فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 78

##عند إيجا داخلة للشركة بعد ويكاند دوزاتو هي وهاجر غير فالدار لابسة كسيوة فلأسود رسمية جاية لاصقة على طايتها واصلة حتى لتحت ركابيها..ومن لفوق سامپل وكمامها قصار مع طالون كحل ..وشعرها مخلياه سامپل مطلوق...داخلة مزروبة هازة وراقيها معاها ف يدها و لأخرى كتاكل بيها ..حتى كيتلقى زياد لقاتو كيتسارا
إيجا(شداتو من لكول ديالو):اجي نتا لهناا
زياد:مالكي على هاد لحالة
إيجا(رمات ليه لوراق):نتى لي مصوني ليا على الصباح خالعني مالنا شكاين
زياد(بتاسم وشاف فساعتو):جيتي معطلة على لوقت لي گلت ليك ولكن باقا نص ساعة على  للإجتماع
إيجا:هي كدبتي علياا
زياد:باش يالاه توصلي فلوقت هه
إيجا:شكاين بعدا ديالاش هاد الإجتماع لي دايرين
زياد:ليوم غادي يحضر المجهول لي عندو خمسة و ربعين فلمية من أسهم الشركة..
إيجا:خمسة وربعين كاملة..شكون هادا
زياد:حتى حنا معرفناش ..موسيو جوزيف عيا ميقلب شكون هو ..بعد ربع سنين عاد قرر يبان ليوم
إيجا(كتصوني لجوزيف ):مفهمتش علاش مكيجاوبوش ..سافرو وخلاوني فهاد لحريرة
زياد(مشا جاب  ليها قهوة ):بشوية عليك متخافي والو..حتى نتي عندك نسبة كبيرة من الأسهم..
إيجا:ايمتا غادي يسالي هاد الإجتماع راه عندي حصص لعشية
زياد:مغاديش نتعطلو بزاف..غادي نساليو بكري
إيجا:ايوا صافي لا كان هكا مزيان ..(هزات وراقيها من عندو )انا غادي نطلع لبيرو ديالي فاش يوصل لوقت علمني
زياد (رجع خدا من عندها لوراق و طلع غادي معاها لبيرو ديالها):متعطينيش شي كونجي !
إيجا:ماشي دابا ..ايلا مشيتي نتاا شكون غادي يعاونني
زياد:احم..
إيجا:شي حاجة عندك باغي تگولها ..غير نطق
زياد:لا والو كنت بغيت نسولك غير على ديك لبنت لي جات عندك داك النهار
إيجا(گلسات فل كاناپي لي عندها فلمكتب ديالها كتكمل ف ماكلتها ):ممم خووولة
زياد:هه اه هي ..لباس عليها
إيجا:لاباس عليها ..بغيتي نعيط ليها تجي سولها على خاطرك
زياد:لااا غير سولت صافي
إيجا: ا حياني عليك ميخفاوش عليا هاد الشوفات..
زياد(قاد نظاظرو و شاف فيها):الصراحة عجباتني بزاف و..
إيجا:و شنو ...(هزات تيلي ديالها) هاهي نمرتها  ل باقي عليك ..
زياد:كوني هانية
إيجا(سرحات رجليها ):كمل لياا ...هاد المجهول لي جاي شنو باغي
زياد:معرفتش بالظبط  ولكن لي عارف انه خدا الأسهم كاملين ب كتر من ضوبل ديال ثمنهم الأصلي
إيجا:شنووو
زياد:كيفما سمعتي...
إيجا(بإستغراب ):وشنو لهدف ديالو من هادشي
زياد:كنت كنظن انه يقدر يكون باغي يستحوذ على مجموعة شركات باروخ..ولكن مكنظنش حيت هاد لمدة كاملة كان رافض يبين شكون هو ..أكيد ماشي هادا هو الهدف ديالو
إيجا(حطات يديها على حناكها):ماعلينا غير نتسناو حتى نشوفو
زياد(شاف ف تيلي ديالو):مادموزيل هادا هو لوقت ..مجلس الإدارة كلهم ف لاصال ديال الإجتماعات
إيجا(ناضت لبسات طالونها  وتبعات زياد حتى للتحت فين كاينة لاصال لكبيرة ديال الإجتماعات ..غادة و مفاهمة والو ،معارفاش كيفاش خاصها تعامل حيت كلشي جديد عليها ..كلشي جاها مزروب بسرعة تحطات أمام أمر الواقع ..وقفات قبل ما دخل كتسمع أصوات الموظفين كلهم كيهضرو .دارت تشوف شنو واقع حتى كتشوفو داخل بكامل هيبته لابس لباس رسمي وسط الموظفين كلشي كيشوف ومتشوق يعرف شنو غادي يوقع ..زيرات على يديها و مشات لجيهتو حتى وقفات عليه):شكدير هناا نتاا راه خدمة هادي علاش جاي
زيدان(شاف ف ساعتو):جيت فلوقت بعدا(كمل طريقو فين كاين الإجتماع )حتى أنا مجايش نلعب
إيجا(شافت ف زياد وكتمنى ميكونش داكشي لي فبالها صحيح)
زياد:يالاه ندخلو راه وصل
إيجا(كملات طريقها للداخل گلسات فكرسي ديالها مترأسة وهو من الجهة الأخرى مقابل معاها ،كتخنزر فيه محاملاهش كون تصيب تقتلو من بعد داكشي لي طرا مع إيلين أخر مرة)
زيدان(عينيه ما محيدهمش عليها وملاحظ انها گالسة على أعصابها ..):كيبان ليا لحد الأن كلشي عارف أنني مالك خمسة و ربعين فلمية من أسهم مجموعة شركات باروخ..إبتداءا من ليوم غادي نترأس بلاصتي هناا
إيجا(حبساتو على هضرتو ورجعات تكات على كرسيها و دايرة رجل على رجل):مگلتيش ليناا ا سي لمالكي ..عاد طفات عليك الشمعة و شرفتينا ب حضورك
زيدان( ضرب فيها شوفة ديال لقتيلة ):شغلي هاداك..(شاف ف گاع مجلس الإدارة)لي مهم هو أنني من ليوم منبغيش حتى حاجة تطبق و إيلا تكون دايزة على يدي ..نتمنى تكون هضرتي مفهومة  باش منلقاوش مشاكل من هناا للقدام ...هضرتي سالات تقدرو ترجعو لخدمتكم
إيجا(مصدومة من الطريقة لي هضر بيها معاها ..هزات وراقيها و خرجات كتعتر ف جلايلها غادة و كتنگر ف الطريق طالعة لبيرو ديالها )
زيدان:إيجااا
إيجا(ضارت لعندو وهي معصبة ):شنووو تانييي
زيدان(جرها لجيهة لأسانسور و طلعها ..شاف گاع الموظفين كيشوفو خلى حتى تسد لباب و ضار لعندها ):شكاين نتي
إيجا(ضحكات ب إستهزاء ):شنوو..هاد نتي ا سيدي راه عندها سمية ولانسيتي نفكرك
زيدان(شداتو الضحكة ،قربها لعندو ):علاش دابا هاد لعصبية كاملة
إيجا(بعدات عليه):واقيلة منحتاجش نوريك حدودك ..مشات ديك الأيام غير نسى...ايلا غادي تكمل خدمتك هنا كنتمنى تبقى بعيد علياا ..(خنزات فيه)و الا كان عندك شي هدف من هادشي لي كادير ..غادي ندمك قبل ما تفكر فيه ..متنساش انه حتى انا عندي غالبية الأسهم ..
زيدان(بتاسم و كيشوف فيها و علامات الرضى على وجهو ..قرب لعندها و هو كيقاد ليها شعرها  و فتحة ديال صدرها لي منين دخل وهو طالعة ليه عليها..):مزيان ..كبرتي وليتي مرأة (قرب لوذنيها)ولكن قدامي ما طبقيش عليا هادشي .(جبد من جيبو مقبط  صغيرة على شكل وردة جمع ليها بيها الفتحة لي جيهك صدرها)طبقي هادشي على شي برهوش قدك
إيجا(حيدات ليه يدو ):هادشي نگولو ليك نتاا نيت ..اولا ؟ ولا لي قدك مكطبقش عليه هادشي
زيدان(فهم من هضرتها انها كتلمح على إيلين..تنهد و نطق وهو مهدن ):راك مشيتي بعيد
إيجا(شافت فداك لمقبط كانت باغا ترجعو ليه حتى لقاتو ديالها):ما مشيت فين...هاد لأسانسور مالو مزال ما وصل (شافت لقاتو مبلوكيه..يالاه بغات تخدمو وهو يحبسها ) شنو تاني
زيدان(زير على يديها دغيا غفلها ودارهم ورا ضهرها ):داك لفم عندك مزال ما بغيتي تجمعيه شوية ،قبل ما نجمعو انا بيدي ..مكنتيش هكا
إيجا(شافت فيه ب إستهزاء ):دير فبالك راني معنديش عشرين عام
زيدان(بتاسم حتى بانو سنيناتو وهو عاجباه الشوفة ف حركاتها و ملامحها ..):لاش كتعدبيني وكطولي عليا الطريق هكاا لمك ..مممم (حط جبهتو على جبهتها) باراك راه الجهد تقادا ما بقا ليا فين نزيد ..
إيجا(كتبحلق فيه ب عينيها مفاهمة والو
زيدان:هاد لعينين هوما لي خارجين على ديلمي
إيجا(غمضاتهم ):وادابا بعد مني خليني نمشي نكمل خدمتي
زيدان(زاد قرب ليها طبع بوسات خفاف فوق عينيها )
إيجا(حلات عينيها بشوية بعدما حسات بيه بعد عليها شوية ...ولأسانسور كان محلول):احم  بسلامة
زيدان(خرج من الأسانسور وتابعها من لور غادي معاها ف نفس ااطريق حاضي تحركاتها )
إيجا(غادة كتمختر بالطالون ديالها وعارفاه غادي موراها ..):نقدر نعرف علاش تابعني
زيدان:علاش غادي نتبعك
إيجا:وشنو كتسمى هادي
زيدان:غادي للمكتب ديالي كاين شي مشكيل
إيجا(ضحكات ضحكة صفرة وهي تكمل الطريق ديالها مخلياه موراها)
زيدان(حاضي تفاصيلها من لور كيف كتحرك ):ما لقيتي ما تلبسي غير هادشي
إيجا(ضارت لعندو وهي مزال مكملة طريقها ):ديها فراسك شوية
زيدان(زرب فمشيتو حتى وصل عليها...شحطها بالخف):لعشية انتسناك للعشا ..انسيفط ليك لي يجيبك لعندي(خلاها ودخل لبيرو ديالو
إيجا(شادة ف ط*ماحتها ):فأحلامك ...
دخلات للبيرو ديالها وهي مزال شادة فيها كتفكر كيف دير ترد ليه الصرف...خصوصا أنها مزال منساتش داكشي لي وقع فلكازينهو .واخا عرفات من ريناد شنو طرا ل إيلين  من ورا ما مشاو  ولكن انه هو مادار حتى شي حاجة قدامها كفيلة انه تعصبها ..زائد انه نوع ديال العلاقة لي كتجمع زيدان بيها ضراتها فراسها وخا كتحاول تنكر .. حيدات طالونها و تكات فوق الكاناپي شادة پيسي قدامها ومضورة بيها قوة لوراق ..حطات راسها معاوداتش هزاتو حتى سمعات لباب ديالها كيدق
إيجا:دخخل
ريناد(طلات عليها ):مزال ما مشيتي تغداي..كلشي خرج
إيجا:ريناد..شنو كديري هناا
ريناد:جيت نشوف زيدان و گلت ندوز عندك نتي لولة قبل ما يهجرو ليا
إيجا(شافت الساعة ف تيلي ديالها ):ولاهيلا... فات لوقت خاصني نتغدا عندي حصص فلعشية ..(تنهدات)عندي قوة ما يدار ليوم
ريناد :گاع لهاد الدرجة
إيجا(سدات لباب و جراتها):هارون عارض عليا ليوم للعشا ..
ريناد:اويلي ما تگوليهاش..اتمشي!
إيجا:كيفاش واش انمشي ..بطبيعة الحال انمشي...خاصني ضروري ندير حد لهادشي انبقى نكدب عليه وعلى راسي ..من الأحسن نساليو هادشي قبل ما طرا شي مصيبة
ريناد:مأكدة من هادشي لي كتگولي...شوفي انا من ديما باغا نسولك و كنحشم...واش كتبغي هارون
إيجا(تنهدات):عزيز عليا...ولكن ماشي لدرجة لي تخليني نبغيه...انا باغا راجل حدايا  بحال جوزيف
ريناد(شافت فيها وهي كتحسر وفنفس لوقت شاداها الضحكة):دابا نتي گولي من لخر باغة لي يقدر يوقف فوجه زيدان..
إيجا:اه فحال داكشي
ريناد(قرصاتها):سمحي ليا ولكن الأمل عندك ضعيف ..راك كتحلمي
إيجا:علاش زعما لهاد الدرجة  خوك مكيوقف فوجهو حتى حد
ريناد:للأسف ...ايلا بغيتي لي يفكك من زيدان..خاصك زيدان هو لوحيد لي يقدر يفكك منو
إيجا(هزات صاكها و لي كلي ديال لوطو و حلات لباب ):سيري أختي خليني نمشي نق*د فحالي ...لعقس ياربي السلامة
ريناد(شادة كرشها كضحك وهي واقفة فلبيرو مقابل معا ديال إيجا ):سيري حتى نتقاشعو عند هاجر ...
إيجا(شيرات ليها بيديها وهي مكملة طريقها مزروبة):بااااي
ريناد(دخلات لعند زيدان وهي باقة كضحك ):خوياا حتى نتا باقي ما تغديتي
زيدان(طلع عينيه فيها وهو مركز مع زيدان خدمتو):لا مزال...(عاود طلع عينو على إثر ضحكتها لي قليل فين ولا كيسمعها) كنتي فالشركة
ريناد:اا لاا ما مشيتش ليوم..غير فقت جيت عندك ولكن دزت عند إيجا هي لولة
زيدان:اه مزيان
ريناد(غمزاتو):فين هو داكشي لي واعدتيني بيه
زيدان(بتاسم ب خفة):مبقيتيش ساهلة
ريناد:ههه وشنو ..راني خدمت معاك ..كون مكنتش أنا لي صورت ليها  داك الڤيديو ديال إيلين  وختاصرت عليك الطريق
زيدان(كيضحك معاها ومحافظ على صرامتو معاها كيف ديما):كنتي تقدري تسيفطيه ليها نيشان ..ولكن صدقتي شيطانة
ريناد(هزات زنافرها للفوق):احم ..متنساش راني ريناد المالكي ..(مدات يديها )و عطيني داكشي لي واعدتيني بيه
زيدان(مشا لڤيسط ديالو جبد منها كلي ديال وحدة من الطوموبيلات ديالو  ورماهم ليها):هاكي بصحتك
ريناد(شداتهم وهي فرحانة ):ناريييي و أخييييرا ...من نهار شفتها و أنا باغاها ...
زيدان(رجع گلس بلاصتو):يالاه خرجي عليا خليني نكمل خدمتي فخاطري
ريناد(دارت ليه تحية):هي لولة ...
زيدان:بلاتي نتي ..اجي لهناا
ريناد(خرجات عينيها فيه ..حيت عارفاه غادي يطلق شي قنبولة):ااا شنو
زيدان:نقصي عليا داك الدخول ولخروج بلا وقت ...ايلا رخفت عليك مكيعنيش راه نسيتك..
ريناد(كتسرط فريقها):اه صافي
زيدان:مزال مكملتش ...يوسف
ريناد:اا مالو يوسف
زيدان(تكا على لكرسي ديالو ):مبقاش عاجبني هادشي ديالكم..منعاودش فينما نضور نلقاك حداه..لوطو ديالك مابقا فيها حتى مشكل وصلي راسك براسك ..(تنهد وهو كيحاول يهضر معاها بلهدانة ) داكشي لي كيضور ليك فداك الراس ميخفاش عليا أ ريناد..ديري شي حل لراسك ولا حبسي هاد التخربيق قبل ما ندير شرع يدي ...
ريناد(فهمات ل ميساج لي بغا يوصل ليها ):صافي واخا أ خويا
زيدان(رجع يكمل خدمتو ):تقدري تمشي دابا
ريناد(خارجة من عندو وهي حايرة ):ولاهيلا عندو الصح ..(جبدات تيلي كتصوني لسهيل)شوف ليوم دير ليا شي حل ..ماسوقيش
سهيل(كيضور على ل أوطيل مع مجموعة من الموظفين  ):تي شمن حل
ريناد:هادشي لي كندير ولا معيق بزاف ..زيدان هضر معايا ليوم على يوسف
سهيل:لهاد الدرجة زعماا
ريناد:اايه لهاد الدرجة..
سهيل:أجي بعدا لأوطيل ونهضرو ..
ريناد:ولاا معنديش كيفاش ندير ..يوسف ليوم عندو كومبا ..و گال ليا نجي ..
سهيل:ها علاش هضر معاك زيدان...شدي رجلك شوية
ريناد:كيفاش تاني
سهيل:بمعنى ما خصكش تمشي لهاد لكومبا
ريناد:راه گلت ليه غادي نجي
سهيل:ا تحمقيني ا ريناد..لاش كتاصلي بيا منين مغاديش تسمعي شنو غادي نگول
ريناد:صافي صافي غير هضر دابا
سهيل:متمشيش لهاد لكومبا..غادي غير تزيدي تصعبي لأمور على راسك..يوسف لقالب ديالو باين ...
ريناد:و ايلا سولني
سهيل:متجاوبيهش...انا عندي بلان ديالو..تسناي نكمل لخدمة لي فيدي و انا معاك
ريناد:صافي
##
عادل (دخل عند يوسف وهو معصب):يوسف
يوسف(شاد تيلي ديالو كيشوف فلميساج ديال ريناد كتعلمو فيه راه مت جاياش):شنو تاني ا عادل ..شواقع
عادل:ما واقع والو ..غير لكومبا ما بقا ليها والو ونتاا مزال حتى ما لبستيش حوايجك..
يوسف(خنزر فيه ونطق وهو باين كاتم أعصابو):عاددددل ...لكومبا ما غاديش تهرب ..
عادل(كيمسح عرق ديال وجهو بفوطة):ا تهرب گالاك مغاديش تهرب ..شنو هاد لحاجة لي فداك تيلي مخلياك معطل
يوسف:عادل دخل سوق راسك ..شغلي هادا
عادل (رمى ليه حوايجو):لبس عليك ا يوسف بلا متقصح راسك..
يوسف(رمى تيلي ديالو وناض): هاهو ناض
عادل:تهدن شوية راه كنعرفك فاش كتكون فهاد الحالة مكتبقاش تعقل على راسك ...متبردش أعصابك فشي حد أخر
يوسف(شاف فيه و دخل يبدل حوايجو):هادشي علاش مزيانة  لكومبا ..كتنفع فهاد الأوقات..(هز تيلي ديالو كيشوف لوقت) لكومبا ما بقا ليها والو وتسالي ...وجد ليا لوطو ديالي خاصني نخرج ضروري..
عادل(واقف غير كيشوف فيه):الله يخرج عاقبة هادشي على خير ..
##عند إيجا
خارجة من الجامعة فلعشية سخفانة كتمشى مع منصف وجهاد كتجر فرجليها..ركبات فلوطو ديالها بدون ما تگوليهم والو
منصف:مالها
جهاد:الله وعلم ..إيجا واش غادي تمشي
إيجا(شيرات ليهم بيديها بمعنى غادي تمشي
منصف:حالتها صعيبة
ركبات فلوطو ديالها ديمارات غادة نيشان للدار ..كتفكر فشنو خاصها دير  مع هارون ،غلط  دارتو ضد ف زيدان كان خطوة خاطئة انها دخل معاها شخص أخر فلمشاكيل ديالها...لكن شحال ما طال لوقت خاصها تحبس هادشي ..على لأقل ترتاح نفسيا بينها وبين راسها..وصلات للدار بزربة طلعات دوشات بلخف عليها و خرجات للدريسينغ كتقلب وهي حاسة براسها عيانة باغا غير ترتاح وتحط لحمل لي هازة...لبسات عليها سروال جينز مع تيشرت بيض  بالزربة نشفات شعرها وخلاتو علو راحتو عاد خرجات لقات دنيا مظلمة ..هزات لوطو وهضرات مع هارون باش تلاقا هي وياه فبلاصتهم ديال ديما...كسيرات وهي كتشوف فلخاتم ديال هارون ف يديها ...ما حساتش براسها وصلات ..هبطات وهي كتشوف هارون گالس كيتسناها حتو وقفها تيلي فيديها كيصوني ..
إيجا:اوففف شنو باغي تاني هادا (قطعات ومكملة طريقها حتى رجع كيصوني..بقوة ما هي معصبة جاوباتو)شنووو كاين علاش كتصوني هاكا
زيدان:رجعيي
إيجا:شنو ؟
زيدان(واقف فليخت ديالو فين كان كيتسناها للعشا):هضرت..تحركي من تمااا .
إيجا:لاا ما محركااش ...عندي غرض خصني نقديه
زيدان:إيجااااا...متعصبييش عدو ربيي ...تحركي من تم ..
ايجا(قطعات عليه فوجهو وكملات طريقها..حتى وقفو ليها زوج قدامها..من هزات عينيها فيهم عرفاتهم رجال زيدان):حيد من طريقي
لگارد:ما نقدرش ا مدام..موسيو زيدان بغاك دابا
إيجا:حيد من قدامي راه هضرت
لگارد(دار إشارة ل لي معاه..بزربة دخلوها ل لوطو ):سمحي ليا ا مدام ولكن هادشي لي تطلب مننا
إيجا(ا ستسلمات لأمر الواقع ):اودي غير زيد ...ماشي مدام
لگارد(شاف فيها ب عدم فهم)
إيجا:ماشي مدام ..مادموزيل
لگارد:علاش واش ماشي مراتو
إيجا:الله ينجيني حتى نكون مراتو..بنت ليك أنا دابا غادي نقبل على هاداك
لگارد:الصراحة ا مدام(شاف فيها خنزرات فيه) مادموزيل...سي زيدان غادي تجي معاه غير نتي ...حتى نتي غادي يجي معاك غير هو
إيجا(حطات يديها على حناكها):اجي نسولك..مكاينش شي واحد كيشبع لزيدان..
لگارد:مفهمتش
إيجا:عرفتك مغاديش تفهم...انا نوضح ليك...زعمااا فهاد الضومين فين خدامين..كاين شي واحد كيشبه لزيدان ..ولا كتر منو ،زعما شي واحد لي كيوقف ليه فوجهو
لگارد(خدا مدة طويلة وهو كيفكر
إيجا(فقدات لأمل :صافي صافي عرفت الجواب
لگارد:اااه كايين عاد تفكرت
إيجا(فرحات):شكووون
لگارد:داوود...
إيجا:شكون داوود ...عاود ليا عليه
لگارد:كنقصد باباك ا مادموززيل..موسيو جوزيف
إيجا(عاد تفكرات السمية لأخرى ديال جوزيف...ضربات بيديها فلكرسي ..):تفوووو على زهر ..ريناد عندها الحق...
لگارد(شاف للي معاه كيلمح ليه باش يسكت )
إيجا(هبطات من لوطو كتشوف فلبلاصة فين جابوها ..وقدامها نفس يخت كبير كيبان بوحدو لي مضوي وسط الظلام و قدامو رجال ديال زيدان ..كملات طريقها بحدها للداخل ..لقاتو گالس لفوق كيتسناها  كيبان فيه معصب غير من كيفاش كينفت من السيگار ديالو ..كملات الشوفة فليخت كامل عاد شافت  طبلة كبيرة غير ريحتها خلاتها تحس بالجوع..عاد تفكرات هضرتو الصباح،هزات تيلي ديالها قلباتو لقاتو مسيفط ليها لوكاليزاسيو غير مشافتهاش .
زيدان(:على السلامة
إيجا(من صوتو عرفات انه مخصهاش تزيد معاه فلهضرة):احم..الله يسلمك
زيدان:قربي
إيجا:اا..فين
زيدان(شير ليها بيدو باش تگلس حداه)
إيجا(حطات صاكها ومشات گلسات حداه لكن بعيدة عليه)
زيدان:زيدي قربي
إيجا:راني گلست فين غادي نزيد نقرب
زيدان(قربها لعندو بدون سابق إنذاز حيت عارفها راسها قاصح ):دابا مزيان
إيجا(شافت راسها قريبة ليه كتر من لقياس ..خصوصا الطريقة لي محاوط خصرها بيها ..طلعات عينيها ف عينيه لي نوعا ما كانو ذابلين):علاش جبتيني هناا
زيدان:حيت كان خاصك تكوني هناا
إيجا(كتحاول تهضر معاه بالهدانة لا ربما يتفاهم معاها):زيدان راه بزاف هادشي لي راك كادير فيه ...خليت هارون كيتسنى
زيدان(تمعن فيها مزيان وفشنو كانت لابسة ..على غير عادت طريقتها فاللبس ،كيبان انه ماشي موعد عادي ..كمل هضرتو محافظ علو نفس نبرته):ومن بعد ...ايلا گلت مابغيتش تجمعك حتى حاجة معاه ،سدينا ...
إيجا:خليتيني نتاا بعداا...انا مشيت نهضر معاه باش نحبس هادشي ..ماشي باش نلعب ..راني عييت من هادشي واش مكتشوفش مابقيتش عارفة واش نقابلك نتاا ولا هو ولا قرايتي ولا الشركة ...اووووف عيييت
زيدان(تحسس وجهها لي باين فيه لعيا بظهر يديه ):قابليني انا ..وخلي عليا لي بقا انا قاد عليه
إيجا(شافت فيه وهي مشوكية من جوابو ..للحظة سهات ف تفاصيلو وملامح وجهه لي كا مفسرينش ،خليط بين ليأس ولقوة للدرجة لي خلات وجهو يبان بارد..طلعات عينيها ف عينيه لأول مرة كتشوف لونهم لحقيقي عسلي مفتوح..لحيتو لي لونها قهوي ولكن غامق ..تنهدات ولكن ماشي بقلة صبر كيف عادتها ولكن هاد لمرة شي حاجة فلداخل ديالها كتحاول تقرب منو و تفهمو أكتر):علاش كادير معايا هكا ..شنو درت ليك
زيدان(باقين يدو كيتحسسو وجهها ):درتي بزاف ...
إيجا(بيأس):شنو درت
زيدان (ناض من حداها وهو كيتعرق ...بزز باش بعد راسو عليها...دخل لليخت لبس شورط بعدما حيد شوميز ديالو ..خرج لقاها مزال گالسة كيفما خلاها ..):ايلا بغيتي تهبطي انا لتحت (كمل طريقو وتلاح فلماا خلاها غارقة ف أفكارها ..ماهي غير دقائق قليلة وطلع لقاها واقفة كاطل على لبحر ..
زيدان(خدا فوطة كينشف بيها شعرو):ما بغيتيش تهبطي
إيجا(ضارت لعندو ):لا ما فياش لي يهبط لبرد ..
زيدان(ضحك على راسو حيت داك البرد بوحدو لي كان قادر يطفي العافية لي شاعلة فيه... لبس عليه بلخف ومشا لطبلة ديال لعشا عاود قادها طط):أجي ايلا بغيتي تعشاي ..
إيجا(قربات لعندو وهي واقفة حدا الطبلة ساكتة مكتگول والو
زيدان(بانت ليه على غير عادتها ):مالكي (عاود شاف فالطبلة كيتأكد ) تشهيتي شي حاجة؟
إيجا(مشات بالزربة لجيهتو ووقفات قدامو...)
زيدان(بعد عليها وهو ملاحظ انه بيها سي حاجة ...مشا للثلاجة جبد ليها گلاص مصايبو هو بيديه ):شوفي شنو كاين هنا
إيجا(غير كتشوف فيه...نترات ليه لگلاص من يديه ورماتو فلأرض
زيدان(عاود رجع للثلاجة جبد گلاص جديد بلا ميگول والو )
إيجا(خداتو من عندو بغات ترميه حتى هو
زيدان:شكديري راه هادا لي بقا (خداه ليها من يديها وحطو فالطبلة
إيجا(جبداتو لعندها ):شنو هادشيي
زيدان(عقد غوباشتو):إيجا...
إيجا(حلات ليه الشوميز حتى تقطعو الصدايف و بان لوشم لي فصدرو ..رجعات كتحقق فيه وكتمنى داكشي لي كانت شافت ميكونش هو ...
زيدان:شكديري ..حبسي
إيجا(حطات يديها على لوشام ديالو):هادي انااا ..
زيدان(حيد ليها يديها ):اجي تعشاي
إيجا(غوتات عليه فوجهو):أنااا هادييي
زيدان(فقد صبرو حتى هو ..):اه نتيي ...دابا مزيان رتاحيتي ...دابا گلسي تعشاي باش نوصلك
إيجا(رجعات لأخر مرة شنو ضار بيناتهم فدار سهيل ..طلعات عينيها فيه وكل مرة كترجع تشوف فلوشم ديالو ...
زيدان(قاد شوميز ديالو ورجع باش يگلس ياكل )
إيجا(جراتو من يدو ):زيدان(يالاه ضار باش يشوفها ..بلا ما توعى على راسها ترمات فحضنو كتبكي..وكضرب بيديها ف صدرو)علاااش كدييير هكاااا...(كشهقق) حراام علييييك شنو درت ليييك
زيدان(بعدما وعى بشنو واقع ..حاوط خصرها بيديه بزوج كيطبطب عليها حيت بكاها غادي وكيزيد ):...شش باراكا من لبكاا
إيجا(بعدات عليه كتشوف فيه وهي محبساتش من لبكا):علاش كدير ليا هكا ا زيدان..عييت من هادشي لي كا دييير
زيدان(قرب ليها وهو شاد وجهها بين يديه):حيت كنبغييك واش مزال مابغيتي تفهميها ...وحيت نتي ديالي بحدييي مستحيل نقبل ولو تقربي لشي واحد أخر من غيري
إيجا(زادت فوثيرة لبكا ...ووااخا هكاك ما منعهاش انها تقرب وتخطف بوسة خفيفة من شفايفو ):واخا هكاك مغاديش نسمح ليك
زيدان(قربها لعندو كتر ..وزاد نغامس معاها كتر ،كيمص فشفايفها بحنية..كل مرة كيعطيها لوقت فين تنفس وكيرجع يكمل وهي متجاوبة معاه ..حتى قطعهم تيلي ديالها كيصوني
إيجا(قفزات من صوت تيلي ..بعدات عليه و جبدات تيلي من جيبها ..)
زيدان:شكون
إيجا(شافت فيه وهي مترددة):هادا هارون
زيدان(خدا من عندها تيلي وطفاه...قربها لعندو مقابل وجهها مع وجهو ):اندوزها ليك هاد لمرة...مرة أخرى منضمنش ليك
إيجا(عضات شفايفها وكتحاول تبعد عليه ..حيت دغيا كيتقلب،متقدرش ضمن راسها معاه
زيدان(ملاحظ كيفاش تبدلو ملامحها من بعد هضرتو ..شحطها لفخضها):زعما دايرة فيها كتخافي
إيجا(نطقات بلا ما تفكر):راه كتخلعني غير مكنبينش ليك و صافي
زيدان(ضحك حتى دمعو عينيه ..حط جبهتو على جبهتها):غير ما ديريش علاش
إيجا(هزات معلقة من لگلاص):مم بنين
زيدان (لعق شوية من فوق فمها ):ممم هكا حسن (بانو ليه حنيكاتها حمريين وسخاان )مال هادو ولاو هكاا
إيجا(قاست ف حناكها ):هاا مالهمم
زيدان (نطق بهمس):بغيت ناكلهم
إيجا(زادت طلعات ليها السخونية لوجهها )
زيدان(قربها لعندو كتر):شي نهار ا يمشي هاد لعقل لي باقي ليا..
إيجا(بغات تبدل لموضوع):جاني جوع..نتعشاو!
زيدان(بتاسم وقرب يديها باسهم):واخاا