فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 80

الجزء 80

يوسف(خشا فيه كروشي جابو طايح للأرض ..عاد رجع نزل ليه للأرض كمل ليه لي بقا ..
ريناد(مشات جرات يوسف):اويلي شنو كادير نتاا..
يوسف(جرها من دراعها):لهضرة ماشي دابا معاك ..حتى نكمل مع هادا
ريناد(حاوطات يديها على خصرو ):لاالااا مضربووش...
منصف(ما متيقش راه ملاكم ضاربو ..شداتو الدوخة مابقاش عارف شنو طاري حداه ..كيهضر ولسانو تقيل عليه):الله ياخد لحق فيك ا هاجر..
ريناد(جارها يوسف خارج بيها على براا):وا يوسف طلق راك ضريتيني ف يدي..
يوسف(وقف قدام لوطو):طلعي
ريناد(دايرة راسها معكسة معاه):لاا..جبت لوطو ديالي انمشي فيها
يوسف(خبط بيديه على لوطو حتى قفزها):گلت طلعييي ..
ريناد:دابا مالك علاش داير هادشي كامل ..
يوسف:هضرت ا ريناد...طلعييييي راه مغادي يعجبك حال
ريناد(طلعات بلا متزيد معاه لهضرة)
يوسف(ديمارا و ضار لجيهتها حتى قرب لوجهها)
ريناد(بعدات عليه):مالك
يوسف(جبد السمطة ركبها ليها عاد بانت ليه رتاحت السيدة..جبد مشوار و عطاه ليها):مسحي داك لخرا لي دايرة فداك لفم
ريناد(شافت فراسها تشوف لماكياج ديالها ياكما مخصر:لاا ..جاني زوين ما غاديش نحيدو
يوسف(كيحل صدايف ديال الشوميز ديالو وهو واصل لأعلى مرحلة من عصبيتو وهي غير كتزيد فيه):ما بغيتيش؟
ريناد(رمات لمشوار لي عطاها من الشرجم )لااااا هي لاااا ...واصلا شكون نتا لي تگول لياا شنو ندير و شنو ما نديرش
يوسف(كمل طريق صايگ وهو عروقو علاين يخرجو من بلاصتهم ..فرانا بالجهد قدام دارو..):خرجي
ريناد(شافت راسها لقاتو جابها لڤيلا ديالو ..هبطات وهي كتشوف فيه):علاش جبتيني لهنااا
يوسف(مكيهضرش.. جرها من ذراعها داخل بيها ..حتى رماها فوق لكاناپي ..غير مصبر راسو وهو مرة كيتعاود سيناريو لي طرا قدامو ف عينيه..جبد مشوار كان فوق الطبلة):مسحي داك لخرا لي فوجهك و نهضرو
ريناد(رماتو فلأرض ):لااا
يوسف(عطاها أخر وهو غير مصبر راسو عليها وعلى لعناد لي مكيحملوش فيها):مسحي
ريناد:لاااا
يوسف(مد ليها واحد أخر):مغاديش تمسحيه
ريناد(عاودات رماتو فلأرض ):لااا هي لاا
يوسف(جرها لعندو وهو شاد وجهها بين يديه...نقض على شفايفها كيمص ويعض فيهم وهي كتغوت مقصحة حيت كيضرها...حتى حس بيها كتبكي ووقف ...جبد مشوار مسح بيه هو فمو و عطاها واحد ):دابا مسحي داك لوجه
ريناد(كتبكي حيت مقصحة ..حناكها ايطرطقو بلحمورية..خدات من عندو لمشوار وهي ساكتة كتمسح فلمكياج ديالها ومهبطة راسها للأرض ..
يوسف(گلس حداها وهو حاضي تفاصيلها):شكون هاداك
ريناد(شافت فيه متوقعاتش منو يسولها ..غير تلاقات عينيها مع عينيه رجعو حناكها كيتلونو ..بالزربة حنات راسها للأرض كتلعب بيديها)
يوسف(مزير على قبضتو و حاس براسو كيغلي من للداخل ..خبط بالجهد على الطبلة):راني كنهضر معاااك...شكون داك ال*امل 
ريناد(قفزات مخلوعة ):ااا غير صديق ..والله
يوسف:كتفلاااي علييااا ..هاداك صدييق ...
ريناد:والله حتى صديق..
يوسف(مزير عليها من ذراعها وهو عقلو ايخرج):منييين صدييق (شحطها للبلاصة فين كان شادها )اش قربووو يقيص فيك...
ريناد(شادة فديك لبلاصة  كتحكها وهي علاين تبكي من حر الدقة..بالزربة عينيها تكونو فيهم الدموع):راه..راه غير كنت غادي نطيح..
يوسف(جرها لعندو من شعرها وغير كيزيد يجعر حيت منظر منصف وهو قايص فيها مبغاش يمشي ليه من عينيها...):مااا يقيييييصش...اش غادة دييرييي نتيي اصلا تمااااا فين عمرك خرجتيييي مع شي حد
ريناد(ركباتها لقفقافة ندمات حتى گاع دارت هادشي كامل ..ولات باغة غير السلاك مع يوسف ..عمرها شافتو فهاد الحالة...طلقات لعنان لدموعها):بغييت نمشي فحااالليييي ...
يوسف(كيمسح على وجهو كيحاول يتهدن ..مشا للكوزينة خدا كاس دلماا و رجع لعندها لقاها مزال گالسة بلاصتها ...گلس حداها ونطق بهدوء):اجي قربي لعندي
ريناد(بلا ماتعاكسو قربات لعندو وهي كتمسح فدموعها):
يوسف(شافها مزال كتحك على الضربة كضرها...):خليني نشوف(بعد ليها لكسوة لي اصلا كانت كلها عريانة من لفخاض ..لقاها ولات حمرة  ودغيا بانت ليها فلحمها):قصحتك !
ريناد(شافت فيه ب شوفة ديال من نيتك ..)
يوسف(بقات فيه كيف كتحك عليها..بدا كيدوز يديه عليها باش يبردها ليها ..
ريناد(قلبات وجهها متفادية تشوف فيه)
يوسف:علاش ما جيتيش لبارح للكومبا ..
ريناد:احم..كنت مشغولة
يوسف(مشا بالو راها كانت مشغولة مع منصف ..حيت ما موالفش ليها تگول ليه اتجي و متجيش ..زير ليها على فخضها):ب شنو !
ريناد(علاين ترجع تبكي):سول هاااجر ..راه كنت معااهااا..
يوسف(رجع كيبرد ليها على الضربة ...نطق ب حنية):كليتي ..ولا باقي فيك الجوع..
ريناد(عاجبها لحال):لا باقي فياا ..حتى نمشي للدار وناكل ...علاش جبتيني لهنا
يوسف(جرها لعندو من عنقها):ماشي ولات فيك لهضرة بزاف ..ما موالفاش ليك
ريناد(خنزرات فيه يالاه باغة ترجع تهضر وهو يسد ليها فمها ببوسة خفيفة ...):ش..
يوسف(قبل ما تهضر رجع  حط فمو على ففمها طول من لمدة لي دار قبل ):وليتي كتهضري بزاف ..
ريناد(كتبحلق فيه ب عينيها ..غير هي هاد لمرة لي جراتو لعندها كتمص ف شفايفو ...
يوسف(جرها لعندو مطلعها فوقو ويديه كيتساراو على ظهرها ...متفنن ف لمساتو وقبلاتو ليها ...وقف حتى حس بالنفس مشا ليها ..وحتى هو صدرو كيطلع وينزل  معاها ...
ريناد(كطلع النفس غير بزز و عاد حسات بالكسوة لي طلعات ليها ..بعدات من فوقو كتقاد فيها وفشعرها
يوسف(شاف فيها وهو كيضحك على حالتها ووجهها لي شوية غادي يطرطق بلحمورية ..):رخفي فيك النفس
ريناد(شافت فيه):هااا ...اه (عاد بدات كتنفس نسبياا..
يوسف(جرها من يديها غادي بيها للكوزينة ):انا براسي فيا الجوع..
###زيدان(گالس قدام التلفازة مرة مرة كيشرب من كاس قدامو لي كان فيه نبيذ أحمر من أفخم الأنواع ..خصوصا انه كان ب إسم إيجا وتصنع خصيصا ليه كان كيشرب منو وقتما تفكرها ولا طاحت ليه فبالو وهو بعيد عليها  ..ضار لجيهتها بعد مدة وهو مستغرب من سكاتها ..لقاها مزال كتاكل فلي گلاص لي شراهم ليها فالطريق و مركزة مع لفيلم ..بتاسم من منظرها لي ما منعوش انه يخسر عليها اللحظة):باراك راه غادي تمرضي ..
إيجا(كتفرج):غير خليني نمرض ..زعما نتا داكشي لي كتشرب مغاديش يمرضك
زيدان(ضحك على عنادها لي مكيتقاداش...جرها لعندو من خصرها حتى لصقات عليه..خدا من عندها لگلاص  كياكل فيه):مم بنين غير هو حلو بزااف
إيجا(خرجات فيه عينيها:شنوووو درتيييي  هادا هو لي كان بااقيي ...(طلعات من فوقو كتجبد باش تحيدو ليه ):وا اراااااااه ..مبغيتيش (خدات لكاس ديالو لي كان عامر شرباتو كامل وهي كتخسر فوجهها)اويلي شنو هادشي
زيدان(كياكل فلگلاص حتى شافها شنو دارت كانت غادي توحل ليه):شنوو درتيي ..
إيجا(كتمدق داكشي لي شربات ):بنين ..منين خديتيه عمرني طحت فواحد فحالو
زيدان(عطاها تشرب لماا):مزال غادي نتفاهمو على هادشي ..راني كنجمع ليك
إيجا(باقا گالسة فوقو ..زربات عليه وخدات ليه لگلاص خشاتو ففمها ..قربات ليه وعينيها ف عينيه لي مرة مرة كيتفحصو شفايفها):على شنو غادي نتفاهمو بالظبط؟
زيدان(عاد لاحظ لگلسة لي دايرة فوقو كان كيحاول يتفاداها ولكن طاقتو نفذات ب حركتها الأخيرة خصوصا انه مواعيش مية فلمية ،مسمعش بالظبط شنو كانت كتگول بقوة م كان غارق ف بحر عيونها   ..قربها لعندو من خصرها حتى صدرو قاس صدرها ..هبطو عينيه لفمها لي كيرجف ومرة مرة كتعضو ...عاود طلع عينو ف عينيها لقاها مغمضاهم بدون ما يستأذن ..بدا كيلتاهم فشفايفها  كيمتص رحيقهم بقوة ..كل وحدة كيعطيها حقها ومرة مرة كيجمعهم بزوج ...مخلي يدو كتسرح ف منحنيات أنوثة تضاريسها كيداعبهم بكل حنية ..هي لي ولات ف خبر كان ،متجاوبة معاه مخلية أحاسيسها هوما لي سايقينها ...كان كيسمع غير تنهيداتها لي كانو فحال شي لحن كل مرة كيتبدل ليه اللحن كيخلي كيانو يتحرك ،وكيشعل فداخلو جمرة لعشق لي مات ف داخلو من جديد..بدون إستأذان خشا يديه من تحت تيشرت مقربها لعندو مكارهش يخشيها لداخل عندو ..كيمرر يديه لي كان ملمسهم خشن على لحمها الرطب ..كأنه كيستذكر الملمس ديالو ...قربها حتى تعلات عليه شوية وعطاها فرصة فين تنفس باش يغرق ف منحنيات عنقها ..كيداعب فيه ب شفايفو ب كل حنية مخلي صوتها لي غادي وكيعلى...
زيدان(زير عليها من شعرها مخلي عينيها مقابلة مع عينيه وشفايفهم مكيفصل بيناتهم حتى سنتيم ..كيتنفس بالجهد كأنه كان ف صراع..):إيجااا...
إيجا(بزز باش كتاخد انفاسها ،كان متملكها إحساس الضعف قدامو ..خصوصا انه كان كيحاول يحبس راسو عليها ..زادت قربات ليه ورجعات خلاتو يدخل معاها ف قبلة فرنسية ب معنى الكلمة حتى وقفات وهي كتسترجع انفاسها
زيدان(كيحس ب أنفسها وشففايفها كيتحركو ف انحاء عنقو ..عرفها ماشي فوعيها كامل..نطق وهو كيتنفس بزز كيحاول يحبس راسو عليها ):إيجا..نوضي تنعسي راه الصبر تقادا ..ما ديريش شي حاجة فالصباح اتندمي عليها..(شد ليها راسها بين يديه )صبري راه تقادا منضمنش ليك شنو ندير مزال
إيجا(طلعات عينيها فيه كانها ما مسوقاش شنو كان كيگول ..نطقات بصوت انثوي مثير بعدما طبعات بوسة خفيفة فالجناب ديال فمو ):كنبغيك
زيدان(تنهد كانه حط گاع لحمل لي كان فوق ضهرو .، حس براسو كأنه ملك الدنيا ومافيها وهي بين يديه ..طلع عينو فيها لقاها كتشوف فيه بإستغراب ..هزها بسهولة بين يديه وهي محاوطة ظهرو ب رجليها ..مطلعها فالدروج بدون ما يفصل فمو على فمها ..غايص ف رحيقها وحتى هي محاوطا عنقو بيديها بزوج ما مخلياش ليه فرصة فين يقدر يبعد...
زيدان(حل لباب ديال لبيت ورماها فوق من الناموسية كان بيت نوعا ما صغير كيتكون من حمام ودريسينغ بطابع كلاسيكي راقي ،..)
إيجا(طلعات عينيها فيه لقاتو واقف كيتفحصها ب عينيه ..وصدرو لي تزاد حجمو ..كيتنفس بطريقة غير متزنة...فيكسات عينيها ف عينيه كأنها كتحاول تفهمو غير منهم ..احساسو بالضعف قدامها كان واضح وضوح الشمس..متنكرش انها حتى هي كانت مقادراش تحبس راسها....
زيدان(قرب ليها ببطئ وهو كيتفحص كل جزء منها...حنى لعندها وهي متكية على الناموسية ..قرب لجهة عنقها كيلامسو ب نيفو من لفوق حتى بدا كيفرق مصيصات خفاف على عنقها ..كيداعبو بطريقة كتخليها تزيد تفقد السيطرة على راسها..حتى خلات ليه ظهرو كلو مطبع ب أثار ظفارها ..طلع راسو فيها ودخل معاها ف قبلة فرنسية بمعنى الكلمة بدون ميفصلها طلع ليها التيشرت وفنس لوقت كيدوز يديه على جسدها ب حنية حتى وقف وطلع راسو ..بتاسم ابتسامة جذابة خلاتها تالفة وهو كيحيد داكشي لي بقا من تيشرت ديالها حتى رماه فلأرض ..وتكشف لي تبقى منو .. بعد عليها كأنه باغي نظرة أخيرة فيها قبل ما يغوص ف بحر منحنياتها ..غمض عينيه وفتحهم قلبو تهز من منظرها  ...فاش عرفها كانت مجرد أنثى عشرينية ،..ولكن متيقش راسو بعدما كشف على ما تبقى من جسدها...كيشوف قدامو انثى كاملة ، صارخة بالأنوثة..عارف راسو ايلا  زاد كمل فداكشي لي كيدير ،من مور هاد الليلة غادي يتزاد هوسو بيها..وغيرتو غادي تضاعف اضعاف على قبل ..هبط  عينيه على صدرها لي كانو ريوسو واقفين كيداعب فيه بلسانو ومستمتع ب أنينها  ..وف نفس الوقت باغي يحبس راسو  و ماقادش حيت عارف انه هادشي ماهو غير تأتير داكشي لي شرباات حيت مولف كيشربو و عارف  التأتير ديالو قاصح بزاف ..ماشي ف أي نهار كيشربو ..فاش كانت كتجي ليه فبالو ديما كيشربو حيت هو بحدو لي كفيل يخليه ينسا ..وغير كمية قليلة منو كتأتر عليه..عساك هي شربات داكشي لي بقا منو كامل دقة وحدة ..
طلع عينو ف عينيها ..شوفاتها فيه بوحدهم كفيلين انه يخليوه يكمل ...كانو عينيها معسلين ..طلعات عينيها فيه مركزة ف عينيه حتى بداو كيتقالو عليها وبسهولة غمضاتهم
زيدان (ناض من بلاصتو مبعد راسو عليها ..حيت منظرها قدامو يخليه يدير كتر من لي دار شحال هادي ..رما عليها ليزار و بعد عينيه ودخل للدوش خشا راسو من تحت لما بارد وهو بحوايجو ،كيتنفس غير بزز و مدابز مع عقلو لي فيه غير صورتها وهي عريانة قدامو ... حيد ما تبقى من حوايجو و دوش حتى حس براسو برد و خرج لاوي عليه فوطة ...خرج لقاها كتشخر سرعان ما تقلب و بدا كيضحك على راسو ...وقف قدام الناموسية و حيد ليزار كيتفحصها  و ففمو ابتسامة ما مفهومش معناها .هز تيشرت ديالو و هبط لعندها كيلبسها ..
إيجا(حالة عين و سادة عين ):طفي ضوو
زيدان(هبط لشفايفها خطف بوسة):غير رتاحي ..حيت قريب حتى هاد الليل ايولي ممنوع فيه النعاس..(هبط ليها التيشرت ) يالاه كملي نعاسك ا حبيبة
شاف حتى عيا و ناض بدل حوايجو و تخشا حداها و مبعد شوية عليها بينما يفوتو لحال ..
*********
عند ريناد بعدما تعشاو خلات يوسف طلع يبدل حوايجو و صونات لهاجر
هاجر :امضرا ..
ريناد:صدقات ...
هاجر:لعععاااار ..شتي گلت ليك تبعيني ويكون خيرر...فينك نتيي بعدا
ريناد:انا معاه فالدار ..جابني لهنااا ..
هاجر :اييه وشنو طراا..
ريناد:اححم..حتى نتلاقاو و نگوليك
هاجر:مممم حتى نتلاقاااو ..حتى نكون مكنعرفكش نتي وياه...فين هو بعدا
ريناد:طلع يبدل حوايجو
هاجر:وا نوضي ا حنينني ..يالاه توصلي للدار
ريناد:احم..هو گال ليا بقاي ..شنو بان ليك نبقى...اصلا لحال تعطل
هاجر(شدات فراسها):تي نوضي راه خوك يصدق سايق ليك لخبار ..منبقا لا انا لا نتي لا يوسف.
ريناد(لون وجهها تخطف ):ناريييي اش داك تفكريني ...انوض دابااا
هاجر:خليه نيت يحماق غير شوية مع راسو ..خويا و انا كنعرفو ..
ريناد(حسات بيه جاي و قطعات معاها و ضارت لعندو ):احم ..صافي بدلتي (ريناد سرطات ريقها بان ليها هابط غير ب شورط و عريان من لفوق )
بوسف (گلس حداها ):اه ..طلعي لبسي عليك شي حاجة اتبقاي بهاد لحوايج؟
ريناد(بعدات عليه و كتحاول تخفي توترها منو ..):يوسف..منقدرش نبقى ..هاد الايام خويا زيدان داير معايا بالو بزاف ..خلي حتى لمرة اخرى...
يوسف (فكر فالموضوع بمنطقية واخا مابغاهاش تمشي وكاره يدوز هاد ليلة بوحدو..ولكن ايلا فكر بالمنطق هادشي معندو حتى اساس.. ):اه عندك الصح..بلاتي نلبس عليا شي حاجة و نوصلك ..
ريناد(ناضت هزات صاكها):واخا انا انتسناك برااا (خرجات قدام الجردة كتسناه يهبط و كتفكر فگاع لي وقع هاد اليلة و الضحكة مبغاتش تفارق وجهها بالفرحة..تنفسات بعمق وهي حاسة بالراحة حيت واخيرا كلشي تقاد ..گاع امورها تقادات ..علاقتها ب هاجر و ايجا تقادات و حتى من علاقتها ب يوسف هاهي غادة و كتقاد....وقف يوسف من موراها
يوسف:شنو سر هاد الضحكة
ريناد(دغيا جمعاتها):لاا والو ..
يوسف (خطف بوسة من فوق شفايفها بالزربة و مشا حل ليها لباب): اجي
ريناد(طلعات لبلاصتها و حتى هو طلع لبلاصتو كيشوف فيها):علاش كتشوف فيا هكاا
يوسف(هز يديها باسها ):كنشوف فرزقي ..علاش !مبغيتش نشوف ..
ريناد(ضحكات ب رقة ..ونطقات وهي كتشوف ف عينيه ):لا بلعكس بغيتك تبقى تشوف فيا ديما فحال هكا
يوسف(ديمارا لوطو كيضحك عليها ):من ديما كنشوف فيك فحال هكا نتي لي مكنتيش كتلاحظي ..
ريناد:و صافي عفاك بلا ما تبدى الله يخلييك
يوسف(كيضحك):صافي انا ساكت ا حبيبة
ريناد(حلات عينيها على كلمتو لأخرة...بتاسمات فلداخل ديالها ..
يوسف(فرانا باللوطو قدام الدار و ضار لعندها لقاها ساهية..):ريناد..
ريناد:صافي وصلناا .
يوسف:فين سهيتي ..
ريناد:لاا فوالو ..غير  عييت فقت بكري ليوم..(هزات صاكها و خلات لباب )تصبح على خير ..فتش توصل قولها ليا ..
يوسف(هبط من لوطو و تبعها:ريناد
ريناد:مالك بغيتي شي حاجة
يوسف(شد ف يديها):فاش يرجع زيدان انهضر معاه علينا
ريناد:ماشي زربتي
يوسف:بلعكس ما زربت والو من الاحسن نهضر معاه قبل ما يعرف هو بوحدو ..(قرب لشفايفها كيخطف منهم بوسات مفرقين) تعطلنا اصلا بزااف ..
ريناد(بتاسمات ):صافي واخا لي بان ليك
يوسف :تصبحي على خير
ريناد :بونوي ..
يوسف(بقا حاضيها حتى طلعات لدارها )
ريناد(طالعة  كتشطح و كدندن فرحانة كتخرج لفرحة لي فيها حيت من الصباح و هي كاتماها حداه ...تحل الأسانسور و جبدات سوارتها وهي كتغني ..وقفات كتسمع صوت خطوة موراها ..ضارت لعندو لا اراديا كضحك ):وا يوسف صافي  ..(وقفات مجمدة بلاصتها لدرجة وجهها تخطف منو اللون)سفيااان(يالاه اتغوت  بالزربة تحطات يد على فمها )
سفيان(شاد ليها فمها بيديه و ليد لخرى فيها سلاح موجهو لجهة كرشها ):سدي داك الفم حسن ليك ولا مغادي يعجبك حال...(شافها كتگول ليها اه براسها)حلي لباب
ريناد(حلات   عينيها مخلوعة )
سفيان:حلي لباب دغيا ..
ريناد(جبدات سوارت ويدها كلها كترعد وعينيها مغرغرين ..مقدراتش حتى تحط الساروت فبلاصتو )
سفيان(يالاه اياخد منها السوارت و تحل باب ديال الأسانسور..شي لي خلاه لا اراديا  يحط السلاح جهة عنقها  ..ضحك لا اراديا):عطاااف..
ريناد(غير شافتو بدات كتبكي لا اراديا )
يوسف(ضحك باستهزاء ):غبرتي حتى غبرتي هاد السنين كاملة و درتي هاد الدخلة البليدة ..معمرك ماغادي تبدل
سفيان(نوعا ما معجباتوش الهضرة...تعمد يزيد يضغط عليها بالسلاح ):نشوفو هي شنو غادي تگول فهادشي ..
يوسف :حيد داك السلاح ..هادشي لي كادير مغادي يفيدك بوالو..غير غادي تجيبها فراسك ...حمد الله زيدان ما كاينش و ومامساليش ليك كون الحاجة لكبيرة كترحم عليك...حيد عليك ديك اللعبة لي فيديك...
سفيان(كيشوف فيه ب حقد ..ضحك ب حنق و هو كيشوف ليه ف عينيه...بدا كيهبط بالسلاح و كيتسارا بيه ف أنحاء جسدها  ):نشوفوها هي  يمكن هاد اللعبة تعجبها ...
يوسف(بدا كيوجد يديه ..):اللعبة هي لي انرسمها ليك فوجهك دابا..(بالزربة و بضربة وحدة برجليه طير ليه السلاح و شدو هو ف يدو ):شتي لي مكيسمعش لهضرة
سفيان(تفاجأ بحركتو ..عاد بدا يتفكر راه عطاف لي قدامو...رجع بللور و هبط مع الدروج كيجري )
ريناد(مشات كتجري عندو كتبكي وكلها كترعد ):هرب ا يوسف غادي يرجع تانيي ..
يوسف:معندو فين يهرب ..الرجال ديال زيدان غير يشوفوه ايتبعوه..
ريناد(ضربات ف راسها):اووف نسييت خوياااا
يوسف (بتاسم):حيد ليها السوارت من يديها و هزها حيت رجليها كانو كيترعدو بالخلعة..
ريناد(زيرات عليه بيديها):فين غادي ..
يوسف(هابط بيها فاادروج):اتمشي معايا و متزيديش معايا لهضرة..(حطها فاللوطو و قاد ليها سانتيغ  و مد ليها لماا
ريناد:من نيتك راه منقدرش نبات معاك للدار..ايلا عرف خويا انمشي فيها
يوسف(شاف فيها بنص عين):شكون گال ليك انديك للدار..
ريناد:وفين !!
يوسف:لأوطيل ..
ريناد(ملقات فين تخبي وجهها ):احمم كيف درتي عرفتي راني ف مشكل و جيتي  ..
يوسف:ساهلة ..نتي كتخافي من الظلام ..ميمكنش تحطي رجلك فالدار بلا ماتشعلي الضواو كاملين
ريناد:علاش واش نتا بقيتي هناا صحابلي مشيتي ..
يوسف(شاف فيها و مد ليها منديل باش تمسح وجهها ):لا ما مشيتش .منين تعطلتي بزاف باش تشعلي الضو عرفت شي حاجة ماشي هي هاديك ...
ريناد:كنتي عارف سفيان حاضينا ياك ؟
يوسف(ديمارا لوطو):منكرش ..ولكن مضنيتش ايجي حتى لعندك نتي خصوصا ..لي عارف انه زيدان كان كيقلب عليه و صافي ..
*****
هاجر(وقفات فلباب ديال دريسينغ حاضية سهيل كيقاد حوايجو ):عندي ليك واحد لخبار ...
سهيل:لي هي شنو ..
هاجر(غمزاتو ):يوسف...
سهيل(كيحط حوايجو فبلاصتهم ..فاش سمع سميتو ضاو لعندها):مالو تاني ..غدا انبدل ساروت ديال الدار و ديال الجردة..نلقاك عطيتيه ليه انتفاهم معاك..
هاجر(كضحك عليه):متحتاجش دير هادشي كامل ..
سهيل:نحتاج ..شي نهار يدخل عليناا حتى للبيت ...
هاجر:ياك كان صاحبك قبل منعرفو اناا...شفتك نكرتيه
سهيل(شاف فيها وهو معصب):كدافعي عليه دابا حيت خوك...
هاجر(مشات عنقاتو ):وا صافي راه گلت  ليك ما بقيتيش اتحتاج  دير هادشي كامل ..
سهيل(بعدم فهم):مفهمتش
هاجر:يوسف طاح فالشبكة صافي ..
سهيل:كتكدبييي
هاجر:سييييي هادشي لي كاين ..عاد هضرت مع ريناد دابا
سهيل(بلغوااااات ):وا خييييييرا...
هاجر(كضحك عليه ):لي يشوفك هكا ميگولش راه صاحبك ،مكنتوش كتفارقو
سهيل:ما بقات صحبة فهادشي  ...
هاجر:هانتا دابا تهنيتي فخطرة..دابا ..خصوصا دابا مع سفيان يوسف مستحيل يخليها بحدها
سهيل:كيفاش ...
هاجر(كتعاود ليه شنو طراا):هادشي لي گالت لياا ...راها فالأوطيل .
سهيل:هاداك غير خليه ا يجيبها غير فراسو...(باقي واقف معنقها) مجاكش النعاس .
هاجر:لاا مابغاش يجيني ..ولكن خاصني نعس غدا انمشي لبيرو ضروري ..
سهيل(كيقرب ليها وهي كتبعد):شادة معايا ضد باغا ترجعي ليا الصرف ..
هاجر(بتاسمات ):لااااا
سهيل(هزها ):ياك گلتي ما فيكش النعاس ..اجي عندي معاك واحد لهضرة مهمة اتعجبك