♦️فتاة البادية والمفيوزي المتملك ♦️
♦️بقلمي مونيا لوباروس ♦️
....
#البنااات ...لي بغات تحط لقصة فشي گروب معليها غير تعلمني و تكتب سميتي ♥️♥️😘
مكنتش عارفة حياتي تقدر تقلب عليا بهاد السرعة على قبل قرار خداه با ف حقي ،ضطريت نحارب اي حاجة جات قدامي ب...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجات من بيتها بخطوات بطيئة وفنفس الوقت مترددة والريح لي كاين على براا قوي بزاف كيخلي الشجر كيتحرك شي لي خلاها تفيق مخلوعة من وسط نعاسها ...تمشات وسط لكولوار لي كان فيه ضوء خفيف ..تعمد زيدان يديرو حيت عارفهاا كتهبط تاكل ف ليل ...وقفات قدام الباب ديال بيتو ورجليها حفيانين كتحكهم مع بعضهم ..وشفايفهاا عاضاهم بقوة ..حيت مور داك الباب هي لبلاصة لوحيدة لي تقدر تنعس فيها ب أماان لأنه غرفتو عازلة للصوت.. حطات يديهاا باش تحل لباب بعد صراع طويل مع راسهااا رجعات بلور رغم ديك القوة لي كتجذبها ليه...ورجعات كملات طريقهاا للتحت بخطوات بطيئة وكتلعن فراسهاا ... إيجا(دخلات لكوزينة كتقلب على لگلاص وكتهضر مع راسها):نتي مستحيل تكوني سمحتيليه ا إيجاا...صافي نسيتي داكشي لي دار فيك (حطات لگلاص فوق الطبلة وكتاكل منو)غير بلاتي حتى نرجع فحالي ..معمري غادي نعاود نفكر فيه ف خطرة ،فحال ايلا عمرو كان ...(كتمسح ف عينيها ) أويلي علاش كنبكي أنااا... زيدان (واقف قدام لباب متكي عليه ومن حالتو باينة عليه كان على برا..نطق ب نبرة هادئة):منعستيش.. إيجا(قفزات وضارت لعندو مستغربة من كيف خرج وهي كيصحابليها ناعس فبلاصتو) زيدان(تمشى لعندها وحاط يدو ف جيابو ..حتى وقف حداهاا):شنو لي فيقك! إيجا(كتسرط ف ريقها..وقلبها حاسة بيه بغا يخرج من صدرها من اللحظة لي كان واقف فيها حدا لباب ):أ..مجانيش النعاس .. زيدان(كيحيد ليها الشعر لي طايح على وجهها وملاحظ تنفسها لي بدا نوعا ما كيتخربق.. بتاسم ب خفة ):حلمتي شي حلمة خايبة؟ إيجا(حركات راسها ب لا ) زيدان(شافها كملات لگلاص وناض لعندهاا هزهاا ) إيجا:هبطنييي... زيدان(طالع بيها فالدروج):لاا إيجا(شافتو غادي بيهاا لبيتو ):وا رجعنييي ..بغيت نمشي لبيتييي... زيدان(كيضحك عليها ف نفسو):ياك غير دابا شوية كنتي واقفة حداه .. إيجا(ضرباتها ب سقلة ..طلعات عينيها للسقف لقات انه كاينين كاميرا..عضات شفايفها وكتلعن الخوف لي خلاها تفكر تمشي عندو للبيت) زيدان(حطهاا فوق الناموسية ودخل للدريسينغ كيبدل عليه حوايجو حتى سمع صوت لباب كيتحل ...تكلم ب صوت نوعاا ما عالي):بلا ما تحاولي معاه... إيجا(جات معصبة لعندو):علاش سديتي لبا...(قبل ما تكمل هضرتهاا عاد بان ليها انه كان كيبدل..غمضات عينيها بسرعة وراجعة بلور ) زيدان(جرها لعندو وحاوطها من لور وحابس الضحكة ف داخله):مبقاتش شي حاجة ما شفتيهاش ..علاش مغمضة عينيك... إيجا(ب إستهزاء من هدرتو):ياكماا مزوج بياا واناا ما فخباريش... زيدان(طلق قهقهة رجولية ب صوت عالي ):لاا الصراحة هادي لي مزال مدرتهااا..مطاحتش لياا على بالي إيجا(فهمات هدرتو وشنو كيقصد):مستحيل جوزيف يخليك..واخاا تبغي مغاديش تقدر.. زيدان(طلق قهقهة رجولية ):جوزييف ..هههههه (تمشى لجيهتهااا وهو كيضحك على هدرتهااا ) إيجا(كتبعد لور حتى لصقات مع الدريسينغ وصدرها كيطلع و ينزل ) زيدان(هبط عندها وهمس بصوت رجولي كتنباعت منو ريحة السيگار):ايلا بغيت حتى من دابا جوزيف ميعرفكش فين كاينة..نقدر نديرها ومعمرك غادي تقدري تشوفيه... إيجا(شافت فيه وبلعات ريقهاا من هدرتو لي واخة كان كيضحك ايلا انها لمسات لجدية ف كلامو..بداو عينيها كيلمعو وطيف الدموع بان عليهم):و..و..و يمااا زيدان(دوز يديه على حنيكاتهاا ونطق وهو غارق ف سحر عينيها وفنفس الوقت معاجبوش لحزن لي بان عليها ):هنااا فين كاين لمشكل .. إيجا(هبطات راسها للأرض كتنخصص بطريقة طفولية جابت ليه تمام) زيدان(عض شفايفو وكيتنفس غير بزز لدرجة عروق عنقه بانو بقوة أنه كيحس براسو محتاج يتملك كل جزء من جسدهاا للمرة التانية...سمع صوت تيلي ديالو لي خرجو من لحالة لي هو فيهاا...رجع بلور وبدون ما يتلفت ليها كمل طريقو وخرج للبالكون يكمل المكالمة ديالو)
