فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 49

⚜️فتاة البادية والمفيوزي المتملك⚜️
⚜️الجزء 4⚜️

عند جوزيف لي كان گالس على أعصابو ..عروق راسو ولاو خرجو بقوة التوتر وهو كيفكر ..حتى صونا ليه تيلي كانت بلقيس..تردد باش يجاوب حيت خايف من داكشي لي يقدر يسمع ...فتح لخط  و حط تيلي على وذنو كيسمع بلقيس كتشهق  بدون ميجاوبها خرج من الشركة الدنياا ضايرة بيه..حتى من لوطو لي مولف كيصوگها ب يديه .مكانش ف وعييو لكامل باش يصوگها....كأنه المشاكل كاملة تجمعات و ترمات فوق راسو...هز راسو لسماا و كيطلع النفس غير بزز،وجزء منو كيگول انه هذا ما هو غير عقاب ليه على أي حاجة عاشتها بلقيس من موراه ، ومصير بلقيس هو نفسو كيتعاود من جديد ف صفحات حياة بنتها...غرق وسط أفكارو  حتى فيقو صوت تيلي ديالو..هزو حتى كيلقا سمية د زيدان طالعة ف الشاشة...بدون تردد حط تيلي على وذنو وهو ف قمة أعصابو لكن متحكم ف نفسو حيت زيدان ايلا عرف إيجا حاملة مستحيل يقدر يبعد عليها..و جوزيف عارف مزيان انه زيدان كان ناوي ف مرحلة من حياتو يكون أسرة و يعيش وسط أسرة حيت عمرو داق شنو كتعني هاد لكلمة من صغرو..
جوزيف:شكاين
زيدان(صايگ لوطو ديالو و حاط السماعات على وذنيه،رغم انه باين عليه معصب من حدة ملامحو ):فينك
جوزيف:تيق بياا ا زيدان ،ايلا شفتك قدامي مغاديش نتردد ثانية وحدة باش نقتلك...
زيدان(ب نصف إبتسامة):مكنضنش غادي تبغي تخلي حفيدك يعيش بلى بااباه..
جوزيف(زير على يدو بكل قوتو حتى تحبس الدم فيهم و داكشي لي خاف منو هاهو وقع ):كون أكيد  انه بنتي عمرها غادي تسمح تخلي طرف منك عندها..
زيدان(غوت ب أحر جهدو بنبرة غليظة كلها غضب ):جوووزييييف...
جوزيف(هبط من لوطو بعدماا وصل لوسط لقصر...خرج كيتمشى ب هدوء رغم العافية لي شاعلة فيه لداخل ):دير لي قدرتي عليه...مستحيل ندوز ليك داكشي لي درتي ف بنتي...نتا مكتستحقهاش،ونتا عارف مزيان هادشي وعمرها غادي تكون ل شيطان فحالك..
زيدان(كيضضرب فلفولون):غادي تكون لياا...برب حتى غادي تكون ليااا ،غادي نديهااا من حداك ا جوزيف و مغادي تقدر دير وااالوو
جوزيف(شاف بلقيس جايا كتجري لجيهتو و قطع لمكالمة خلى زيدان قريب يخرج ليه عقلو)
بلقيس:جوزيف ....
جوزييف (كيحاول يهدنها وهو حالتو كتر منها):تهدني ا بلقيس...
بلقيس(شدات ليه ف يديه و كلهت كترعد ):نتهدن !كي غادي ندير نتهدن...قريب يخرج لياا عقلي.. دير شي حل ا جوزيف ..
جوزيف(تمشى قدامها):اناا عندي لحل
بلقيس(تبعاتو كتجري  للداخل ):شنو هو لحل!! (سكتات لمدة و نطقات)لاا ...لااا كيمكنش يكون داكشي لي فبالي...نتاا مستحيل تخليها تقتل داكشي لي فكرشهاا..
جوزيف:مكاينش شي حل أخر...مغاديش نخلي ولدو يعيش وسطنا...حيت معمرناا غادي نتهناو منو...
بلقيس(كتمشي وتجي شادة ف راسها):الله يا ربي شهادشي طاح فوق راسنااا...لاا لاا ميمكنش نقتلو روح..جنين صغير ماعندو حتى ذنب فهادشي...
جوزيف(وقف معصب):وشنو ذنب بنتي هااا...شنو ذنبهاا باقاا صغيرة نحملها مسؤولية كبر منهاا و معندها فيها حتى ذنب ...
بلقيس(گلسات على ركابيها فلأرض بعدما شداتها الدوخة):حرام هادشي اجوزيف ..حرام تقتل روح بريئة معندها حتى شي ذنب
جوزيف(تخطاها و معوالش يسمع لهدرتها بتاتًا)