارد :معرفتش ا موسيو
زيدان(طلع عينو فيه بغضب):مكايناش شي حاجة سميتها معرفتيش..عرف لياا شنو كاين ولا غادي نعرف بطريقتي ..
لگارد:واخا ا موسيو كون هاني ...
زيدان:وعرف ليا حتى شكون هذا لي ولا كيتعرض لگاع الصفقات ديالنا..و أي واحد خدا من عندو السلعة وهو عارفها ديالي ،منبغيش تعاملو معاه..
لگارد (حدر راسو ):واخا ا موسيو
زيدان:تقدر تمشي ..مبغيش شي واحد يصدعني ما حدي هنا ف إيطاليا..(دوز يديه على شعرو ب عصبية و يدو مزيرة حتى خرجو منها لعروق ..وهادشي كامل كيحاول يحيد دوك الأفكار لي إستولاو ليه على عقلو..طلع عينو ف لگارد بان ليه باقي واقف ) شنو مزال كاين
لگارد:والو ا موسيو غير لخدمة فلمعمل ديال روسيا  حابسة  و...
زيدان(نطق بدون ما يفكر): غادي نهبط  للمغرب..(وجه هضرتو ليه) تكلف نتا ..منبغي حتى واحد يصدعني طول ما انا تماا
لگارد(حذر راسو بلموافقة و تحرك من حداه )
هاجر(جات گلسات فلكرسي لي مقابل حداه وحطات ليه لقهوة ديالو  لي كان كيقاد ونساها)
زيدان(خداها من عندها ومزال حاذر راسو على تيلي):شكرا..
هاجر:سمعت بيلا غادي ترجع للمغرب
زيدان:منين سمعتي واناا براسي يالاه عرفت غادي نرجع
هاجر(ضحكات ب سخرية):تقدر تگول كنت حاسة ..نونو كنت مأكدة غادي ترجع شي نهار غير كنت كنتسنى لفرصة لي غادي تجيك..وهاهي جات..
زيدان(عارفها علاش كتهضر بالظبط):ختاصري
هاجر:توحشتيها!
زيدان:علامن كتهضري
هاجر:على هاديك لي راسم عينيها ف ذراعك ...إيجاا
زيدان(شاف فيها ووجهو مزير لدرجة عروقو كيبانو..):خرجي راسك من شي حاجة مكتعنيكش
هاجر(ناضت وتمان راجعة للداخل وفنفس لوقت كتهضر):غير بغيت نگوليك واخا ترجع دابا مغادي تلقى حتى حاجة من داكشي لي كان قبل ..ديك لبنت لي عرفتيها تبدلات بزاف مقارنة مع شحال هادا ..نتا براسك مغاديش تعرفها..