فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 63

⚜️فتاة البادية والمفيوزي المتملك⚜️

هزات راسها من فوق الفولون و الدموع مزال واحلين ليها ف عينيها..تمنات گاع لي عاشتو يكون غير حلمة ،لكن للأسف هذا هو واقعها لي معمرها قدرات ولا غادي تقدر تهرب منو شي نهار،حيت زيدان كان وباقي لعنة عمرها عرفات كيف تقدر تتخلص منها ،طلعات عينيها فالسما بان ليها النهار بدا كيطلع ..
شدات ف راسها لي كيوجعها و خرجات من لوطو غير بزز لأنها مقادراش تحرك حتى جزء من جسمها ..تكات على لوطو رجليها فاشلين عليها وهي كطلع النفس لصدرها ب صعوبة حيت عارفة مزيان داكشي لي جاي من هنا للقدام ..وكتعرف زيدان لمالكي مزيان و لأي مدى يقدر يولي قاصح و مكيرحمش..تكات براسها على لوطو و مطلعة راسها للسما وكتحاول تحيد صورتو لبارح من بين عينيها..وشوفتو لي كانت جمد من لحجر خالية من الأحاسيس و مجردة من اي عواطف .. شي لي خلاها تفكر نفس داك الشخص لي خدا انتقامو منها واخا ما عندها حتى ذنب ..سمعات تيلي ديالها كيصوني هزاتو وهي كتشوف نمرة غريبة ما مسجلاش عندها..حطات تيلي على وذنيها حتى كتسمع الصوت لي خلى كيانها يتزعزع من بلاصتو،ويبشرها انه ليلة لبارح ما هي غير بداية لداكشي لي مزال جاي فالطريق ..
إيجا(كاتمة شهقاتها ب يديها):شنو باغي
زيدان:نبغيك ليوم تكوني عندي..شوفي العنوان لي سيفطتو ليك
إيجا(جمعات قوتها وهضرات):شنو مزال باغي مني
زيدان(كيهضر بهدنة ):بغيتي لوطو ديالك..اجي ليها فلعنوان لي سيفطتو ليك
إيجا:انا غادي نسيفط لي يجيبها
زيدان(زير على لكاس لي بيديه):إيجاااا..
إيجا(خلعها ب صوتو)
زيدان(نطق بنبرة تهديد وهو مزير على فكو):هضرت هضرة وحدة...نبغيك نتي تجي لعندي هناا  برجليك..و إلا راك غادي تدخلي راسك ف حرب مقاداش عليها...واياك ا إيجا تحاولي دخلي معايا ف حرب حيت لا نتي لا لي واقفين وراك وا غاديش تخرجو منها سالمين
إيجا(متكية على لوطو وهي حاسة بضعف كبير فداخلها..وكتهضر بنبرة باكية وكأنها كترجاه ..):ي..يااك مشيتي ب ببخاطرك..علاش كا دير هكاا
زيدان(ضحك نصف ضحكة ):اجي وغادي نجاوب على گاع داكشي لي فبالك
إيجا(تنفسات بعمق وهي كتحاول تقوي راسها..مسحات عينيها من الدموع ونطقات بتحدي):و..واخا..انا غادي نجي دابا نشوف شنو مزال عندك ما تگول
زيدان(عض شنايفو وهو عاجبو لحال):مممم دابا درتي عقلك فراسك..متعطليش
إيجا(قطعات عليه وطلعات ف لوطو ديالها وهي كارهة حالتها):ايلا ما ندمتك ا زيدان لمالكي على داكشي لي درتي فياا ولي مزال كاديرو ،منتسماش ايجا باروخ ...(كسيرات بلوطو على جهدها) غادي تدفع الثمن غالي ..ايلا مكانش يقد عليك لقانون وياخد حقي منك..انا غادي ناخدو بيدي..(ضربات فل فولون وعينيها حمرين عامرين بالدموع)ايلا ما خليتك تركع على رجلي طلبني غير نسمح ليك..منتسماش ايجا..
............
##عند هاجر لي فايقة بكري باش توجد راسها..ناضت مقلوبة ونعاسها خاسر حيت ليل كلو وبالها غير مع ايجا..معرفتها فين مشات ومقادراش تسول بلقيس وتاخد منها شي خبار...بدلات عليها دغيا و هبطات للتحت
لقات يوسف يالاه داخل وباينة كان كيتريني ف جنب لبحر..
يوسف:شفتك فايقة من دابا
هاجر(تأفأفات):حتى نكون نعست بعدا..
يوسف:خليها دابا تبرد على خاطرها وترجعو عادي كيفما ولفتو..دابا
هاجر:اووف منين خرجات لينا هادي تاني
يوسف:بردي شوية راه نهارك هادا ..نساي عليك ايجا شوية راها ماشي بنت صغيرة..
هاجر(شافت فيه وهي كضحك ب عصبية):مكنهضرش على إيجا...كنهضر على هادي لي جايا فالطريق..
يوسف(ضار لور):شكون..ريناد
هاجر:اه وشكون من غيرها هي لي زايد علينا فهادشي
يوسف:كان گاليا سهيل غادي يسيفطها ومعاها شي بنات باش يعاونوك
هاجر(خرجات فيه عينيها):ولد لهمممم..بقا حتى لصقها فياا...غير لي يعول عليه..لقاها غا هي لي تقاد لياا ونهار عرسي
يوسف(ضار عاود شاف فيها ):دوزي هاد النهار بخير ا هاجر مقادين على صداعات..
هاجر(شافت فيه بنص عين):اجي نتااا...ياكماااااا
يوسف(ضحك ب استهزاء): داكشي لي بقا لياا نيت
هاجر:ايوا غير ايلا بغيتي ..
يوسف(حتى قربات حداهم ريناد و شاف ف هاجر):انا غادي نطلع ندوش عليا
ريناد(بقات تابعاه بعينيها حتى مشى)
هاجر:احم...فين هوما لبنات لي جايين معاك
ريناد:ا..هاهوما قربو يوصلو ..
هاجر(تمات داخلة للداخل و وقفات كتشوفها ساهية و معندها ليها گانة ):پفف مغاديش دخلي..
ريناد(مزال واقفة بلاصتها):ااه واخااا انا جايا ...نيت هاهو سهيل حتى هو جاي
هاجر(ضارت من موراها ورجعات كملات طريقها لكوزينة تفطر..)
ريناد(شافت ف سهيل بإستغراب):مخاصمين ؟
سهيل(باقي تابعها بعينيه وحاضيها كتعوج بداك الشورط قصير وعاجبها لحال):ممم..لا غير طراو شي حوايج لبارح
ريناد:إيجا عوتاني ياك
سهيل:گولي زيدان..اما هاديك لبنت ما دايرة والو..هو لي سخن عليه راسو وناوي يبدا حرب مع جوزيف
ريناد:انا مكنقدرش نهضر مع خويا فموضوع إيجا..مكيقبل حتى واحد يهضر معاه ف أي حاجة كتخصها..
سهيل:الله يدير لي فيها لخير و صافي...(شاف فيها ب شك)مأكدة مغاديش يجي ليوم فليل ياك
ريناد:هااء فحال ايلا نتا مكتعرفوش ..مكيعجبوش فحال هادشي
سهيل:انا غادي نخرج راسي من هادشي يضبرو راسهم
ريناد:ههههه حتى انا داكشي لي درت ..كنفكر غير فراسي هاد الساعة
سهيل:ممم مأكدة ...مكاينش شي واحد اخر زعما
ريناد(ضحكات ب حزن):سهيل..راك كتشوفو مكيشوفش ليا حتى ف وجهي ..تبدل ما بقا گاع داك يوسف لي كنعرف..راك شفتي 4 سنين ماعاود حتى سول فياا
سهيل:بيناتكم..نتي لي جنيتي على راسك وجريتي عليه ب يديك
ريناد(ضرباتو ب صاكها):زيد زيد فحالك..مكتعرف تخرج من فمك حتى كلمة زوينة.. زعما ضروري تفكرني فداكشي لي درت..
سهيل(دخل ولحق على هاجر لي كتقرقب فلكوزينة):صباح لخير
هاجر(مشافتش ل جيهتو ):صباح لخير
سهيل:مزال مقلقة من لبارح
هاجر(شافت فيه وهي عاقدة حجبانها كتشرب لماا ومكتجاوبش)
سهيل(قرب لعندها ،جبدها لعندو ب خفة من عنقها  ):راسك قاصح..نتي لي غالطة ومزال زايداها بهاد النفخة
هاجر(خرجات فيه عينيها):انا غالطة ؟
سهيل(زاد قربها لعندو حاط يديه على خصرها ..وليد لخرى فرقبتها قرب لوذنيها):ممم و شكون هاديك لي دخلت لبارح لقيتها كتشطح مع واحد وحاط يديه على خصرها كيتلمس فيها ها ؟(زير على خصرها بيديه حتى تقصحات)ممم ماشي نتي !
هاجر(بقات غير كتشوف فيه معارفة باش تجاوبو..طلعات عينيها فيه وباينة باقي معصب )
سهيل(دوز يديه على وجهها):ولكن غادي ندوزها هاد لمرة ..(هز صبعو فوجهها)غير هاد لمرة حيت ليوم عرسنا ..ايلا تعاود فحال هادشي (جرها من وذنها فحال شي بنيتة صغيرة ) ديك الساعة غادي تكون هضرة اخرى ..مفاهمين!
هاجر(كأنه فمها تسد ...حركات غير راسها ب اه وعويناتها كيبحلقو فيه)
سهيل(كيشوف فشنايفها لي كتعض فيهم بقوة التوتر..طلع عينيه ف عينيها و بتاسم):شفتي شحال كتباني زوينة منين كتولي ضريفة..وكتحيدي قصوحية الراس(قرب لعندها طبع بوسة خفيفة فوق شفايفها)علاش ماتبقايش ديما هكا ..ضروري تخرجي ديك هاجر لي عرفتها النهار لأول
هاجر(تفكرات اول نهار تلاقات بيه ولقالب لي دارت ليه..ضحكات بلا ماتحس ):هههه
يوسف(دخل عليهم وهو كيقاد فالشوميز ديالو):شفتك جاي على الصباح..مقادرش تسنى حتى للعشية...(شاف ف هاجر )شفتك نتي فرحانة غير قبيلة ما كان عاجبك حال
هاجر(خرجات ليه لسانها ومشات تكمل لفطور):سهيل فطرتي ..تبغي نقاد ليك معايا
سهيل(كيفقص ف يوسف ..قرب لعندها وباسها من حنكها):واخا فطرت ولكن ايلا گالهالي حبيبي منگولوش لا
يوسف(شير عليه بمغرفة):ولايني راك كتقلب عليها من عندي  نتا...من شحال ما وكلتها ليك
هاجر(كضحك عليهم ):فين غادي بعدا على الصباح شفتك مقاد لحالة
يوسف(كيلبس ساعتو):خاصني نمشي نشوف لخدمة كيف غادة ..تلاهيت مع لي كومبا ونسيت لخدمة 
هاجر:ااااه بصح ...كون غير ديتيني معاك
يوسف:معندك فين تمشي ليوم...ايلا بغيت شي حاجة راه غادي نصوني ليك
هاجر:اه ولا عرفتي شنو ..لبيرو دياالي كامل راه تنقل هنا ..گاع داكشي لي تحتاج غادي تلقاه تما...
يوسف:واخا...(شاف فسهيل )تحرك معايا
سهيل(ساهي فيها وهي كتقاد ليه لماكلة):هاا
يوسف:كنهضر معاك
سهيل:شنو.!
يوسف:تحرك ..غادي ندوز لأوطيل هو لول قبل مانمشي
سهيل(خنزر فيه محملوش حيت حبس عليه اللحظة):هاهو جاي ..سبقني
هاجر(كضحك عليه ):وا سير دغيا راه مشى
سهيل(خاشي راسو فعنقها):على سلامتي غادي نتفك من هاد خوك ...(شاف فيها وهو كيضحك) صراحة انا بغيت ليه ريناد ...هاد خوك مايقد عليه غير زيدان على هادشي لي دوز عليا
هاجر(خنزرات فيه):بزاف عليك حتى خويا يرجع تاني لديك الصفريطة ديال ختو ..وخا تبقى غير هي لي عندها طب*ن فهاد العالم منزوجها ليه
سهيل(ضحكاتو هضرتها):صلحي فمك أ لخرا ..دابا تسمعك
هاجر(كتفرنس عاجبها لحال):داكشي لي باغا انا نيت
........
##فجهة اخرى من لمدينة كانت وصلات لقدام لباب ديال قصرو...قبل ما توقف بلوطو تحل ليها لباب ..كملات طريقها بلوطو غادة فطريق جات وسط الشجر لي مخلي الطريق تبان مظلمة..غير ديك الطريق تعطيك لمحة على الشخص لي غادي تشوفو لداخل ،كملات طريقها حتى بدات كتوضاح ليها الرؤية وبانو ليها عوتاني لي گارد واقفين فكل بلاصة ..
حبسات ب لوطو وخدا منها لگارد لي كلي ديال لوطو و واحد اخر زاد قدامها وهي تابعاه..قلبها كيخفق ب قوة كأنه غادي يخرج من ضلوعها ..ورجليها حاسة بيهم مهازينهاش..كل ما كتقرب كيزيد قلبها يسرع ف دقاتو و مكتبقاس قادرة دخل لهوا لصدرها ...وقفات فور ما وقف لگارد ..وقبل ما يحل لباب دخلات اكبر قدر من لهوا لصدرها و بدون تفكير تمشات للقدام بملامح خالية من لخوف و بكل ثقة رغم انها مزيفة...
إيجا(رمات صاكها فوق للبيرو ديالو):هاني جيت...شكاين
زيدان(ناض من فوق كرسي دياالو وتمشى لجيهتها بصدرو عريان حتى من شعرو طايح على عينيه ):مزال يالاه جيتي..تبغي تشربي شي حاجة..قهوة! (شاف فيها وبانت على وجهو شبه ابتسامة )ولا تبغي گلاص! من داك النوع لي كيعجبك
إيجا(تمشات بخطوات صغار وهي مربعة يديها و صوت كعبها كيتسمع ..طلعاات عينيها فيه ونطقات ب حدة):اناا مجيتش هنا باش نگلس معاك...ايلا عندك شي حاجة گولها راني مزروبة
زيدان(زير عليها من كتفها و قربها لعندو ):صوتك ما يعلاش البرهوشة
إيجا(نترات يديها منو):و إيلا عليتو اش غادي يوقع گاع ...شكون نتا لي تگول ليا شنو ندير وشنو ما  نديرش
زيدان(هز يديه وخبط فوق لبيرو حتى قفزات من بلاصتها):إيجاااااا...سدي داك لفم ولا مغادي يعجبك حال
إيجا(قفزات وهي مخلوعة...تنفسات وهي كتحاول تكالما ):گول شنو بغيتي تگول ..بغيت نمشي فحالي
زيدان:دابا مزيااان...گلسي
إيجا(بلا ماتزيد معاه لهضرة گلسات فوق لفوتاي )
زيدان(هاز تيلي ديالو وكيدوز تصاورها وهو نوعا ما هادئ ):كبرتي..
إيجا(كتشوف فيه ومفاهمة والو)
زيدان:كبرتي ومبقيتيش ديك لبنت لي عرفت
إيجا(هضرات من تحتها وهي معصبة):صاحبليك غادي نبقى نتسناك
زيدان(مباغيش يفقد اعصابو...هز ملف من قدامو وكيقراه):بانو ليا بزاف ديال لحوايج تبدلو من نهار مشيت
إيجا(عاقدة غوباشتها):شكتقول نتا
زيدان (كيحاول ميفقدش اعصابو باش ميديرش فيها شي جريمة):رجليك بداو كيعواجو على الطريق .داكشي علاش غادي نقادوهم  قبل ما نعاود نرجع
إيجا(شافت فيه وبصعوبة قادة تحبس دموعها)
زيدان(رمى لملف فلأرض ):علاقتك مع هارون..قطعيها
إيجا(بقوة الصدمة بدات كضحك ):ههههه شنو؟
زيدان(كيشرب من لقهوة لي قدامو و كيضهر ببرودة):كيفما سمعتي..
إيجا(ناضت من بلاصتها):و ب أشمن حق كتگول هاد لهضرة
زيدان (وقف قدامها حتى مابقى كيفصلو على سنتيم عليها..عينيه ف عينيها):بصفتي زيدان لمالكي
إيجا(علات فيه عينيها):واقيلة نتا تسطيتي اناا لي دايرة عقلي فيك كيصحابلي باغي تهضر كيف الناس
زيدان(غارق وسط عينيها):هضرة وحدة گلتها..توصلني مزال شي خبار راك معاه..تحملي مسؤوليتك ومسؤولية داكشي لي غادي يوقع ليك
إيجا(ضحكات بفقصة):للأسف مغاديش نقدر نلبي ليك هاد الطلب ..هارون انا كنبغيه ماشي تجي نتا تگول ليا شنو ندير وشنو منديرش..
زيدان(مقرب لجيهتها  وهو ناوي على خزيت ...فكل ما كيقرب كتزيد تبعد..حتى حصرها مع لحيط و زير على عنقها بيديه):كتبغيه! (قرب لوذنيها ونطق بصوت كيخلع)واش عارفة على هاد لكلمة نقدر نقتل اصل مك هنا بلا منحس.(خبط ليها راسها مع لحيط)گلتي كتبغيه ياك...نقتل ز** لي حطك نتي وياه كتفهمي !..هضرة وحدة گلتها ..نشوفك كا تقحبني ولا كا ضوري بساحتو تحملي مسؤولية داكشي لي غادي يوقع ليك..بررررب حتى نقتلك ونتي عارفاني نديرها
إيجا(كتحاول تبعد يديه من عنقها وهي مخنوقة ..):ياك نتا لي مشيتي بخاطرك..لاش راجع تاني..
زيدان(زاد زير عليها من شعرها وهو كيغلي ..طلعها من لتحت حتى لفوق ):كبرتي شوية وحسيتي ب جنابك...صحابليك بهاد السهولة غادي تقدري تبداي حياتك من جديد فحال ايلا عمري كنت فيها شي نهار...(قرب حدا وجهها وهو كيسوط دخان سخون كيخرج من داخلو )واقيلة نسيتي شنو درتي من بعد ما رجعنا من ماربيلا...فين هي هاديك لي كانت كتصوني ليا بليل و بنهار باش غير نرجع..نسيتي ولا نفكرك
إيجا(دموعها واحلين ف عينيها):مكتوقفش عليك الدنيا ا زيدان لمالكي..داكشي لي باغي عمرو غادي يكون ليك..مغاديش نخليك مزال دمر ليا حياتي ولو فأحلامك كتفهم!
زيدان(زير عليها من شعرها وهو مفيكسي عينيه ف عينيها ):داكشي لي باغي هو لي غادي يكون وهو لي غادي ديري بلحرف...مزال ما عاش هذا لي يگول ليا لا..و اغراضي كنبغيهم يبقاو دياولي ،ولا نسيتي انا قادر نفكرك مزيان
إيجا(ضحكات ب إستهزاء من هضرتو وهي كتشوف ف عينيه):صحابليك انا معارافاش علاش مشيتي ..(دفعاتو من صدرو)صحابليك مكنتش عارفة راه كنت هازة ولدك فكرشي هااا ياك هادشي لاش مشيتي ...هضر..حتى واحد ما بزز عليك تمشي
زيدان(لوا ليها يديها بزوج مور ضهرها مجرد ملامحو من اي إحساس رغم انه هضرتها كطلع وتنزل كيف الجمر وسط صدرو ،لأنه بعادو عليها كان قرار صعيب عليه ..وخدا  منو وقت بزاف باش تبرد ديك الغصة لي فقلبو من نهار خلاها موراه ،نطق ب هدوء مخلط مع نبرة تهديد):لهضرة سالات..دابا اوامري غادي يتنفدو يا ب سيف يا بلخاطر ونتي بالظبط كتعرفيني مزيان على شنو قاد .. داكشي لي درت النهار لول قادر ندير ما كتر منو .لوطو ديالك غادي توصلك حتى لباب الدار..(بعد عليها ورجع لبيرو ديالو )
إيجا(كملات طريقها للباب ووقفات بلا ما ضور عندو وهي عندها بصيص امل صغير على أنه يحن فيها):شنو زعما..انا ما منحقيش نعيش حياتي..واش ما كفاكش داكشي لي درتي فيا شحال هادي
زيدان(طلع عينيه فيها بحسرة و نطق بنبرة ابرد من الثلج):اه ممننحقكش...حياتك ملكي..ونتي بنفسك وهبتيني راسك فلغرفة ديال لأوطيل..نساي شي حاجة سميتها حياتك ما حد زيدان لمالكي مزال عايش
إيجا(بلا ما ضور موراها كملات طريقها جيهة لباب وعينيها كلهم غارقين دموع):الله ياخد فيك لحق
لگارد:تفضلي ا مدام
إيجا(وقفات):شنو هذا
لگارد(مد ليها مونطو):سي زيدان لي وصانا
إيجا:شكرا..مبغيتوش
لگارد(حبسها):مدام ..هذا أمر من سي زيدان..ايلا متنفدش غادي
إيجا(قطعاتو من لهضرة وخداتو من عندو):صافي باراك..جيب ليا لوطو ديالي(خلات حتى لگارد مشا ..حيدات داك لمونطو و رماتو فالأرض ..كتعفس عليه بصباطها و عينيها كلهم غارقين فالدموع  )شنوو باغي مني مزاالل...اش درت ياربي فحياتي حتى يتبعني واحد فحال هذا ..شمن ذنب درررررت  حتى نتعذب هكااا ..كنكرهك ا زيدان المالكي
زيدان(واقف فلبالكون ديالو حاضيها ):ذنبك هو خديتي قلب و عقل زيدان لمالكي..(نفت من السيگار ديالو ):كاين شي ذنب كتر من هادا