فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 47

فتاة البادية و المفيوزي المتملك
الجزء 47

عند هاجر لي يالاه فايقة وكتوجد راسها باش تمشي لعند إيجااا ...لبسات عليها بالزربة ،هزات صاكها وهبطات للتحت وكيفما لعادة مروان مصدع ليها راسهاا  غير كتقطع كيعاود ف نفس اللحظة يصوني ..عاودات صونات على إيجا لقاتها مزال سادة تيلي ديالها ،طلات جيهة لكوزينة  لقات سهيل كيقاد لفطور و يوسف كياكل ...
سهيل(كيقاد لي كريپ  وكيهضر مع يوسف):ايمتاا ناوي تهضر معاهاا!
يوسف:معرفتش..حتى تكون مسالية،داباا مشغولة مع إيجاا.. معندي كيف نهضر معاها..لقضية مرونة من كل جيهة
سهيل(بدا كيفقد أعصابو):لي بان ليك
يوسف:شفتك فحال ايلا معاجبكش لحال...
سهيل:علاش مغاديش يعجبني لحال مثلا..مالها ختي انا ،ياك ختك هاديك..(شاف حتى عياا و قلب لموضوع) موصلك والو من زيدان
يوسف(كياكل فخاطرو ما مسوقش):لا ...
سهيل(حط يدو على لپوطاجي):ماشي من عوايدو..ياكماا يكون بصح!!
يوسف:غير خوي راسك من داكشي ..
هاجر(گلسات حداهم):هي ما طراا ليه والو ؟؟(تنفسات ب عمق) إيجاا غادي ترتاح ايلا سمعات هاد الهضرة..(بسرعة خسرات وجهها) اناا بعداا مغاديش يعجبني لحال..
يوسف(كيلعب ليها ب شعرها و كيضحك):ههههه علاش مغاديش يعجبك لحال..
هاجر(عوجات شنايفها ب بطريقة طفولية و عاقدة حجبانها):اووف غادي يرجع تاني و غادي نبقاو ديمااا فلمشاكل ...كلشي من داك زمر ديال سفيان هو لي طيحنااا فهاد زيدان
سهيل(كيضحك على هضرتها):معمرها تجبدات سمية د زيدان و گلتي شي هدرة مزيانة
هاجر:على زين فعايلو..هو ولا ديك ختو ..
سهيل(تفرگع بالضحك):رينااد!! ههههه (شاف ف يوسف) فهادي يوسف لي غادي يجي من جيهتك..
هاجر(كتاكل وتهضر):زعماا هي فلأول مكانتش عارفة خوهااا شنو باغي يدير ..اصلا هي السبب الرئيسي ..عالم الله شنو دارت إيجاا باش سلط عليها الله واحد فحال هاداك..(شافت ف يوسف) مگلتي والو نتاا
يوسف(حاط يدو على حناكو غير كيسمع ليها وكيضحك رغم انها جبدات سيرة ريناد فلهدرة لكن ما تسوقش..):لا بلعكس اناا كنسمع ليك..
هاجر(شافت ف الساعة):ناري نسيت راسي...
يوسف:تسناي انا غادي نوص..
سهيل(شافو باغي يزرب عليه وهو يسبقو جرها من يديها ):اناا غادي نوصلك...
هاجر(كضحك حيت عاقت بيه):بسلامة ا يووسف..
سهيل(حل ليها لباب ديال لوطوو):طلعي طلعي..
هاجر(جمعات ليه وجهو بيديها بزوج):يخليلي لي كيغير..
سهيل(كان عاقدهم..ب كلمة وحدة گالتها ولا كيضحك):احح شفتي دابا..هاد الحنانة عندك كتبان مرة فالشهر...

##عند إيجااا لي النعاس مزارش عينيها ليل كامل..كيطيحو فبالها أسوء الإحتمالات بخصوص زيدان...راسها ما هداش من التفكير ولو لثانية  ...كل ما كتسد عينيها كتبان صورتو قدامها...ناضت من بلاصتهاا بعدما عيطات عليها بلقيس باش تهبط للتحت..جمعات شعرها على شكل سفنجة وهبطات لتحت..بانت ليها بلقيس هي و جوزيف گالسين كيفطرو فالجردة..قبل ما توصل طلعات عينيها فالسماا كتشوف الجو مشمس وكيفتح النفس ،عكس لبارح لي كان مغيم ...غمضات عينيها و كتحس براحة غريبة كأنها علامة إنذار كتگول ليها انه غادي يرجع...
بلقيس(فرحات فاش شافتها جايا):أجي ا بنتي ..
إيجا(گلسات حداهم مقابلة مع بلقيس و جوزيف فلوسط مترأس الطبلة..بتاسمات ب خفة ):صباح لخير..
بلقيس(عرفاتها منعساتش ليل كامل):صباح النور ا بنتي...
جوزيف(قاص ليها حنيكاتها):كيف صبحتي..
إيجا(شافت فيه مباشرة فعينيه وهي عارفاه انه هو باهاا لي كان باغي يدير أي حاجة على قبلها باش يخلصها من زيدان..عكس لعربي لي كان عندو سهل أنه يدمرها ب حجة أنها بنت...رغم داكشي لي بين زيدان و جوزيف لكن كيبقى غلطها أنهاا تعلقات بيه وهي عارفة انها دارت غلط ومتحكماتش فراسها..بتاسمات فوجه جوزيف):صبحت مزيان..
بلقيس(قربات ليها لماكلة قدامها):كولي شوية
إيجا(بان ليها كرواص ب مذاق لحامض..جبدات وحدة كتاكل منها ،غير كتحطها ففمها كذوب ...):ممم بنين..
جوزيف(شاف ف بلقيس مستغرب)
بلقيس(ب إستغراب):ياك مكيعجبكش لحامض..
إيجا(كتاكل وكتبنن ما مسوقاش ليهم )
جوزيف:خليها تاكل لي بغات..
بلقيس(كتهضر ب شوية):بنتي و أنا كنعرفها..غير كنحطو شي حاجة بلحامض حداها كتبعدهاا...العالم االله شنو مزال غادي يخرج من هادشي ..
هاجر(وقفات حداهم):صباح لخيير
إيجا(كتاكل لدرجة ما سمعاتهاش)
بلقيس:صباح لخير ا بنتي..گلسي..
جوزيف(ناض من بلاصتو):انا عندي شي خدمة على براا...
بلقيس(ناضت معاه):بلاتي..بغيت نهضر معاك فشي حاجة..
جوزيف(كمل طريقو):واخاا
هاجر(بانت ليها الساحة خوات):هييه...
إيجا(عاد شافتها):هااجر ..جيتيييي
هاجر:على سلامة منين شفتيني...
إيجا(حطات لماكلة  وضارت لعندها كتسناها تهضر)
هاجر:وا هي الصراحة مكاينة حتى شي خبار..ولكن سهيل گال لياا كون كانت شي حاجة كون راه عرفوها..
إيجا(حركات راسها ب أه و مكملة ماكلتها)
هاجر(كتشوف فيها):هاني كنتسنى
إيجا:شنو!
هاجر:گلتيلي عادي تعاودي لياا كلشي! شنو وقع فاش كنتو لهيه
##بلقيس(تابعة جوزيف حتى لجهة فين كاينة لوطو ديالو):وا جوزيييف تسنى نهضر معاك
جوزيف(ضار لعندها كيتسناها توصل عندو)
بلقيس(وقفات كتنهج بقوة ما جرات )
جوزيف(كيقاد ليها شعرها لي طايح على وجهها ):اجي گلسي بعدا عاد هضري
بلقيس:لا بلاش ...
جوزيف(ربع يدو و كيتصنت ليها):هاني كنسمع
بلقيس:ملاحظتي والو فلبنت !!
جوزيف :لا على اش بالظبط كتهضري..
بلقيس(كتهضر و خايفة من داكشي لي غادي تگول):جوزييف راه لبنت واقيلة حاملة..
جوزيف(ضحك بسخرية):بلقيس..ماشي وقت الضحك هاداا
بلقيس:واش كتبان ليك حالتي ديال الضحك ...راه لبنت باينين عليها الأعراض..ما شفتيش الطريقة باش كتاكل ..والصباح دخلت عندها لبيت سمعتها كترد...
جوزيف(دوز يدو على شعرو ب عصبية ):ميمكنش هادشي يكون بصح..(ضرب بالجهد ف لوطو وكلو كينهج و صدرو منفوخ بقوة ما معصب)تأكدي من هادشي ا بلقيس..حيت ايلا كان هادشي بصح ،مغاديش نسمح لطرف من زيدان يعيش وسطنااا...

إيجا(بسرعة  ذاكرتها رجعات للور وبدات كتعاود أي حاجة طرات من نهار حطو رجليهم ف ماربيلا حتى لنهار كان غادي بيها للمستشفى )
هاجر(حاطا يديها على وجهها و مستغربة انهاا كتهضر على زيدان ):واش مأكدة هاد الشخص لي كتهضري عليه هو زيدان لي كنعرفو بزوج
إيجا (حركات راسها بأه )
هاجر:لعجب ..شنو زعماا يكون كيبغي...،لا بلاتي ولا كانت غير ندامة وبغا يكفر على غلطو ...
إيجااا (كتهضر بهدنتها المعتادة):معرفتش..ولكن هو گال ليا غادي يرجع
هاجر(بغات تسولها ولكن ترددات):ونتي ! كتبغيه
إيجاا(عضات شفايفها وكتفكر):لاا
هاجر(عرفات انه جوابها ماشي صريح ..حيت اي واحد بعقلو مستحيل يگول أنه كيبغي شخص ف يوم من الأيام أذاه بطريقة بشعة )
إيجا:انا عييت غادي نطلع نرتاح ..
هاجر(بانت ليهاا ماشي هي هاديك):مالكي..كضرك شي حاجة..
إيجا:لا غير فياا شي وجع خفيف..
هاجر:واخااا طلعي رتاحي..(بقات حاضياهاا حتى طلعات) ها وجهي لا مطلعاتش كتبغيه ..وحتى هو