فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 73

إيجا يالاه فايقة من النعاس ،داخلة مع لباب ديال لوطيل لابسة غير قبية فالبيض و سروال واسع كحل ..جامعة شعرها سفنجة باقة مدوخة بالنعاس ..لي كادوز من حداه كيشوف فيها حتى من الناس لي فبيرو ديال الاستقبال كيشوفو فيها و كيهضرو مع بعضياتهم ..كملات طريقها للجردة لي كا طل على لبحر فين كاينة هاجر..
إيجا:على السلامة
هاجر:تعطلتي ا صحبتي مالكي
إيجا:را كنت ناعسة...دوزت واحد ليلة لهلا يوريك
هاجر:ههه داكشي لي بان لياا نيت
إيجا(دازو من حداهم شي بنات كيشوفو فيها):اشفت كلشي كيحنزز فيا هاد النهار مال هادو..داخت ليهم ولا شنو
هاجر: را نتي ناعسة ما جايبة خبار ..
إيجا:هاجر..هضري نيشان باراك من هاد  لخ*** ديالك
هاجر(جبدات تيلي كتوريها):جيتي نتي و سيك زيدان كتحمقو..كوپل ديال العام ..زيدان لمالكي ب شحمه و لحمه موصلك حتى للجامعة..وما موصلش اي وحدة ..إيجا باروخ
إيجا:أويليييي ...شهاد التصويرة كي دارو ليها
هاجر:شفتك علاين و تبوسيه..وا تصويرة نيت شدو ليكم ..هارون كون راه غادي يحماق ..
إيجا:اويلييي ...فكرتيني ما جاوبتش هارون اويييلييي وحديييي
هاجر(حطات يديها على حناكها ):ايه ..عاودي ليا ..تفكرتي لحب لقديم..غير گري
إيجا:من نيتك ا هاجر
هاجر:ممم و فين كنتي بايتة لبارح..گالو ليا راك عند جهاد ..سولتها واش عندها گالت ليا لا
إيجا(بتردد):نگولك و بلا ما تبداي يديك لهضرة ديالك
هاجر:غاا هضري نشوفو هاد لحريرة تاني
إيجا(عاودات ليها شنو وقع من الأول حتى لخر )
هاجر(ندبات حناكها ):اويلي واش هادا تسطا ولا حماق ..اويلييي وحديييي و خليتيه يشوف !!! مال هادا واش صحابليه ولدك ونساك ولا شنو ..گاع هادي نفس فيه باغي يعرفك واش درتي شي حاجة من موراه ولالا
إيجا:كيف غادي ندير ..نتي مكتعرفيش داكشي لي كنعرف على زيدان...صعيب عليك تفهمي (تنهدات )مزال كيخلعني ..معرفتش امتا غادي نتهنا منو
هاجر(تنهدات):واخا ..انا عندي ليك لحل ولكن
إيجا:هاد ولكن عندك هي لي كتخلعني
هاجر:وا حلييي ليا و ديناتك مزيان
إيجا(قربات منها ):گولي
هاجر:لحل ديال زيدان..ساهل ،خاصك غير نتي تقدري عليه...كيگول واحد المثل ..تمسكن حتى تمكن.. دابا هاد زيدان بهاد الصداع والروينة لي داير ليك..غير حيت مابغيتيش تشدي ليه ف يدو .هادشي لي خلاه متسرطش ليه راك ماباغاهش..
إيجا:ختاصري ا هاجر الله يرضي عليك
هاجر:من لخر ايلا بينتي ليه راك باغاه و تموتي و تسطاي عليه عاد ماغاديش يبقى باغيك..هاد النوع انا كنعرفو مزيان ..لحاجة فاش كتجي بين يديه مكيبقاش باغيها
إيجا:بزاااف عليه حتى نولي نموت و نتسطى عليه ..لهلا يحييه
هاجر(شدات فراسها):وا عباد الله معامن انا حتى كنگول تبدلتي و كاترجعيني ل يامات لافاك....نتي غير غادي تبيني ليه ماشي بصح
إيجا(كا دور هضرتها ف راسها ):زعما تصدق معاه هاد الخطة
هاجر(رشقات ليها ف يديها):على ضمانتي  أ صحيبتي ...عرفتي شنو جبدي تيلي عندي ليك بلان وااعر
إيجا(جبدات تيلي):انا وليتي كتخلعيني
هاجر:وا دابا غادي تصوني ليه سوليه على لوطو ديالك فين وصلات..و شوفي علاش ما سيفطهاش ليك الصباح
إيجا:اااه فكرتيني ..هي لولة (طلع ليها تيلي ديالو هو لأول ..صونات فلبلاصة جاوبها شافت ف هاجر لي كتوصيها )احم ..ألوو ..بغيت غير نسولك على لوطو ديالي واش تصايبات ..(بصوت رقيق) صافي
هاجر:شنو گال
إيجا:اوووف گاليا غادي يجيبها ليا لهنا
هاجر(كتشوف فيها ب تعجب):هانتي ليك تانتي كتعرفي تحلوني ... أجي كي دار ليها عرفنا هناا
إيجا:الله و أعلم ليه اختي .. انا منين عرفني مع هارون ..زدت تأكدت مكتخفى عليه حتى حاجة (طلعات عينيها على شخص وقف قدامها) هارون..شنو كادير هناا
هارون(ب إبتسامة):نتي لي شنو كاديري هناا ...لعشية كلها و انا كنصوني ليك
إيجا(شافت ف هاجر لي قالبة وجهها):ا...غير كنت ناعسة هاد العشية ..مشفتش لي أپيل ديالك
هارون(محافظ على إبتسامتو ..قرب ليها كيدوز يدو على حنيكاتها):ماشي مشكيل ..عاارفك نعاسة..
هاجر (وقفات هزات صاكها هربانة ):إيجا ..انا غادي نخليك حتى تسالي و صونيلي..
إيجا(كتغمز ليها باش تبقى معاها ):صافي واخا
هارون( شد ليها يديها بزوج طبع وسطهم بوسة خفيفة ):كتبانيلي ماشي هي هاديك...مأكدة ما مخبية عليا والو
إيجا:ها..شنو غادي نخبي عليك ..
هارون(شاف مطولا ف عينيها):زيدان ..بان ليا مبرزطك هاد الأيام..
إيجا(فضلات انها تسكت و متگول والو)
هارون:بلا متخبي عليا..لا كانت على ديك التصويرة راه وصلتني انت لول
إيجا(بدون تردد ):خليني غير نشرح ليك
هارون:متشرحيلي والو ...انا عارف زيدان كيدير كلشي عن قصد، التصويرة كون ما بغاش الناس يشوفوها مكانوش غادي يشوفها..(قاد ليها شعرها )متحتاجيش تشرحي ليا ا حبيبة
إيجا(رتاحت نوعا ما حيت كانت كتفكر كيفاش تهضر معاه..لكن ختاصر عليها الطريق)
هارون:متفكريش بزاف ..انا قادر نحبسو على اي حاجة كيديرها
زيدان(بخطوات بطيئة كيتمشى جيهة هارون ،نطق ب سميتو وكيبان من صوتو معصب ): هارون،كيبان ليا فحال إيلا عندك شي مشكل معايا
هارون(طلق من يديها و تقابل معاه):اه ..عندي مشكل .حيت كتبرزط ليا خطيبتي لي ما بقا والو وغادي تولي مررتي ..
زيدان(ضحك ب سخرية):خطيبتك....مرتك!
هارون: كاين شي مشكل!
زيدان(قرب ليه و عينيه كيخرج منهم الشرار):كااين مشكل ا سي هارون ..بنتي ليا مزال ما تعلمتي تفوت حاجتي عليك(شاف فيها كانت مخبية من ورا هارون ..)تحركي قدامي باغي نهضر معاك..
إيجا(مخبية من مور ضهر هارون):ايلا غادي تعطيني سوارت لوطو ديالي مرحبا..ولكن معندي حتى هضرة نشركها معاك ا سي لمالكي
زيدان(مزير على يدو وواقف على أعصابو ):إيجا..تحركي منزيدش لهضرة
هارون(حيد ليه يدو لي كانت غادة ليها): جرأة كبيرة هادي بعد يديك ..
زيدان(شاد راسو غير بزز عليه ..):ما دخلش فشي حاجة بعيدة عليك
هارون:هادي لي كتهضر عليها راه مرتي
زيدان(بدا كيفقد أعصابو من كلمة مرتي ،محسش براسو حتى نزل عليه ب كروشي ):فرعتي ليك ك** بقوة لهضرة ..(طلع راسو كيقلب عليها لقاها هربات رجع لعندو و نطق بنبرة تهديد )وقف
هارون(مزال دايخ من قوة الضربة)
زيدان:وقف ا ز**ي لا نصدق قاتلك هناا
هارون(بزز باش وقف )
زيدان(شدو من لكول ديال الشوميز ديالو ):نلقا ر*ك كا دور بساحتها نقتلك بلا ما نحس
هارون(بضحكة مستفزة ووجهو كلو عامر بالدم ):شكون غادي يقتلني ..نتا؟هههه مغاديش تقدر
زيدان (ب نظرة خلات هارون ما يزيدش يشك انه يقدر يصفيها ليه و دابا):شتي هادوك لي مسخنين ليك كتافك .. نقتلك نتا وياهم بلا مانحس ..حسابك ا هارون ماغاديش يكون مع جوزيف غادي يكون على يدي
هارون(جمع الضحكة و ملامح الخوف بدات كتبان عليه)
زيدان(بتاسم بمكر):عارف راسك شنو داير بعداا (بعد عليه وكمل طريقو تابعها )
هارون(كيضحك بهستيرية وفمو كلو عامر دم):عنداك يصحابليك شي نهار غادي ترجعها...مشات ديك إيجا لي  باقي عقلك معاها اعوام هادي ..معندك حتى فرصة بلاما تحاول ...حيت ..حيت إيجا ديال دابا غادي غير تزيد تكرهها فيك بهادشي لي كادير
زيدان(حتى كان باغي يرجع ليه وكمل طريقو تابعها )
إيجا(خارجة كتجري من لباب هربانة ،حتى گالت هارون غادي يحميها منو ويوقف فوجهو ساعة ديما زيدان كيخرج فيهم كاملين ..خارجة بلا عقل من لأوطيل حتى كتضرب مع شي حد ،غوتات مخلوعة):وااااا عتقووونيييي
سهيل:ا بشوية عليك مالكي شكون تابعك
إيجا(طلعات عينيها لقاتو سهيل ):يعطيك موصيبة خلعتيني
سهيل(مصدوم منها):انا لي خلعتك ولا نتي لي جايا بلا فرانات دخلتي فياا
إيجا:صافي صافي سمح لياا..(شافت يوسف معاه ) يوسف لباس عليك ..وا بسلامة عليكم (حتى رجعات مكملة طريقها و رجعها يوسف)
يوسف:اجي فين غادا
إيجا(بضحكة صفرة):غادا فحالي ههه
يوسف:لا مزاال لحال ،ياك يالاه جيتي،غير دابا هدرت مع هاجر و گالت ليا كتسناك للعشا
إيجا(كا ضور كل مرة تشوف من وراها):لالا صافي تلاقيت معاها
سهيل(كيشوف ف يوسف و عايقين بيها هربانة من زيدان):وا خليك بلاما تمشي انا نعيط ليها نتعشاو مجموعين
إيجا(علا شوية تبدا طلب فيهم):عشاا؟...لاا والله حتى شبعانة..
يوسف(حابس الضحكة ):صافي خليها ا سهيل على خاطرها ..حتى لمرة أخرى
إيجا(تنهدات):ااه حتى لمرة جاية
زيدان(وقف عليهم)
إيجا(شافت ف سهيل كيضحك):بقيتي على خاطرك دابا
سهيل:وا نتي مشرحتيش لينا
زيدان:شمن عشا كتهضرو عليه
إيجا:غير بصحتكم انا غادي نمشي (يالاه سالتة وهو يجرها)
زيدان(جرها من يديها و نطق بصوت سمعاتو غير هي ):قدامي
إيجا(خنزرات فيه):طلق مني غادي نمشي فحالي
زيدان:مغاديش نعاود لهضرة..
يوسف (بغا يعتق الموقف ):زيدان...لقيتينا غادي نتعشاو مجموعين..گلس حتى نتاا معانا
إيجا(لقاتها مخرج دغيا):ااه غادي نتعشى معاهم..(كتحاول تحيد يدو على يديها) وا طلق مني باراك
زيدان(همس فوذنيها):هاد لمرة غادي نخليك على خاطرك..(شاف فيهم بزوج) وقت لعشا هادا شنو كتسناو
سهيل ويوسف (كملو طريقهم جيهة الريسطو فين موجدين ليهم لعشاا)
إيجا(يالاه غادة تابعاهم فرحانة حتى رجعها زيدان للور مدخلها وسط كولوار صغير جا ف الجنب ديال لأوطيل )
زيدان(كالاها مع الحيط ووقف مقابل معاها محافظ على صرامتو قدامها):عارفة راسك شدرتي
إيجا(كتفادا ما تشوفش ف عينيه):لا
زيدان:غير شوفي و كان
إيجا(بعصبية):ما درت والو ...شكون نتا لي كتحاسب فياا حيت كنت واقفة مع خطيبي
زيدان(شاف مطولا فيها):والله حتى داك الفم عندك ديال التهراس ،مغاديش نتحاسب معاك دابا
إيجا(ربعات يديها و متفادية تلاقا عينيها ب عينيه):خيطو ليا و تهنااا نتاا گاع
زيدان(غلباتو الضحكة):هادشي لي كان خاصني ندير من شحال هادا
إيجا: گول شنو باغي تگول ..بغيت ندخل نتعشى
زيدان(كيقرب منها بشوية بشوية حتى تخالطو أنفاسهم ):مم وعلاش ما قاداش تشوفي فيا ..
إيجا(كارهة الوضعية):ما حاملاش نشوف وجهك ،ساهلة ما تحتاجش تفكير
زيدان(كيزيد يقرب ليها ):مأكدة!
إيجا(شافت فيه ب تحدي ):و نتا شنو بان ليك (بغات تبعد بخطوة لور و هي حاسة بيه قريب ليها بزاف ،لقات غير حيط موراها )تقدر تبعد عليا
زيدان(همس فوذنيها بنبرة رجولية ):طوالو ليك الرجلين ..ريحة لڤودكا عاطية منك 
إيجا( شافت فيه وهي معصبة):حتى هادي باغي دخل فيها
زيدان(فيكسا ليها راسها حتى ولاو عينيه مباشرة قدام عينيها ):شحال من مرة غادي نگولك حيدي داك لعناد قدامي حيت منافعش ..غير كتعيي راسك على لخاوي
إيجا(بتحدي):وشنو غادي يطرا ايلا محيدتوش(ضربات ليه ف كتفو) فيق ا سي راك مزال شاد حلمة طرات هادي كتر من ربعة سنين .. بنتي ليا حلمتي بزاف و تيقتي راسك..
زيدان(بدون سابق إنذار بدا كيفقد اعصابو ..زير عليها من عنقها ):إيجااااا...
إيجا:شنووو إيجا إيجاااا ...باغي تقتلني هااا..قتلني وهنييني منك ..ايلا  باقي نهار واحد غادي نشوف فيه وجهك قدامي ..غير قلتني رحم ليااا
زيدان(كيزيد يزير عليها و نبرة صوتو عالية):بارااااك
إيجا(بدات كترعد بلخوف من حالتو):طلق بارااك راك خنقتيني ...طلللق
زيدان(عاد حس براسو شنو كيدير ..بعد منها وهو مصدوم من داكشي لي دار ..بسرعة هبط لعندها لأرض كانت كتنفس بالجهد
إيجا(كتنفس غير بزز):نتاا مستحيل تكون طبيعي ...نتاا مريض..
زيدان(نوضها  من الأرض ل حمام صغير جا ف نفس لكولوار بلاما يگول حتى حاجة
إيجا(سخفانة ف يدو مقادرة دير والو مخلياه هو كيغسل ليها وجهها و كيشربها لما ..)
زيدان (حطها فوق لاڤابو گلسات كيمسح ليها وجهها):شوية دابا ..
إيجا(خدات من عندو مشوار  كتمسح لراسها وهي سخفانة ):شوية !! ميمكنش تكون طبيعي ا زيدان...شنو كدير ولاش باغي توصل؟ (شافت فيه مباشرة ف عينيه وعينيها عامرين دموع)عييت من هادشي والله عييت ،رحمني شوية ..واش لهاد الدرجة مباغينيش نكون مرتاحة ف حياتي ..مكفاكش دمرتي ليا حياتي و انا صغيرة ..حملت بولدك و أنا صغيرة   واش ممنحقيش نرتاح ..واش باغي تقتلني عاد ترتاح
زيدان(مفيكسي عينيه على عينيها و هو حاس بالضعف وهو قدامها وهو مكارهش يمحي اي حاجة خايبة عليه من راسها ..تنهد بعمق و هضر ببرود):هاجر كتعيط ليك  ...يمكن بغاتك تجي تعشاي
إيجا(باقا حاسة براسها سخفانة ..كتحاول تهبط من لاڤابو )
زيدان(دور يديه على خصرها و هبطها للأرض ):بشوية عليك ..حتى ترتاحي و سيري
إيجا(علات راسها فيه وهو باقي شادها من خصرها ومقربها ليه ..طولات فيه الشوفة حتى حسات براسها شنو دارت و بعدات عينيها عليه ): بغيت نمشي
زيدان(حاس ب توترها لي باين وضوح الشمس قدامو ):ندخلو نتعشاو !
إيجا(خنزرات فيه وكملات طريقها):ما تعاودش تقرب ليااا (هزات صبعها قدام و جهو)وياك ديرها مرة أخرى
زيدان(جرها لعندو):دخلي تعشاي ...غادي نوصلك معايا فاش تسالي
إيجا:هااه!! وعلاش بالسلامة
زيدان(قاد ليها شعرها ):حيت باغي نهضر معاك...مفاهمين ياك ؟
إيجا(قبل ما يكمل هضرتو هربات منو كتجري لجيهة الريسطو..لداخل لقاتهم كلهم گالسين حتى من جهاد ..
هاجر:تعطلتي فين مشيتي
إيجا:حتى لمن بعد و نگوليك(شافت ف جهاد) نتي حسابي معاك من بعد
جهاد (گالسة كتضحك هي و يوسف حتى جمعات غوباشتها):مالي اناا..
إيجا(جراتها لعندها):صباح حنسرتيني ...بقيت واحلة بلا لوطو
جهاد(بضحكة صفرة):اوييييلي  والله حتى نسيتك ...
إيجا:اممم حتى نكون مكنعرفكش...
جهاد(بغات تنسيها):و شنو درتي ..خديتي طاكسي
إيجا:يخلف على منصف وصلني حتى لباب دارنا
هاجر:منصف !
إيجا(ضربات جبهتها):نسييت ما گلتش ليك ...منصف ديال ل كلية لقديمة ..
هاجر:اربي ربي ..واش منصف داك  لي كان يضل تابعك نهار و ما طال
إيجا(رشقات ليها على يديها):هوااااا هاداك...
هاجر:وشنو كيدير تماا عندكم فلجامعة
إيجا:رجع يقرا فلمغرب ...
هاجر(جراتها لعندها):وشتك راكبة معاه و موصلك ..ياكمااا تاني بدا فديك البسالة ديالو
إيجا:ا لاا ا صاحبتي بلعكس تبدل بزااف ..كون تشوفيه گاعما تعرفيه ...
هاجر:اربي ربي لاما لاقيني بيه ...امضرا باقي مع ديك سليعفانة
إيجا:ههه لا من ديك الشوهة لي دار ليها مابقا عاود شافها ..
هاجر:غزااا فيها على داكشي لي كانت كا دير ..اجي حقات شنو درتي معا سيك زيدان..گال ليا سهيل كنتي معاه غير دابا
إيجا(غمزاتها):غير سكتي ...درت ليه موتة حمار..
هاجر:هههه اواه متگوليهاش
إيجا:لحيلة حسن من لعار
سهيل:ا غير بشوية عليك فراني ...شفتك غير سمعتي هاد منصف طرتي بالفرحة
هاجر(عرفاتو غار):و مالو را كان يقرا معايا ..عشرة قديمة ،و اصلا راه ديك لوقيتة كان كيموووت على إيجا (غمزات إيجا وهي كضحك)
سهيل(ضرب ليها تخنزيرة حتى جمعات الضحكة):تعشاي  دغيا راه خاصني نطلع باش نعس بكري
هاجر(قربات ليه جيهة وذنو):مأكد ناوي تنعس
سهيل(دغيا رخف غوباشتو و رجع كيبتاسم ):حتى نطلعو و تشوفي ب عينيك ديك الساعة
زيدان(گلس حداهم و بالظبط على راس ديال الطبلة وعلى ليمن ديالو گالسة إيجا كيهضر من تحت نفسو وهو كارز على سنانو):سالينا من هارون جا منصف
هاجر(غير سمعاتو غلباتها الضحكة ):ههههه ولاهيلا
إيجا(خنزات فيه و قربات لعندو):غادي دير فيا خير ايلا دخلتي سوق راسك..
زيدان(زير على فخضها من تحت الطبلة):غير زيدي راني كنجمع ليك ...مازال غادي نتحاسبو على داك لخرا لي وليتي تشربي
إيجا:  حيد يديك عليا
زيدان(رخف يديه باش مايبقاش مزير عليها ..وخلاهم فوق رجليها):هكاا مزيان
إيجا(رتاحت نسبيا ):ااه مزيان(رجعات كتفكر فشنو گالت ) لاا ماشي مزيان..حيد يديك ب مرة
زيدان(طلق قهقهة رجولية ب إمتياز ..ردة فعلها جابت ليه التمام)
هاجر(كتشوف ف سهيل و يوسف):من ايمتا تعلم يضحك هادا
سهيل(هز كتافو ):سولي صاحبتك
يوسف(كياكل و متعجب ):سبحان مبدل الأحوال..كولو كولو راه هادشي غادي يبرد
ريناد(وقفات عليهم ):مسا النوور ..
سهيل:اهلاا..گلسي تعشاي معانا يالاه تحط لعشا
ريناد(گلسات حدا جهاد):هي لولة...
هاجر(نغزات يوسف من تحت الطبلة):شفتك تفافيتي غير بحدك منين شفتيها..تبت شوية
يوسف:بعد لمرات مكنبقاش عارف شكون لي كبير فينا انا ولا نتي
هاجر(بإستهزاء):بقات فلعمر زعما !
يوسف(تعمد يسكت حيت عارفها ما كتقاداش )
ريناد(شافت ف يوسف ب حماس ):يوسف صافاا ..
يوسف(متعمد يبعد عينيه عليها ):وي صافاا ..شكرا
هاجر:احم ..إيجا توحشت دوك الشهيوات  ديال خالتي بلقيس ..واقيلة غدا غادي ندوز نشوفها
إيجا:ايلا جيتي غادي تلقايني غير انا...خالتك بلقيس مكايناش مسافرة
هاجر:علاش مالها..فين مشات
إيجا(غمزاتها):گالك غادي تمشي هي وجوزيف يسافرو..وماشي اي تسافيرة..هاد لمرة غادي يتعطلو بزاف
هاجر(حلات فمها):ياختي غير مك لي مزوجة..هي لي جات معاها ..
سهيل(حال فمو فيها حيت ضرباتها ليه ب نكرة)
إيجا:ههه و گالك منصدعهمش..شوفي لڤيديو لي مسيفطين لياا حتى وصلو
هاجر:ههه ا نشوف ..
هاجر(كتموت بالضحك):هكا گالوها ليك ؟
إيجا: ما فهمت والو ..كيف دارو ليها ما نعرف ..
هاجر(طلعات عينيها فيهم لقاتهم كلهم ساكتين كيشوفو ف إيجا):ههه مالكم
إيجا(مستغربة):ههه مالهم هادو
سهيل(شاف ف زيدان و يوسف ساكتين ):ما تعشيتي والو لا نتي لا هادي من قبيلة ونتوما كتهضرو
هاجر:انا كناكل ..إيجا لي واقيلة معجبهاش هادشي
زيدان(خدا طبسيل قاد ليها فيه دجاج مع شوية دلخضرة حيت عارفها مكتعجبهاش بزاف ..وحطو ليها قدامها كيتسناها تاكل
إيجا (مقدراتش تگولو  لا قدامهم و نيت جاها الطبسيل على شهوتها حيت قاتلها الجوع...بدات ماكلتها وهي مرة مرة كطلع عينيها ف زيدان لي كيهضر مع سهيل و يوسف ومشا بالها لماربيلا )
هاجر:سدي فمك راه لموت كا ضور
إيجا(فاقت من سهوتها):هاا شنو گلتي
هاجر:گلت ليك كولي مزيان
إيجا:صافي انا شبعت ..غادي نمشي فحالي ..جهاد ..جبتي لوطو ديالك ولالا
جهاد:غادي نرجع مع يوسف هو لي جابني ..
إيجا: احم ونتي ا ريناد ..قاديتي لوطو ديالك !
ريناد:انا !!
إيجا:ااه راه شفتها داك النهار مضروبة
ريناد:ااه لا مزال ما صايبتها
إيجا(هزات صاكها ):يالاه نوصلك معايا
هاجر(مصدومة فيها):لا غا خليها راه ساكنة هناا فلأوطيل
ريناد:لا ما بقيتش..قريب غادي نرجع للدار 
زيدان(شاف مطولا ف ريناد):ما بقاش كيعجبني هادشي ديالك..
ريناد:مالي شنو درت تاني
زيدان(كيمسح فمو):غير سيري دابا ..حتى نعيط ليك
ريناد:واخا
هاجر(وقفات حتى هي ):تصبحو على خير انا غادي نطلع (خلاتهم ومشات كتجري عند إيجا )واااا إيجاااا ..تسناااي ..
إيجا:ا بشوية عليك مالكي
هاجر:را نتي لي مالكي ..باغا توصلي ديك خيتنا
إيجا:علاش مالها....(هزات حاجبها)را بغيت غير نهرب من زيدان حيت گاليا تسنايني ...اجي ياكما غرتي منها
هاجر:شلاااا نغير من هاديك ،بزاف عليها
إيجا:ههه وا باز ..
هاجر(قرصاتها):اجي نتي ..ياكماا رجعتي ديك إيجا ديال الدوار ..هاديك هااا..جمعي راسك
إيجا(مقصحة من لقرصة):ااااح ..وا صافي ا هاجر اويلي
هاجر:سيري فحالك انا طالعة فحالي ..حتى لغدا ونجي عندك
إيجا:يالاه سيري بسلامة
إيجا(هربانة من زيدان لي خلاتو مشغول مع سهيل و يوسف ..كتسمع شي صوت كيعيط ليها):رينااد...مالكي ؟
ريناد(وقفات سخفانة ):بلاتي بغيت غير نهضر معاك
إيجا:غير گولي شنو بغيتي . راني مزروبة
ريناد:اه...مغاديش نعطلك بزاف ..تبغي نگلسو نشربو شي حاجة
زيدان(وقف عليهم عينيها غير على إيجا): انا كنتسناك على برا
إيجا(ضربات على راسها):موصيييبة
ريناد(حتى هي ضربات على راسها): ناري سمحي ليا ا ايجا ميصحابليش راك هاربة من خويا
إيجا(سهات لمدة من الزمن): اودي معند لميت ما يدير قدام غسالو
ريناد:صافي حتى لغدا و نهضرو ايلا عندك لوقت...سيري دغيا راه دغيا كيتعصب
إيجا:تصبحي على خير
ريناد(بادلاتها الإبتسامة):تصبحي على خير ..
إيجا(كملات طريقها غادة  كتعتر ف حوايجها ...وقفات قدامو خاشية يديها ف سروالها و كتأفأف . وشعرها كلو مخربق ،طلعات فيه راسها وهن كيبان طويل عليها..):هانا جيت ..
زيدان(كيشوف ف منظرها وهي فاقدة الأمل حيت مصدقتش ليها لخطة باش تهرب منو ..حابس ضحكتو غير بزز ..خشا يدو فسروالو و جبد ليها لي كلي ديال لوطو
إيجا(حلات عينيها ب صدمة ):صافي تصايبت
زيدان(بعدهم عليها ):شبان ليك
إيجا(كتجبد باش تاخدهم):وا عطيني
زيدان(تمشى قدامها ):فات لحال ،انا غادي نوصلك
إيجا(تنهدات):موصيبة كحلة تانيييي